2 Timoti 4
4
1Mị ạsighe ni ḍien Ẹnaan rꞌạJizos Kraist phọ kaagbo bọ ịiruen ạngo oomo awe, bụlo odi rꞌạbulo momuughu, kụ righiremi inyina ịyo loor ẹmhu aḍio phọ ọdi kamite bọ egaan phọ rꞌọmar phọ ọdi mọ 2kạaph ni ọghaaph phọ Ẹnaan aleenye eleeny. Mem lọ ẹnighe rꞌamem lọ ị́nighe, kạ́bile dị nạ ụ́kaaph. Kịa ạghaaph aḅonyon iloghi awe. Tuphughiom, ạḅaam bịdi ịkaraph phọ ạbidi. Kpạrami iloghi phọ ạbidi. Mọogh ọkparam kụ ạtughemiom ghan. 3Amem ketu ni dị awe kọ́naghanan mun igey ịtughemi phọ. Bịdi kọdaph ghan rụuphua ạbidi bịn, kụ ookpomoghi bụtughemia otum bụtughemia dị kọtughemi ghan ịpe retiirogh bọ iloghi phọ ạbidi. 4Bịdi kọgumom ni ọman ọnaghan ghan igey phọ, kụ ozuumaam ghụn ịkaraph asidum. 5Kụ nạ phọ, pạmaghan loor ạna esi oomo ạraraar. Mịnoghom ghan ịminimiin, aḍighi oḍighi oye dị rạkaaph ghan ooḅi ọghaaph phọ. Ḍighi kꞌịkpara kꞌikpuru oḍighi phọ ạna ịdipho otelhedom Ẹnaan.
6Mị kụ ọlo, amem mọ mẹteeny ni dị romoor ghan ịḅaal aghuḍum mọ ạmi ịdipho amiim. Amem mọ mịteenyaan ịmi dị mị kạbile ghuḍum mọ ạkuen. 7Mị mee ni egey eenom. Mị maghiil li eghiil phọ ạteeny eekuna. Mị maako ni ịpe omeeraam mọ ạḅem bọ. 8Kụ nyịidipho abin ọkpar opu phọ rukori ni ịmi. Ọmoogh-we phọ aḍighi bọ oogboom ịiruen aruukuan phọ kuzu ni ịmi eghoony aruukuan phọ ḍio phọ ạḍiphe. Ọdi kázu ogina ạmi bịn, kazu aani ni oomo ạbuphe ọphomoghian bọ nyọdi kụ rokori ghan bọ mem mọ ọdi kamite bọ egaan phọ.
Ọghaaph ọlo oye rꞌoye
9Káabinyemiom ọnuun oru ọteeny ạmi. 10#Kọl 4.14; Fạil 1.24; 2 Kọr 8.23; Gal 2.3; Tạit 1.4ADimas mạḅile akiton ạpomoghian aḅirini phọ ọphon kụ mumutonaan ịmi. Ọdi mạḍua akeel Tẹsalonika. ẠKreskens mạghi Galetia, ạTaitos ạki Dalmatia. 11#Kọl 4.14; Fạil 1.24; Iiḍ 12.12, 25; 13.13; 15.37-39; Kọl 4.10; Fạil 1.24ALuk bịn kụ udianaan ịmi. Sịghe Mạk ạpham arumom, ịdi eḍighi bọ ọdi kụloghonaan ni ịmi ḍịghaagh esi oḍighi phọ. 12#Iiḍ 20.4; Ẹfe 6.21, 22; Kọl 4.7, 8Mị atom Tịkikos mọ ạghi Ẹfesos. 13#Iiḍ 20.6Mem lọ nạ ratu sịghe ạsuoma phọ mị aseere bọ kꞌạKapos ẹpe Troas uruom. Pạmam ni rịnya phọ, ụ́bile ghan rọwile ruzu ịnam mọ ọge bọ rạraar phọ.
14 #
1 Tim 1.20;
Ạsuo 62.12; Rom 2.6 Ạleksander ọlemom ọlem mọ uḍighi ni ịmi iboom ịkaraph. Ọmoogh-we phọ kụ kạkpe nyọdi ịikpia dị ẹgbaanyan rꞌeḍighinom ịyaar phọ ọdi. 15Nạ rꞌaloor ạna gona ni loor esi ọdi, ịdi eḍighi bọ ọdi ạkaraghi ni ạkuami ạgbagharan dom mọ ayira.
16Rꞌoniin oye ịmi úḍighan, mem mọ mị ạdagh bọ rạgba kạphelaam ẹmhu phọ ạmi. Tọrobo oye umutonaan ni ịmi. Ẹnaan kị́sighe ịphen phọ ịḅam rụmhu ạbidi! 17Kụ Ọmoogh-we phọ ụrolan ni ịmi, ụngo ghan ịmi ịnyaam, dị mị arue ni agbeelom ghan dom mọ ạmadan ạngo oomo aruuruen phọ, kụ ụphel li ịmi ạsighe ọnhu ạnam-dịka. 18Kụ Ọmoogh-we phọ kụphel kẹn ni ịmi esi oomo ịkaraph, kụ uuko ni ịmi asiemi ọmar phọ kꞌạda-otu. Eegu ẹrolonaan ni nyọdi kꞌagee-pọ kꞌagee-pọ! Ẹrol li ịdipho!
Iipuruan
19 #
Iiḍ 18.2;
2 Tim 1.16, 17 Upurunaan ịmi Prịsila rꞌẠkuila, rꞌọto kꞌỌnesiforos. 20#Iiḍ 19.22; Rom 16.23; Iiḍ 20.4; 21.29Ẹrastos ạrol ẹpe Kọrint, kụ mị ạwile Trọfimos ẹpe Mailitos, loor esi dị ọdi ạrol emoon. 21Káabinyemiom origheel kụ egbi ọteeny amem ẹephoom mọ.
ẠYubulos, rꞌaPudens, rꞌạLinos, rꞌạKlodia, rꞌoomo ạbueri asiya phọ mopuru nyịna.
22Ọmoogh-we phọ ạrolonaan uwaloor phọ ạna!
Ooḅi ọghor phọ kꞌẸnaan ịrolonaan inyina!
Currently Selected:
2 Timoti 4: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
2 Timoti 4
4
1Mị ạsighe ni ḍien Ẹnaan rꞌạJizos Kraist phọ kaagbo bọ ịiruen ạngo oomo awe, bụlo odi rꞌạbulo momuughu, kụ righiremi inyina ịyo loor ẹmhu aḍio phọ ọdi kamite bọ egaan phọ rꞌọmar phọ ọdi mọ 2kạaph ni ọghaaph phọ Ẹnaan aleenye eleeny. Mem lọ ẹnighe rꞌamem lọ ị́nighe, kạ́bile dị nạ ụ́kaaph. Kịa ạghaaph aḅonyon iloghi awe. Tuphughiom, ạḅaam bịdi ịkaraph phọ ạbidi. Kpạrami iloghi phọ ạbidi. Mọogh ọkparam kụ ạtughemiom ghan. 3Amem ketu ni dị awe kọ́naghanan mun igey ịtughemi phọ. Bịdi kọdaph ghan rụuphua ạbidi bịn, kụ ookpomoghi bụtughemia otum bụtughemia dị kọtughemi ghan ịpe retiirogh bọ iloghi phọ ạbidi. 4Bịdi kọgumom ni ọman ọnaghan ghan igey phọ, kụ ozuumaam ghụn ịkaraph asidum. 5Kụ nạ phọ, pạmaghan loor ạna esi oomo ạraraar. Mịnoghom ghan ịminimiin, aḍighi oḍighi oye dị rạkaaph ghan ooḅi ọghaaph phọ. Ḍighi kꞌịkpara kꞌikpuru oḍighi phọ ạna ịdipho otelhedom Ẹnaan.
6Mị kụ ọlo, amem mọ mẹteeny ni dị romoor ghan ịḅaal aghuḍum mọ ạmi ịdipho amiim. Amem mọ mịteenyaan ịmi dị mị kạbile ghuḍum mọ ạkuen. 7Mị mee ni egey eenom. Mị maghiil li eghiil phọ ạteeny eekuna. Mị maako ni ịpe omeeraam mọ ạḅem bọ. 8Kụ nyịidipho abin ọkpar opu phọ rukori ni ịmi. Ọmoogh-we phọ aḍighi bọ oogboom ịiruen aruukuan phọ kuzu ni ịmi eghoony aruukuan phọ ḍio phọ ạḍiphe. Ọdi kázu ogina ạmi bịn, kazu aani ni oomo ạbuphe ọphomoghian bọ nyọdi kụ rokori ghan bọ mem mọ ọdi kamite bọ egaan phọ.
Ọghaaph ọlo oye rꞌoye
9Káabinyemiom ọnuun oru ọteeny ạmi. 10#Kọl 4.14; Fạil 1.24; 2 Kọr 8.23; Gal 2.3; Tạit 1.4ADimas mạḅile akiton ạpomoghian aḅirini phọ ọphon kụ mumutonaan ịmi. Ọdi mạḍua akeel Tẹsalonika. ẠKreskens mạghi Galetia, ạTaitos ạki Dalmatia. 11#Kọl 4.14; Fạil 1.24; Iiḍ 12.12, 25; 13.13; 15.37-39; Kọl 4.10; Fạil 1.24ALuk bịn kụ udianaan ịmi. Sịghe Mạk ạpham arumom, ịdi eḍighi bọ ọdi kụloghonaan ni ịmi ḍịghaagh esi oḍighi phọ. 12#Iiḍ 20.4; Ẹfe 6.21, 22; Kọl 4.7, 8Mị atom Tịkikos mọ ạghi Ẹfesos. 13#Iiḍ 20.6Mem lọ nạ ratu sịghe ạsuoma phọ mị aseere bọ kꞌạKapos ẹpe Troas uruom. Pạmam ni rịnya phọ, ụ́bile ghan rọwile ruzu ịnam mọ ọge bọ rạraar phọ.
14 #
1 Tim 1.20;
Ạsuo 62.12; Rom 2.6 Ạleksander ọlemom ọlem mọ uḍighi ni ịmi iboom ịkaraph. Ọmoogh-we phọ kụ kạkpe nyọdi ịikpia dị ẹgbaanyan rꞌeḍighinom ịyaar phọ ọdi. 15Nạ rꞌaloor ạna gona ni loor esi ọdi, ịdi eḍighi bọ ọdi ạkaraghi ni ạkuami ạgbagharan dom mọ ayira.
16Rꞌoniin oye ịmi úḍighan, mem mọ mị ạdagh bọ rạgba kạphelaam ẹmhu phọ ạmi. Tọrobo oye umutonaan ni ịmi. Ẹnaan kị́sighe ịphen phọ ịḅam rụmhu ạbidi! 17Kụ Ọmoogh-we phọ ụrolan ni ịmi, ụngo ghan ịmi ịnyaam, dị mị arue ni agbeelom ghan dom mọ ạmadan ạngo oomo aruuruen phọ, kụ ụphel li ịmi ạsighe ọnhu ạnam-dịka. 18Kụ Ọmoogh-we phọ kụphel kẹn ni ịmi esi oomo ịkaraph, kụ uuko ni ịmi asiemi ọmar phọ kꞌạda-otu. Eegu ẹrolonaan ni nyọdi kꞌagee-pọ kꞌagee-pọ! Ẹrol li ịdipho!
Iipuruan
19 #
Iiḍ 18.2;
2 Tim 1.16, 17 Upurunaan ịmi Prịsila rꞌẠkuila, rꞌọto kꞌỌnesiforos. 20#Iiḍ 19.22; Rom 16.23; Iiḍ 20.4; 21.29Ẹrastos ạrol ẹpe Kọrint, kụ mị ạwile Trọfimos ẹpe Mailitos, loor esi dị ọdi ạrol emoon. 21Káabinyemiom origheel kụ egbi ọteeny amem ẹephoom mọ.
ẠYubulos, rꞌaPudens, rꞌạLinos, rꞌạKlodia, rꞌoomo ạbueri asiya phọ mopuru nyịna.
22Ọmoogh-we phọ ạrolonaan uwaloor phọ ạna!
Ooḅi ọghor phọ kꞌẸnaan ịrolonaan inyina!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS