1 Timoti 2
2
Ịdi ẹkpe ooseeny ghan Ẹnaan
1Esi omiighom, mị ratoma ni mọ oghol ghan oomo awe ghisigh Ẹnaan esi ịlom aghuḍuul, rꞌịiḅereghi, rꞌịlo yira ọwa, rꞌạḍiseph. 2Ogholom aani ghan ni bụlo ọdaaghi reelhe rꞌạbulo rọtooghi rạraar kọngo bụnon, pịdi yira ọrol dọl ẹboroph rꞌẹepho, ọkuom loor ayira Ẹnaan, ọzo ghan rọozo lọ eseleman. 3Ọdo phọ ịiḅereghi phọ ịphen kụ ịnighe, ẹḅile ẹḅeeraan Ẹnaan Ọpelia phọ ayira, 4rẹwa ghan bọ mọ oomo awe ọmoogh pẹleeny rꞌolegheri ịyaar phọ ọpo igey phọ. 5Edi bọ eniin Ẹnaan; edi bọ kẹn oniin oye dị ạmeera enye ogbo Ẹnaan rꞌawe. Oye phọ ọpo phọ ạJizos Kraist 6ạsighe bọ ghuḍum mọ ọdi ạtagharanam oomo awe. Emunughan bọ mem mọ, ịpe phọ kụ iḍeenaan mọ Ẹnaan rẹwa ghan mọ oomo awe ọmoogh pẹleeny. 7#2 Tim 1.11Ụtuan ịduon kụ urom bọ ịmi oḍighi otelhedom rꞌọtughemia aruuruen phọ, mọ mị ugbeelom dom omeeraam rꞌigey phọ ụḅeni we. Mị ọkpe rạ́gba; mị rạkaaph ni igey.
8Mị rạwa mọ tọrobo aḍio ạsiosi alephiri dị oseleman ọlhel ghan ịphalaḅaal ạraghaagh kụ ọoḅereghi Ẹnaan. Kụ́ḅaram ghan ophin ologhi rꞌịgbakian.
9 #
1 Pit 3.3
Ịduon kẹn kụ ịdi mị ạḅile rạwa mọ ạnmariir phọ ọtuugh ghan iinmenan aghuḍuul kụ oonmenan ghan, kúunmenan ghan ịlo umugholoor; kúḅoom ghan oboom oselemian ạsilaal rꞌọzologhian ịzolaam asigol, rꞌọloghoḍian ạrala, ḅịle rꞌiinmenan lọ ẹman ikpoki iboom. 10Iiḅi ạroozo phọ ịpe ẹkpianaan bọ nmạriir lọ rọlogh eegu Ẹnaan kụ eḍighi ghan iinmenan dị bịdi koonmenan ghan! 11Ạnmariir phọ ọtuugha oḅoorian ghan bịriph bịriph osooromi loor ịtuugha phọ! 12Mị ụ́ngo ịikpo mọ ạnmariir ọtughemi ghan, ọḅile ọtooghi ghan rạraar ọngo lephiri ạnmuny. Bịdi oḅoroghian ghan, 13#Emi 2.7; Emi 2.21, 22ịdi eḍighi bọ ụphur ọlhem Ạdam kụ ogbi ọlhem aIiv, 14#Emi 3.1-6kụ Ạdam úukeleghi. Ạnir phọ kụ ọdi ookeleghi bọ kụ aḍighi bọ osoroghuom iilogh phọ Ẹnaan. 15Kụ ọlo, ạnir-ephoph phọ ạrol ghan ni dọl omeeraam rꞌẹphomoghian rꞌaruukuan, ạḅile aako ghan loor ọdi, ạghiom ghisigh, ọdi kạmar ghan ni mọony rꞌẹwoor.
Currently Selected:
1 Timoti 2: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
