2 Bụo ạKorint 9
9
Ẹkpe ni ọloghonaan ạḍighaagh bụo asiya ayira
1Ọmaar ogbiighi, mị rịghiom ni inyina ologhi bịn, ọbo ị́kpe dị mị kạge ḍịnya iruom inyina ịlo ạḍighaagh phọ rọlogh bọ kọngo we phọ Ẹnaan odi bọ Judia. 2Mị alegheri ni ephiighaam dị nyina repiigha ọlogh ạḍighaagh kụ mị aatuma bọ ịlo anyina ạḅeni we phọ aMasidonia. Mị ụḅeni ni bịdi mọ bụo asiya phọ odi bọ Ạkaya mọnya ni ọlogh ạḍighaagh kꞌanana phọ ạḍiphe eten bọ. Ookolobian phọ anyina anyu ni ogbogh opol ạbidi ạkiom ghisigh. 3Mị marom bụo asiya phọ ạbuen, ọbo ịpe yoor riitumaam bọ inyina sịen ọghaaph phọ ọphon keḍighi ghan bọ mụdi yoor uroḅologhi ni ookuugh ọnhu ayoor bịn. Kụ ịdipho mị mạḅem bọ ni, mị ameeraam ni mọ nyina reekpomoghi ni inmo phọ anyina. 4Iloni iloni, kụ mị ạpham bụo aMasidonia aru asiom kụ inmo phọ anyina ke̋ekpomoghan, umugholoor kusiph ni iyoor — ọlo anyina úkol — esi oḍuom ologhi phọ yoor ịmooghom bọ inyina. 5Mị ụtuan ịduon kụ ạatughian bọ mọ ẹkpe ni dị bụo asiya phọ ạbuen koḍia ghan otu ịteeny inyina, ọbo eekpomoghi inmo phọ nyina eguanaan bọ eseere. Bịn mem lọ mị aru asi eekpomoghan ni, ọbo eḍeenaan mọ iḍigh ni iloghi anyina, oye kụ inyina ị́kpaariom.
6Ịkiom ologhi ịphen, oye lọ aḅeph ịbam rabugha ghan ịbam; ọlo aḅeph igbogh kabugha igbogh. 7Tọrobo oye ạngo ghan ịpe eḍigh bọ ologhi phọ ọdi, kụ́ḅiphighu mụdi ụkpaariom ni nyọdi, ịdi eḍighi bọ Ẹnaan rẹpomoghian ghan nyọpo rạngoom ghan bọ rꞌophooph ologhi! 8Kụ Ẹnaan ketue ni ịngo inyina ẹeḍiom epeeliom ịpe ikuom bọ inyina, ọbo nyina ẹmoogh ghan oomo ạraraar phọ ẹbalabalami oomo amem, mụdi epeel ghan ịdi nyina keḍighinom ghan iiḅi. 9#Ạsuo 112.9Ịdipho ạḍinya iigbia phọ ẹḅem bọ mọ,
“Ọdi rạ́logh ghan ạaku ọngo ghan arukulom mọ.
Iiḅi phọ ọdi rẹtol ghan ni kꞌagee-pọ.”
10 #
Azay 55.10
Kụ Ẹnaan phọ rẹngo ghan bọ oḅephom ozo phọ ịizupha rꞌeḍien olhe phọ kịngaani ni inyina ịizupha ọzuph phọ, ẹḅile eḍighi dị kepoph, kụ ẹbughe sụo iiḅi phọ nyina reḍighi ghan bọ. 11Ẹeḍiom mọ anyina kẹbugh ni ọman rꞌighisigh, bịn iiḅi dị kipel inyina oḍighi ílho, ḅịle inmo phọ nyina kịngo ghan bọ iyoor odiighi phọ keḍighi ni dị ịbadi awe kọtuan ọseph ghan Ẹnaan. 12Ịphen nyina reekpomoghi bọ epel li oḍighinom iiḅi we phọ Ẹnaan ekuom bọ, ẹloghom ni ḍịbalabala ạḍiseph dị rọngo ghan Ẹnaan. 13Iiḅi phọ nyina eḍighi bọ reḍeenaan ghan iiḅi ạroozo phọ anyina kụ keḍighi ni dị ịbadi awe kọlogh eghuan Ẹnaan, mem lọ ọmiin ịdi nyina ẹkuom loor phọ anyina ooḅi ọghaaph phọ aKraist nyina memeeraam bọ, ḅịle rꞌiiḅi phọ nyina esogh bọ osogh phọ eḍighinom bịdi rꞌoomo ạbueri phọ. 14Ịdipho bịdi kookpomoghan bọ ighol ghan inyina ọoḅereghi, nyina kẹtol li iloghi phọ ạbidi loor ẹeḍiom ighirigiir phọ Ẹnaan mịnma bọ inyina. 15Itu oghol inmo phọ Ẹnaan anem kétue bọ ẹkaaph ọngo ḍịseph nyọdi!
Currently Selected:
2 Bụo ạKorint 9: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
2 Bụo ạKorint 9
9
Ẹkpe ni ọloghonaan ạḍighaagh bụo asiya ayira
1Ọmaar ogbiighi, mị rịghiom ni inyina ologhi bịn, ọbo ị́kpe dị mị kạge ḍịnya iruom inyina ịlo ạḍighaagh phọ rọlogh bọ kọngo we phọ Ẹnaan odi bọ Judia. 2Mị alegheri ni ephiighaam dị nyina repiigha ọlogh ạḍighaagh kụ mị aatuma bọ ịlo anyina ạḅeni we phọ aMasidonia. Mị ụḅeni ni bịdi mọ bụo asiya phọ odi bọ Ạkaya mọnya ni ọlogh ạḍighaagh kꞌanana phọ ạḍiphe eten bọ. Ookolobian phọ anyina anyu ni ogbogh opol ạbidi ạkiom ghisigh. 3Mị marom bụo asiya phọ ạbuen, ọbo ịpe yoor riitumaam bọ inyina sịen ọghaaph phọ ọphon keḍighi ghan bọ mụdi yoor uroḅologhi ni ookuugh ọnhu ayoor bịn. Kụ ịdipho mị mạḅem bọ ni, mị ameeraam ni mọ nyina reekpomoghi ni inmo phọ anyina. 4Iloni iloni, kụ mị ạpham bụo aMasidonia aru asiom kụ inmo phọ anyina ke̋ekpomoghan, umugholoor kusiph ni iyoor — ọlo anyina úkol — esi oḍuom ologhi phọ yoor ịmooghom bọ inyina. 5Mị ụtuan ịduon kụ ạatughian bọ mọ ẹkpe ni dị bụo asiya phọ ạbuen koḍia ghan otu ịteeny inyina, ọbo eekpomoghi inmo phọ nyina eguanaan bọ eseere. Bịn mem lọ mị aru asi eekpomoghan ni, ọbo eḍeenaan mọ iḍigh ni iloghi anyina, oye kụ inyina ị́kpaariom.
6Ịkiom ologhi ịphen, oye lọ aḅeph ịbam rabugha ghan ịbam; ọlo aḅeph igbogh kabugha igbogh. 7Tọrobo oye ạngo ghan ịpe eḍigh bọ ologhi phọ ọdi, kụ́ḅiphighu mụdi ụkpaariom ni nyọdi, ịdi eḍighi bọ Ẹnaan rẹpomoghian ghan nyọpo rạngoom ghan bọ rꞌophooph ologhi! 8Kụ Ẹnaan ketue ni ịngo inyina ẹeḍiom epeeliom ịpe ikuom bọ inyina, ọbo nyina ẹmoogh ghan oomo ạraraar phọ ẹbalabalami oomo amem, mụdi epeel ghan ịdi nyina keḍighinom ghan iiḅi. 9#Ạsuo 112.9Ịdipho ạḍinya iigbia phọ ẹḅem bọ mọ,
“Ọdi rạ́logh ghan ạaku ọngo ghan arukulom mọ.
Iiḅi phọ ọdi rẹtol ghan ni kꞌagee-pọ.”
10 #
Azay 55.10
Kụ Ẹnaan phọ rẹngo ghan bọ oḅephom ozo phọ ịizupha rꞌeḍien olhe phọ kịngaani ni inyina ịizupha ọzuph phọ, ẹḅile eḍighi dị kepoph, kụ ẹbughe sụo iiḅi phọ nyina reḍighi ghan bọ. 11Ẹeḍiom mọ anyina kẹbugh ni ọman rꞌighisigh, bịn iiḅi dị kipel inyina oḍighi ílho, ḅịle inmo phọ nyina kịngo ghan bọ iyoor odiighi phọ keḍighi ni dị ịbadi awe kọtuan ọseph ghan Ẹnaan. 12Ịphen nyina reekpomoghi bọ epel li oḍighinom iiḅi we phọ Ẹnaan ekuom bọ, ẹloghom ni ḍịbalabala ạḍiseph dị rọngo ghan Ẹnaan. 13Iiḅi phọ nyina eḍighi bọ reḍeenaan ghan iiḅi ạroozo phọ anyina kụ keḍighi ni dị ịbadi awe kọlogh eghuan Ẹnaan, mem lọ ọmiin ịdi nyina ẹkuom loor phọ anyina ooḅi ọghaaph phọ aKraist nyina memeeraam bọ, ḅịle rꞌiiḅi phọ nyina esogh bọ osogh phọ eḍighinom bịdi rꞌoomo ạbueri phọ. 14Ịdipho bịdi kookpomoghan bọ ighol ghan inyina ọoḅereghi, nyina kẹtol li iloghi phọ ạbidi loor ẹeḍiom ighirigiir phọ Ẹnaan mịnma bọ inyina. 15Itu oghol inmo phọ Ẹnaan anem kétue bọ ẹkaaph ọngo ḍịseph nyọdi!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS