ROM 1
1
A'walụ na go Poul 'Walụ Aŋ
1Go Poul yɛu-ugondu#1:1 Yɛu-ugondu: Kwo kaa bujama. Jisus Krast, na aa suyanɛ maa sha butumwa, na ee shiri swooŋ iwɛ Anabarɛ Ebiye Agwatana tu'ananga, 2anaa na bee shiri la unu wa aba tedure nu unu we egesere ubwa na amɛ Utakada N-ndumwa ma Agwatana mi tijilo. 3Ibɛ shɛ iwɛ Yɛu ibwɛ nɛ banɛ nụ ụlamụ Devid nu uhwaŋna butugwumwa. 4Ama e mbiseni caakwụ maa bɛ shɛ Yɛu ya Agwatana tedure nu ukpahiŋ Mpiala mi Tijilo,#1:4 nu ukpahiŋ Mpiala mi Tijilo: Abayiburu oko hiɛŋ, Mpiala mu bwa, ono oko hiɛŋ, ne tijilo tu bwa. na aka na ti bɛɛ hiɛ no tu'wo, ubwa shɛ ge Jisus Krast Agwangwama tu. 5Ti leshiji tulubo-ti-biye keeni ugondu tutumwa tedure nu bwa,#1:5 Ti leshiji tulubo-ti-biye keeni ugondu tutumwa tedure nu bwa: Abayiburu oko hiɛŋ, N leshiji, kwo kaa ge Jisus n teri maa ma sha butumwa. iwɛ maa tɛ zɛrijɛ edenji elele maa a hwụjɛ-unu rishe-tɛtɛtana, iwɛ izeci ibwɛ. 6Hi namɛ du na ashashɛ aba, ahiɛba na hiɛ hwụjɛ ụhiɛŋshɛ Jisus Krast.
7No ofwo atwa elele na namɛ nu Rom, ahiɛba na Agwatana o lubo, a na baa suyanɛ maa hiɛ shɛ atwa tijilo.
Ga Agwatana na shɛ Bishi tu, keeni Agwangwama tu ge Jisus Krast ihi peni tulubo-ti-biye keeni amɛ-olom.
Go Poul Njɛ Ugwoje wa Agwatana iwɛ Atwa Rom
8N njɛ Ugwoje wa Agwatana mi hiiŋ iwe hiŋ kpaaŋ tedure Jisus Krast, iwɛnɛ ta a duma iwɛ rishe ri hiŋ tɛtɛtana nu unyizo kpaaŋ. 9Agwatana na Ama ndana iyi na Anabarɛ Ebiye Yɛu ibwɛ na amɛ mi hwɛɛ, ubwa shɛ useyida mu, gana na Ngee hi genji shi titeyinje na adua mi. 10Ma lụpa Agwatana aka elele, maa yaa shɛ yaa kwụlanɛ bụ, maa Mo gwushigo ohwolu maa ma zhajɛ pi hiŋ na aba inɛ gɛ. 11Iwɛnɛ po i ma n kwulana tebiye maa Ma zhajɛ pi hiŋ maa Ma hi muna upwaŋ iyi mpiala iwɛ maa Ma hi kaana ikɛnyi maa hi shikono dimi. 12Ecilo ibɛ i shɛ iwɛ maa ta kaana ikɛnyi hwɛɛ tu, ta aka na Ngaa namɛ na ashashɛ hiŋ, tedure ne rishe-tɛtɛtana ru na ru namɛ na shɛmɛ shi hiŋ, te ri mi, te ri hiŋ du. 13Ama a-miaụŋ-mo-bino mi na amɛ Krast, Ma jala maa hi mepi maa Ma haŋsa na amɛ mi aka elele maa Ma zhajɛ pi hiŋ, iwɛ maa Ma 'yaga du tụ'walụ na ashashɛ hiŋ gana na tu Ngaa 'yajɛ na ashashɛ atwa na shɛ shɛ Eju, (ama a ta ma n lakana taa hwayɛ.) #Ugo 19:21 14N yɛ atwa elele utashɛ, te Egrik, ta atwa na shɛ shɛ Egrik, ta atwa ti'inta keeni shɛlagwụ. 15Ibɛ po Ngaa mama 'imɛ maa Ma hi anangana du Anabarɛ Ebiye ahiɛba na hi namɛ nu Rom.
Ukpahiŋ Anabarɛ Ebiye
16N njɛ shɛ ezuye iwɛ Anabarɛ Ebiye tu'ananga o, iwɛnɛ taa shɛ ukpahiŋ wa Agwatana na wo bicingo bụtụ be elele na tɛtanɛ-rishe, te Eju hiiŋ, keeni Egrik du.#Mak 8:38 17Tedure na Anabarɛ Ebiye ata ibɛ Agwatana a lashɛga bụtụ be elele na tɛtanɛ-rishe tutu uce,#1:17 Tedure na Anabarɛ Ebiye ata ibɛ Agwatana a lashɛga bụtụ be elele na tɛtanɛ-rishe tutu uce: Abayiburu oko hiɛŋ, Ni ibɛ ee kepishinji tiririri ta Agwatana ne rishe-tɛtɛtana iwɛ rishe-tɛtɛtana kwo kaa teni ne rishe-tɛtɛtana. gana na te e 'nyeci, ɛɛ hiɛŋ, Bụtụ bi tiririri zhɛ ba 'yaga uraiŋ tedure ne rishe-tɛtɛtana.#Haba 2:4
Iwɛwɛ nɛ Atwa Kpaaŋ Njɛ na Agba Agwatana
18E kepishinji isɛbwɛ ya Agwatana maa i banɛ na azuba maa i sukakanɛ iwɛwɛ keeni iyi iwɛ nɛ atwa elele a nda. Ibɛ shɛ iyi iwɛ nɛ atwa a nda, nɛ ya kapana iwɛ-tɛkana ya Agwatana uhwaŋna. 19E shileni atwa iyi nɛ ee eri a mapa Agwatana tedure ni ibɛ caakwụ; iwɛnɛ ta Agwatana mbiswonuo aŋ ijɛ ɛtɛ caakwụ ni ikɛnyi ibwɛ. 20Iyi ya Agwatana nɛ ee eri shi a kwụba la taa na aka na ta a njɛ unyizo, e eri a kwụba iŋ ya caakwụ tedure ni iyi nɛ Agwatana njɛ, tu ukpahiŋ ubwa unyizo-nom keeni Agwatana na baa shɛ, iwɛ maa kede e gwushiji ajɛshɛgwa na maa e peni o. 21Okwo te e mepi Agwatana, ee peni shi bu ụjɛrụma na lanɛ nu bwa o, a njɛ shɛ kaa ugwoje nu bwa o. Ama shihaŋsa shɛ na aa haŋsa shɛ shɛ iyi tɛgadaga, tuhaŋsa ta aba tu na ti eshiciji shi iwɛ, tɛ shɛ ya tishi.#Ɛfɛ 4:17,18 22Gana na te e heŋshi maa a incɛ, nazhɛ kaa aa shɛ ya shɛlagwụ. 23E shepi ụjɛrụma wa Agwatana na fwoshi shi, ee peni uŋ itɛtɛnuwɛŋ nɛ i shɛ gana bụtụ nɛ yo fwoso, keeni una shanụnụ, keeni una isundɛ nɛ 'yajɛ ivwunɛ ineshi, keeni una iyi nɛ yo hombilo.#Undwa 4:16-18
24Iwɛbɛ po Agwatana jinekeeni aŋ tiri keeni ukwedeyi ụwɛ na aa 'yajɛ na shɛmɛ sha aba, iwɛ maa a na mama ndanụ ụpụrụsa abaaba. 25E sheyinji iwɛ-tɛkana ya Agwatana nụ ụzagwụ, aa zhɛba iyi nɛ Agwatana karɛ, aa ndana iŋ iyi uhwuri Agwatana na karɛ iŋ. Agwatana kaa ubwa shɛ bụtụ na oo zhemonjino tutu unyizo-nom! Ami.
26Iwɛbɛ po Agwatana jinekeni aŋ ekwedeyi awɛ a na sugeni aŋ ezuye. Eyikwo aba suji iyi nɛ ga shɛ maa a njɛ gana na ta butugwumwa namɛ, ee sheyinji iŋ ya ni iyi nɛ shɛ shɛ gana na ta butugwumwa ga shɛ ba sha. 27Gobwonu du etwenyi genji iyi nɛ ga shɛ maa a na nda no ofwo eyikwo, ama ukwedeyi wa aba ụwɛ na wo hwoŋno na shɛmɛ sha aba shishingeni aŋ maa a na mama ndanụ ezuye abaaba etwenyi, ibɛ po ee peni aŋ ulwapɛ na teni cɛŋ na ti'ina tu na aa 'inɛ.
28Gana na ti iyi ya aba tumapa leneni shi aŋ maa a 'yaga iyi-tumapa ya Agwatana na shɛmɛ sha aba, ibɛ po Agwatana jinekeni aŋ ahaŋsa na ee eri shi a ya tumanga, maa tuba a na nda ya iyi nɛ teni shi cɛŋ. 29Iyi iwɛ shini na shɛmɛ sha aba, na amiaụŋ, ne eshe-iyi, no ogbo, na alaacɛ, isɛbwɛngwɛ shini na shɛmɛ sha aba pusuluu, na atwa tụkwụna, na ashamanjɛ, no tugworozwo, na tuzwamɛ, 30a shɛ anjɛ anya aba ufwu nu unu, o imo Agwatana, a shɛ atwa tugbom, a shɛ anjɛ unyangana, na atwa na a busa, na atwa na a nda iyi iwɛ ifwo, na atwa na hwụjɛ shɛ unu wa atwa na meci aŋ, 31a shɛ atwa na eshiciji shi iyi elele, atwa na a bwada unu na ee ge shiri, na atwa na zasa tulubo na atwa vwɛ aba, na atwa na kwụbɛ shɛ inyɛmɛnyɛmɛ ya atwa. 32Atwa ga kaa mepi undwa ga Agwatana sweji hwɛɛ, maa atwa na a ndangana iyi gɛnɛ ɛtɛ, e teni cɛŋ maa e 'wi, ama shɛ ga atwa na a nda iŋ kiri o, ama ta atwa na o lonono aŋ maa ga a na ndangana iŋ du.
Currently Selected:
ROM 1: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
ROM 1
1
A'walụ na go Poul 'Walụ Aŋ
1Go Poul yɛu-ugondu#1:1 Yɛu-ugondu: Kwo kaa bujama. Jisus Krast, na aa suyanɛ maa sha butumwa, na ee shiri swooŋ iwɛ Anabarɛ Ebiye Agwatana tu'ananga, 2anaa na bee shiri la unu wa aba tedure nu unu we egesere ubwa na amɛ Utakada N-ndumwa ma Agwatana mi tijilo. 3Ibɛ shɛ iwɛ Yɛu ibwɛ nɛ banɛ nụ ụlamụ Devid nu uhwaŋna butugwumwa. 4Ama e mbiseni caakwụ maa bɛ shɛ Yɛu ya Agwatana tedure nu ukpahiŋ Mpiala mi Tijilo,#1:4 nu ukpahiŋ Mpiala mi Tijilo: Abayiburu oko hiɛŋ, Mpiala mu bwa, ono oko hiɛŋ, ne tijilo tu bwa. na aka na ti bɛɛ hiɛ no tu'wo, ubwa shɛ ge Jisus Krast Agwangwama tu. 5Ti leshiji tulubo-ti-biye keeni ugondu tutumwa tedure nu bwa,#1:5 Ti leshiji tulubo-ti-biye keeni ugondu tutumwa tedure nu bwa: Abayiburu oko hiɛŋ, N leshiji, kwo kaa ge Jisus n teri maa ma sha butumwa. iwɛ maa tɛ zɛrijɛ edenji elele maa a hwụjɛ-unu rishe-tɛtɛtana, iwɛ izeci ibwɛ. 6Hi namɛ du na ashashɛ aba, ahiɛba na hiɛ hwụjɛ ụhiɛŋshɛ Jisus Krast.
7No ofwo atwa elele na namɛ nu Rom, ahiɛba na Agwatana o lubo, a na baa suyanɛ maa hiɛ shɛ atwa tijilo.
Ga Agwatana na shɛ Bishi tu, keeni Agwangwama tu ge Jisus Krast ihi peni tulubo-ti-biye keeni amɛ-olom.
Go Poul Njɛ Ugwoje wa Agwatana iwɛ Atwa Rom
8N njɛ Ugwoje wa Agwatana mi hiiŋ iwe hiŋ kpaaŋ tedure Jisus Krast, iwɛnɛ ta a duma iwɛ rishe ri hiŋ tɛtɛtana nu unyizo kpaaŋ. 9Agwatana na Ama ndana iyi na Anabarɛ Ebiye Yɛu ibwɛ na amɛ mi hwɛɛ, ubwa shɛ useyida mu, gana na Ngee hi genji shi titeyinje na adua mi. 10Ma lụpa Agwatana aka elele, maa yaa shɛ yaa kwụlanɛ bụ, maa Mo gwushigo ohwolu maa ma zhajɛ pi hiŋ na aba inɛ gɛ. 11Iwɛnɛ po i ma n kwulana tebiye maa Ma zhajɛ pi hiŋ maa Ma hi muna upwaŋ iyi mpiala iwɛ maa Ma hi kaana ikɛnyi maa hi shikono dimi. 12Ecilo ibɛ i shɛ iwɛ maa ta kaana ikɛnyi hwɛɛ tu, ta aka na Ngaa namɛ na ashashɛ hiŋ, tedure ne rishe-tɛtɛtana ru na ru namɛ na shɛmɛ shi hiŋ, te ri mi, te ri hiŋ du. 13Ama a-miaụŋ-mo-bino mi na amɛ Krast, Ma jala maa hi mepi maa Ma haŋsa na amɛ mi aka elele maa Ma zhajɛ pi hiŋ, iwɛ maa Ma 'yaga du tụ'walụ na ashashɛ hiŋ gana na tu Ngaa 'yajɛ na ashashɛ atwa na shɛ shɛ Eju, (ama a ta ma n lakana taa hwayɛ.) #Ugo 19:21 14N yɛ atwa elele utashɛ, te Egrik, ta atwa na shɛ shɛ Egrik, ta atwa ti'inta keeni shɛlagwụ. 15Ibɛ po Ngaa mama 'imɛ maa Ma hi anangana du Anabarɛ Ebiye ahiɛba na hi namɛ nu Rom.
Ukpahiŋ Anabarɛ Ebiye
16N njɛ shɛ ezuye iwɛ Anabarɛ Ebiye tu'ananga o, iwɛnɛ taa shɛ ukpahiŋ wa Agwatana na wo bicingo bụtụ be elele na tɛtanɛ-rishe, te Eju hiiŋ, keeni Egrik du.#Mak 8:38 17Tedure na Anabarɛ Ebiye ata ibɛ Agwatana a lashɛga bụtụ be elele na tɛtanɛ-rishe tutu uce,#1:17 Tedure na Anabarɛ Ebiye ata ibɛ Agwatana a lashɛga bụtụ be elele na tɛtanɛ-rishe tutu uce: Abayiburu oko hiɛŋ, Ni ibɛ ee kepishinji tiririri ta Agwatana ne rishe-tɛtɛtana iwɛ rishe-tɛtɛtana kwo kaa teni ne rishe-tɛtɛtana. gana na te e 'nyeci, ɛɛ hiɛŋ, Bụtụ bi tiririri zhɛ ba 'yaga uraiŋ tedure ne rishe-tɛtɛtana.#Haba 2:4
Iwɛwɛ nɛ Atwa Kpaaŋ Njɛ na Agba Agwatana
18E kepishinji isɛbwɛ ya Agwatana maa i banɛ na azuba maa i sukakanɛ iwɛwɛ keeni iyi iwɛ nɛ atwa elele a nda. Ibɛ shɛ iyi iwɛ nɛ atwa a nda, nɛ ya kapana iwɛ-tɛkana ya Agwatana uhwaŋna. 19E shileni atwa iyi nɛ ee eri a mapa Agwatana tedure ni ibɛ caakwụ; iwɛnɛ ta Agwatana mbiswonuo aŋ ijɛ ɛtɛ caakwụ ni ikɛnyi ibwɛ. 20Iyi ya Agwatana nɛ ee eri shi a kwụba la taa na aka na ta a njɛ unyizo, e eri a kwụba iŋ ya caakwụ tedure ni iyi nɛ Agwatana njɛ, tu ukpahiŋ ubwa unyizo-nom keeni Agwatana na baa shɛ, iwɛ maa kede e gwushiji ajɛshɛgwa na maa e peni o. 21Okwo te e mepi Agwatana, ee peni shi bu ụjɛrụma na lanɛ nu bwa o, a njɛ shɛ kaa ugwoje nu bwa o. Ama shihaŋsa shɛ na aa haŋsa shɛ shɛ iyi tɛgadaga, tuhaŋsa ta aba tu na ti eshiciji shi iwɛ, tɛ shɛ ya tishi.#Ɛfɛ 4:17,18 22Gana na te e heŋshi maa a incɛ, nazhɛ kaa aa shɛ ya shɛlagwụ. 23E shepi ụjɛrụma wa Agwatana na fwoshi shi, ee peni uŋ itɛtɛnuwɛŋ nɛ i shɛ gana bụtụ nɛ yo fwoso, keeni una shanụnụ, keeni una isundɛ nɛ 'yajɛ ivwunɛ ineshi, keeni una iyi nɛ yo hombilo.#Undwa 4:16-18
24Iwɛbɛ po Agwatana jinekeeni aŋ tiri keeni ukwedeyi ụwɛ na aa 'yajɛ na shɛmɛ sha aba, iwɛ maa a na mama ndanụ ụpụrụsa abaaba. 25E sheyinji iwɛ-tɛkana ya Agwatana nụ ụzagwụ, aa zhɛba iyi nɛ Agwatana karɛ, aa ndana iŋ iyi uhwuri Agwatana na karɛ iŋ. Agwatana kaa ubwa shɛ bụtụ na oo zhemonjino tutu unyizo-nom! Ami.
26Iwɛbɛ po Agwatana jinekeni aŋ ekwedeyi awɛ a na sugeni aŋ ezuye. Eyikwo aba suji iyi nɛ ga shɛ maa a njɛ gana na ta butugwumwa namɛ, ee sheyinji iŋ ya ni iyi nɛ shɛ shɛ gana na ta butugwumwa ga shɛ ba sha. 27Gobwonu du etwenyi genji iyi nɛ ga shɛ maa a na nda no ofwo eyikwo, ama ukwedeyi wa aba ụwɛ na wo hwoŋno na shɛmɛ sha aba shishingeni aŋ maa a na mama ndanụ ezuye abaaba etwenyi, ibɛ po ee peni aŋ ulwapɛ na teni cɛŋ na ti'ina tu na aa 'inɛ.
28Gana na ti iyi ya aba tumapa leneni shi aŋ maa a 'yaga iyi-tumapa ya Agwatana na shɛmɛ sha aba, ibɛ po Agwatana jinekeni aŋ ahaŋsa na ee eri shi a ya tumanga, maa tuba a na nda ya iyi nɛ teni shi cɛŋ. 29Iyi iwɛ shini na shɛmɛ sha aba, na amiaụŋ, ne eshe-iyi, no ogbo, na alaacɛ, isɛbwɛngwɛ shini na shɛmɛ sha aba pusuluu, na atwa tụkwụna, na ashamanjɛ, no tugworozwo, na tuzwamɛ, 30a shɛ anjɛ anya aba ufwu nu unu, o imo Agwatana, a shɛ atwa tugbom, a shɛ anjɛ unyangana, na atwa na a busa, na atwa na a nda iyi iwɛ ifwo, na atwa na hwụjɛ shɛ unu wa atwa na meci aŋ, 31a shɛ atwa na eshiciji shi iyi elele, atwa na a bwada unu na ee ge shiri, na atwa na zasa tulubo na atwa vwɛ aba, na atwa na kwụbɛ shɛ inyɛmɛnyɛmɛ ya atwa. 32Atwa ga kaa mepi undwa ga Agwatana sweji hwɛɛ, maa atwa na a ndangana iyi gɛnɛ ɛtɛ, e teni cɛŋ maa e 'wi, ama shɛ ga atwa na a nda iŋ kiri o, ama ta atwa na o lonono aŋ maa ga a na ndangana iŋ du.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008