ROM 13
13
Atwa Krast nu Ụhwada na Untanganɛ Aŋ
1Ga bụtụ bụtụ no momo shilono ụhwada na untanganɛ bụ, iwɛnɛ ti yaa zasa ụhwada we elele na namba, semi unaa na banɛ no olugwo Agwatana. Ahwada na kaa namɛ, Agwatana tileni aŋ. 2Ibɛ po bụtụ be elele na ba sukakana ụhwada, asha ba sukakana iyi nɛ Agwatana shiri. Atwa na kaa a sukakana uŋ, asha ụshɛrɛya ee meme sugeni. 3Iwɛnɛ po ehiu ga shɛ shɛ iyi inyɛsɛ ta ba nda ugondu ubiye o, semi ta ba nda una ụwɛ. I bu kwụlanɛ suu maa kede inyɛsɛ ya atwa ụhwada na bu sha? Asha na nda iyi ibiye, nazhɛ ɛɛ zhɛ ma bu dumanga. 4Iwɛnɛ po Agwatana aa ndana iyi iwɛ bu, iwɛ maa ibu zhɛmanɛ. Ama yaa shɛ aba nda iyi iwɛ, asha na nda inyɛsɛ ya aba, iwɛnɛ tu utokwobi na aa untanganɛ shɛ shɛ gadaga, ama anjɛ-itɛpwɛ aa shɛ, iwɛ maa a na nda isɛbwɛ no ofwo bụtụ be elele na ba nda iyi iwɛ. 5Iwɛbɛ po yaa shɛ i tilɛɛ maa hi meme tileneni ụhwada, shɛ iwɛ maa hi gezhigeni isɛbwɛ kiri o, ama iwɛnɛ ti yee teni cɛŋ maa bụtụ njɛ. 6Iwɛ ecilo ga ahia tụpa du adalụ. Iwɛnɛ po Agwatana aa ndana ugondu, gana go kaa a nda uŋ tutu.#Mat 22:21; Mak 12:17; Luk 20:25 7Na tụpa ma atwa elele atashɛ aba. Bụtụ na ba lashɛga ukwuribi wa adalụ, na tụpa bu ma ukwuribi wa adalụ; bụtụ na kaa aa tụpa ukwuribi ụhwada, na tụpa bu ma ukwuribi ụhwada; bụtụ na kaa aa nda inyɛsɛ ibwɛ, na nda ma inyɛsɛ ibwɛ; bụtụ na kaa aa muna ụjɛrụma, na muna bu ma ụjɛrụma.
Tulubo tɛ Shɛ Undwa Tụ'ụrɛcɛnga
8Ta ya ma bụtụ be elele utashɛ we elele o, semi ga shɛ tumomo lubonu kiri ehi momo lubonu. Bụtụ na bo lubo binya bwa, asha bụ ụrɛcɛnjɛ iyi nɛ undwa jɛmɛ. 9Iwɛbɛ po onu-tupana ata ɛ hiɛŋ, Ta nda tuwɛle o, ta kwụna bụtụ o, to zundo izunde o, ta la tiseyida tu tukata o, ta nda eshe-iyi o, ama unu-tupana unya we elele na ta namba ya, asha u namɛ na amɛ iwɛ ɛtɛ ike, nɛ hiɛŋ, No lubo uyebi bu gana na obu momo lubo.#Ụban 20:13,14,15,17; Liv 19:18; Undwa 5:17,18,19,21 10Tulubo tɛ njɛ shɛ uyebi ubwa iyi iwɛ o; ibɛ po tulubo tɛ shɛ undwa tụ'ụrɛcɛnga.
11Ijɛ du ahiɛ shɛ hi na nda, zhinjɛ ma ya malabụ, gana na te ehi mepi maa aka ci ya cebe. Aka na maa e ti bicinji gwumwongonu ya hwuwayɛ uhwuri aka ala atɛ tɛtanɛ-rishe hiiŋ. 12Ụjita shiwo ya cebe, iyi gwumwonu ya tuholo. Ibɛ po yaa shɛ tilɛɛ maa ti tileni ma ya ugondu tishi, maa tu no urugono ma i'wɛŋnɛ ujasa uhioko-uhwaŋna. 13Tu na zha ma tahaŋnụ shii gana na ta bụtụ ba zha tahaŋnụ nu uwaŋna. Kede tu nama ma na ti'nyama keeni mayaga tuswagana o, kede tu nama ma nɛ tuwɛle keeni eshe-iyi o, kede tu nama ma na ashamanjɛ keeni isɛbwɛngwɛ o. 14Ama no urugono ma masha ma Agwangwama Jisus Krast, to no shiyono ma ahaŋsa hiŋ nu ukwedeyi masha ma butugwumwa o.
Currently Selected:
ROM 13: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
ROM 13
13
Atwa Krast nu Ụhwada na Untanganɛ Aŋ
1Ga bụtụ bụtụ no momo shilono ụhwada na untanganɛ bụ, iwɛnɛ ti yaa zasa ụhwada we elele na namba, semi unaa na banɛ no olugwo Agwatana. Ahwada na kaa namɛ, Agwatana tileni aŋ. 2Ibɛ po bụtụ be elele na ba sukakana ụhwada, asha ba sukakana iyi nɛ Agwatana shiri. Atwa na kaa a sukakana uŋ, asha ụshɛrɛya ee meme sugeni. 3Iwɛnɛ po ehiu ga shɛ shɛ iyi inyɛsɛ ta ba nda ugondu ubiye o, semi ta ba nda una ụwɛ. I bu kwụlanɛ suu maa kede inyɛsɛ ya atwa ụhwada na bu sha? Asha na nda iyi ibiye, nazhɛ ɛɛ zhɛ ma bu dumanga. 4Iwɛnɛ po Agwatana aa ndana iyi iwɛ bu, iwɛ maa ibu zhɛmanɛ. Ama yaa shɛ aba nda iyi iwɛ, asha na nda inyɛsɛ ya aba, iwɛnɛ tu utokwobi na aa untanganɛ shɛ shɛ gadaga, ama anjɛ-itɛpwɛ aa shɛ, iwɛ maa a na nda isɛbwɛ no ofwo bụtụ be elele na ba nda iyi iwɛ. 5Iwɛbɛ po yaa shɛ i tilɛɛ maa hi meme tileneni ụhwada, shɛ iwɛ maa hi gezhigeni isɛbwɛ kiri o, ama iwɛnɛ ti yee teni cɛŋ maa bụtụ njɛ. 6Iwɛ ecilo ga ahia tụpa du adalụ. Iwɛnɛ po Agwatana aa ndana ugondu, gana go kaa a nda uŋ tutu.#Mat 22:21; Mak 12:17; Luk 20:25 7Na tụpa ma atwa elele atashɛ aba. Bụtụ na ba lashɛga ukwuribi wa adalụ, na tụpa bu ma ukwuribi wa adalụ; bụtụ na kaa aa tụpa ukwuribi ụhwada, na tụpa bu ma ukwuribi ụhwada; bụtụ na kaa aa nda inyɛsɛ ibwɛ, na nda ma inyɛsɛ ibwɛ; bụtụ na kaa aa muna ụjɛrụma, na muna bu ma ụjɛrụma.
Tulubo tɛ Shɛ Undwa Tụ'ụrɛcɛnga
8Ta ya ma bụtụ be elele utashɛ we elele o, semi ga shɛ tumomo lubonu kiri ehi momo lubonu. Bụtụ na bo lubo binya bwa, asha bụ ụrɛcɛnjɛ iyi nɛ undwa jɛmɛ. 9Iwɛbɛ po onu-tupana ata ɛ hiɛŋ, Ta nda tuwɛle o, ta kwụna bụtụ o, to zundo izunde o, ta la tiseyida tu tukata o, ta nda eshe-iyi o, ama unu-tupana unya we elele na ta namba ya, asha u namɛ na amɛ iwɛ ɛtɛ ike, nɛ hiɛŋ, No lubo uyebi bu gana na obu momo lubo.#Ụban 20:13,14,15,17; Liv 19:18; Undwa 5:17,18,19,21 10Tulubo tɛ njɛ shɛ uyebi ubwa iyi iwɛ o; ibɛ po tulubo tɛ shɛ undwa tụ'ụrɛcɛnga.
11Ijɛ du ahiɛ shɛ hi na nda, zhinjɛ ma ya malabụ, gana na te ehi mepi maa aka ci ya cebe. Aka na maa e ti bicinji gwumwongonu ya hwuwayɛ uhwuri aka ala atɛ tɛtanɛ-rishe hiiŋ. 12Ụjita shiwo ya cebe, iyi gwumwonu ya tuholo. Ibɛ po yaa shɛ tilɛɛ maa ti tileni ma ya ugondu tishi, maa tu no urugono ma i'wɛŋnɛ ujasa uhioko-uhwaŋna. 13Tu na zha ma tahaŋnụ shii gana na ta bụtụ ba zha tahaŋnụ nu uwaŋna. Kede tu nama ma na ti'nyama keeni mayaga tuswagana o, kede tu nama ma nɛ tuwɛle keeni eshe-iyi o, kede tu nama ma na ashamanjɛ keeni isɛbwɛngwɛ o. 14Ama no urugono ma masha ma Agwangwama Jisus Krast, to no shiyono ma ahaŋsa hiŋ nu ukwedeyi masha ma butugwumwa o.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008