Ẹḍua 28
28
Ibura ariil ạrikia
(Ẹḍua 39.1-7)
1“Mạgh umor phọ ạna Eeron ḅịle rꞌạnmuny phọ ọdi, Nạdab, Abihu, Ẹliazar rꞌItamar bịdi osi. Gbạtan bịdi rꞌawe phọ Ịzirel pịdi bịdi oḍighi riil ạrikia ạmi. 2Kọlonaan ibura ariil ạrikia ạngo umor phọ ạna Eeron esi ọngo ọdi rughuenian rꞌẹnighe. 3Mạgh oomo awe lọ mị mạsephom ẹmaar-iiḍighi ạḍighaagh ạḅeni bịdi okol ibura phọ Eeron, pịdi ọmeremi nyọdi aḍighi oyil ạrikia ạmi. 4Ḅẹni bịdi ọkol ọsuaram ekpologhi, ạsuoma iikpera ạraghaagh, oguragura rꞌolhooneen ạrusuoma, eghoony ḅịle rꞌonyoraam. Bịdi ọkol ibura ariil ạrikia phọ ọngo umor phọ ạna Eeron rꞌạnmuny phọ ọdi, pịdi bịdi oḍighi riil ạrikia ạmi. 5Awe ẹmaar-iiḍighi ạḍighaagh phọ ọsighe abiloogh, oodor, ḅịle rꞌọtogh-tọgh ogbidagbida ukpe, iri agol, ḅịle rꞌọyegheyeghe ukpe kụ ọkolom.
6“Bịdi ọkolom ạsuoma iikpera ạraghaagh phọ abiloogh, oodor, ḅịle rꞌọtogh-tọgh ogbidagbida ukpe, iri agol, ḅịle rꞌọyegheyeghe ukpe dị olho ịnme. 7Ẹlogh ịyal ịkpapham sịphe ọogaany phọ. 8Itulom sịphe ạsuoma iikpera ạraghaagh phọ okuughaam dị ọmaar olho. 9Sịghe ịyal ạrana ọniks kụ ạge ạnyu ạrana phọ siḍien aḍioph rꞌịyal ạnmuny phọ ạJekob, 10dạph ikumoor kụ ạge odiiny ạbuno esi ḅịle odiiny ạbueri phọ esi. 11Tom oye ẹmaar lọ rạlem ghan gol kụ ọdi ạge ạnyu ạrana phọ siḍien ạnmuny phọ ạJekob, kụ ạḅam rạna phọ edama agol. 12Ọdaphari ạnyu ọpha ạsuoma iikpera ạraghaagh ẹmeera enye aḍioph rꞌịyal arughunughun phọ Ịzirel. Ịduon phọ pọ Eeron katool siḍien phọ ạbidi ạnyu ọpha ạsuoma iikpera ạraghaagh ọdi, pịdi mị Ọmoogh-we phọ ạatughian ghan weye phọ ạmi. 13Sịghe gol ạlemom ịyal aradama, 14rꞌịyal ikoli dị ọlemom ogey agol dị ọphur kụ ạkpoom radama phọ.
Ọsuaram ekpologhi phọ
(Ẹḍua 39.8-21)
15“Kọl ọsuaram ekpologhi lọ ogbogh oyil ạrikia phọ kalegheriom ghan igbiighi phọ Ẹnaan. Kọlom iniin phọ arukpe phọ ọkolom bọ iikpera ạrusuoma phọ ạḅile alho eniin phọ elhoom mọ. 16Inya phọ aruukuna phọ eeleeny kụ okpo ịyal amem, 22 ẹkulom ạḍighaagh ḍịdoony ḅịle 22 ẹkulom ạḍighaagh ḍịregh. 17Kọol inya ạsikool ịikia ikpo ạrana ạnyu phọ; ạḍiḅel ạḍikool phọ eḍighi rubi, topaz rꞌaganet; 18ḍịkool dị emuneniom ịyal eḍighi ẹmerald, sạfair rꞌạdayamon; 19ḍịkool dị emuneniom ịraar eḍighi tọkuos, ạget rꞌametist; 20ḍịkool dị emuneniom inya eḍighi bẹril, ikpo ẹbe rꞌạjaspa. Ịphen phọ kọḅam ạnyu edama agol. 21Tọrotoro ẹna esi aḍioph rꞌịyal phọ ẹmoogh ghan ḍien oniin ọony phọ ạJekob dị ọge, ọmeera enye arughunughun phọ Ịzirel. 22Ịlo ọsuaram ekpologhi phọ, sịghe ogey agol kụ ạkpa ịdipho oḍigh. 23Sịghe gol ạlemom ịyal arokoro kụ ạkpo ẹpe aruukuna ạnyu ọsuaram ekpologhi phọ 24kụ ạkpoom ịyal phọ iḍigh agol phọ ịyal phọ ariigida phọ. 25Sịghe ịpheri phọ ịyal aruukuna oḍigh phọ ạkpoom ịyal aradama phọ kụ ạsighe bịdi atulom risigh ạrapha ạsuoma iikpera ạraghaagh phọ. 26Kụ ạsighe gol ạkaam ịyal ariigida kụ ạsighe ạkpoom ruukuna ẹpe ude ọsuaram ekpologhi phọ eekuna ẹpe ologhi phọ ạsuoma iikpera ạraghaagh phọ. 27Sịghe gol ạkaam ịnon ịyal ariigida ạkpoom ẹpe ude arisigh ịyal ạrupha ạsuoma iikpera ạraghaagh phọ atumeniom sịphe okpo bọ olho ḅịle epelom okuughaam mọ ọmaar bọ olho. 28Sịghe oḍigh lọ aḍighi ạbiloogh ạḅar riigida ọsuaram ekpologhi phọ rꞌariigida ạsuoma iikpera ạraghaagh phọ ạkagh, pịdi ọsuaram ekpologhi phọ ạtol ạnyu okuughaam mọ bịn kạ́katanu.
29“Mem lọ Eeron aḍigh Dọl Iigbia phọ, ọdi kạkpologhian ọsuaram ekpologhi phọ ọphon ọge bọ siḍien arughunughun phọ Ịzirel, pịdi mị Ọmoogh-we phọ ạatughian ghan weye phọ ạmi. 30#Igb 27.21; Dut 33.8; Ẹzra 2.63; Nehe 7.65Lọgh Urim rꞌaTumim mọ sịphe ọsuaram ekpologhi phọ, pịdi Eeron ạpam ghan mem lọ ọdi ratu egbodo iigbia phọ ạmi. Ọdo amem mọ ạmuen ọdi ạmoogh ọkpologhian ghan ọsuaram ekpologhi phọ ọphon, pịdi ọdi atue ghan alegheri igbiighi phọ ạmi ịlo awe phọ Ịzirel.
Ịnon ibura ariil ạrikia phọ
(Ẹḍua 39.22-31)
31“Ọodoony ạsuoma phọ odi bọ ạnyu ạsuoma iikpera ạraghaagh phọ aḍighi ogbidagbida ạbiloogh ukpe bịn. 32Ạmoogh ni orum lọ ẹmhu oye keḍigh, ḅịle orum ạsuoma ọmaar olho ịlo kẹ́paaru. 33-34Oomo aruukuna phọ okitonom ẹpe ade phọ kpọoghi rughuuny ekpetughe dị oḍighinom ọyegheyeghe ukpe ḅịle rꞌạbiloogh, oodor, ḅịle rꞌọtogh-tọgh ogbidagbida ukpe, kụ apelegha ghan ạkpooghi rạraar dị ẹghigh ikpo ịdeneneen agol. 35Eeron ạkpologhian ghan ạsuoma phọ ọphon mem lọ ọdi rạpinyon rịkia. Mem lọ ọdi ratu egbodo ạmi sịphe Ạdol Iigbia phọ mụghumo ọdi rạḍua sịphe phọ, kọnaghan ghan ni ḍịaḅa ịdeneneen phọ, bịn ọdi kámugh.
36“Sịghe ogey agol kụ ạlemom ịnme mọ ‘Mọḅogh ọngo Ọmoogh-we phọ.’ 37Sịghe oḍigh ạbiloogh kụ ạkagham ịphen phọ sịphe arisigh eghoony phọ. 38Eeron azua ghan sịphe elhor phọ ọdi, pịdi mị Ọmoogh-we phọ ạle ghan oomo ạrikia lọ awe phọ Ịzirel ụngo ịmi, ghạlamo awe phọ ụpioman ni esi ẹphighironom mọ.
39“Sịghe ọyegheyeghe ukpe kụ ạkolonaan ibura Eeron, rꞌeghoony ḅịle rꞌonyoraam dị ọnighemiom ịma elhoom.
40“Kọl ibura, inyoraam rꞌịbam aroghoony ạngo nmụny phọ Eeron, esi ọngo ạbidi ẹnighe rꞌarughuenian. 41Bur ibura phọ ịphen umor phọ ạna Eeron rꞌạnmuny phọ ọdi, kụ ạsighe mụnum-ọliv ạsagharan rụmhu ạbidi esi odeneghi ạbidi ọḅogh ọngo, pịdi bịdi oḍighi riil ạrikia ạmi. 42Sịghe ọyegheyeghe ukpe ạkolonaan bịdi sinika dị ẹḍua esin esi rụgbo ọbo bịdi kọtol ghan bọ ẹdaḅa. 43Eeron rꞌạnmuny phọ ọdi ọmoogh oonmenan ghan ịphen phọ mem lọ bịdi roḍigh Ogbogo Ạdol phọ ạmi mụghumo rotuman enmeny ạrikia phọ sịphe Ạdol Iigbia phọ, ọbo komugh ghan bọ mọ ọtuan eeghe kụ ọdi ẹdaḅa. Ọphon phọ ologh ọnyo Eeron rꞌẹemara ẹemara ọdi kꞌagee-pọ.
Currently Selected:
Ẹḍua 28: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ẹḍua 28
28
Ibura ariil ạrikia
(Ẹḍua 39.1-7)
1“Mạgh umor phọ ạna Eeron ḅịle rꞌạnmuny phọ ọdi, Nạdab, Abihu, Ẹliazar rꞌItamar bịdi osi. Gbạtan bịdi rꞌawe phọ Ịzirel pịdi bịdi oḍighi riil ạrikia ạmi. 2Kọlonaan ibura ariil ạrikia ạngo umor phọ ạna Eeron esi ọngo ọdi rughuenian rꞌẹnighe. 3Mạgh oomo awe lọ mị mạsephom ẹmaar-iiḍighi ạḍighaagh ạḅeni bịdi okol ibura phọ Eeron, pịdi ọmeremi nyọdi aḍighi oyil ạrikia ạmi. 4Ḅẹni bịdi ọkol ọsuaram ekpologhi, ạsuoma iikpera ạraghaagh, oguragura rꞌolhooneen ạrusuoma, eghoony ḅịle rꞌonyoraam. Bịdi ọkol ibura ariil ạrikia phọ ọngo umor phọ ạna Eeron rꞌạnmuny phọ ọdi, pịdi bịdi oḍighi riil ạrikia ạmi. 5Awe ẹmaar-iiḍighi ạḍighaagh phọ ọsighe abiloogh, oodor, ḅịle rꞌọtogh-tọgh ogbidagbida ukpe, iri agol, ḅịle rꞌọyegheyeghe ukpe kụ ọkolom.
6“Bịdi ọkolom ạsuoma iikpera ạraghaagh phọ abiloogh, oodor, ḅịle rꞌọtogh-tọgh ogbidagbida ukpe, iri agol, ḅịle rꞌọyegheyeghe ukpe dị olho ịnme. 7Ẹlogh ịyal ịkpapham sịphe ọogaany phọ. 8Itulom sịphe ạsuoma iikpera ạraghaagh phọ okuughaam dị ọmaar olho. 9Sịghe ịyal ạrana ọniks kụ ạge ạnyu ạrana phọ siḍien aḍioph rꞌịyal ạnmuny phọ ạJekob, 10dạph ikumoor kụ ạge odiiny ạbuno esi ḅịle odiiny ạbueri phọ esi. 11Tom oye ẹmaar lọ rạlem ghan gol kụ ọdi ạge ạnyu ạrana phọ siḍien ạnmuny phọ ạJekob, kụ ạḅam rạna phọ edama agol. 12Ọdaphari ạnyu ọpha ạsuoma iikpera ạraghaagh ẹmeera enye aḍioph rꞌịyal arughunughun phọ Ịzirel. Ịduon phọ pọ Eeron katool siḍien phọ ạbidi ạnyu ọpha ạsuoma iikpera ạraghaagh ọdi, pịdi mị Ọmoogh-we phọ ạatughian ghan weye phọ ạmi. 13Sịghe gol ạlemom ịyal aradama, 14rꞌịyal ikoli dị ọlemom ogey agol dị ọphur kụ ạkpoom radama phọ.
Ọsuaram ekpologhi phọ
(Ẹḍua 39.8-21)
15“Kọl ọsuaram ekpologhi lọ ogbogh oyil ạrikia phọ kalegheriom ghan igbiighi phọ Ẹnaan. Kọlom iniin phọ arukpe phọ ọkolom bọ iikpera ạrusuoma phọ ạḅile alho eniin phọ elhoom mọ. 16Inya phọ aruukuna phọ eeleeny kụ okpo ịyal amem, 22 ẹkulom ạḍighaagh ḍịdoony ḅịle 22 ẹkulom ạḍighaagh ḍịregh. 17Kọol inya ạsikool ịikia ikpo ạrana ạnyu phọ; ạḍiḅel ạḍikool phọ eḍighi rubi, topaz rꞌaganet; 18ḍịkool dị emuneniom ịyal eḍighi ẹmerald, sạfair rꞌạdayamon; 19ḍịkool dị emuneniom ịraar eḍighi tọkuos, ạget rꞌametist; 20ḍịkool dị emuneniom inya eḍighi bẹril, ikpo ẹbe rꞌạjaspa. Ịphen phọ kọḅam ạnyu edama agol. 21Tọrotoro ẹna esi aḍioph rꞌịyal phọ ẹmoogh ghan ḍien oniin ọony phọ ạJekob dị ọge, ọmeera enye arughunughun phọ Ịzirel. 22Ịlo ọsuaram ekpologhi phọ, sịghe ogey agol kụ ạkpa ịdipho oḍigh. 23Sịghe gol ạlemom ịyal arokoro kụ ạkpo ẹpe aruukuna ạnyu ọsuaram ekpologhi phọ 24kụ ạkpoom ịyal phọ iḍigh agol phọ ịyal phọ ariigida phọ. 25Sịghe ịpheri phọ ịyal aruukuna oḍigh phọ ạkpoom ịyal aradama phọ kụ ạsighe bịdi atulom risigh ạrapha ạsuoma iikpera ạraghaagh phọ. 26Kụ ạsighe gol ạkaam ịyal ariigida kụ ạsighe ạkpoom ruukuna ẹpe ude ọsuaram ekpologhi phọ eekuna ẹpe ologhi phọ ạsuoma iikpera ạraghaagh phọ. 27Sịghe gol ạkaam ịnon ịyal ariigida ạkpoom ẹpe ude arisigh ịyal ạrupha ạsuoma iikpera ạraghaagh phọ atumeniom sịphe okpo bọ olho ḅịle epelom okuughaam mọ ọmaar bọ olho. 28Sịghe oḍigh lọ aḍighi ạbiloogh ạḅar riigida ọsuaram ekpologhi phọ rꞌariigida ạsuoma iikpera ạraghaagh phọ ạkagh, pịdi ọsuaram ekpologhi phọ ạtol ạnyu okuughaam mọ bịn kạ́katanu.
29“Mem lọ Eeron aḍigh Dọl Iigbia phọ, ọdi kạkpologhian ọsuaram ekpologhi phọ ọphon ọge bọ siḍien arughunughun phọ Ịzirel, pịdi mị Ọmoogh-we phọ ạatughian ghan weye phọ ạmi. 30#Igb 27.21; Dut 33.8; Ẹzra 2.63; Nehe 7.65Lọgh Urim rꞌaTumim mọ sịphe ọsuaram ekpologhi phọ, pịdi Eeron ạpam ghan mem lọ ọdi ratu egbodo iigbia phọ ạmi. Ọdo amem mọ ạmuen ọdi ạmoogh ọkpologhian ghan ọsuaram ekpologhi phọ ọphon, pịdi ọdi atue ghan alegheri igbiighi phọ ạmi ịlo awe phọ Ịzirel.
Ịnon ibura ariil ạrikia phọ
(Ẹḍua 39.22-31)
31“Ọodoony ạsuoma phọ odi bọ ạnyu ạsuoma iikpera ạraghaagh phọ aḍighi ogbidagbida ạbiloogh ukpe bịn. 32Ạmoogh ni orum lọ ẹmhu oye keḍigh, ḅịle orum ạsuoma ọmaar olho ịlo kẹ́paaru. 33-34Oomo aruukuna phọ okitonom ẹpe ade phọ kpọoghi rughuuny ekpetughe dị oḍighinom ọyegheyeghe ukpe ḅịle rꞌạbiloogh, oodor, ḅịle rꞌọtogh-tọgh ogbidagbida ukpe, kụ apelegha ghan ạkpooghi rạraar dị ẹghigh ikpo ịdeneneen agol. 35Eeron ạkpologhian ghan ạsuoma phọ ọphon mem lọ ọdi rạpinyon rịkia. Mem lọ ọdi ratu egbodo ạmi sịphe Ạdol Iigbia phọ mụghumo ọdi rạḍua sịphe phọ, kọnaghan ghan ni ḍịaḅa ịdeneneen phọ, bịn ọdi kámugh.
36“Sịghe ogey agol kụ ạlemom ịnme mọ ‘Mọḅogh ọngo Ọmoogh-we phọ.’ 37Sịghe oḍigh ạbiloogh kụ ạkagham ịphen phọ sịphe arisigh eghoony phọ. 38Eeron azua ghan sịphe elhor phọ ọdi, pịdi mị Ọmoogh-we phọ ạle ghan oomo ạrikia lọ awe phọ Ịzirel ụngo ịmi, ghạlamo awe phọ ụpioman ni esi ẹphighironom mọ.
39“Sịghe ọyegheyeghe ukpe kụ ạkolonaan ibura Eeron, rꞌeghoony ḅịle rꞌonyoraam dị ọnighemiom ịma elhoom.
40“Kọl ibura, inyoraam rꞌịbam aroghoony ạngo nmụny phọ Eeron, esi ọngo ạbidi ẹnighe rꞌarughuenian. 41Bur ibura phọ ịphen umor phọ ạna Eeron rꞌạnmuny phọ ọdi, kụ ạsighe mụnum-ọliv ạsagharan rụmhu ạbidi esi odeneghi ạbidi ọḅogh ọngo, pịdi bịdi oḍighi riil ạrikia ạmi. 42Sịghe ọyegheyeghe ukpe ạkolonaan bịdi sinika dị ẹḍua esin esi rụgbo ọbo bịdi kọtol ghan bọ ẹdaḅa. 43Eeron rꞌạnmuny phọ ọdi ọmoogh oonmenan ghan ịphen phọ mem lọ bịdi roḍigh Ogbogo Ạdol phọ ạmi mụghumo rotuman enmeny ạrikia phọ sịphe Ạdol Iigbia phọ, ọbo komugh ghan bọ mọ ọtuan eeghe kụ ọdi ẹdaḅa. Ọphon phọ ologh ọnyo Eeron rꞌẹemara ẹemara ọdi kꞌagee-pọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS