Esta 6
6
Ọdaam mọ akueni aModekai
1Ḍughul aḍio phọ ạḍiphe ọdaam mọ órue ọnaani. Esi ịduon phọ, ọdi ạto ạngo we phọ ọdi mọ ọsighe rịnya phọ ịpe ọge bọ ịlo ịpe emiteghu bọ sịphe eelhe ọda phọ oruom nyịno, ọḅile ạal ọḅeni nyịno. 2Ẹkpigh ịpe bịdi ạal bọ ịḅaram ọghaaph ịlo ezue oghiigh ọdaam mọ aModekai ạwa amitiom, ezue phọ ẹpe aBigtana rꞌaTeres, ịyal aroophoony awe ịsiphe otu ọdaam mọ, omitenom bọ, bụphe okori ghan bọ iisoph ọdaam mọ. 3Ọdaam mọ apuru, “Ika kụ ịdi yira moghueni kụ ọkpe Modekai esi ịphen phọ?”
Abutelhedom mọ ọphagharanaan mọ, “Kőḍighinaan nyọdi ịyaar.”
4Ọdaam mọ apuru mọ, “Rꞌoniin ọlo iiḍighi ạmi odi ni ologhi ogiga phọ ḍụghum?”
Pụruku aHaman aḍigh ni ogiga phọ; ọdi maru ọoḅereghian ọdaam mọ ịlo osin aModekai ạnyu ịsiphe phọ ọka bọ kụ ookolobian oseere ẹlo osinom mọ. 5Esi ịduon phọ abutelhedom mọ ọphagharanaan mọ, “AHaman odi ni sịen rakori ghan ọmiin ạna.” Ọdaam mọ ạḅeni bịdi mọ, “Itorori nyọdi iruom ịmi.”
6AHaman aḍigh ni ologhi kụ ọdaam mọ ạḅeni nyọdi mọ, “Odi ni oniin oye dị mị rạwa ọngo ọkaraghi igey arughuenian. Eeghe kụ ẹdi mị kaḍighinaan oye phọ ọpo?”
AHaman ạatughian sịphe ologhi ọdi, “Nyịidipho ạnhian kụ ẹdi ọdaam mọ rạwa bọ oghueni oomo ịphen? Ạmi ni, iikia ílho.” 7-8Esi ịduon ọdi ạphagharanaan kụ ạḅeni ọdaam mọ mọ, “Tọ mọ ọsighe iinmenan ọdaam ẹmha phọ, oru ọngo oye phọ ọphon — iinmenan ịpe nạ rꞌaloor rạkpologhian ghan bọ. Tọ ọsighe ibura ọdaam ẹmha dị kọkpologhi ạsu phọ ạna. 9Ịphen reten, mạ oniin ogbogh oye eghuan ạna aanmenemi oye phọ ibura phọ ẹphen. Oye phọ ọphon aḍiemiom nyọdi, dị mọrolomi ạnyu ạsu phọ, ạghimom ạḅeenye egbogh erugh ẹmha phọ. Meera oye eghuan phọ agbeel ghan ịdipho bịdi rọki bọ mọ, ‘Ịmiin ịdi ọdaam mọ rạkpe ghan oye dị ọdi rạwa oghueni.’” 10Pọ kụ amem dị ọdaam mọ ạḅeni Haman, “Nụun ạsighe iinmenan rꞌạsu phọ kụ ạngo rughuenian phọ ịphen aModekai ọlo aJu phọ. Ḍighi oomo ạraraar phọ ịpe nạ magbiighi bọ. Nạ kạmiin ni nyọdi dị ạrol ude sịphe eḍighom ogiga ọdaam mọ.”
11AHaman ạghi ni ạmiin iinmenan phọ rꞌạsu phọ, kụ ạsighe iinmenan phọ ạkpologhi aModekai. AModekai aḍigh ạsu phọ kụ aHaman aḍiemiom nyọdi agbeel ghan ạḅeni we phọ ịdipho bịdi rọki bọ kọḅeeny egbogh erugh ẹmha phọ mọ, “Ịmiin ịdi ọdaam mọ rạkpe ghan oye dị ọdi rạwa oghueni.”
12Ịphen phọ reten kụ aModekai aḅula ọman sịphe eḍighom ogiga ọdaam mọ kụ aHaman aagborion agheel kꞌọdi, akpereghi ghisigh ọdi esi iikia rꞌịlo ọḅem. 13Ọdi ạḅeni ạnir ọdi rꞌoomo ạrighiri ọdi oomo ịpe memitenaan bọ nyọdi. Kụ ọdi rꞌạbuo oroma phọ ọdi ọḅeni nyọdi mọ, “Nạ ramiigh oroph ịikpo ọngo aModekai. Ọdi ọlo aJu kụ ạmoogh ịikpo dị epu ịikpo ạna. Ọkaraghi igey ni, ruukuna phọ, ọdi kạkpar ri apu nyịna.”
Aḍuugh phọ aHaman
14Ịduon bịdi odi bọ ni ọḅile rọkaaph, bịn aroophoony awe ogiga ọdaam mọ osi ọnuun ọsighe Haman ọghi ẹpe ẹyaal phọ Esta.
Currently Selected:
Esta 6: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Esta 6
6
Ọdaam mọ akueni aModekai
1Ḍughul aḍio phọ ạḍiphe ọdaam mọ órue ọnaani. Esi ịduon phọ, ọdi ạto ạngo we phọ ọdi mọ ọsighe rịnya phọ ịpe ọge bọ ịlo ịpe emiteghu bọ sịphe eelhe ọda phọ oruom nyịno, ọḅile ạal ọḅeni nyịno. 2Ẹkpigh ịpe bịdi ạal bọ ịḅaram ọghaaph ịlo ezue oghiigh ọdaam mọ aModekai ạwa amitiom, ezue phọ ẹpe aBigtana rꞌaTeres, ịyal aroophoony awe ịsiphe otu ọdaam mọ, omitenom bọ, bụphe okori ghan bọ iisoph ọdaam mọ. 3Ọdaam mọ apuru, “Ika kụ ịdi yira moghueni kụ ọkpe Modekai esi ịphen phọ?”
Abutelhedom mọ ọphagharanaan mọ, “Kőḍighinaan nyọdi ịyaar.”
4Ọdaam mọ apuru mọ, “Rꞌoniin ọlo iiḍighi ạmi odi ni ologhi ogiga phọ ḍụghum?”
Pụruku aHaman aḍigh ni ogiga phọ; ọdi maru ọoḅereghian ọdaam mọ ịlo osin aModekai ạnyu ịsiphe phọ ọka bọ kụ ookolobian oseere ẹlo osinom mọ. 5Esi ịduon phọ abutelhedom mọ ọphagharanaan mọ, “AHaman odi ni sịen rakori ghan ọmiin ạna.” Ọdaam mọ ạḅeni bịdi mọ, “Itorori nyọdi iruom ịmi.”
6AHaman aḍigh ni ologhi kụ ọdaam mọ ạḅeni nyọdi mọ, “Odi ni oniin oye dị mị rạwa ọngo ọkaraghi igey arughuenian. Eeghe kụ ẹdi mị kaḍighinaan oye phọ ọpo?”
AHaman ạatughian sịphe ologhi ọdi, “Nyịidipho ạnhian kụ ẹdi ọdaam mọ rạwa bọ oghueni oomo ịphen? Ạmi ni, iikia ílho.” 7-8Esi ịduon ọdi ạphagharanaan kụ ạḅeni ọdaam mọ mọ, “Tọ mọ ọsighe iinmenan ọdaam ẹmha phọ, oru ọngo oye phọ ọphon — iinmenan ịpe nạ rꞌaloor rạkpologhian ghan bọ. Tọ ọsighe ibura ọdaam ẹmha dị kọkpologhi ạsu phọ ạna. 9Ịphen reten, mạ oniin ogbogh oye eghuan ạna aanmenemi oye phọ ibura phọ ẹphen. Oye phọ ọphon aḍiemiom nyọdi, dị mọrolomi ạnyu ạsu phọ, ạghimom ạḅeenye egbogh erugh ẹmha phọ. Meera oye eghuan phọ agbeel ghan ịdipho bịdi rọki bọ mọ, ‘Ịmiin ịdi ọdaam mọ rạkpe ghan oye dị ọdi rạwa oghueni.’” 10Pọ kụ amem dị ọdaam mọ ạḅeni Haman, “Nụun ạsighe iinmenan rꞌạsu phọ kụ ạngo rughuenian phọ ịphen aModekai ọlo aJu phọ. Ḍighi oomo ạraraar phọ ịpe nạ magbiighi bọ. Nạ kạmiin ni nyọdi dị ạrol ude sịphe eḍighom ogiga ọdaam mọ.”
11AHaman ạghi ni ạmiin iinmenan phọ rꞌạsu phọ, kụ ạsighe iinmenan phọ ạkpologhi aModekai. AModekai aḍigh ạsu phọ kụ aHaman aḍiemiom nyọdi agbeel ghan ạḅeni we phọ ịdipho bịdi rọki bọ kọḅeeny egbogh erugh ẹmha phọ mọ, “Ịmiin ịdi ọdaam mọ rạkpe ghan oye dị ọdi rạwa oghueni.”
12Ịphen phọ reten kụ aModekai aḅula ọman sịphe eḍighom ogiga ọdaam mọ kụ aHaman aagborion agheel kꞌọdi, akpereghi ghisigh ọdi esi iikia rꞌịlo ọḅem. 13Ọdi ạḅeni ạnir ọdi rꞌoomo ạrighiri ọdi oomo ịpe memitenaan bọ nyọdi. Kụ ọdi rꞌạbuo oroma phọ ọdi ọḅeni nyọdi mọ, “Nạ ramiigh oroph ịikpo ọngo aModekai. Ọdi ọlo aJu kụ ạmoogh ịikpo dị epu ịikpo ạna. Ọkaraghi igey ni, ruukuna phọ, ọdi kạkpar ri apu nyịna.”
Aḍuugh phọ aHaman
14Ịduon bịdi odi bọ ni ọḅile rọkaaph, bịn aroophoony awe ogiga ọdaam mọ osi ọnuun ọsighe Haman ọghi ẹpe ẹyaal phọ Esta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS