Iiḍighi 13
13
Ọsaḅar Bạnabas rꞌạSol otom dom
1Esi ạbuo ạsiosi phọ Ạntiok, buniin uḍighi riil rꞌạbutughemia: ạBanabas, rꞌạSimion, ọpo oghol bọ mọ oḍiil phọ, rꞌạLusios ọpo aSairini, rꞌạSol, rꞌaManaen, ọpo ookonom bọ rꞌạHerod phọ kaḍighi bọ ọdaam ẹmha phọ. 2Ịdipho bịdi rooseeny bọ Ọmoogh-we phọ kọtuan ịiḅereghi ọrol ọkoony, kụ Uwaloor Iigbia phọ ạḅem mọ, “Ịgbatan Bạnabas rꞌạSol bịdi oḍighi oḍighi phọ ọpo mị ạtu bọ kụ ạmagh bịdi.”
3Kụ ọrol ọkoony, ọoḅereghi, ọḅam rạghaagh rụmhu ạbidi, kụ ọḅeni mọ ẹghi ẹnighe.
Ẹpe Sạipros
4Ịdipho Uwaloor Iigbia phọ marom bọ bịdi, kụ ọghi osi Selusia kụ oḍigh oghuugh osi ekpu-ogbo ạSaipros. 5Kụ bịdi osul Sạlamis, ọghaaph ọghaaph phọ Ẹnaan rubughotu ạbuo aJu phọ. Kụ bịdi ụphamam ni Jọn ọloghonaan ghan ạbidi ḍịghaagh.
6Kụ bịdi okitonom oomo phọ ekpu-ogbo phọ, ọghi osi Pạfos kụ ọmiin nyoniin ọḅaghama oyil ọkpe ọnyo aJu, dị oghol mọ ạBar-Jịzos. 7Ọdi aḍighi ọyaghiri aSajos Pọl, uwo ẹmha ekpu-ogbo phọ. Uwo ẹmha phọ oye ologhi ni, kụ ạmagh Bạnabas rꞌạSol mọ ọno rạwa ọnaghan aani ọghaaph phọ Ẹnaan. 8Kụ ọḅaghama phọ, dị oghol ọnhu aGris mọ Ẹlimas, eenan mọ uwo ẹmha phọ kụ́naghanan ooḅi ọghaaph phọ. 9Kụ Uwaloor Iigbia phọ amuza loor ạSol (ḍịeri aḍien phọ ọdi ạPol) kụ ọdi aphogh oye phọ akananaam 10kụ apuru mọ, “Nạ eekuna iigbegheḍiom rꞌiipheeny, nạ ọony Eru, nạ ạmulogh-ḍien oomo aruukuan, ke̋siom dị nạ kạbile omirighan awe ọdaph igey areten Ọmoogh-we phọ? 11Kụ nyịidipho pogh aani, erugh Ọmoogh-we phọ ephum nyịna. Ariḍien ạna keḅomoghian, dị nạ kạ́miin mun erumuḍio phọ mọony amem.”
Egina amem bịn ọotu rꞌufiri eḍigh riḍien ọdi, kụ aakula ạwa ghan oye lọ kạpam ḍịghaagh ọdi kụ atelhiom. 12Kụ uwo ẹmha phọ, rọmiin ịpe emite bọ, kụ ameeraam aani. Ịtughemi ịlo Ọmoogh-we phọ iḍighi ni iikia esi ọdi.
Ẹpe Ạntiok ọpo aPisidia phọ
13Kụ ạPol rꞌạbuphe rꞌọdi rotelhian bọ, oḍigh oghuugh Pạfos ọghi Paaga ẹpe Pamfilia, kụ ạJon Mạk ạwile bịdi aḅula Jeruselem. 14Kụ bịdi ọḍua Paaga osi Ạntiok ẹpe Pisidia. Kụ rẹteeny ḍio ophooghian phọ, kụ ọghi oḍiku obughotu ọrologhu ude. 15Kụ rạal rịnya iilogh phọ rꞌariil phọ rokpooghi, kụ ạbuo ạrumhu obughotu phọ orom ọghiom bịdi mọ, “Bụo asiya, eru dị nyina ẹmoogh ịyaar oromoghiom aweye phọ ạbuen, pọ ịkaaph ni!” 16Kụ ạPol aḅetenu ạmeera aphighemi ḍịghaagh ọdi kụ ạḅem mọ:
“Weye Ịzirel, rꞌanyina ạbuphe mẹlhogh bọ eegu Ẹnaan, ịnaghan! 17#Ẹḍua 1.7; Ẹḍua 12.51Ẹnaan aweye Ịzirel phọ ạbuen, ịsaḅar bugbogh ạburude phọ ayira, kụ eḍizemi we phọ, mem mọ bịdi ọrol bọ Ijipt. Rꞌạḍighaagh iphelegbe kụ erelhiom bịdi emitiom, 18#Igb 14.34; Dut 1.31kụ esi inyadi ạsia ẹrolan bịdi ẹpe ẹdala phọ ípogh ịkaraph ạroozo phọ ạbidi. 19#Dut 7.1; Jos 14.1Kụ ẹkaaghi oḍual areelhe aKenan, ẹsighe ẹngo mọ bịdi olhe erua, 20#Ịir 2.16; 1 Sạm 3.20esi inya okuron rꞌooghdi ạsia, kụ egbi ọngo ạbidi bụo ịiruen, tụtu ẹteeny ọrugh oyil ạSamuel. 21#1 Sạm 8.5; 1 Sạm 10.21Ịphen reten kụ bịdi ọlom mọ Ẹnaan ẹngo aani bụno ọdaam ẹmha, kụ ẹngo bịdi Sọl, ọony aKis, ọlo eghun ạBenjamin, mọ ạda esi inyadi ạsia. 22#1 Sạm 13.14; 1 Sạm 16.12; Ạsuo 89.20Kụ resoore bọ nyọdi, kụ ẹsighe Devid eḍighi ọdaam ẹmha ạbidi, ọpo ẹtuan bọ ẹḅem mọ, ‘Mị mạmiin Devid, oye ologhi ạmi, ọony phọ ạJesi, dị kaḍighi oomo phọ ịpe mị ragbiighi bọ.’ 23Esi ẹemara ẹemara oye phọ ọphon kụ ẹdi Ẹnaan ẹsighe bọ Jịzos Ọpelia phọ, eruomonaan weye phọ Ịzirel ịdipho eguanaan bọ. 24#Mạk 1.4; Luk 3.3Tụtu ạJizos katu bọ, ạJon mạghaaph ni mọ oomo aweye phọ Ịzirel okiton esi ịkaraph phọ ạbidi ọno awurogh mụum. 25#Jọn 1.20; Mat 3.11; Mạk 1.7; Luk 3.16; Jọn 1.27Kụ ạJon rakureri bọ, ạḅem ghan ni mọ, ‘Nyina regbiom ghan mọ ạmi ạnhian? Mị káMesaya phọ. Ipogh, oye dị upu ịmi ratu ni, dị mị ụ́manam okpuḍian ọkporion arokoro ọdi.’
26“Bụo asiya, ẹemara ẹemara Ebraham, rꞌaruuruen phọ mọlhogh bọ eegu Ẹnaan, yira kụ ẹdi oruomonaan bọ dom ọphel otene phọ ạḍien. 27Ạbuphe orugh bọ Jeruselem, rꞌạbuo ạrumhu phọ ạbidi, úlegheri mọ ọdi kụ Ọpelia phọ, ḅịle kẹn ụ́naghan rịnya ịmiin ariil phọ ịpe ạal ghan bọ tọrobo aḍio ophooghian phọ. Kụ osoph bọ erugh aḍuugh ophume nyọdi, kụ úlegheri mọ umuneniom ịmiin phọ. 28#Mat 27.22, 23; Mạk 15.13, 14; Luk 23.21-23; Jọn 19.15Ạri bịdi ụ́miin ni ịyaar ọtuan oghiigh ọdi, ụḅile ghụn ni ọḅeni Pailet mọ oghiigh nyọdi. 29#Mat 27.57-61; Mạk 15.42-47; Luk 23.50-56; Jọn 19.38-42Kụ romuneni oomo phọ ịpe ọgianaan bọ nyọdi pạ Ạḍinya Iigbia phọ, kụ ọkpaaghi nyọdi ạnyu oreeny phọ osoore, kụ oḍi. 30Kụ Ẹnaan eḅeton nyọdi sịphe aḍuugh phọ. 31#Iiḍ 1.3Kụ bụphe rꞌọdi ọḍua bọ Galili oru Jeruselem ụmiin ni nyọdi ịminighan aḍughul-otu. Nyịidipho bụen phọ kụ rọkaaphaan bọ nyọdi kọḅeni weye phọ Ịzirel. 32-33#Ạsuo 2.7Kụ yoor odi sịen ọngo anyina ooḅi ọghaaph phọ. Ịpe Ẹnaan eguanaan bọ bugbogh ạburude phọ ayoor ọdi muḍighinaan iyoor ẹemara ẹemara phọ ạbidi, ịdipho ọdi maḅeton bọ Jịzos sịphe aḍuugh phọ. Ịdipho ọge bọ sịphe ạḍinya ạsuor phọ, ẹmhu dị emuneniom ịyal, Ẹnaan ẹḅem mọ,
“‘Nạ kụ Ọony phọ ạmi. Rodon mị mạgba
aḍeenaan loor ạmi mọ mị Ọde phọ ạna.’
34 #
Azay 55.3
“Kụ ịdipho Ẹnaan eḅeton bọ Jịzos sịphe aḍuugh phọ, mọ aḍizu phọ ọdi kẹ́ḅor mun phọ, ọdi ạghaaph mọ,
“‘Mị kịngo ni inyina ḍiboom ạḍiseph phọ
mị ạkar bọ aguanaan bọ Devid.’
35 #
Ạsuo 16.10
“Ịdipho ọdi ạḅile bọ ni ạghaaph kẹn esi ạḍinon ạḍuor mọ,
“‘Nạ kámeera dị Oye Aghuḍuul phọ ạna kạḅor.’
36“Mem oghiil phọ ọdi, aDevid aḍighi ni oḍighi ạngo Ẹnaan kụ amugh kụ oḍi otumeniom bugbogh ạburude phọ ọdi, kụ aḍizu phọ ọdi ịḅor ri. 37Kụ ọpo Ẹnaan eḅeton bọ sịphe aḍuugh phọ ọ́ḅor aani. 38-39Bụo asiya ịmaar elegheri mọ esi oye phọ ọphon kụ ẹdi rọkaaph ghan bọ kịḅeni inyina mọ ọsar ịkaraph ọwilenaan odi ni. Tọrobo ọlo ameeraam nyọdi, pọ mạmoogh akeel esi ịkaraph phọ ịpe iilogh phọ aMozis ítue bọ ịpel. 40Igona loor anyina, ọbo ịpe ariil phọ ọghaaph bọ kimitenaan ghan bọ inyina mọ,
41 #
Hạb 1.5
“‘Ịmiin, nyina ạbuphe isooromi bọ ịmi!
Iyeela emuughu, loor esi dị
oḍighi phọ mị raḍighi bọ ọrugh phọ anyina,
nyina kémeeraam ni bịn,
ghạlamo oye ạghaaph ni ịḅeni inyina.’”
42Ịdipho ạPol rꞌạBanabas romite bọ obughotu phọ, awe phọ ụlhom ni mọ bịdi ọḅile oru ọghaaph ọghaaph phọ ọphon ọḅeni bụno ḍiḍiman aḍio ophooghian. 43Romiteghu bọ, kụ ịbadi ạbuo aJu rꞌaruuruen phọ mọlhogh bọ eegu Ẹnaan ọdaph, kụ ạPol rꞌạBanabas oromoghiom mọ bịdi kụ́bile ọphamanam ạḍiseph phọ Ẹnaan.
44Ḍiḍiman aḍio ophooghian phọ, esugha ẹnum ọbo oomo phọ ẹmha phọ kụ uukpomoghan ni ọnaghan ọghaaph phọ Ẹnaan. 45Kụ ạbuo aJu phọ ọmiin bọ ḍita awe phọ, ụghagh ni iloghi kụ ọgbagharan ọghaaph phọ oofolomiom Pọl. 46Kụ ạPol rꞌạBanabas ọghaaphom rꞌạkpo ologhi mọ, “Ịkpianaan ni dị mụpur ọghaaph ọghaaph phọ Ẹnaan ịḅeni inyina. Kụ ọmiin bọ mọ nyina ị́maghami ịyaar, ḅịle nyina ị́man mun ọmoogh aghuḍum kꞌagee-pọ phọ, nyịidipho yoor kokiton osoman ruuruen phọ. 47#Azay 42.6; 49.6Ịduon kụ ịdi Ọmoogh-we phọ ạto bọ ụḅeni iyoor mọ,
“‘Mị mịma inyina ọngo ạḍiḅaal ruuruen phọ,
ọbo oomo aḅirini phọ ọmoogh pẹleeny.’”
48Kụ ịduon aruuruen phọ ọnaghan bọ ịphen phọ, bịn ọmoogh ọḅaal ologhi, kụ oboom ọghaaph Ọmoogh-we phọ. Kụ ạbuphe Ẹnaan mẹsaḅar bọ ọmoogh aghuḍum kꞌagee-pọ phọ omeeraam.
49Kụ ọghaaph Ọmoogh-we phọ aaleghaan oomo eelhe phọ. 50Kụ ạbuo aJu phọ ọkpaariom ikpolom ạnmariir dị oghueni ghan Ẹnaan rꞌikumoor awe ẹmha phọ, owiiliom bịdi ọnhu kụ ọgbiphoghom ophorogh Pọl rꞌạBanabas omitiom eelhe phọ. 51#Mat 10.14; Mạk 6.11; Luk 9.5; 10.11Kụ abutelhedom mọ ọokpa ịisaar aruwol ạbidi ọsighenaan ḍiigira ọnhu ạbidi, kụ ọḍua osi Aikoniom. 52Kụ Uwaloor Iigbia phọ rꞌibo emuza loor ạbumatuan phọ.
Currently Selected:
Iiḍighi 13: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Iiḍighi 13
13
Ọsaḅar Bạnabas rꞌạSol otom dom
1Esi ạbuo ạsiosi phọ Ạntiok, buniin uḍighi riil rꞌạbutughemia: ạBanabas, rꞌạSimion, ọpo oghol bọ mọ oḍiil phọ, rꞌạLusios ọpo aSairini, rꞌạSol, rꞌaManaen, ọpo ookonom bọ rꞌạHerod phọ kaḍighi bọ ọdaam ẹmha phọ. 2Ịdipho bịdi rooseeny bọ Ọmoogh-we phọ kọtuan ịiḅereghi ọrol ọkoony, kụ Uwaloor Iigbia phọ ạḅem mọ, “Ịgbatan Bạnabas rꞌạSol bịdi oḍighi oḍighi phọ ọpo mị ạtu bọ kụ ạmagh bịdi.”
3Kụ ọrol ọkoony, ọoḅereghi, ọḅam rạghaagh rụmhu ạbidi, kụ ọḅeni mọ ẹghi ẹnighe.
Ẹpe Sạipros
4Ịdipho Uwaloor Iigbia phọ marom bọ bịdi, kụ ọghi osi Selusia kụ oḍigh oghuugh osi ekpu-ogbo ạSaipros. 5Kụ bịdi osul Sạlamis, ọghaaph ọghaaph phọ Ẹnaan rubughotu ạbuo aJu phọ. Kụ bịdi ụphamam ni Jọn ọloghonaan ghan ạbidi ḍịghaagh.
6Kụ bịdi okitonom oomo phọ ekpu-ogbo phọ, ọghi osi Pạfos kụ ọmiin nyoniin ọḅaghama oyil ọkpe ọnyo aJu, dị oghol mọ ạBar-Jịzos. 7Ọdi aḍighi ọyaghiri aSajos Pọl, uwo ẹmha ekpu-ogbo phọ. Uwo ẹmha phọ oye ologhi ni, kụ ạmagh Bạnabas rꞌạSol mọ ọno rạwa ọnaghan aani ọghaaph phọ Ẹnaan. 8Kụ ọḅaghama phọ, dị oghol ọnhu aGris mọ Ẹlimas, eenan mọ uwo ẹmha phọ kụ́naghanan ooḅi ọghaaph phọ. 9Kụ Uwaloor Iigbia phọ amuza loor ạSol (ḍịeri aḍien phọ ọdi ạPol) kụ ọdi aphogh oye phọ akananaam 10kụ apuru mọ, “Nạ eekuna iigbegheḍiom rꞌiipheeny, nạ ọony Eru, nạ ạmulogh-ḍien oomo aruukuan, ke̋siom dị nạ kạbile omirighan awe ọdaph igey areten Ọmoogh-we phọ? 11Kụ nyịidipho pogh aani, erugh Ọmoogh-we phọ ephum nyịna. Ariḍien ạna keḅomoghian, dị nạ kạ́miin mun erumuḍio phọ mọony amem.”
Egina amem bịn ọotu rꞌufiri eḍigh riḍien ọdi, kụ aakula ạwa ghan oye lọ kạpam ḍịghaagh ọdi kụ atelhiom. 12Kụ uwo ẹmha phọ, rọmiin ịpe emite bọ, kụ ameeraam aani. Ịtughemi ịlo Ọmoogh-we phọ iḍighi ni iikia esi ọdi.
Ẹpe Ạntiok ọpo aPisidia phọ
13Kụ ạPol rꞌạbuphe rꞌọdi rotelhian bọ, oḍigh oghuugh Pạfos ọghi Paaga ẹpe Pamfilia, kụ ạJon Mạk ạwile bịdi aḅula Jeruselem. 14Kụ bịdi ọḍua Paaga osi Ạntiok ẹpe Pisidia. Kụ rẹteeny ḍio ophooghian phọ, kụ ọghi oḍiku obughotu ọrologhu ude. 15Kụ rạal rịnya iilogh phọ rꞌariil phọ rokpooghi, kụ ạbuo ạrumhu obughotu phọ orom ọghiom bịdi mọ, “Bụo asiya, eru dị nyina ẹmoogh ịyaar oromoghiom aweye phọ ạbuen, pọ ịkaaph ni!” 16Kụ ạPol aḅetenu ạmeera aphighemi ḍịghaagh ọdi kụ ạḅem mọ:
“Weye Ịzirel, rꞌanyina ạbuphe mẹlhogh bọ eegu Ẹnaan, ịnaghan! 17#Ẹḍua 1.7; Ẹḍua 12.51Ẹnaan aweye Ịzirel phọ ạbuen, ịsaḅar bugbogh ạburude phọ ayira, kụ eḍizemi we phọ, mem mọ bịdi ọrol bọ Ijipt. Rꞌạḍighaagh iphelegbe kụ erelhiom bịdi emitiom, 18#Igb 14.34; Dut 1.31kụ esi inyadi ạsia ẹrolan bịdi ẹpe ẹdala phọ ípogh ịkaraph ạroozo phọ ạbidi. 19#Dut 7.1; Jos 14.1Kụ ẹkaaghi oḍual areelhe aKenan, ẹsighe ẹngo mọ bịdi olhe erua, 20#Ịir 2.16; 1 Sạm 3.20esi inya okuron rꞌooghdi ạsia, kụ egbi ọngo ạbidi bụo ịiruen, tụtu ẹteeny ọrugh oyil ạSamuel. 21#1 Sạm 8.5; 1 Sạm 10.21Ịphen reten kụ bịdi ọlom mọ Ẹnaan ẹngo aani bụno ọdaam ẹmha, kụ ẹngo bịdi Sọl, ọony aKis, ọlo eghun ạBenjamin, mọ ạda esi inyadi ạsia. 22#1 Sạm 13.14; 1 Sạm 16.12; Ạsuo 89.20Kụ resoore bọ nyọdi, kụ ẹsighe Devid eḍighi ọdaam ẹmha ạbidi, ọpo ẹtuan bọ ẹḅem mọ, ‘Mị mạmiin Devid, oye ologhi ạmi, ọony phọ ạJesi, dị kaḍighi oomo phọ ịpe mị ragbiighi bọ.’ 23Esi ẹemara ẹemara oye phọ ọphon kụ ẹdi Ẹnaan ẹsighe bọ Jịzos Ọpelia phọ, eruomonaan weye phọ Ịzirel ịdipho eguanaan bọ. 24#Mạk 1.4; Luk 3.3Tụtu ạJizos katu bọ, ạJon mạghaaph ni mọ oomo aweye phọ Ịzirel okiton esi ịkaraph phọ ạbidi ọno awurogh mụum. 25#Jọn 1.20; Mat 3.11; Mạk 1.7; Luk 3.16; Jọn 1.27Kụ ạJon rakureri bọ, ạḅem ghan ni mọ, ‘Nyina regbiom ghan mọ ạmi ạnhian? Mị káMesaya phọ. Ipogh, oye dị upu ịmi ratu ni, dị mị ụ́manam okpuḍian ọkporion arokoro ọdi.’
26“Bụo asiya, ẹemara ẹemara Ebraham, rꞌaruuruen phọ mọlhogh bọ eegu Ẹnaan, yira kụ ẹdi oruomonaan bọ dom ọphel otene phọ ạḍien. 27Ạbuphe orugh bọ Jeruselem, rꞌạbuo ạrumhu phọ ạbidi, úlegheri mọ ọdi kụ Ọpelia phọ, ḅịle kẹn ụ́naghan rịnya ịmiin ariil phọ ịpe ạal ghan bọ tọrobo aḍio ophooghian phọ. Kụ osoph bọ erugh aḍuugh ophume nyọdi, kụ úlegheri mọ umuneniom ịmiin phọ. 28#Mat 27.22, 23; Mạk 15.13, 14; Luk 23.21-23; Jọn 19.15Ạri bịdi ụ́miin ni ịyaar ọtuan oghiigh ọdi, ụḅile ghụn ni ọḅeni Pailet mọ oghiigh nyọdi. 29#Mat 27.57-61; Mạk 15.42-47; Luk 23.50-56; Jọn 19.38-42Kụ romuneni oomo phọ ịpe ọgianaan bọ nyọdi pạ Ạḍinya Iigbia phọ, kụ ọkpaaghi nyọdi ạnyu oreeny phọ osoore, kụ oḍi. 30Kụ Ẹnaan eḅeton nyọdi sịphe aḍuugh phọ. 31#Iiḍ 1.3Kụ bụphe rꞌọdi ọḍua bọ Galili oru Jeruselem ụmiin ni nyọdi ịminighan aḍughul-otu. Nyịidipho bụen phọ kụ rọkaaphaan bọ nyọdi kọḅeni weye phọ Ịzirel. 32-33#Ạsuo 2.7Kụ yoor odi sịen ọngo anyina ooḅi ọghaaph phọ. Ịpe Ẹnaan eguanaan bọ bugbogh ạburude phọ ayoor ọdi muḍighinaan iyoor ẹemara ẹemara phọ ạbidi, ịdipho ọdi maḅeton bọ Jịzos sịphe aḍuugh phọ. Ịdipho ọge bọ sịphe ạḍinya ạsuor phọ, ẹmhu dị emuneniom ịyal, Ẹnaan ẹḅem mọ,
“‘Nạ kụ Ọony phọ ạmi. Rodon mị mạgba
aḍeenaan loor ạmi mọ mị Ọde phọ ạna.’
34 #
Azay 55.3
“Kụ ịdipho Ẹnaan eḅeton bọ Jịzos sịphe aḍuugh phọ, mọ aḍizu phọ ọdi kẹ́ḅor mun phọ, ọdi ạghaaph mọ,
“‘Mị kịngo ni inyina ḍiboom ạḍiseph phọ
mị ạkar bọ aguanaan bọ Devid.’
35 #
Ạsuo 16.10
“Ịdipho ọdi ạḅile bọ ni ạghaaph kẹn esi ạḍinon ạḍuor mọ,
“‘Nạ kámeera dị Oye Aghuḍuul phọ ạna kạḅor.’
36“Mem oghiil phọ ọdi, aDevid aḍighi ni oḍighi ạngo Ẹnaan kụ amugh kụ oḍi otumeniom bugbogh ạburude phọ ọdi, kụ aḍizu phọ ọdi ịḅor ri. 37Kụ ọpo Ẹnaan eḅeton bọ sịphe aḍuugh phọ ọ́ḅor aani. 38-39Bụo asiya ịmaar elegheri mọ esi oye phọ ọphon kụ ẹdi rọkaaph ghan bọ kịḅeni inyina mọ ọsar ịkaraph ọwilenaan odi ni. Tọrobo ọlo ameeraam nyọdi, pọ mạmoogh akeel esi ịkaraph phọ ịpe iilogh phọ aMozis ítue bọ ịpel. 40Igona loor anyina, ọbo ịpe ariil phọ ọghaaph bọ kimitenaan ghan bọ inyina mọ,
41 #
Hạb 1.5
“‘Ịmiin, nyina ạbuphe isooromi bọ ịmi!
Iyeela emuughu, loor esi dị
oḍighi phọ mị raḍighi bọ ọrugh phọ anyina,
nyina kémeeraam ni bịn,
ghạlamo oye ạghaaph ni ịḅeni inyina.’”
42Ịdipho ạPol rꞌạBanabas romite bọ obughotu phọ, awe phọ ụlhom ni mọ bịdi ọḅile oru ọghaaph ọghaaph phọ ọphon ọḅeni bụno ḍiḍiman aḍio ophooghian. 43Romiteghu bọ, kụ ịbadi ạbuo aJu rꞌaruuruen phọ mọlhogh bọ eegu Ẹnaan ọdaph, kụ ạPol rꞌạBanabas oromoghiom mọ bịdi kụ́bile ọphamanam ạḍiseph phọ Ẹnaan.
44Ḍiḍiman aḍio ophooghian phọ, esugha ẹnum ọbo oomo phọ ẹmha phọ kụ uukpomoghan ni ọnaghan ọghaaph phọ Ẹnaan. 45Kụ ạbuo aJu phọ ọmiin bọ ḍita awe phọ, ụghagh ni iloghi kụ ọgbagharan ọghaaph phọ oofolomiom Pọl. 46Kụ ạPol rꞌạBanabas ọghaaphom rꞌạkpo ologhi mọ, “Ịkpianaan ni dị mụpur ọghaaph ọghaaph phọ Ẹnaan ịḅeni inyina. Kụ ọmiin bọ mọ nyina ị́maghami ịyaar, ḅịle nyina ị́man mun ọmoogh aghuḍum kꞌagee-pọ phọ, nyịidipho yoor kokiton osoman ruuruen phọ. 47#Azay 42.6; 49.6Ịduon kụ ịdi Ọmoogh-we phọ ạto bọ ụḅeni iyoor mọ,
“‘Mị mịma inyina ọngo ạḍiḅaal ruuruen phọ,
ọbo oomo aḅirini phọ ọmoogh pẹleeny.’”
48Kụ ịduon aruuruen phọ ọnaghan bọ ịphen phọ, bịn ọmoogh ọḅaal ologhi, kụ oboom ọghaaph Ọmoogh-we phọ. Kụ ạbuphe Ẹnaan mẹsaḅar bọ ọmoogh aghuḍum kꞌagee-pọ phọ omeeraam.
49Kụ ọghaaph Ọmoogh-we phọ aaleghaan oomo eelhe phọ. 50Kụ ạbuo aJu phọ ọkpaariom ikpolom ạnmariir dị oghueni ghan Ẹnaan rꞌikumoor awe ẹmha phọ, owiiliom bịdi ọnhu kụ ọgbiphoghom ophorogh Pọl rꞌạBanabas omitiom eelhe phọ. 51#Mat 10.14; Mạk 6.11; Luk 9.5; 10.11Kụ abutelhedom mọ ọokpa ịisaar aruwol ạbidi ọsighenaan ḍiigira ọnhu ạbidi, kụ ọḍua osi Aikoniom. 52Kụ Uwaloor Iigbia phọ rꞌibo emuza loor ạbumatuan phọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS