Ẹzra 10
10
Ogbiighi ịlo okunughi oophinighan rꞌạbudi úḍighi bụo aJu
1Ịdipho Ẹzra azuman bọ rạaḅereghi esomanan Otu Ịiḅereghi phọ ramoghi kụ raatuma ịkaraph phọ ịphen, aḍiboom aḍita ạbuo Ịzirel — lephiri, nmạriir rꞌịbam ạnmuny, uukpomoghan ni okitonom nyọdi romoghi yogh egey emoghi. 2Pọ kụ amem dị aSekanaya ọony ạJehiel ọpo ọto Ilam, ạḅeni Ẹzra mọ, “Yira mọka omeeraam rꞌẸnaan esi ophin aruuruen ạnmariir, kụ ghạlamo ịduon phọ ni, oḍuom ologhi ạḅile ni odianaan Ịzirel. 3Nyịidipho yira ọmoogh ọkaraghi oguanaan Ẹnaan phọ ayira mọ yira koporogh yogh ni nmạriir phọ ạbuen rꞌạnmuny phọ ạbidi ọḍua. Yoor koḍighi ni tọrobo ịlo nạ rꞌạbueri phọ ạbuphe oghueni bọ ịtooghi Ẹnaan phọ uroma bọ iyoor oḍighi. Yoor koḍighi ni ịpe Ologh Ẹnaan phọ rạwa bọ. 4Ịphen edi esi ạna oḍighi. Yoor odi ni ọman ạna; esi ịduon phọ kịa risigh kụ ạmiin mọ oḍighi ni.”
5Esi ịduon phọ, ẹḅel ịyaar dị Ẹzra aḍighi — ọkpaariom mọ abuḍiemiom ariil ạrikia phọ rꞌạbuo aLivai phọ oghunya mọ bụno koḍighi ni ịpe aSekanaya magbiighi bọ. 6Pọ kụ esi dị ọdi ạḍua sịphe esomanan Otu Ịiḅereghi phọ ạghi ologhi asimarugh aJehohanan ọony Eliasib, kụ ạrol sịphe ḍughul phọ akururu iboom esi ẹ́moogh omeeraam mọ ạbuphe ọḍua bọ iiruen ạramha origheel. Ọdi eḍien ólhe, ịyaar ọ́phughol.
7Adom ịghi ni oomo aJeruselem rꞌaJuda mọ oomo ạbuphe mọḍua bọ iiruen ạramha origheel kookpomoghan sịphe Jeruselem 8esi ịto abuḍiemiom awe phọ. Eru mạar dị oye ạrol dị úmeera útu esi ịraar aḍughul-otu, oomo aruphua ọdi kobum ni ọsighe kụ ọdi katoph ni elhiom ọdi oḍighi ọlo ẹmha phọ. 9Esi ịraar aḍughul-otu phọ, ḍio dị emuneniom ịyaldi esi ụnwanyu dị amuneniom esugha, oomo alephiri phọ orugh bọ sịphe ade phọ aJuda rꞌạBenjamin oru ẹpe Jeruselem kụ ookpomoghan sịphe erugh Otu phọ. Ạkaraghi ni rạloph iboom kụ loor esi aḍio phọ rꞌephigh ookpomoghan phọ tọrobo oye akpereghaan ni.
10Ẹzra oyil ạrikia phọ ạmeera ni kụ ạḅaanaan bịdi. Ọdi ạḅem: “Nyina ị́moogh omeeraam kụ mẹsighe apum ẹngo Ịzirel esi ophinogh aruuruen ạnmariir. 11Nyịidipho, iituma ịkaraph anyina esi Ọmoogh-we Ẹnaan ạburude ạburude phọ anyina, kụ eḍighi ịpe ẹḅeeraan bọ nyọdi. Ịgbatanaan siloor anyina esi aruuruen phọ orugh bọ sịen ade phọ ayira kụ ephorogh yogh ruuruen ạnmariir phọ anyina.”
12Awe phọ ọlo kụ ọphagharanaan, “Yoor koḍighi ni tọrobo ịlo nạ ạḅem.” 13Kụ bịdi ọḅaram, “Aḍita phọ ẹbugh ẹpughan kụ ọlophia rạloph ni iboom. Yoor kọ́meera sịen ephoghoghoony phọ. Ẹphen kị́yaar dị koḍighi esi aḍiniin mꞌịyal aḍughul-otu, ịdi eḍighi bọ ịbadi ayoor odi ni esi ịkaraph phọ ịphen. 14Meera ạbuo ịtooghi phọ ayoor ọrol sịen Jeruselem kụ ọpham ọghaaph phọ. Reten, meera tọrobo ọlo ạmoogh ooruen ạnir aru mem dị ogu, ọḅaram rꞌabuḍiemiom mọ rꞌabuugboom ịiruen ịsiphe ẹmha phọ ọdi. Ịduon phọ kụ ẹdi ọghagh ologhi Ẹnaan esi ạdol phọ ạḍien kakunian.” 15Awe dị ọgbagharan igbiighi phọ ụ́tol emuton ạJonatan ọony Ạsahel rꞌaJazeya ọony aTikva, bụdi uḍighan Mesulam rꞌaSabetai ọlo kꞌaLivai.
16Bụphe ọḍua bọ iiruen ạramha phọ origheel omeeraam ogbi phọ. Esi ịduon phọ Ẹzra oyil ạrikia phọ ạson we amitiom sịphe ogbo aruwo ẹmhu aropolo phọ kụ ạge siḍien ạbidi. Ḍịḅel aḍughul-otu ụnwanyu phọ ọpo amuneniom bọ ḍioph phọ bịdi omiigh oḅiligha ophogh, 17kụ esi ịpheri phọ ịraar ụnwanyu phọ bịdi oḅiligha ophogh oomo asighiton awe dị ọpham ruuruen ạnmariir.
Awe phọ ọpham bọ ruuruen ạnmariir phọ
18Ḍịen kụ ạḍikool awe phọ ạbuphe ọpham bọ ruuruen ạnmariir phọ:
Ạbupinyon rịkia, ọge ọtuan ropolo:
Opolo aJosua rꞌabumor ọdi, ạnmuny ạJehozadak: Maaseya, Eliezer, Jarib, rꞌaGedalaya. 19Bịdi uguanaan ọgbaranaan ạnmariir phọ ạbidi, kụ bịdi ọphighiron odughuna ịdipho ẹkia ẹlo ịkaraph ạbidi.
20Opolo Imer: Hanani rꞌạZebadaya
21Opolo Harim: Maaseya, Ilaija, Semaya, Jẹhiel, rꞌUzaya
22Opolo aPashur: Elioenai, Maaseya, Ịsmael, Nẹtanel, Jọzabad, rꞌElasa
23Ạbuo aLivai: Jọzabad, Simei, Kelaya (ọḅile ghan oghol mọ aKelita), Petahaya, Juda, rꞌEliezer
24Ạbuo ạsuor rꞌareephegh: Eliasib
Abukoriom Otu phọ: Salum, Telem rꞌUri
25Ạbunon: Opolo aParos: Ramaya, Iziya, Malkaija, Mijamin, Ẹliazar, Malkija, rꞌaBenaya
26Opolo Ilam: Matanaya, Zẹkaraya, Jẹhiel, Abdi, Jeremot, rꞌIlaija
27Opolo aZatu: Elioenai, Eliasib, Matanaya, Jeremot, Zabad, rꞌAziza
28Opolo aBebai: Jehohanan, Hananaya, Zabai, rꞌAtlai
29Opolo aBani: Mesulam, Maluk, Adaya, Jashub, Sial, rꞌaJeremot
30Opolo aPahat Mọab: Ạnda, Kelal, Benaya, Maaseya, Matanaya, Bẹzalel, Binui, rꞌạManase
31-32Opolo aHarim: Eliezer, Isija, Malkaija, Semaya, Sịmion, Bẹnjamin, Maluk, rꞌaSemaraya
33Opolo aHasum: Matenai, Matata, Zabad, Elifelet, Jeremai, Mạnase, rꞌaSimei
34-37Opolo aBani: Maadai, Ạmram, Ụel, Benaya, Bedeya, Keluhi, Vanaya, Meremot, Eliasib, Matanaya, Matenai, rꞌaJaasu
38-42Opolo aBinui: Simei, Selemaya, Netan, Adaya, Maknadebai, Sasai, Sarai, Ạzarel, Selemaya, Semaraya, Salum, Amaraya, rꞌạJosef
43Opolo aNebo: Jẹyel, Matitaya, Zabad, Zebina, Jadai, Joel, rꞌaBenaya
44Oomo awe phọ ạbuen ụmoogh ruuruen ạnmariir. Bịdi ụgbaranaan bịdi kụ oḍighi ịdi bịdi rꞌạnmuny ạbidi ọḍua.
Currently Selected:
Ẹzra 10: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ẹzra 10
10
Ogbiighi ịlo okunughi oophinighan rꞌạbudi úḍighi bụo aJu
1Ịdipho Ẹzra azuman bọ rạaḅereghi esomanan Otu Ịiḅereghi phọ ramoghi kụ raatuma ịkaraph phọ ịphen, aḍiboom aḍita ạbuo Ịzirel — lephiri, nmạriir rꞌịbam ạnmuny, uukpomoghan ni okitonom nyọdi romoghi yogh egey emoghi. 2Pọ kụ amem dị aSekanaya ọony ạJehiel ọpo ọto Ilam, ạḅeni Ẹzra mọ, “Yira mọka omeeraam rꞌẸnaan esi ophin aruuruen ạnmariir, kụ ghạlamo ịduon phọ ni, oḍuom ologhi ạḅile ni odianaan Ịzirel. 3Nyịidipho yira ọmoogh ọkaraghi oguanaan Ẹnaan phọ ayira mọ yira koporogh yogh ni nmạriir phọ ạbuen rꞌạnmuny phọ ạbidi ọḍua. Yoor koḍighi ni tọrobo ịlo nạ rꞌạbueri phọ ạbuphe oghueni bọ ịtooghi Ẹnaan phọ uroma bọ iyoor oḍighi. Yoor koḍighi ni ịpe Ologh Ẹnaan phọ rạwa bọ. 4Ịphen edi esi ạna oḍighi. Yoor odi ni ọman ạna; esi ịduon phọ kịa risigh kụ ạmiin mọ oḍighi ni.”
5Esi ịduon phọ, ẹḅel ịyaar dị Ẹzra aḍighi — ọkpaariom mọ abuḍiemiom ariil ạrikia phọ rꞌạbuo aLivai phọ oghunya mọ bụno koḍighi ni ịpe aSekanaya magbiighi bọ. 6Pọ kụ esi dị ọdi ạḍua sịphe esomanan Otu Ịiḅereghi phọ ạghi ologhi asimarugh aJehohanan ọony Eliasib, kụ ạrol sịphe ḍughul phọ akururu iboom esi ẹ́moogh omeeraam mọ ạbuphe ọḍua bọ iiruen ạramha origheel. Ọdi eḍien ólhe, ịyaar ọ́phughol.
7Adom ịghi ni oomo aJeruselem rꞌaJuda mọ oomo ạbuphe mọḍua bọ iiruen ạramha origheel kookpomoghan sịphe Jeruselem 8esi ịto abuḍiemiom awe phọ. Eru mạar dị oye ạrol dị úmeera útu esi ịraar aḍughul-otu, oomo aruphua ọdi kobum ni ọsighe kụ ọdi katoph ni elhiom ọdi oḍighi ọlo ẹmha phọ. 9Esi ịraar aḍughul-otu phọ, ḍio dị emuneniom ịyaldi esi ụnwanyu dị amuneniom esugha, oomo alephiri phọ orugh bọ sịphe ade phọ aJuda rꞌạBenjamin oru ẹpe Jeruselem kụ ookpomoghan sịphe erugh Otu phọ. Ạkaraghi ni rạloph iboom kụ loor esi aḍio phọ rꞌephigh ookpomoghan phọ tọrobo oye akpereghaan ni.
10Ẹzra oyil ạrikia phọ ạmeera ni kụ ạḅaanaan bịdi. Ọdi ạḅem: “Nyina ị́moogh omeeraam kụ mẹsighe apum ẹngo Ịzirel esi ophinogh aruuruen ạnmariir. 11Nyịidipho, iituma ịkaraph anyina esi Ọmoogh-we Ẹnaan ạburude ạburude phọ anyina, kụ eḍighi ịpe ẹḅeeraan bọ nyọdi. Ịgbatanaan siloor anyina esi aruuruen phọ orugh bọ sịen ade phọ ayira kụ ephorogh yogh ruuruen ạnmariir phọ anyina.”
12Awe phọ ọlo kụ ọphagharanaan, “Yoor koḍighi ni tọrobo ịlo nạ ạḅem.” 13Kụ bịdi ọḅaram, “Aḍita phọ ẹbugh ẹpughan kụ ọlophia rạloph ni iboom. Yoor kọ́meera sịen ephoghoghoony phọ. Ẹphen kị́yaar dị koḍighi esi aḍiniin mꞌịyal aḍughul-otu, ịdi eḍighi bọ ịbadi ayoor odi ni esi ịkaraph phọ ịphen. 14Meera ạbuo ịtooghi phọ ayoor ọrol sịen Jeruselem kụ ọpham ọghaaph phọ. Reten, meera tọrobo ọlo ạmoogh ooruen ạnir aru mem dị ogu, ọḅaram rꞌabuḍiemiom mọ rꞌabuugboom ịiruen ịsiphe ẹmha phọ ọdi. Ịduon phọ kụ ẹdi ọghagh ologhi Ẹnaan esi ạdol phọ ạḍien kakunian.” 15Awe dị ọgbagharan igbiighi phọ ụ́tol emuton ạJonatan ọony Ạsahel rꞌaJazeya ọony aTikva, bụdi uḍighan Mesulam rꞌaSabetai ọlo kꞌaLivai.
16Bụphe ọḍua bọ iiruen ạramha phọ origheel omeeraam ogbi phọ. Esi ịduon phọ Ẹzra oyil ạrikia phọ ạson we amitiom sịphe ogbo aruwo ẹmhu aropolo phọ kụ ạge siḍien ạbidi. Ḍịḅel aḍughul-otu ụnwanyu phọ ọpo amuneniom bọ ḍioph phọ bịdi omiigh oḅiligha ophogh, 17kụ esi ịpheri phọ ịraar ụnwanyu phọ bịdi oḅiligha ophogh oomo asighiton awe dị ọpham ruuruen ạnmariir.
Awe phọ ọpham bọ ruuruen ạnmariir phọ
18Ḍịen kụ ạḍikool awe phọ ạbuphe ọpham bọ ruuruen ạnmariir phọ:
Ạbupinyon rịkia, ọge ọtuan ropolo:
Opolo aJosua rꞌabumor ọdi, ạnmuny ạJehozadak: Maaseya, Eliezer, Jarib, rꞌaGedalaya. 19Bịdi uguanaan ọgbaranaan ạnmariir phọ ạbidi, kụ bịdi ọphighiron odughuna ịdipho ẹkia ẹlo ịkaraph ạbidi.
20Opolo Imer: Hanani rꞌạZebadaya
21Opolo Harim: Maaseya, Ilaija, Semaya, Jẹhiel, rꞌUzaya
22Opolo aPashur: Elioenai, Maaseya, Ịsmael, Nẹtanel, Jọzabad, rꞌElasa
23Ạbuo aLivai: Jọzabad, Simei, Kelaya (ọḅile ghan oghol mọ aKelita), Petahaya, Juda, rꞌEliezer
24Ạbuo ạsuor rꞌareephegh: Eliasib
Abukoriom Otu phọ: Salum, Telem rꞌUri
25Ạbunon: Opolo aParos: Ramaya, Iziya, Malkaija, Mijamin, Ẹliazar, Malkija, rꞌaBenaya
26Opolo Ilam: Matanaya, Zẹkaraya, Jẹhiel, Abdi, Jeremot, rꞌIlaija
27Opolo aZatu: Elioenai, Eliasib, Matanaya, Jeremot, Zabad, rꞌAziza
28Opolo aBebai: Jehohanan, Hananaya, Zabai, rꞌAtlai
29Opolo aBani: Mesulam, Maluk, Adaya, Jashub, Sial, rꞌaJeremot
30Opolo aPahat Mọab: Ạnda, Kelal, Benaya, Maaseya, Matanaya, Bẹzalel, Binui, rꞌạManase
31-32Opolo aHarim: Eliezer, Isija, Malkaija, Semaya, Sịmion, Bẹnjamin, Maluk, rꞌaSemaraya
33Opolo aHasum: Matenai, Matata, Zabad, Elifelet, Jeremai, Mạnase, rꞌaSimei
34-37Opolo aBani: Maadai, Ạmram, Ụel, Benaya, Bedeya, Keluhi, Vanaya, Meremot, Eliasib, Matanaya, Matenai, rꞌaJaasu
38-42Opolo aBinui: Simei, Selemaya, Netan, Adaya, Maknadebai, Sasai, Sarai, Ạzarel, Selemaya, Semaraya, Salum, Amaraya, rꞌạJosef
43Opolo aNebo: Jẹyel, Matitaya, Zabad, Zebina, Jadai, Joel, rꞌaBenaya
44Oomo awe phọ ạbuen ụmoogh ruuruen ạnmariir. Bịdi ụgbaranaan bịdi kụ oḍighi ịdi bịdi rꞌạnmuny ạbidi ọḍua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS