Esta 1
1
Ukueni-ạnir Vasti ọ́lhogh eegu Zakzis ọdaam mọ
1-2 #
Ẹzra 4.6
AZakzis ọdaam mọ ạrolom ạgada ọdaam eelhe aPasia sịphe ẹkpana ẹmha dị oghol mọ ạSusa kụ ạda oniin okuron rꞌịyaldi rꞌoḍual ạriikpigh areelhe emiigh kꞌẹpe India esi Sụdan.
3Lhạ phọ eḍighi bọ ịraar phọ, ọdi ạamaghagh oomo ạbuo ịtooghi rꞌiiḍighi ọdi mọ oru olhe ẹyaal. Ạbuo ẹgham mọ aPasia rꞌaMedia uukpomoghan ni, ḅịle rꞌạbudaam areelhe rꞌiphigh awe ạriikpigh areelhe phọ. 4Esi odiiny ikpom ạrunwanyu ọdi aḍeenaan bịdi ẹelha ịsiphe ạdol ọda eelhe phọ, oomo ẹnighe rꞌigbogh ọdi.
5Mem dị ịpe eten, ọdaam eelhe phọ alhian ni ẹyaal rꞌoomo awe ịsiphe ẹkpana ẹmha phọ ạSusa, rạalha rꞌarukulom. Ẹyaal phọ ịrol oḍual aḍughul-otu sịphe erugh oghoony ogiga ọdaam mọ. 6Sịphe erugh ogiga phọ ibura phọ iḍighi ịdi ọkpooghiom ghan oḍiil rꞌọphalaḅaal ukpe kụ otulom osophom; ọkpoom ghan ịma oḍigh oḍiil ọyegheyeghe ukpe esi asigulu asilva dị ọde ạnyu asighiigh. Ologhi ogiga phọ usereghi ịidoony ạsigada ọrolom, dị oḍighinom gol rꞌasilva, dị ookpereghiom ịphalaḅaal ipoḍi ạrana, ịtogh-tọgh ịpherepe asighiigh, ikpo ạraraar dị ẹkpar kụ rẹmu, rꞌiiḅoghoḍi ạraraar dị ogbul iḍiil. 7Rimiim mọ ụmeleghiom ghan sịtobili agol, dị ị́ighighighan, kụ ọdaam mọ ạngo ghan miim ọda ọdi tụtu ạpherogh. 8Arimiim mọ imuza ni; ọdaam mọ mạto ạḅeni butelhedom mọ ọdi mọ tọrobo oye ạmoogh ni tọro ịlo ọdi ạwa.
9Mem mọ ọpo phọ, ologhi ogiga phọ, aVasti ukueni-ạnir phọ alian aani ghan ni ẹyaal ẹlo ạnmariir.
10Ḍio dị emuneniom oḍual esi olhe ẹyaal phọ, ọdaam mọ rạpughol kụ ạmoogh ọḅaal ologhi. Esi ịduon phọ ọdi ạmagh oḍual aroophoony awe phọ, bụphe oḍighi bọ butelhedom ọdi mọ oru ologhi otu: Mehuman, Bizta, Habona, Bigta, Abagta, Zetar rꞌaKakas. 11Ọdi ạto ạḅeni bịdi mọ ọghi ọmagh Vasti ukueni-ạnir phọ ọḅeni nyọdi mọ zua eghoony ọda ạgada phọ ọdi aḍigh ologhi otu ạteeny nyịno. Ukueni phọ ạnir dị ạnighe iboom, kụ ọdaam mọ rạwa oḍeenaan eboom ẹnighe phọ ọdi bụo iiḍighi phọ ọdi rꞌoomo ạbuphe ọdi ạamaghagh bọ. 12Kụ mem dị abutelhedom mọ ọḅeni bọ Vasti ịto ọdaam mọ, ọdi ómeera ọghi. Ịphen phọ iḍighi ni ịdi ọdaam mọ ạmoogh oboom ọghagh ologhi.
13Ọdaam mọ rapuru ghan ni ịlo ẹkaraghi eeleeny esi asipuru ịlo ịtooghi rꞌiilogh. Esi ịduon phọ ọdi ạmagh bụo oroma ọdi, bụdi kolegheri ịlo koḍighi. 14Bụphe ọdi agbor ghan bọ akiton asoman ọsighe oroma: aKasena, Setar, Admata, Tasis, Meres, Masena rꞌaMemukan — oḍual ạbuo iiḍighi aPasia rꞌaMedia bụdi ọrologhu riisi eghuan dị epu oomo ịnon sịphe eelhe phọ. 15Ọdi ạḅeni we phọ ạbuen, “Mị aZakzis ọdaam mọ urom butelhedom ạmi ọghi ọto ọngo Vasti ukueni phọ oru ọteeny ạmi, kụ ọdi aghel ọnaghanan ạbidi! Ika kụ ịdi ologh phọ ạḅem ịlo yira koḍighi nyọdi?”
16Pọ kụ amem dị aMemukan ạphagharanaan kụ ạḅeni ọdaam mọ rꞌạbuo iiḍighi phọ ọdi mọ, “Ukueni phọ kőofolomi ọdaam mọ bịn, ạḅaram ni bụo iiḍighi phọ ọdi — esi igey, tọrobo oye sịen eelhe phọ. 17Tọrobo ạnir sịen eelhe phọ kamiigh ophogh ghan olhom mọ ọdi osooromi ẹnum amem dị ọdi kạnaghan bọ ịpe ukueni phọ maḍighi bọ. Bịdi kọḅem mọ, ‘AZakzis ọdaam mọ ạto ạngo Vasti ukueni phọ oru ọteeny ọdi, kụ ọdi ómeera.’ 18Mem dị ạnmariir ạbuo iiḍighi ịsiphe kꞌọdaam eelhe phọ aPasia rꞌaMedia kọnaghan bọ ịpe ạnir ọdaam mọ maḍighi bọ, bịdi kọḅeni ghan burulhom ạbidi ịlo ịphen phọ kụ egbi ọteeny amem dị aḍio phọ kemunughan. Ạnmariir tọrobo ekpisi kọ́logh mun eegu burulhom ạbidi, kụ aburulhom kọmoogh ịghagh iloghi esi ạnmariir ạbidi. 19Eru mạar dị ẹḅeeraan Igbogh Ạna, pọ tọ ịlo ọdaam mọ, mọ aVasti rꞌamem kụ́ḅile mun umite esomanan ọdaam mọ. Tọ mọ ọge ologh sịphe iilogh phọ aPasia rꞌaMedia, ọbo eḍighi mạar dị kọ́ḅile onme. Ịphen phọ reten, ngọ esi phọ ọdi ẹlo ạnir ọdaam mọ ọnon ạnir dị ạnighe apu nyọdi. 20Mem dị molheenye igbeel phọ ạna oomo eboom eelhe phọ ẹphen, tọrobo ạnir kạngo ni olhom ọdi egeny eghuan, mụghumo ọdi ọdaam mꞌuwekulom.”
21Igbiighi phọ ịphen ịḅeeraan ni ọdaam mọ rꞌạbuo iiḍighi phọ ọdi, kụ ọdaam mọ ạtuugh ịpe aMemukan agbiighi bọ aḍighi. 22Ọdi ạghiom dom esi ikpo ọnhu rꞌẹgeom ẹlo ạtorobo ẹkpigh eelhe ọda phọ ọdi kụ ẹḅem ghan mọ tọrobo olhom aḍighi ghan uwo ẹmoogh ọto kꞌọdi kụ ịpe ọdi mạghaaph bọ bịn eḍighi ghan eekuna ịto.
Currently Selected:
Esta 1: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Esta 1
1
Ukueni-ạnir Vasti ọ́lhogh eegu Zakzis ọdaam mọ
1-2 #
Ẹzra 4.6
AZakzis ọdaam mọ ạrolom ạgada ọdaam eelhe aPasia sịphe ẹkpana ẹmha dị oghol mọ ạSusa kụ ạda oniin okuron rꞌịyaldi rꞌoḍual ạriikpigh areelhe emiigh kꞌẹpe India esi Sụdan.
3Lhạ phọ eḍighi bọ ịraar phọ, ọdi ạamaghagh oomo ạbuo ịtooghi rꞌiiḍighi ọdi mọ oru olhe ẹyaal. Ạbuo ẹgham mọ aPasia rꞌaMedia uukpomoghan ni, ḅịle rꞌạbudaam areelhe rꞌiphigh awe ạriikpigh areelhe phọ. 4Esi odiiny ikpom ạrunwanyu ọdi aḍeenaan bịdi ẹelha ịsiphe ạdol ọda eelhe phọ, oomo ẹnighe rꞌigbogh ọdi.
5Mem dị ịpe eten, ọdaam eelhe phọ alhian ni ẹyaal rꞌoomo awe ịsiphe ẹkpana ẹmha phọ ạSusa, rạalha rꞌarukulom. Ẹyaal phọ ịrol oḍual aḍughul-otu sịphe erugh oghoony ogiga ọdaam mọ. 6Sịphe erugh ogiga phọ ibura phọ iḍighi ịdi ọkpooghiom ghan oḍiil rꞌọphalaḅaal ukpe kụ otulom osophom; ọkpoom ghan ịma oḍigh oḍiil ọyegheyeghe ukpe esi asigulu asilva dị ọde ạnyu asighiigh. Ologhi ogiga phọ usereghi ịidoony ạsigada ọrolom, dị oḍighinom gol rꞌasilva, dị ookpereghiom ịphalaḅaal ipoḍi ạrana, ịtogh-tọgh ịpherepe asighiigh, ikpo ạraraar dị ẹkpar kụ rẹmu, rꞌiiḅoghoḍi ạraraar dị ogbul iḍiil. 7Rimiim mọ ụmeleghiom ghan sịtobili agol, dị ị́ighighighan, kụ ọdaam mọ ạngo ghan miim ọda ọdi tụtu ạpherogh. 8Arimiim mọ imuza ni; ọdaam mọ mạto ạḅeni butelhedom mọ ọdi mọ tọrobo oye ạmoogh ni tọro ịlo ọdi ạwa.
9Mem mọ ọpo phọ, ologhi ogiga phọ, aVasti ukueni-ạnir phọ alian aani ghan ni ẹyaal ẹlo ạnmariir.
10Ḍio dị emuneniom oḍual esi olhe ẹyaal phọ, ọdaam mọ rạpughol kụ ạmoogh ọḅaal ologhi. Esi ịduon phọ ọdi ạmagh oḍual aroophoony awe phọ, bụphe oḍighi bọ butelhedom ọdi mọ oru ologhi otu: Mehuman, Bizta, Habona, Bigta, Abagta, Zetar rꞌaKakas. 11Ọdi ạto ạḅeni bịdi mọ ọghi ọmagh Vasti ukueni-ạnir phọ ọḅeni nyọdi mọ zua eghoony ọda ạgada phọ ọdi aḍigh ologhi otu ạteeny nyịno. Ukueni phọ ạnir dị ạnighe iboom, kụ ọdaam mọ rạwa oḍeenaan eboom ẹnighe phọ ọdi bụo iiḍighi phọ ọdi rꞌoomo ạbuphe ọdi ạamaghagh bọ. 12Kụ mem dị abutelhedom mọ ọḅeni bọ Vasti ịto ọdaam mọ, ọdi ómeera ọghi. Ịphen phọ iḍighi ni ịdi ọdaam mọ ạmoogh oboom ọghagh ologhi.
13Ọdaam mọ rapuru ghan ni ịlo ẹkaraghi eeleeny esi asipuru ịlo ịtooghi rꞌiilogh. Esi ịduon phọ ọdi ạmagh bụo oroma ọdi, bụdi kolegheri ịlo koḍighi. 14Bụphe ọdi agbor ghan bọ akiton asoman ọsighe oroma: aKasena, Setar, Admata, Tasis, Meres, Masena rꞌaMemukan — oḍual ạbuo iiḍighi aPasia rꞌaMedia bụdi ọrologhu riisi eghuan dị epu oomo ịnon sịphe eelhe phọ. 15Ọdi ạḅeni we phọ ạbuen, “Mị aZakzis ọdaam mọ urom butelhedom ạmi ọghi ọto ọngo Vasti ukueni phọ oru ọteeny ạmi, kụ ọdi aghel ọnaghanan ạbidi! Ika kụ ịdi ologh phọ ạḅem ịlo yira koḍighi nyọdi?”
16Pọ kụ amem dị aMemukan ạphagharanaan kụ ạḅeni ọdaam mọ rꞌạbuo iiḍighi phọ ọdi mọ, “Ukueni phọ kőofolomi ọdaam mọ bịn, ạḅaram ni bụo iiḍighi phọ ọdi — esi igey, tọrobo oye sịen eelhe phọ. 17Tọrobo ạnir sịen eelhe phọ kamiigh ophogh ghan olhom mọ ọdi osooromi ẹnum amem dị ọdi kạnaghan bọ ịpe ukueni phọ maḍighi bọ. Bịdi kọḅem mọ, ‘AZakzis ọdaam mọ ạto ạngo Vasti ukueni phọ oru ọteeny ọdi, kụ ọdi ómeera.’ 18Mem dị ạnmariir ạbuo iiḍighi ịsiphe kꞌọdaam eelhe phọ aPasia rꞌaMedia kọnaghan bọ ịpe ạnir ọdaam mọ maḍighi bọ, bịdi kọḅeni ghan burulhom ạbidi ịlo ịphen phọ kụ egbi ọteeny amem dị aḍio phọ kemunughan. Ạnmariir tọrobo ekpisi kọ́logh mun eegu burulhom ạbidi, kụ aburulhom kọmoogh ịghagh iloghi esi ạnmariir ạbidi. 19Eru mạar dị ẹḅeeraan Igbogh Ạna, pọ tọ ịlo ọdaam mọ, mọ aVasti rꞌamem kụ́ḅile mun umite esomanan ọdaam mọ. Tọ mọ ọge ologh sịphe iilogh phọ aPasia rꞌaMedia, ọbo eḍighi mạar dị kọ́ḅile onme. Ịphen phọ reten, ngọ esi phọ ọdi ẹlo ạnir ọdaam mọ ọnon ạnir dị ạnighe apu nyọdi. 20Mem dị molheenye igbeel phọ ạna oomo eboom eelhe phọ ẹphen, tọrobo ạnir kạngo ni olhom ọdi egeny eghuan, mụghumo ọdi ọdaam mꞌuwekulom.”
21Igbiighi phọ ịphen ịḅeeraan ni ọdaam mọ rꞌạbuo iiḍighi phọ ọdi, kụ ọdaam mọ ạtuugh ịpe aMemukan agbiighi bọ aḍighi. 22Ọdi ạghiom dom esi ikpo ọnhu rꞌẹgeom ẹlo ạtorobo ẹkpigh eelhe ọda phọ ọdi kụ ẹḅem ghan mọ tọrobo olhom aḍighi ghan uwo ẹmoogh ọto kꞌọdi kụ ịpe ọdi mạghaaph bọ bịn eḍighi ghan eekuna ịto.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS