1 Bụo ạTesalonika 1
1
1 #
Iiḍ 17.1
ẠPol rꞌạSailas rꞌaTimoti kụ ụge ḍịnya phọ ạḍien riruomaan inyina, ạbuo ạsiosi phọ ạTesalonika, bụphe oḍighi bọ bụo Ẹnaan Ọde phọ, rꞌạJizos Kraist Ọmoogh-we phọ.
Ạḍiseph rꞌẹepho ịrolonaan inyina!
Ạdol phọ rꞌomeeraam mọ awe phọ ạTesalonika
2Yoor rọseph ghan ni Ẹnaan esi ạrumhu oomo phọ anyina, ḅịle yoor úsoph mem oghol anyina esi ịiḅereghi. 3Ḅịle yoor inyina íwula ghisigh Ẹnaan Ọde phọ ayira ịpe nyina ẹsighe bọ omeeraam kụ reḍighinom, rꞌịpe nyina ẹtuan bọ ẹphomoghian rekumuan, rꞌịpe nyina ẹtuan bọ oḍuom ologhi esi ạJizos Kraist Ọmoogh-we phọ ayira kụ rẹkparam. 4Iiḅi asiya, yoor olegheri ni mọ Ẹnaan ịphomoghian ni inyina kụ mịsaḅar inyina ẹsighe. 5Ilegheri mọ yoor ụ́sighe ọnhu bịn kụ iruomaan bọ inyina ooḅi ọghaaph phọ, ụḅaram ni ịikpo rꞌUwaloor Iigbia phọ, ọḅile omeeraam mọ ịpe yoor rọkaaph bọ ọkaraghi ịne ni. Nyina elegheri ni dọl phọ yoor ọtuan bọ rụmhu phọ anyina kụ ịrolan bọ inyina. 6#Iiḍ 17.5-9Nyina ịtuughaany ni iyoor rꞌỌmoogh-we phọ. Ghạlamo ịdipho nyina ẹmiinom bọ ni iboom, nyina ịsighe ni dom mọ rꞌọḅaal ologhi phọ ọpo ạḍua bọ esi Uwaloor Iigbia phọ kụ aru. 7Kụ nyina eḍighi bọ weye ọmaaniom ẹngo oomo ạbuphe omeeraam bọ ẹpe Masidonia rꞌẠkaya, 8esi dị ọghaaph Ọmoogh-we phọ úleeny Masidonia rꞌẠkaya bịn, omeeraam mọ anyina maaleghaan ni oomo arikpisi. Yoor ụ́moogh mun ịnon ịlo ọghaaph, 9ịdi eḍighi bọ bịdi rꞌaloor kụ rọgba ịlo amem mọ yoor ịrolan bọ inyina, ịdi nyina mẹwile ruru, kụ ekiton esoman reḍighi oḍighi kẹngo ọkaraghi Ẹnaan phọ edi ghan bọ kꞌagee-pọ, 10rꞌịdi nyina rekori Mọony phọ ọdi kạḍua bọ kꞌạke atu. ẠJizos phọ dị aḅeton bọ esi aḍuugh phọ kụ kụphel bọ iyira ạsighe esi ạghelhe phọ Ẹnaan kẹsighe bọ etu.
Currently Selected:
1 Bụo ạTesalonika 1: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
