1 Timoti 3
3
Ọdo awe dị ọkpe oḍighi abupoghom ạbuo ạsiosi phọ
1Ọphon phọ ogey ọḅem ni mọ, “Oye lọ ạzua oḍighi opoghom ạsiosi phọ, pọ ạzua ni ephigh oḍighi.” 2#Tạit 1.6-9Opoghom mọ aḍighi oye dị eḍighinom ịyaar phọ ọdi eseleman! Ọdi aphin oniin ạnir bịn, ạmoogh eeḅi ẹzo, ạmaar ẹrolom, aako ghan loor ọdi, aghuraam ruuruen, ạmaar ịlo ọtughemi ghan! 3Kúḍighi oye ekpom rꞌọoko amiim, aḍighi oye ẹepho, ạmoogh igbiririph, kụ́moogh ekpooko ikpoki! 4Ọdi aḍighi oye dị ạmaar rạpam ọto ọdi, ḅịle kẹn ạnmuny ọdi rọnaghanan ghan nyọdi, kọlogh nyọdi eghuan. 5Oye lọ ụ́maar ịlo ọpham ọto ọdi, kaḍighi bọ ika kụ ạpam bụo ạsiosi phọ Ẹnaan? 6Ọdi kúḍighi oye dị kọ̋kpar sịphe omeeraam mọ, ọbo ọdi kaaphughemi ghan bọ loor phọ ọdi, ạḅomom ịiruen amuphe phọ osophonaan bọ Eru. 7Ọdi aḍighi oye dị ạmoogh eghuan ghisigh ạbuphe úḍighi aani bọ bụo ạsiosi, ọbo kosiphe ghan bọ nyọdi umugholoor, ọdi ameel ḍiphil phọ Eru.
Ạbuo iiḍighi ạsiosi phọ
8Ạbuphe ọson bọ oseere mọ ọloghonaan ghan ḍịghaagh bụo ạsiosi phọ ọmaar kẹn ni ẹrolom, kụ́moogh ịyal asinem! Miim kụ́pughol ghan iboom, kúḍighi we ekpooko ikpoki, 9ọmoogh ophooph ologhi kụ ọtuugh igey phọ mogananami bọ bịn omeeraam! 10Ịpur ghan ẹeḅeghion aani bịdi ephogh, kụ bụlo ọkua kụ egbi ghan ọma oseere ạdol phọ ạḍien. 11Ạnmariir phọ bịdi ophinogh bọ kẹn ọmaar ẹrolom, kụ́kalaghian ghan ịkalaghian, ọmoogh iiḅi ạroozo, oḍighi bụo oḍuom ghan ologhi oomo amem! 12Ọpo ọsaḅar bọ oseere mọ ạloghonaan ghan ḍịghaagh bụo ạsiosi phọ aphin oniin ạnir bịn, ạmaar ạpham nmụny ọdi rꞌọto ọdi! 13Bụlo ọkuami oḍighi phọ oḍighi koḍigh ni eboom eghuan, ọḅile ọmoogh ạkpo ologhi ọghaaphom ghan ịlo omeeraam mọ ạbidi esi ạJizos Kraist.
Ạḍibugh ịpe mogananami bọ uḍeenaan iyira
14Ịduon mị ạge bọ ḍịnya phọ ạḍien raruom nyịna, mị aḍuom ni ologhi ọnuun oru ọmiin ạna. 15Kụ mị aabinya, ạḍinya phọ ạḍien keḍeenaan ni nyịna ẹzo dị yira ạbuo eghunotu phọ Ẹnaan kọzo ghan. Yira phọ kụ ạbuo ạsiosi Ẹnaan phọ edi ghan bọ ni. Yira kụ ụmaar bọ ni rọpam kooko igey phọ. 16Oye ólho dị kạparanaan ḍịbugh omeeraam mọ mogananami bọ uḍeenaan iyira:
Ọdi amite ni eye aganana,
kụ Uwaloor Iigbia phọ aḍeenaan
mọ ọdi oye aruukuan ni,
ḅịle ạruukpaany phọ Ẹnaan ụmiin ni nyọdi.
Awe kẹn ụghaaph ni ooḅi ọghaaph ịlo ọdi
ọḅeni ruuruen phọ.
Umeeraam ni nyọdi sịen aḅirini phọ,
kụ Ọmoogh-we ạsighe ni nyọdi agheelom kꞌạke.
Currently Selected:
1 Timoti 3: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
1 Timoti 3
3
Ọdo awe dị ọkpe oḍighi abupoghom ạbuo ạsiosi phọ
1Ọphon phọ ogey ọḅem ni mọ, “Oye lọ ạzua oḍighi opoghom ạsiosi phọ, pọ ạzua ni ephigh oḍighi.” 2#Tạit 1.6-9Opoghom mọ aḍighi oye dị eḍighinom ịyaar phọ ọdi eseleman! Ọdi aphin oniin ạnir bịn, ạmoogh eeḅi ẹzo, ạmaar ẹrolom, aako ghan loor ọdi, aghuraam ruuruen, ạmaar ịlo ọtughemi ghan! 3Kúḍighi oye ekpom rꞌọoko amiim, aḍighi oye ẹepho, ạmoogh igbiririph, kụ́moogh ekpooko ikpoki! 4Ọdi aḍighi oye dị ạmaar rạpam ọto ọdi, ḅịle kẹn ạnmuny ọdi rọnaghanan ghan nyọdi, kọlogh nyọdi eghuan. 5Oye lọ ụ́maar ịlo ọpham ọto ọdi, kaḍighi bọ ika kụ ạpam bụo ạsiosi phọ Ẹnaan? 6Ọdi kúḍighi oye dị kọ̋kpar sịphe omeeraam mọ, ọbo ọdi kaaphughemi ghan bọ loor phọ ọdi, ạḅomom ịiruen amuphe phọ osophonaan bọ Eru. 7Ọdi aḍighi oye dị ạmoogh eghuan ghisigh ạbuphe úḍighi aani bọ bụo ạsiosi, ọbo kosiphe ghan bọ nyọdi umugholoor, ọdi ameel ḍiphil phọ Eru.
Ạbuo iiḍighi ạsiosi phọ
8Ạbuphe ọson bọ oseere mọ ọloghonaan ghan ḍịghaagh bụo ạsiosi phọ ọmaar kẹn ni ẹrolom, kụ́moogh ịyal asinem! Miim kụ́pughol ghan iboom, kúḍighi we ekpooko ikpoki, 9ọmoogh ophooph ologhi kụ ọtuugh igey phọ mogananami bọ bịn omeeraam! 10Ịpur ghan ẹeḅeghion aani bịdi ephogh, kụ bụlo ọkua kụ egbi ghan ọma oseere ạdol phọ ạḍien. 11Ạnmariir phọ bịdi ophinogh bọ kẹn ọmaar ẹrolom, kụ́kalaghian ghan ịkalaghian, ọmoogh iiḅi ạroozo, oḍighi bụo oḍuom ghan ologhi oomo amem! 12Ọpo ọsaḅar bọ oseere mọ ạloghonaan ghan ḍịghaagh bụo ạsiosi phọ aphin oniin ạnir bịn, ạmaar ạpham nmụny ọdi rꞌọto ọdi! 13Bụlo ọkuami oḍighi phọ oḍighi koḍigh ni eboom eghuan, ọḅile ọmoogh ạkpo ologhi ọghaaphom ghan ịlo omeeraam mọ ạbidi esi ạJizos Kraist.
Ạḍibugh ịpe mogananami bọ uḍeenaan iyira
14Ịduon mị ạge bọ ḍịnya phọ ạḍien raruom nyịna, mị aḍuom ni ologhi ọnuun oru ọmiin ạna. 15Kụ mị aabinya, ạḍinya phọ ạḍien keḍeenaan ni nyịna ẹzo dị yira ạbuo eghunotu phọ Ẹnaan kọzo ghan. Yira phọ kụ ạbuo ạsiosi Ẹnaan phọ edi ghan bọ ni. Yira kụ ụmaar bọ ni rọpam kooko igey phọ. 16Oye ólho dị kạparanaan ḍịbugh omeeraam mọ mogananami bọ uḍeenaan iyira:
Ọdi amite ni eye aganana,
kụ Uwaloor Iigbia phọ aḍeenaan
mọ ọdi oye aruukuan ni,
ḅịle ạruukpaany phọ Ẹnaan ụmiin ni nyọdi.
Awe kẹn ụghaaph ni ooḅi ọghaaph ịlo ọdi
ọḅeni ruuruen phọ.
Umeeraam ni nyọdi sịen aḅirini phọ,
kụ Ọmoogh-we ạsighe ni nyọdi agheelom kꞌạke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS