Ẹḍua 36
36
1“ẠBezalel, Oholiab rꞌoomo awe ẹmaar phọ bụphe Ọmoogh-we phọ mạngo bọ ẹmaar ḅịle rꞌọnaghan ạḍughum, bụphe olegheri bọ ịlo oḍighi oomo ạraraar phọ kọloghom bọ Ogbogo Iigbia phọ, oḍighi ni tọrotoro ịyaar ẹdaphan ịpe Ọmoogh-we phọ ạto bọ.”
Awe phọ ọsighe otu ịbadi inmo
2AMozis ạmagh Bẹzalel, Oholiab rꞌoomo ạbueri phọ awe ẹmaar phọ Ọmoogh-we phọ mạngo bọ ịnyaam kụ omeeraam ọlogh ạḍighaagh kụ ạḅeni bịdi mọ omiigh iiḍighi phọ. 3Kụ aMozis ạngo bịdi oomo inmo phọ awe phọ Ịzirel ọsighe bọ oru mọ ọloghom Ogbogo Iigbia phọ. Kụ ọlo awe phọ Ịzirel ụsighe ghan ni inmo phọ ạbidi oruom Mozis tọrotoro ạḍiroor. 4Kụ awe ẹmaar phọ bụphe oḍighi ghan bọ oḍighi phọ 5ọghi ọgba ọḅeni Mozis mọ, “Awe phọ mọngo rạraar phọ opeele ịpe rọwa bọ oḍighinom oḍighi phọ ọpo Ọmoogh-we phọ ạto bọ mọ oḍighi phọ.”
6Kụ iḍighi kụ aMozis ạto mọ ogbeel mọ oye kụ́ngo mun ịyaar ịlo oḍighi Ogbogo Iigbia phọ, kụ awe phọ ụ́sighe mun útu. 7Ịpe mọsighe bọ oru mepeel ọmadanam oomo phọ oḍighi phọ.
Ọlogh Ogbogo Ạdol Ọmoogh-we phọ
(Ẹḍua 26.1-37)
8Awe dị ọkaraghi ọmaar iiḍighi phọ kụ ụlogh bọ Ogbogo Ạdol Ọmoogh-we phọ. Bịdi ụloghom ḍioph arukulha ọyegheyeghe ukpe dị ọkolom ạbiloogh, oodor rꞌọtogh-tọgh ogbidagbida ukpe kụ ọḅile oloom rụukpaany aghuḍuul dị ẹmoogh raphaaph. 9Tọrotoro ekulha iileeny ni, ḍioph rꞌịyal akuḅu ḍịdoony, ḅịle ịyal akuḅu ḍịregh. 10Bịdi ụkol ghan oogh arukulha esi pạ oniin otu ukpe, ọḅile ọtuugh ịdipho oḍighi ịpheri phọ oogh phọ. 11Bịdi ụsighe ukpe dị aḍighi ạbiloogh kụ ọkaghagh ruukuna ekulha ẹpe erugh phọ esi esi phọ. 12Bịdi ụkaghagh ooghdi ariisi ẹḅel ekulha ọḅel otu ukpe phọ ọḅile ọkagh ooghdi ariisi ekulha eekuna omuneniom ịyal otu ukpe phọ. 13Kụ bịdi ọsighe ooghdi ikpo ịkomom agol kụ ọkomoghiom ịyal aruutu ukpe phọ otene nyoniin.
14Kụ bịdi ọsighe ḍioph rꞌoniin arukulha ukpe dị oloom suphuugh ạrutu-ịga kụ ozuom ghan Ogbogo phọ. 15Oomo phọ arukulha phọ iileeny ni, ḍioph rꞌịraar akuḅu ḍịdoony ḅịle ịyal akuḅu ḍịregh. 16Kụ bịdi ọkol oogh arukulha esi ḅịle ịpheri phọ odiiny arukulha phọ ẹnon esi. 17Kụ bịdi ọkagh ooghdi ạruuḅugh ọgbal osughanam ọman ekulha oniin otu ukpe phọ, ḅịle 50 ạruuḅugh ọgbal ọphori phọ otu phọ. 18Kụ bịdi ọsighe ooghdi ikpo ịkomom enaba ọkomoghiom ịyal phọ aruutu ukpe phọ otene nyeniin ekpereghi. 19Kụ bịdi ọlem ịyal ịnon arekpereghi, eniin ozu idughuna dị ogbul ịtogh-tọgh, ẹpheri phọ ozu ạnam ozuom ghan ẹpe erugh phọ.
20Bịdi ụsighe ni oreeny ạkasia ọkaam ịḅagham Ogbogo phọ. 21Tọrotoro ọḅagham ạman ghan inya akuḅu ḍiphoph ḅịle 66 ẹkulom ạḍighaagh ḍịregh, 22rꞌịyal ạsiogho dị eeleeny pịdi otue otulughi ịḅagham mọ. Oomo phọ ịḅagham mọ ẹmoogh ni sịogho phọ. 23Bịdi ụka ịyaldi ịḅagham ịlo ạpakiri esoorom mọ, 24ḅịle inyadi ipoḍi dị oḍighinom silva ịlo ẹpe eeḍian phọ ạbidi, ịyal ipoḍi eeḍian oniin ọḅagham pịdi ẹpam ghan ịyal phọ ịpe ọmeremi bọ. 25Bịdi ụka ịyaldi ịḅagham ịlo ạpakiri ephunom Ogbogo phọ, 26ḅịle inyadi ipoḍi dị oḍighinom silva ịlo ẹpe eeḍian phọ, ịyal ịne eeḍian oniin ọḅagham. 27Ẹpe ọman Ogbogo phọ, ạga phọ ẹpe erumuḍio phọ remeel ghan bọ, bịdi uḍighinaan odiiny ịḅagham, 28ḅịle ịyal ịḅagham ẹrol ịphalagbal phọ. 29Ịḅagham ịpe ọgbal phọ itulan emiigh ude kụ esi ẹpe ạnyu phọ. Ịduon kụ ịdi oḍighi bọ ịyal phọ ịḅagham mọ ẹrol bọ ịphalagbal phọ. 30Kụ iḍighi kụ ẹrol bọ ọphaanya ịḅagham ḅịle rꞌaḍioph rꞌodiiny ipoḍi dị oḍighinom silva ẹrol ẹpe eeḍian phọ, ịyal ịne eeḍian oniin ọḅagham.
31Bịdi ụsighe oreeny ạkasia kụ ọkaam ḍioph rꞌoogh igbonoghineen, oogh ịne ịlo ịḅagham eniin ạḍighaagh Ogbogo phọ, 32oogh ịne ịlo ịḅagham ạḍieri phọ ạḍighaagh phọ, ḅịle oogh ịne ịlo ịḅagham ạga phọ ẹpe erumuḍio phọ remeel ghan bọ ẹpe ebughotu phọ. 33Ogbogoriom mọ ọpo ogbo phọ, ọpo odi bọ ogboku ịḅagham mọ, ạḍua eniin eekuna Ogbogo phọ asi ẹpheri phọ eekuna phọ. 34Bịdi ugbul ịḅagham mọ gol kụ ọḅile ọsighe riigida agol ọphamam igbororiom mọ, dị ogbul aani kẹn gol.
35Bịdi ụsighe ọyegheyeghe ukpe kụ ọkolom ukpe ogbo, kụ oloom ạbiloogh, oodor, ḅịle rꞌọtogh-tọgh ogbidagbida ukpe kụ ọḅile ọdamaghi oogho ạruukpaany aghuḍuul dị ẹmoogh raphaaph. 36Bịdi ụsighe oreeny ạkasia dị ogbul gol kụ ạmoogh ịkomom agol kụ ogim inya ạroko dị ẹpham bọ ukpe ogbo phọ. Ẹpe ade phọ ipoḍi dị ẹpham bọ rọko phọ uḍighinom silva. 37Ọnhu-aḍibuo Ogbogo phọ bịdi ụkpo ọyegheyeghe ukpe ogbo dị oloom ạbiloogh, oodor, ḅịle rꞌọtogh-tọgh ogbidagbida ukpe dị olo ọnighemi. 38Esi ọkpo ukpe ogbo phọ, bịdi ugim oogh ạroko dị ẹmoogh ịkomom kụ ogbul gol. Ẹpe ade phọ oogh phọ ạroko phọ iḍighi enaba.
Currently Selected:
Ẹḍua 36: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ẹḍua 36
36
1“ẠBezalel, Oholiab rꞌoomo awe ẹmaar phọ bụphe Ọmoogh-we phọ mạngo bọ ẹmaar ḅịle rꞌọnaghan ạḍughum, bụphe olegheri bọ ịlo oḍighi oomo ạraraar phọ kọloghom bọ Ogbogo Iigbia phọ, oḍighi ni tọrotoro ịyaar ẹdaphan ịpe Ọmoogh-we phọ ạto bọ.”
Awe phọ ọsighe otu ịbadi inmo
2AMozis ạmagh Bẹzalel, Oholiab rꞌoomo ạbueri phọ awe ẹmaar phọ Ọmoogh-we phọ mạngo bọ ịnyaam kụ omeeraam ọlogh ạḍighaagh kụ ạḅeni bịdi mọ omiigh iiḍighi phọ. 3Kụ aMozis ạngo bịdi oomo inmo phọ awe phọ Ịzirel ọsighe bọ oru mọ ọloghom Ogbogo Iigbia phọ. Kụ ọlo awe phọ Ịzirel ụsighe ghan ni inmo phọ ạbidi oruom Mozis tọrotoro ạḍiroor. 4Kụ awe ẹmaar phọ bụphe oḍighi ghan bọ oḍighi phọ 5ọghi ọgba ọḅeni Mozis mọ, “Awe phọ mọngo rạraar phọ opeele ịpe rọwa bọ oḍighinom oḍighi phọ ọpo Ọmoogh-we phọ ạto bọ mọ oḍighi phọ.”
6Kụ iḍighi kụ aMozis ạto mọ ogbeel mọ oye kụ́ngo mun ịyaar ịlo oḍighi Ogbogo Iigbia phọ, kụ awe phọ ụ́sighe mun útu. 7Ịpe mọsighe bọ oru mepeel ọmadanam oomo phọ oḍighi phọ.
Ọlogh Ogbogo Ạdol Ọmoogh-we phọ
(Ẹḍua 26.1-37)
8Awe dị ọkaraghi ọmaar iiḍighi phọ kụ ụlogh bọ Ogbogo Ạdol Ọmoogh-we phọ. Bịdi ụloghom ḍioph arukulha ọyegheyeghe ukpe dị ọkolom ạbiloogh, oodor rꞌọtogh-tọgh ogbidagbida ukpe kụ ọḅile oloom rụukpaany aghuḍuul dị ẹmoogh raphaaph. 9Tọrotoro ekulha iileeny ni, ḍioph rꞌịyal akuḅu ḍịdoony, ḅịle ịyal akuḅu ḍịregh. 10Bịdi ụkol ghan oogh arukulha esi pạ oniin otu ukpe, ọḅile ọtuugh ịdipho oḍighi ịpheri phọ oogh phọ. 11Bịdi ụsighe ukpe dị aḍighi ạbiloogh kụ ọkaghagh ruukuna ekulha ẹpe erugh phọ esi esi phọ. 12Bịdi ụkaghagh ooghdi ariisi ẹḅel ekulha ọḅel otu ukpe phọ ọḅile ọkagh ooghdi ariisi ekulha eekuna omuneniom ịyal otu ukpe phọ. 13Kụ bịdi ọsighe ooghdi ikpo ịkomom agol kụ ọkomoghiom ịyal aruutu ukpe phọ otene nyoniin.
14Kụ bịdi ọsighe ḍioph rꞌoniin arukulha ukpe dị oloom suphuugh ạrutu-ịga kụ ozuom ghan Ogbogo phọ. 15Oomo phọ arukulha phọ iileeny ni, ḍioph rꞌịraar akuḅu ḍịdoony ḅịle ịyal akuḅu ḍịregh. 16Kụ bịdi ọkol oogh arukulha esi ḅịle ịpheri phọ odiiny arukulha phọ ẹnon esi. 17Kụ bịdi ọkagh ooghdi ạruuḅugh ọgbal osughanam ọman ekulha oniin otu ukpe phọ, ḅịle 50 ạruuḅugh ọgbal ọphori phọ otu phọ. 18Kụ bịdi ọsighe ooghdi ikpo ịkomom enaba ọkomoghiom ịyal phọ aruutu ukpe phọ otene nyeniin ekpereghi. 19Kụ bịdi ọlem ịyal ịnon arekpereghi, eniin ozu idughuna dị ogbul ịtogh-tọgh, ẹpheri phọ ozu ạnam ozuom ghan ẹpe erugh phọ.
20Bịdi ụsighe ni oreeny ạkasia ọkaam ịḅagham Ogbogo phọ. 21Tọrotoro ọḅagham ạman ghan inya akuḅu ḍiphoph ḅịle 66 ẹkulom ạḍighaagh ḍịregh, 22rꞌịyal ạsiogho dị eeleeny pịdi otue otulughi ịḅagham mọ. Oomo phọ ịḅagham mọ ẹmoogh ni sịogho phọ. 23Bịdi ụka ịyaldi ịḅagham ịlo ạpakiri esoorom mọ, 24ḅịle inyadi ipoḍi dị oḍighinom silva ịlo ẹpe eeḍian phọ ạbidi, ịyal ipoḍi eeḍian oniin ọḅagham pịdi ẹpam ghan ịyal phọ ịpe ọmeremi bọ. 25Bịdi ụka ịyaldi ịḅagham ịlo ạpakiri ephunom Ogbogo phọ, 26ḅịle inyadi ipoḍi dị oḍighinom silva ịlo ẹpe eeḍian phọ, ịyal ịne eeḍian oniin ọḅagham. 27Ẹpe ọman Ogbogo phọ, ạga phọ ẹpe erumuḍio phọ remeel ghan bọ, bịdi uḍighinaan odiiny ịḅagham, 28ḅịle ịyal ịḅagham ẹrol ịphalagbal phọ. 29Ịḅagham ịpe ọgbal phọ itulan emiigh ude kụ esi ẹpe ạnyu phọ. Ịduon kụ ịdi oḍighi bọ ịyal phọ ịḅagham mọ ẹrol bọ ịphalagbal phọ. 30Kụ iḍighi kụ ẹrol bọ ọphaanya ịḅagham ḅịle rꞌaḍioph rꞌodiiny ipoḍi dị oḍighinom silva ẹrol ẹpe eeḍian phọ, ịyal ịne eeḍian oniin ọḅagham.
31Bịdi ụsighe oreeny ạkasia kụ ọkaam ḍioph rꞌoogh igbonoghineen, oogh ịne ịlo ịḅagham eniin ạḍighaagh Ogbogo phọ, 32oogh ịne ịlo ịḅagham ạḍieri phọ ạḍighaagh phọ, ḅịle oogh ịne ịlo ịḅagham ạga phọ ẹpe erumuḍio phọ remeel ghan bọ ẹpe ebughotu phọ. 33Ogbogoriom mọ ọpo ogbo phọ, ọpo odi bọ ogboku ịḅagham mọ, ạḍua eniin eekuna Ogbogo phọ asi ẹpheri phọ eekuna phọ. 34Bịdi ugbul ịḅagham mọ gol kụ ọḅile ọsighe riigida agol ọphamam igbororiom mọ, dị ogbul aani kẹn gol.
35Bịdi ụsighe ọyegheyeghe ukpe kụ ọkolom ukpe ogbo, kụ oloom ạbiloogh, oodor, ḅịle rꞌọtogh-tọgh ogbidagbida ukpe kụ ọḅile ọdamaghi oogho ạruukpaany aghuḍuul dị ẹmoogh raphaaph. 36Bịdi ụsighe oreeny ạkasia dị ogbul gol kụ ạmoogh ịkomom agol kụ ogim inya ạroko dị ẹpham bọ ukpe ogbo phọ. Ẹpe ade phọ ipoḍi dị ẹpham bọ rọko phọ uḍighinom silva. 37Ọnhu-aḍibuo Ogbogo phọ bịdi ụkpo ọyegheyeghe ukpe ogbo dị oloom ạbiloogh, oodor, ḅịle rꞌọtogh-tọgh ogbidagbida ukpe dị olo ọnighemi. 38Esi ọkpo ukpe ogbo phọ, bịdi ugim oogh ạroko dị ẹmoogh ịkomom kụ ogbul gol. Ẹpe ade phọ oogh phọ ạroko phọ iḍighi enaba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS