Ẹḍua 12
12
Ọphel otene phọ
1 #
Lịv 23.5; Igb 9.1-5; 28.16; Dut 16.1, 2 Ọmoogh-we phọ ạḅeni Mozis rꞌEeron pạ ade phọ Ijipt mọ, 2“Ụnwanyu phọ ọphon kụ kaḍighi ọḅel ụnwanyu ạlha phọ esi anyina. 3Kạaph ạḅeni ookpomoghan oomo awe phọ Ịzirel mọ, ‘Ḍio phọ kemuneniom bọ ḍioph aḍughul-otu ụnwanyu phọ ọphon, oye ye kạsaḅar ghan ọony oyool-ọga mꞌọony ạtu-ọga ẹlo eghunotu ọdi. 4Eru mạar dị ọto kꞌọdi oghom dị kótue ọba ekpom ẹnam ọman, pọ odi rꞌamatuman ọdi otue ni odian eniin ẹnam dị keeleeny rꞌọnhu awe phọ lọ bịdi kọba ọman. 5Nyina etue ni ẹsaḅar odughuna mꞌekpe lọ ẹman lhạ kụ íḍigh egha. 6Kụ dulhe aḍio phọ kemuneniom bọ ḍioph rꞌinya aḍughul-otu ụnwanyu phọ aḍita ookpomoghan oomo awe phọ Ịzirel kọzeeghi ịnam mọ. 7Kụ awe phọ ọsighe ịnum ịḅaal phọ ogbulogh rụnhu-aḍibuo phọ rꞌạnyu arughuugh aruutu phọ bịdi kọtol bọ ọba ịnam mọ. 8Ḍughul phọ ạḍiphe ịpophoghi ni ịnam mọ kụ elhiom ịikiripha eghiḍim, rꞌạbred dị yist ụ́logh. 9Kẹ́ba imoom ḅịle kẹ́sa, ịba ịphophoghineen oomo phọ ọdi ẹḅaram ẹmhu phọ rꞌaruwol phọ rꞌịlo ọkuruḅaka phọ. 10Késugheeny rꞌọpherepe tụtu ẹḅaal ḍịroor; eḍighi ịyaar dị esugha ẹnum, pọ ịlogh nịan. 11Ile elhom elhom. Ịkparamian rukpe anyina, edoghoḍian rokoro ruwol anyina, ẹpham ịkpara phọ anyina ḍịghaagh ẹnyia ọghi erelhe. Ẹphen phọ ẹyaal ọphel otene ọngo ạmi Ọmoogh-we phọ rughuenian.
12“‘Ḍughul phọ ạḍiphe mị katelhe ạḅeeny Ijipt, ạzeeghi oomo ịkpana ạnmuny phọ Ijipt, we rꞌịnam. Mị kasophonaan oomo ạrumugh phọ Ijipt ọoruen. Mị kụ Ọmoogh-we phọ. 13Ịḅaal phọ ogbulogh bọ rụnhu-aḍibuo phọ keḍighi elegh dị keḍeenaan ruutu phọ ịpe nyina erughogh bọ. Mem lọ mị ạmiin ịḅaal phọ, mị kitenom ni inyina. Mị inyina ịyaar kíḍighi mem dị mị rạliom we phọ Ijipt. 14#Ẹḍua 23.15; 34.18; Lịv 23.6-8; Igb 28.17-25; Dut 16.3-8Ịitughian ghan ịphen mị Ọmoogh-we phọ maḍighi bọ, eeko ghan ḍio phọ ạḍien eḍighi ẹyaal ọotughianam oghiil atum oghiil kꞌagee-pọ.’”
Ẹyaal ạbred dị yist ụ́logh
15Ọmoogh-we phọ ạḅem mọ, “Esi oḍual aḍughul-otu nyina ạbred dị oḍighinom yist kéle. Ile ghan ọlo yist úḍighinom bịn. Ḍịḅel aḍughul-otu phọ, ịsighiogh yist sịphe aruutu phọ anyina. Oye lọ ale ạbred dị ọlogh yist emiigh kꞌạḍiḅel aḍughul-otu phọ kụ esiemi oḍual aḍughul-otu phọ, pọ itoph nyọdi ogbeph emutonaan nyọdi esi awe Ịzirel. 16Ḍịḅel aḍio phọ rꞌạḍiphe emuneniom bọ oḍual phọ ịpam ghan ookpomoghan iigbia. Riiḍio phọ ịpe phọ oḍighi kụ́tol emuton ọsa eḍien. 17Ịpamanam olhe ẹyaal ạbred dị yist ụ́logh, ịdi eḍighi bọ aḍio phọ ạḍiphe phọ kụ ẹdi mị ịsighe bọ inyina sịphe ade phọ Ijipt ạḍuanam. Esi ịduon phọ iiko ghan ḍio phọ ạḍiphe oomo oghiil phọ anyina, eḍighi eḍighinom ịyaar esi anyina kꞌagee-pọ. 18Emiigh dulhe aḍioph rꞌinya aḍughul-otu tụtu ẹteeny dulhe ịyaldi rꞌoniin aḍughul-otu ọḅel ụnwanyu phọ, kéle ạbred dị oḍighinom yist. 19-20Esi oḍual aḍughul-otu yist kụ́miin iloghi aruutu phọ anyina. Tọrobo ọlo ọmiinom mꞌodi ooruen mꞌọlo ọmar sịphe ẹmha phọ dị alhe ịyaar dị ọlogh yist, pọ kotoph nyọdi ogbeph omutonaan nyọdi esi awe Ịzirel.”
Ẹḅel ẹyaal ọphel otene
21AMozis ạmagh oomo ikumoor awe phọ Ịzirel kụ ạḅeni bịdi mọ, “Tọrobo ọnyo anyina kạsaḅar ọony oyool-ọga mꞌạtu-ọga kụ akiigh ẹrol dị arughunotu phọ anyina olhe ẹyaal ọphel otene phọ. 22Ịsighe ịizughum ạhisop ẹtophori ịḅaal phọ edi bọ sịphe ologhi ạgbagba phọ, kụ egbuloghom rạḅaghaghaam rꞌạnyu eghuugh otu phọ, kụ ẹrol ologhi otu, erugh kémite tụtu ạḍiroor ẹḅaal. 23#Hib 11.28Mem dị Ọmoogh-we phọ arelhe yogh eelhe phọ ọze awe phọ Ijipt, ọdi kạmiin ni ịḅaal phọ sịphe ịḅaghaghaam mọ kụ kámeera mọ ọokpaany aḍuugh phọ aḍigh ruutu phọ anyina ịze inyina. 24Nyina keeko ghan eḍighinom ịyaar phọ ẹphen phọ, nyina rꞌạnmuny anyina, kꞌagee-pọ. 25Mem dị nyina eḍigh de phọ Ọmoogh-we phọ maguanaan bọ ọngo anyina, ịtuugh ịphen phọ eeko ghan. 26Mem lọ ạnmuny anyina ipuru inyina mọ, ‘Ụtuan ika kụ roḍighi ghan bọ ịphen phọ?’ 27ịpagharanaan ghan mọ, ‘Yira rooko ghan ịyaar aghuḍum mọ ẹphen ọotughenam ịpe Ọmoogh-we phọ aḍighi bọ ẹpe Ijipt, mem mọ ọdi ạze bọ we phọ Ijipt kụ atenom bọ ruutu awe Ịzirel.’”
Kụ awe phọ ozumeri rụmhu ạbidi kụ ooseeny Ẹnaan. 28Kụ awe phọ Ịzirel ọghi ọtuugh oḍighi ịdipho Ọmoogh-we phọ ạḅeni bọ Mozis rꞌEeron mọ oḍighi.
Aḍuugh ịkpana ạnmuny phọ
29 #
Ẹḍua 4.22, 23 Ogbo aḍughul kụ Ọmoogh-we phọ asoor ạze oomo ịkpana ạnmuny Ijipt, emiigh ọkpana ọdaam eelhe phọ, ọpo mụtolom bọ ạgada ọdaam mọ ọdi, kụ ẹteeny esi ọkpana oye dị odi ikoli phọ. Oomo ịḅel ạnmuny ịnam mọ ụze kẹn ni. 30Ọdaam eelhe phọ aḅetenu ḍughul phọ, ọdi rꞌoomo abutelhedom mọ ọdi rꞌoomo awe phọ Ijipt, kụ eboom emoghi ileeny ni oomo phọ Ijipt, ịdi eḍighi bọ otu ósugha dị aḍuugh ọḅel ọony ị́tol. 31Ḍughul phọ ạḍiphe phọ ọdi arom ạghiom Mozis rꞌEeron kụ ạḅeni bịdi mọ, “Iḅetenu ẹḍua sịen ogbo awe phọ ạmi, nyina rꞌoomo awe Ịzirel, egheel ekumu Ọmoogh-we phọ, ịdipho nyina ẹlhom bọ. 32Ịpamam iyool-ịga phọ rꞌạrutu-ịga phọ rꞌạsinam mọ anyina egheel, kụ ịsuan ni ịmi ogeny ọghor.”
33Awe ạbuo Ijipt phọ ọkpaariom we phọ Ịzirel mọ bịdi oogborion ọḍuaghu sịphe eelhe phọ ạbuno; kụ bịdi ọḅem ghan mọ, “Oomo ayoor komuughu ni eḍighi ịyaar lọ nyina íkeel.” 34Awe phọ Ịzirel ọḅologh ạbred dị yist ụ́logh kụ ọloghoḍi iloghi arokpolokpasi kụ ọsighiogh rukpe ophurughiom yogh, kụ oroologh rụpha ạbidi. 35#Ẹḍua 3.21, 22Kụ bịdi ọtuugh oḍighi ịpe aMozis ạḅeni bọ bịdi; bịdi ọghi ọlomian rạghaagh awe Ijipt iinmenan rꞌạraraar inme dị ọsighe silva rꞌagol kụ oḍighinom. 36Ọmoogh-we phọ aḍighi ni ịdi awe phọ Ijipt ọlogh bịdi eghuan, kụ ọngaani yogh bịdi rạraar phọ ịpe bịdi ọlom bọ. Ịdipho kụ ẹdi awe phọ Ịzirel ạanyi ruphua awe phọ Ijipt ọḍuanam.
Awe phọ Ịzirel moḅetenu ọḍua Ijipt
37Awe Ịzirel umiigh ni erelhe owol ade ọḍua Rameses osi Sukot. Alephiri bịn ọkiom ni 600,000, nmụny rꞌạnmariir ụ́loghom. 38Aḍita ạbunon awe rꞌiyool rꞌạrutu-ịga rꞌạsinam ịdapham ni. 39Kụ bịdi ọgbaghaḍi iiḅoghoḍi ạbred phọ yist ụ́logh bọ ịdi eḍighi bọ uphorogh bịdi mọ ọḍua Ijipt ekperenom. Bịdi ụḍua rꞌephirighan, úukoroghian rạraar olhe.
40 #
Emi 15.13; Gal 3.17 Awe Ịzirel ọrol bọ Ijipt 430 ạsia. 41Ḍio phọ ekureri bọ 430 ạsia phọ kụ ẹdi oomo arughunughun awe phọ Ịzirel, awe phọ Ọmoogh-we phọ, ọḍua phọ sịphe ade phọ Ijipt. 42Ḍughul phọ ạḍiphe Ọmoogh-we phọ ạrol okori ọsighe ạbidi omitiom ẹpe ade phọ Ijipt. Kụ ọdi ạto ạḅeni bịdi mọ ḍiniin phọ aḍughul phọ ạḍiphe phọ bịdi kọtol ghan ẹ́naani ịlo ọotughianam ịphen phọ oghiil atum oghiil.
Ịinua ọphel otene phọ
43Ọmoogh-we phọ ạḅeni Mozis rꞌEeron mọ, “Ịphen kụ ịinua dị mị ạlogh ịlo eḍien ọphel otene phọ ẹphen. Ooruen kúle ẹyaal phọ ẹphen. 44Tọrobo ẹbene lọ nyina ẹsighe ikpoki kụ eghoom kụ nạ maḍun, pọ ọdi ale ni. 45Ooruen dị kạ́tol abia ḅịle oye lọ ophir oḍighi, kúle. 46#Igb 9.12; Jọn 19.36Ịtol ologhi otu ọsa bọ kụ ele, ị́pam ghan rꞌẹnum ephulupul emitenom erugh; íḅomoghi ghan ịḅarara phọ. 47Oomo ookpomoghan awe phọ Ịzirel kụ olhe ghan ẹyaal phọ ẹphen. 48Eru mạar dị ooruen dị mạrolan rꞌanyina kụ ạwa olhe aani ọphel otene Ọmoogh-we phọ, pọ oomo alephiri ạnmuny ọdi oḍuna yogh kụ agbi oru otuman anyina ooko aani ẹyaal ọphel otene phọ, pọ ọdi maḍighi ọlo ọmar sịphe ade phọ; ọlo úḍuna kúle. 49Ịinua phọ ịphen idianaan inyina ạbuo ẹmha phọ rꞌooruen lọ arughan rꞌanyina.” 50Kụ oomo awe phọ Ịzirel ọtuugh ọdaph ịpe Ọmoogh-we phọ ạḅeni bọ Mozis rꞌEeron oḍighi. 51Ọkaraghi aḍio phọ ạḍiphe kụ ạḍidi Ọmoogh-we phọ ạsighe bọ we phọ Ịzirel amitiom sịphe ade phọ Ijipt.
Currently Selected:
Ẹḍua 12: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ẹḍua 12
12
Ọphel otene phọ
1 #
Lịv 23.5; Igb 9.1-5; 28.16; Dut 16.1, 2 Ọmoogh-we phọ ạḅeni Mozis rꞌEeron pạ ade phọ Ijipt mọ, 2“Ụnwanyu phọ ọphon kụ kaḍighi ọḅel ụnwanyu ạlha phọ esi anyina. 3Kạaph ạḅeni ookpomoghan oomo awe phọ Ịzirel mọ, ‘Ḍio phọ kemuneniom bọ ḍioph aḍughul-otu ụnwanyu phọ ọphon, oye ye kạsaḅar ghan ọony oyool-ọga mꞌọony ạtu-ọga ẹlo eghunotu ọdi. 4Eru mạar dị ọto kꞌọdi oghom dị kótue ọba ekpom ẹnam ọman, pọ odi rꞌamatuman ọdi otue ni odian eniin ẹnam dị keeleeny rꞌọnhu awe phọ lọ bịdi kọba ọman. 5Nyina etue ni ẹsaḅar odughuna mꞌekpe lọ ẹman lhạ kụ íḍigh egha. 6Kụ dulhe aḍio phọ kemuneniom bọ ḍioph rꞌinya aḍughul-otu ụnwanyu phọ aḍita ookpomoghan oomo awe phọ Ịzirel kọzeeghi ịnam mọ. 7Kụ awe phọ ọsighe ịnum ịḅaal phọ ogbulogh rụnhu-aḍibuo phọ rꞌạnyu arughuugh aruutu phọ bịdi kọtol bọ ọba ịnam mọ. 8Ḍughul phọ ạḍiphe ịpophoghi ni ịnam mọ kụ elhiom ịikiripha eghiḍim, rꞌạbred dị yist ụ́logh. 9Kẹ́ba imoom ḅịle kẹ́sa, ịba ịphophoghineen oomo phọ ọdi ẹḅaram ẹmhu phọ rꞌaruwol phọ rꞌịlo ọkuruḅaka phọ. 10Késugheeny rꞌọpherepe tụtu ẹḅaal ḍịroor; eḍighi ịyaar dị esugha ẹnum, pọ ịlogh nịan. 11Ile elhom elhom. Ịkparamian rukpe anyina, edoghoḍian rokoro ruwol anyina, ẹpham ịkpara phọ anyina ḍịghaagh ẹnyia ọghi erelhe. Ẹphen phọ ẹyaal ọphel otene ọngo ạmi Ọmoogh-we phọ rughuenian.
12“‘Ḍughul phọ ạḍiphe mị katelhe ạḅeeny Ijipt, ạzeeghi oomo ịkpana ạnmuny phọ Ijipt, we rꞌịnam. Mị kasophonaan oomo ạrumugh phọ Ijipt ọoruen. Mị kụ Ọmoogh-we phọ. 13Ịḅaal phọ ogbulogh bọ rụnhu-aḍibuo phọ keḍighi elegh dị keḍeenaan ruutu phọ ịpe nyina erughogh bọ. Mem lọ mị ạmiin ịḅaal phọ, mị kitenom ni inyina. Mị inyina ịyaar kíḍighi mem dị mị rạliom we phọ Ijipt. 14#Ẹḍua 23.15; 34.18; Lịv 23.6-8; Igb 28.17-25; Dut 16.3-8Ịitughian ghan ịphen mị Ọmoogh-we phọ maḍighi bọ, eeko ghan ḍio phọ ạḍien eḍighi ẹyaal ọotughianam oghiil atum oghiil kꞌagee-pọ.’”
Ẹyaal ạbred dị yist ụ́logh
15Ọmoogh-we phọ ạḅem mọ, “Esi oḍual aḍughul-otu nyina ạbred dị oḍighinom yist kéle. Ile ghan ọlo yist úḍighinom bịn. Ḍịḅel aḍughul-otu phọ, ịsighiogh yist sịphe aruutu phọ anyina. Oye lọ ale ạbred dị ọlogh yist emiigh kꞌạḍiḅel aḍughul-otu phọ kụ esiemi oḍual aḍughul-otu phọ, pọ itoph nyọdi ogbeph emutonaan nyọdi esi awe Ịzirel. 16Ḍịḅel aḍio phọ rꞌạḍiphe emuneniom bọ oḍual phọ ịpam ghan ookpomoghan iigbia. Riiḍio phọ ịpe phọ oḍighi kụ́tol emuton ọsa eḍien. 17Ịpamanam olhe ẹyaal ạbred dị yist ụ́logh, ịdi eḍighi bọ aḍio phọ ạḍiphe phọ kụ ẹdi mị ịsighe bọ inyina sịphe ade phọ Ijipt ạḍuanam. Esi ịduon phọ iiko ghan ḍio phọ ạḍiphe oomo oghiil phọ anyina, eḍighi eḍighinom ịyaar esi anyina kꞌagee-pọ. 18Emiigh dulhe aḍioph rꞌinya aḍughul-otu tụtu ẹteeny dulhe ịyaldi rꞌoniin aḍughul-otu ọḅel ụnwanyu phọ, kéle ạbred dị oḍighinom yist. 19-20Esi oḍual aḍughul-otu yist kụ́miin iloghi aruutu phọ anyina. Tọrobo ọlo ọmiinom mꞌodi ooruen mꞌọlo ọmar sịphe ẹmha phọ dị alhe ịyaar dị ọlogh yist, pọ kotoph nyọdi ogbeph omutonaan nyọdi esi awe Ịzirel.”
Ẹḅel ẹyaal ọphel otene
21AMozis ạmagh oomo ikumoor awe phọ Ịzirel kụ ạḅeni bịdi mọ, “Tọrobo ọnyo anyina kạsaḅar ọony oyool-ọga mꞌạtu-ọga kụ akiigh ẹrol dị arughunotu phọ anyina olhe ẹyaal ọphel otene phọ. 22Ịsighe ịizughum ạhisop ẹtophori ịḅaal phọ edi bọ sịphe ologhi ạgbagba phọ, kụ egbuloghom rạḅaghaghaam rꞌạnyu eghuugh otu phọ, kụ ẹrol ologhi otu, erugh kémite tụtu ạḍiroor ẹḅaal. 23#Hib 11.28Mem dị Ọmoogh-we phọ arelhe yogh eelhe phọ ọze awe phọ Ijipt, ọdi kạmiin ni ịḅaal phọ sịphe ịḅaghaghaam mọ kụ kámeera mọ ọokpaany aḍuugh phọ aḍigh ruutu phọ anyina ịze inyina. 24Nyina keeko ghan eḍighinom ịyaar phọ ẹphen phọ, nyina rꞌạnmuny anyina, kꞌagee-pọ. 25Mem dị nyina eḍigh de phọ Ọmoogh-we phọ maguanaan bọ ọngo anyina, ịtuugh ịphen phọ eeko ghan. 26Mem lọ ạnmuny anyina ipuru inyina mọ, ‘Ụtuan ika kụ roḍighi ghan bọ ịphen phọ?’ 27ịpagharanaan ghan mọ, ‘Yira rooko ghan ịyaar aghuḍum mọ ẹphen ọotughenam ịpe Ọmoogh-we phọ aḍighi bọ ẹpe Ijipt, mem mọ ọdi ạze bọ we phọ Ijipt kụ atenom bọ ruutu awe Ịzirel.’”
Kụ awe phọ ozumeri rụmhu ạbidi kụ ooseeny Ẹnaan. 28Kụ awe phọ Ịzirel ọghi ọtuugh oḍighi ịdipho Ọmoogh-we phọ ạḅeni bọ Mozis rꞌEeron mọ oḍighi.
Aḍuugh ịkpana ạnmuny phọ
29 #
Ẹḍua 4.22, 23 Ogbo aḍughul kụ Ọmoogh-we phọ asoor ạze oomo ịkpana ạnmuny Ijipt, emiigh ọkpana ọdaam eelhe phọ, ọpo mụtolom bọ ạgada ọdaam mọ ọdi, kụ ẹteeny esi ọkpana oye dị odi ikoli phọ. Oomo ịḅel ạnmuny ịnam mọ ụze kẹn ni. 30Ọdaam eelhe phọ aḅetenu ḍughul phọ, ọdi rꞌoomo abutelhedom mọ ọdi rꞌoomo awe phọ Ijipt, kụ eboom emoghi ileeny ni oomo phọ Ijipt, ịdi eḍighi bọ otu ósugha dị aḍuugh ọḅel ọony ị́tol. 31Ḍughul phọ ạḍiphe phọ ọdi arom ạghiom Mozis rꞌEeron kụ ạḅeni bịdi mọ, “Iḅetenu ẹḍua sịen ogbo awe phọ ạmi, nyina rꞌoomo awe Ịzirel, egheel ekumu Ọmoogh-we phọ, ịdipho nyina ẹlhom bọ. 32Ịpamam iyool-ịga phọ rꞌạrutu-ịga phọ rꞌạsinam mọ anyina egheel, kụ ịsuan ni ịmi ogeny ọghor.”
33Awe ạbuo Ijipt phọ ọkpaariom we phọ Ịzirel mọ bịdi oogborion ọḍuaghu sịphe eelhe phọ ạbuno; kụ bịdi ọḅem ghan mọ, “Oomo ayoor komuughu ni eḍighi ịyaar lọ nyina íkeel.” 34Awe phọ Ịzirel ọḅologh ạbred dị yist ụ́logh kụ ọloghoḍi iloghi arokpolokpasi kụ ọsighiogh rukpe ophurughiom yogh, kụ oroologh rụpha ạbidi. 35#Ẹḍua 3.21, 22Kụ bịdi ọtuugh oḍighi ịpe aMozis ạḅeni bọ bịdi; bịdi ọghi ọlomian rạghaagh awe Ijipt iinmenan rꞌạraraar inme dị ọsighe silva rꞌagol kụ oḍighinom. 36Ọmoogh-we phọ aḍighi ni ịdi awe phọ Ijipt ọlogh bịdi eghuan, kụ ọngaani yogh bịdi rạraar phọ ịpe bịdi ọlom bọ. Ịdipho kụ ẹdi awe phọ Ịzirel ạanyi ruphua awe phọ Ijipt ọḍuanam.
Awe phọ Ịzirel moḅetenu ọḍua Ijipt
37Awe Ịzirel umiigh ni erelhe owol ade ọḍua Rameses osi Sukot. Alephiri bịn ọkiom ni 600,000, nmụny rꞌạnmariir ụ́loghom. 38Aḍita ạbunon awe rꞌiyool rꞌạrutu-ịga rꞌạsinam ịdapham ni. 39Kụ bịdi ọgbaghaḍi iiḅoghoḍi ạbred phọ yist ụ́logh bọ ịdi eḍighi bọ uphorogh bịdi mọ ọḍua Ijipt ekperenom. Bịdi ụḍua rꞌephirighan, úukoroghian rạraar olhe.
40 #
Emi 15.13; Gal 3.17 Awe Ịzirel ọrol bọ Ijipt 430 ạsia. 41Ḍio phọ ekureri bọ 430 ạsia phọ kụ ẹdi oomo arughunughun awe phọ Ịzirel, awe phọ Ọmoogh-we phọ, ọḍua phọ sịphe ade phọ Ijipt. 42Ḍughul phọ ạḍiphe Ọmoogh-we phọ ạrol okori ọsighe ạbidi omitiom ẹpe ade phọ Ijipt. Kụ ọdi ạto ạḅeni bịdi mọ ḍiniin phọ aḍughul phọ ạḍiphe phọ bịdi kọtol ghan ẹ́naani ịlo ọotughianam ịphen phọ oghiil atum oghiil.
Ịinua ọphel otene phọ
43Ọmoogh-we phọ ạḅeni Mozis rꞌEeron mọ, “Ịphen kụ ịinua dị mị ạlogh ịlo eḍien ọphel otene phọ ẹphen. Ooruen kúle ẹyaal phọ ẹphen. 44Tọrobo ẹbene lọ nyina ẹsighe ikpoki kụ eghoom kụ nạ maḍun, pọ ọdi ale ni. 45Ooruen dị kạ́tol abia ḅịle oye lọ ophir oḍighi, kúle. 46#Igb 9.12; Jọn 19.36Ịtol ologhi otu ọsa bọ kụ ele, ị́pam ghan rꞌẹnum ephulupul emitenom erugh; íḅomoghi ghan ịḅarara phọ. 47Oomo ookpomoghan awe phọ Ịzirel kụ olhe ghan ẹyaal phọ ẹphen. 48Eru mạar dị ooruen dị mạrolan rꞌanyina kụ ạwa olhe aani ọphel otene Ọmoogh-we phọ, pọ oomo alephiri ạnmuny ọdi oḍuna yogh kụ agbi oru otuman anyina ooko aani ẹyaal ọphel otene phọ, pọ ọdi maḍighi ọlo ọmar sịphe ade phọ; ọlo úḍuna kúle. 49Ịinua phọ ịphen idianaan inyina ạbuo ẹmha phọ rꞌooruen lọ arughan rꞌanyina.” 50Kụ oomo awe phọ Ịzirel ọtuugh ọdaph ịpe Ọmoogh-we phọ ạḅeni bọ Mozis rꞌEeron oḍighi. 51Ọkaraghi aḍio phọ ạḍiphe kụ ạḍidi Ọmoogh-we phọ ạsighe bọ we phọ Ịzirel amitiom sịphe ade phọ Ijipt.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS