Ẹmos 5
5
Ạḍimagh okiton esi ịkaraph
1Ịnaghanan, weye Ịzirel, ḍụor amaḍi phọ mị rịmooraan ghan bọ inyina:
2Esina Ịzirel mameel,
Kátue mun aḅetenu!
Ọdi ameel li bịn ọgunom sịphe ade phọ,
Kụ oye ólho oḅeton ọdi.
3Ọmoogh-we Oomo Ịikpo phọ rạḅem mọ, “Ẹmha sịen Ịzirel omitiom ni oniin ọonir awe ẹgham, kụ oniin okuron bịn kụ otigheel; ẹnon ẹmha ọsighe oniin okuron awe kụ ọki ẹgham, kụ ḍioph bịn kụ urigheel.”
4Ọmoogh-we phọ rạḅeni we phọ Ịzirel, “Itu esi ạmi bịn nyina kẹmoogh ni ghuḍum. 5Kẹ́ki mun ẹpe Beersheba kụ ịiḅereghi. Kẹ́kparagha ghan ọwa ạmi ẹpe Bẹtel — ạBetel kape ni. Kẹ́ki mun ẹpe Gịlgal — awe ọdi, pọ awe dị mookolobian ọghi ẹnon eelhe dọl iiruen.”
6Ịki esi Ọmoogh-we phọ, nyina kẹmoogh ni ghuḍum. Eḍighi ịyaar dị nyịna ị́ki, ọdi kaakuom nịan we phọ Ịzirel. Ạnian phọ kele ni we phọ ạBetel, kụ oye ólho dị katue aḍime. 7Nyina mephe, nyina phọ ạbuen rẹpurughi ghan bọ riliom esi ịiruen kụ keegbegheḍiom we esi ariliom ạbidi.
8 #
Job 9.9; 38.31 Ọmoogh-we phọ kụ ạlem oomo ạraanaan phọ,
ghạlamo Pleyadis rꞌOrion.
Ọdi kụ ratene ghan ufiri ḍịḅaal
ạḅile ghan ratene ootaany ḍughul.
Ọdi kụ raakpomoghi ghan rụmuum ọphiiny phọ
kụ kazuughiom de phọ.
Aḍien phọ ọdi, Ọmoogh-we phọ.
9Ọdi kụ raagulemi ghan we ịnyaam rꞌariisi ịikpo phọ ạbidi.
10Nyina ẹlogh ḍien we lọ úmeeraam ịkaraph ịiruen kụ rọkaaph ghan ịpe eru bọ igeny phọ sịphe aruutu ịiruen phọ. 11Nyina mẹkpiloghom rukulom mọ kụ emiighi ikpo ịizupha phọ ạbidi. Pọ kụ ịyaar phọ nyina kétugh ịma aruutu asighiigh phọ nyina ẹlhogh bọ, ḅịle kẹn, kẹ́pughol rimiim mọ nyina ẹmoogh bọ iizo ịma avain phọ anyina. 12Mị alegheri ni ịdi ịkaraph phọ anyina eeph esi, ḅịle rꞌọnhu amem dị nyina meḍighi ịkaraph. Nyina ẹgbiphoghom igeny awe, ẹbonyi ịgara, kụ ẹḅile esophoghom bụnyigo ạnmuny ọmoogh iiḅi ịiruen sịphe aruutu ịiruen phọ. 13Kụ iḍighi kụ oḅoorian ọdo phọ amem ịkaraph phọ ạmuen kụ ịyaar dị ẹkpe oḍighi.
14Ịkparagha eḍighi ghan ịlo eru elhiom, ẹwile ghan ịlo eḍighi ịkaraph, ọbo nyina ẹmoogh ghuḍum. Kụ Ọmoogh-we Egbogh Ẹnaan Oomo Ịikpo phọ agbi ọrolan rꞌanyina, ịdipho nyina ẹḅem ghan bọ mọ ọdi ạtol phọ. 15Ikel ịkaraph, ẹphomoghian ịlo eru elhiom. Ịmaar ephogh mọ iiḅi ịiruen kụ edi ghan sịphe aruutu ịiruen phọ. Ịduon sịen, Ọmoogh-we phọ kạnma ni ighirigiir we eelhe phọ ẹphen, bụphe odi bọ eye.
16Loor ịphen phọ, Ọmoogh-we Egbogh Ẹnaan Oomo Ịikpo phọ ạḅem mọ, “Ịnun rꞌemoghi ọto kẹtol li reten ẹmha phọ. Ghạlamo abuḅephom iizo bịn kọmagh aani ni ọtoonaan ạbudi momuughu, kụ ọḅaram bụdi kọkpe ikpoki kụ ọtoonaan. 17Ịnun kẹtol li oomo iizo avain phọ. Oomo phọ ịphen phọ kemite loor esi dị mị ratu ọliom anyina.” Ọmoogh-we phọ kụ mạḅem.
18Pọ eeghe ịminimiin dị kịrolonaan inyina phọ rekori ghan bọ ḍio Ọmoogh-we phọ! Eeghe ịma kụ ẹdi aḍio phọ ạḍiphe kiḍighi inyina? Keḍighi ḍio dị kịngo inyina ufiri kạ́ḍiḅaal. 19Kẹkigh ịdipho oye dị aghiilaan ạnam-dịka kụ ạghi azuan eephe-ạno! Ḅịle, ịdipho oye dị arigheel kꞌọdi, kụ ạzu iikpe otu phọ, kụ ẹkaraph-ịyaar kụ elom! 20Aḍio Ọmoogh-we phọ keḍighi ufiri, kạ́ḍiḅaal; keḍighi ḍio dị kẹdoghian, dị ạḍiḅaal kẹ́tol.
21 #
Azay 1.11-14
Ọmoogh-we phọ ạḅem mọ, “Mị akel li ịinua areten ọoḅereghi Ẹnaan sịphe ạrayaal phọ anyina. Mị kátue ạmerenyan! 22Mem lọ nyina ẹsighe rịkia oguom ạnian rꞌạrikia ịbiakpa iruom ịmi, mị kạ́sighe rạraar phọ ịphen; mị kạ́sighe ịnam mọ nyina mẹbughe bọ oruom ạmi ịdipho inmo. 23Ịbileghi sụor ọyugh anyina; mị ụ́wa ạnaghan iitia anyina. 24Kpạripe ghụn, ịiruen dị esel kụ ekil ịdipho okol ạmuum, kụ oseleman ạrol ịdipho ọphiiny dị ạmuum kámuneen.
25 #
Iiḍ 7.42, 43 “Weye Ịzirel, mị inyina ị́ḅeni ọngo ạmi rịkia rꞌinmo esi inyadi ạsia phọ mị iḍiemiom bọ inyina ẹpe ẹdala ịisaar phọ. 26Kụ nyịidipho, loor esi dị nyina mẹeḅereghi ghan bọ ịkaaneen ạrumugh phọ aSakut, ẹmugh-ọdaam mọ anyina rꞌạKaiwan, ẹenaan-ẹmugh phọ anyina, pọ nyina ketool li ịkaaneen ạrumugh phọ ịphen 27mem dị mị kịsighe inyina ạki de dị kotenom Dạmaskos dọl ịiruen,” Ọmoogh-we phọ kụ ạḅem, ọpo oghol bọ ḍien phọ ọdi mọ Ẹnaan Oomo Ịikpo phọ.
Currently Selected:
Ẹmos 5: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ẹmos 5
5
Ạḍimagh okiton esi ịkaraph
1Ịnaghanan, weye Ịzirel, ḍụor amaḍi phọ mị rịmooraan ghan bọ inyina:
2Esina Ịzirel mameel,
Kátue mun aḅetenu!
Ọdi ameel li bịn ọgunom sịphe ade phọ,
Kụ oye ólho oḅeton ọdi.
3Ọmoogh-we Oomo Ịikpo phọ rạḅem mọ, “Ẹmha sịen Ịzirel omitiom ni oniin ọonir awe ẹgham, kụ oniin okuron bịn kụ otigheel; ẹnon ẹmha ọsighe oniin okuron awe kụ ọki ẹgham, kụ ḍioph bịn kụ urigheel.”
4Ọmoogh-we phọ rạḅeni we phọ Ịzirel, “Itu esi ạmi bịn nyina kẹmoogh ni ghuḍum. 5Kẹ́ki mun ẹpe Beersheba kụ ịiḅereghi. Kẹ́kparagha ghan ọwa ạmi ẹpe Bẹtel — ạBetel kape ni. Kẹ́ki mun ẹpe Gịlgal — awe ọdi, pọ awe dị mookolobian ọghi ẹnon eelhe dọl iiruen.”
6Ịki esi Ọmoogh-we phọ, nyina kẹmoogh ni ghuḍum. Eḍighi ịyaar dị nyịna ị́ki, ọdi kaakuom nịan we phọ Ịzirel. Ạnian phọ kele ni we phọ ạBetel, kụ oye ólho dị katue aḍime. 7Nyina mephe, nyina phọ ạbuen rẹpurughi ghan bọ riliom esi ịiruen kụ keegbegheḍiom we esi ariliom ạbidi.
8 #
Job 9.9; 38.31 Ọmoogh-we phọ kụ ạlem oomo ạraanaan phọ,
ghạlamo Pleyadis rꞌOrion.
Ọdi kụ ratene ghan ufiri ḍịḅaal
ạḅile ghan ratene ootaany ḍughul.
Ọdi kụ raakpomoghi ghan rụmuum ọphiiny phọ
kụ kazuughiom de phọ.
Aḍien phọ ọdi, Ọmoogh-we phọ.
9Ọdi kụ raagulemi ghan we ịnyaam rꞌariisi ịikpo phọ ạbidi.
10Nyina ẹlogh ḍien we lọ úmeeraam ịkaraph ịiruen kụ rọkaaph ghan ịpe eru bọ igeny phọ sịphe aruutu ịiruen phọ. 11Nyina mẹkpiloghom rukulom mọ kụ emiighi ikpo ịizupha phọ ạbidi. Pọ kụ ịyaar phọ nyina kétugh ịma aruutu asighiigh phọ nyina ẹlhogh bọ, ḅịle kẹn, kẹ́pughol rimiim mọ nyina ẹmoogh bọ iizo ịma avain phọ anyina. 12Mị alegheri ni ịdi ịkaraph phọ anyina eeph esi, ḅịle rꞌọnhu amem dị nyina meḍighi ịkaraph. Nyina ẹgbiphoghom igeny awe, ẹbonyi ịgara, kụ ẹḅile esophoghom bụnyigo ạnmuny ọmoogh iiḅi ịiruen sịphe aruutu ịiruen phọ. 13Kụ iḍighi kụ oḅoorian ọdo phọ amem ịkaraph phọ ạmuen kụ ịyaar dị ẹkpe oḍighi.
14Ịkparagha eḍighi ghan ịlo eru elhiom, ẹwile ghan ịlo eḍighi ịkaraph, ọbo nyina ẹmoogh ghuḍum. Kụ Ọmoogh-we Egbogh Ẹnaan Oomo Ịikpo phọ agbi ọrolan rꞌanyina, ịdipho nyina ẹḅem ghan bọ mọ ọdi ạtol phọ. 15Ikel ịkaraph, ẹphomoghian ịlo eru elhiom. Ịmaar ephogh mọ iiḅi ịiruen kụ edi ghan sịphe aruutu ịiruen phọ. Ịduon sịen, Ọmoogh-we phọ kạnma ni ighirigiir we eelhe phọ ẹphen, bụphe odi bọ eye.
16Loor ịphen phọ, Ọmoogh-we Egbogh Ẹnaan Oomo Ịikpo phọ ạḅem mọ, “Ịnun rꞌemoghi ọto kẹtol li reten ẹmha phọ. Ghạlamo abuḅephom iizo bịn kọmagh aani ni ọtoonaan ạbudi momuughu, kụ ọḅaram bụdi kọkpe ikpoki kụ ọtoonaan. 17Ịnun kẹtol li oomo iizo avain phọ. Oomo phọ ịphen phọ kemite loor esi dị mị ratu ọliom anyina.” Ọmoogh-we phọ kụ mạḅem.
18Pọ eeghe ịminimiin dị kịrolonaan inyina phọ rekori ghan bọ ḍio Ọmoogh-we phọ! Eeghe ịma kụ ẹdi aḍio phọ ạḍiphe kiḍighi inyina? Keḍighi ḍio dị kịngo inyina ufiri kạ́ḍiḅaal. 19Kẹkigh ịdipho oye dị aghiilaan ạnam-dịka kụ ạghi azuan eephe-ạno! Ḅịle, ịdipho oye dị arigheel kꞌọdi, kụ ạzu iikpe otu phọ, kụ ẹkaraph-ịyaar kụ elom! 20Aḍio Ọmoogh-we phọ keḍighi ufiri, kạ́ḍiḅaal; keḍighi ḍio dị kẹdoghian, dị ạḍiḅaal kẹ́tol.
21 #
Azay 1.11-14
Ọmoogh-we phọ ạḅem mọ, “Mị akel li ịinua areten ọoḅereghi Ẹnaan sịphe ạrayaal phọ anyina. Mị kátue ạmerenyan! 22Mem lọ nyina ẹsighe rịkia oguom ạnian rꞌạrikia ịbiakpa iruom ịmi, mị kạ́sighe rạraar phọ ịphen; mị kạ́sighe ịnam mọ nyina mẹbughe bọ oruom ạmi ịdipho inmo. 23Ịbileghi sụor ọyugh anyina; mị ụ́wa ạnaghan iitia anyina. 24Kpạripe ghụn, ịiruen dị esel kụ ekil ịdipho okol ạmuum, kụ oseleman ạrol ịdipho ọphiiny dị ạmuum kámuneen.
25 #
Iiḍ 7.42, 43 “Weye Ịzirel, mị inyina ị́ḅeni ọngo ạmi rịkia rꞌinmo esi inyadi ạsia phọ mị iḍiemiom bọ inyina ẹpe ẹdala ịisaar phọ. 26Kụ nyịidipho, loor esi dị nyina mẹeḅereghi ghan bọ ịkaaneen ạrumugh phọ aSakut, ẹmugh-ọdaam mọ anyina rꞌạKaiwan, ẹenaan-ẹmugh phọ anyina, pọ nyina ketool li ịkaaneen ạrumugh phọ ịphen 27mem dị mị kịsighe inyina ạki de dị kotenom Dạmaskos dọl ịiruen,” Ọmoogh-we phọ kụ ạḅem, ọpo oghol bọ ḍien phọ ọdi mọ Ẹnaan Oomo Ịikpo phọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS