Ẹḍua 3
3
Ẹnaan ẹmagh Mozis
1Eniin aḍio dị aMozis odi rapogh ghan ịga rꞌạrutu-ịga aJetro ọyogo phọ ọdi, oyil ạrikia phọ ẹpe eelhe ạMidian, kụ ọdi ạpham ḍita ịga phọ arelhiom ẹpe ạḍieri phọ ạḍighaagh ẹdala phọ, ạghi asi Sainai eegum mọ Ẹnaan. 2#Iiḍ 7.30-34Sịphe kụ ẹdi ọokpaany Ọmoogh-we phọ amitenaan egaan nyọdi ịdipho anem ạnian loor ọnuza ẹpe ekpu eḍum mọ, kụ ọdi aphogh kụ ạmiin ịdi ạnian phọ reemor ghan, kụ eḍum mọ íle. 3AMozis ạḅemom ologhi mọ, “Ịphen phọ iikia ni. Iḍighi ika kụ ạnian phọ íle bọ eḍum mọ? Mị katuman ni kụ apogh.”
4Mem dị Ọmoogh-we phọ ạmiin bọ Mozis dị ratu kakpekian, kụ Ẹnaan ẹmagh nyọdi sịphe ogbo ekpu eḍum mọ, “Mozis, Mozis.”
Kụ ọdi ạmeera mọ, “Ii, mị odi ni sịen.” 5Ẹnaan ẹḅeni nyọdi mọ, “Kạ́kar mun akpekian. Kpọronaan rokoro phọ ạna, ịdi eḍighi bọ esi phọ nạ ạmeera bọ ade iigbia. 6Mị kụ Ẹnaan ạburude ạburude ạna, Ẹnaan phọ Ebraham rꞌẠizik rꞌạJekob.” AMozis apukian ghisigh ọdi, ịdi eḍighi bọ ọdi aghiilaan ni ophogh Ẹnaan.
7Kụ Ọmoogh-we phọ ạḅeni nyọdi mọ, “Mị mạkaraghi ạmiin ịminimiin awe phọ ạmi odi bọ ẹpe Ijipt. Mị mạnaghan emoghi phọ ạbidi esi ịpe awe phọ rọmiine bọ bịdi. Mị alegheri ni ịminimiin phọ ạbidi, 8kụ mị maru ọtagharan ạbidi ḍịghaagh ạbuo Ijipt phọ, rꞌọsighe ạbidi ọḍuanam sịphe ade phọ ạḍiphe, rꞌọsighe ạbidi ọghi ḍiiḅi ade dị ẹetool rꞌọninom, de dị ạmamaam ạnam, rꞌẹnuum aḍiowo kụ rekilogh, ẹpe aKenanait rꞌạHitait rꞌẠmorait rꞌạPerezait rꞌaHivait rꞌaJebusait phọ odi ghan bọ nyịidipho. 9Nyịidipho nạghan, emoghi phọ awe phọ Ịzirel meru ịteeny ịmi, kụ mị mạmiin ịpe ạbuo Ijipt phọ rọkpiloghom bọ bịdi. 10Tue, nyịidipho, mị karom nyịna mọ kịa ạteeny ọdaam eelhe phọ Ijipt ẹrol dị nạ aḍiemiom nmụny phọ ạmi, we phọ Ịzirel, ạsighe sịphe Ijipt.”
11AMozis apuru Ẹnaan mọ, “Mịna ạnhian kụ kạki kꞌọdaam mọ ạsighe we phọ Ịzirel ạḍuanam ẹpe Ijipt?”
12Kụ Ẹnaan ẹḅeni nyọdi mọ, “Mị kạtolan ni rꞌạna. Ẹphen kụ keḍighi eḍeenaan nyịna mọ mị kụ urom nyịna: mem dị nạ mạsighe we phọ sịphe Ijipt ạḍuanam, nạ kạaḅereghi ghan Ẹnaan sịen eegum mọ ẹphen.”
13 #
Ẹḍua 6.2, 3 AMozis apuru Ẹnaan mọ, “Eru mạar dị mị ạteeny nmụny phọ Ịzirel kụ mị ạḅeni bịdi mọ ‘Ẹnaan ạburude ạburude phọ anyina kụ irom ịmi mọ mị utu ịteeny inyina,’ kụ bịdi upuru ịmi mọ, ‘Ḍien ọdi ughol ika?’ Mị kạḅeni ika?”
14 #
Ogon 1.4, 8 Ẹnaan ẹḅeni Mozis mọ, “Mị phọ kụ Ạmi phọ. Ịduon kụ ịdi nạ kạḅeni bịdi. Ọpo aḍien phọ eḍighi bọ Ạmi ni kụ urom bọ ịmi oru ọteeny anyina. 15Ḅẹni we phọ Ịzirel mọ Ọmoogh-we phọ, Ẹnaan ạburude ạburude phọ anyina, Ẹnaan phọ Ebraham rꞌẠizik rꞌạJekob, kụ urom bọ ịmi oru ọteeny anyina. Ḍịen kụ aḍien ạmi kꞌagee-pọ, kụ ḍịen phọ kụ ạḍidi kọsighe ghan ụutughianam ịmi. 16Kịa aakpomoghi oomo ikumoor awe phọ Ịzirel eniin esi kụ ạḅeni bịdi mọ, ‘Ọmoogh-we, Ẹnaan ạburude ạburude phọ anyina, Ẹnaan phọ Ebraham rꞌẠizik rꞌạJekob, kụ amite egaan esi ạmi, kụ ụḅeni ịmi mọ ọno maru ni iphogh inyina ạmiin ịpe awe phọ Ijipt rịkpilighiom bọ inyina. 17Kụ mị mạḅem ni mọ mị katu ịsighe inyina esi ịminimiin phọ ạbuo Ijipt rịmiine bọ inyina, ịsighe inyina ạḍuanam ạsighe ạki ẹpe eelhe phọ ạbuo aKenanait rꞌạHitait rꞌẠmorait rꞌạPerezait rꞌaHivait rꞌaJebusait phọ, asiemi de ẹetool rꞌọninom, de dị ạmamaam ạnam rꞌẹnuum aḍiowo rekil.’
18“Awe phọ ạmi kọnaghanan ni nyịna, kụ nạ rꞌikumoor awe phọ Ịzirel ẹki ẹteeny ọdaam eelhe phọ Ijipt, kụ ẹḅeni nyọdi mọ, ‘Ọmoogh-we phọ, Ẹnaan phọ awe phọ aHibru, kụ aru ụteeny iyoor, kụ nyịidipho yoor rọoḅereghi ni nyịna mọ seseeny, meera yoor ọghi erelhe ịraar aḍughul-otu oḍigh ẹpe ẹdala phọ oḍighi yogh rạraar aghuḍum ọngo Ọmoogh-we Ẹnaan ayoor.’ 19Kụ mị alegheri ni mọ ọdaam eelhe phọ Ijipt kámeera mọ nyina ẹghi, emuton lọ ọkpaariom. 20Kụ mị kaḍeenaan ni ịikpo phọ ạmi kụ ạliom bụo Ijipt reten oḍighi aḍiigu sịphe ogbo phọ ạbidi bịn ọdi kameera ni nyina ẹghi.
21 #
Ẹḍua 12.35, 36 “Mị kaḍighi ịdi awe phọ Ijipt kọlogh nyịna eghuan ẹrol dị, mem lọ awe phọ ạmi ọḍua, bịdi kókeel rꞌoopho ạraghaagh. 22Oomo ạnmariir ạbuo Ịzirel kọki ghan kꞌạnmariir amatuman phọ ạbidi rꞌạnmariir lọ orugh kꞌạbidi ọlom iinmenian rꞌạraraar odoghoḍian lọ ọlemom gol rꞌasilva. Awe phọ Ịzirel kodoghoḍi rạraar phọ ịphen lephiri ạnmuny rꞌạnmanyaan ạbidi kụ ọbonyi ruphua Ijipt ọsighiogh.”
Currently Selected:
Ẹḍua 3: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ẹḍua 3
3
Ẹnaan ẹmagh Mozis
1Eniin aḍio dị aMozis odi rapogh ghan ịga rꞌạrutu-ịga aJetro ọyogo phọ ọdi, oyil ạrikia phọ ẹpe eelhe ạMidian, kụ ọdi ạpham ḍita ịga phọ arelhiom ẹpe ạḍieri phọ ạḍighaagh ẹdala phọ, ạghi asi Sainai eegum mọ Ẹnaan. 2#Iiḍ 7.30-34Sịphe kụ ẹdi ọokpaany Ọmoogh-we phọ amitenaan egaan nyọdi ịdipho anem ạnian loor ọnuza ẹpe ekpu eḍum mọ, kụ ọdi aphogh kụ ạmiin ịdi ạnian phọ reemor ghan, kụ eḍum mọ íle. 3AMozis ạḅemom ologhi mọ, “Ịphen phọ iikia ni. Iḍighi ika kụ ạnian phọ íle bọ eḍum mọ? Mị katuman ni kụ apogh.”
4Mem dị Ọmoogh-we phọ ạmiin bọ Mozis dị ratu kakpekian, kụ Ẹnaan ẹmagh nyọdi sịphe ogbo ekpu eḍum mọ, “Mozis, Mozis.”
Kụ ọdi ạmeera mọ, “Ii, mị odi ni sịen.” 5Ẹnaan ẹḅeni nyọdi mọ, “Kạ́kar mun akpekian. Kpọronaan rokoro phọ ạna, ịdi eḍighi bọ esi phọ nạ ạmeera bọ ade iigbia. 6Mị kụ Ẹnaan ạburude ạburude ạna, Ẹnaan phọ Ebraham rꞌẠizik rꞌạJekob.” AMozis apukian ghisigh ọdi, ịdi eḍighi bọ ọdi aghiilaan ni ophogh Ẹnaan.
7Kụ Ọmoogh-we phọ ạḅeni nyọdi mọ, “Mị mạkaraghi ạmiin ịminimiin awe phọ ạmi odi bọ ẹpe Ijipt. Mị mạnaghan emoghi phọ ạbidi esi ịpe awe phọ rọmiine bọ bịdi. Mị alegheri ni ịminimiin phọ ạbidi, 8kụ mị maru ọtagharan ạbidi ḍịghaagh ạbuo Ijipt phọ, rꞌọsighe ạbidi ọḍuanam sịphe ade phọ ạḍiphe, rꞌọsighe ạbidi ọghi ḍiiḅi ade dị ẹetool rꞌọninom, de dị ạmamaam ạnam, rꞌẹnuum aḍiowo kụ rekilogh, ẹpe aKenanait rꞌạHitait rꞌẠmorait rꞌạPerezait rꞌaHivait rꞌaJebusait phọ odi ghan bọ nyịidipho. 9Nyịidipho nạghan, emoghi phọ awe phọ Ịzirel meru ịteeny ịmi, kụ mị mạmiin ịpe ạbuo Ijipt phọ rọkpiloghom bọ bịdi. 10Tue, nyịidipho, mị karom nyịna mọ kịa ạteeny ọdaam eelhe phọ Ijipt ẹrol dị nạ aḍiemiom nmụny phọ ạmi, we phọ Ịzirel, ạsighe sịphe Ijipt.”
11AMozis apuru Ẹnaan mọ, “Mịna ạnhian kụ kạki kꞌọdaam mọ ạsighe we phọ Ịzirel ạḍuanam ẹpe Ijipt?”
12Kụ Ẹnaan ẹḅeni nyọdi mọ, “Mị kạtolan ni rꞌạna. Ẹphen kụ keḍighi eḍeenaan nyịna mọ mị kụ urom nyịna: mem dị nạ mạsighe we phọ sịphe Ijipt ạḍuanam, nạ kạaḅereghi ghan Ẹnaan sịen eegum mọ ẹphen.”
13 #
Ẹḍua 6.2, 3 AMozis apuru Ẹnaan mọ, “Eru mạar dị mị ạteeny nmụny phọ Ịzirel kụ mị ạḅeni bịdi mọ ‘Ẹnaan ạburude ạburude phọ anyina kụ irom ịmi mọ mị utu ịteeny inyina,’ kụ bịdi upuru ịmi mọ, ‘Ḍien ọdi ughol ika?’ Mị kạḅeni ika?”
14 #
Ogon 1.4, 8 Ẹnaan ẹḅeni Mozis mọ, “Mị phọ kụ Ạmi phọ. Ịduon kụ ịdi nạ kạḅeni bịdi. Ọpo aḍien phọ eḍighi bọ Ạmi ni kụ urom bọ ịmi oru ọteeny anyina. 15Ḅẹni we phọ Ịzirel mọ Ọmoogh-we phọ, Ẹnaan ạburude ạburude phọ anyina, Ẹnaan phọ Ebraham rꞌẠizik rꞌạJekob, kụ urom bọ ịmi oru ọteeny anyina. Ḍịen kụ aḍien ạmi kꞌagee-pọ, kụ ḍịen phọ kụ ạḍidi kọsighe ghan ụutughianam ịmi. 16Kịa aakpomoghi oomo ikumoor awe phọ Ịzirel eniin esi kụ ạḅeni bịdi mọ, ‘Ọmoogh-we, Ẹnaan ạburude ạburude phọ anyina, Ẹnaan phọ Ebraham rꞌẠizik rꞌạJekob, kụ amite egaan esi ạmi, kụ ụḅeni ịmi mọ ọno maru ni iphogh inyina ạmiin ịpe awe phọ Ijipt rịkpilighiom bọ inyina. 17Kụ mị mạḅem ni mọ mị katu ịsighe inyina esi ịminimiin phọ ạbuo Ijipt rịmiine bọ inyina, ịsighe inyina ạḍuanam ạsighe ạki ẹpe eelhe phọ ạbuo aKenanait rꞌạHitait rꞌẠmorait rꞌạPerezait rꞌaHivait rꞌaJebusait phọ, asiemi de ẹetool rꞌọninom, de dị ạmamaam ạnam rꞌẹnuum aḍiowo rekil.’
18“Awe phọ ạmi kọnaghanan ni nyịna, kụ nạ rꞌikumoor awe phọ Ịzirel ẹki ẹteeny ọdaam eelhe phọ Ijipt, kụ ẹḅeni nyọdi mọ, ‘Ọmoogh-we phọ, Ẹnaan phọ awe phọ aHibru, kụ aru ụteeny iyoor, kụ nyịidipho yoor rọoḅereghi ni nyịna mọ seseeny, meera yoor ọghi erelhe ịraar aḍughul-otu oḍigh ẹpe ẹdala phọ oḍighi yogh rạraar aghuḍum ọngo Ọmoogh-we Ẹnaan ayoor.’ 19Kụ mị alegheri ni mọ ọdaam eelhe phọ Ijipt kámeera mọ nyina ẹghi, emuton lọ ọkpaariom. 20Kụ mị kaḍeenaan ni ịikpo phọ ạmi kụ ạliom bụo Ijipt reten oḍighi aḍiigu sịphe ogbo phọ ạbidi bịn ọdi kameera ni nyina ẹghi.
21 #
Ẹḍua 12.35, 36 “Mị kaḍighi ịdi awe phọ Ijipt kọlogh nyịna eghuan ẹrol dị, mem lọ awe phọ ạmi ọḍua, bịdi kókeel rꞌoopho ạraghaagh. 22Oomo ạnmariir ạbuo Ịzirel kọki ghan kꞌạnmariir amatuman phọ ạbidi rꞌạnmariir lọ orugh kꞌạbidi ọlom iinmenian rꞌạraraar odoghoḍian lọ ọlemom gol rꞌasilva. Awe phọ Ịzirel kodoghoḍi rạraar phọ ịphen lephiri ạnmuny rꞌạnmanyaan ạbidi kụ ọbonyi ruphua Ijipt ọsighiogh.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS