TƐRƐCƐ 8
8
Tɛshamana te Eteburu-asụtụla Keeni Asụtụla Tɛshamana
1Nazhɛ AGWANGWAMA hiɛŋ Moses, 2Mbiso Aron maa, Aka na bee shemeni asụtụla ata ecenje nu uteburu ata ụsụtụla, go zwono aŋ ulwa maa o no hioko uhwaŋna nu umbe uteburu ata ụsụtụla. 3Ga Aron hwụjɛ-unu, bee zweni asụtụla ata ulwa maa o no hioko uhwaŋna nu umbe uteburu ata ụsụtụla, gana na ta AGWANGWAMA peni Moses unu. 4A njɛ uteburu ata ụsụtụla na azhɛnarɛya na bee jibi, te kwuni nu uvwi ubwa tutu ihiŋhiŋ ubwa. A njɛ uŋ te teni cɛŋ ne bimenji ata AGWANGWAMA mbiseni Moses ni ishɛmɛ.#Ụban 25:31-40; 37:17-24
Tutulono ta Alivai Swooŋ
5Nazhɛ AGWANGWAMA hiɛŋ Moses, 6Bacɛnga Alivai na ashashɛ atwa Isrɛl, maa njɛ aŋ shɛshɛshɛ. 7Gana ɛbi zhɛ ba nda aŋ shɛshɛshɛ na: zhizhongo aŋ meni ma ata ma nda bụtụ shɛshɛshɛ na tu'waba ta aba, lonono aŋ maa a 'nyanjɛ tu'waba ta aba hwɛɛ, ga a nyashɛnjɛ du tugwuno ta aba. Nazhɛ asha a njɛ aŋ ya shɛshɛshɛ. 8Lonono aŋ maa ge shepi usemberi buna uko, nụ ụrụpɛ tuswa, ne mihiuŋ mi tilee lee mu na ee hiŋtetenji na manɛbɛ; shapa usemberi buna bi nya iwɛ ụrụpɛ iwɛwɛ. 9Sotulonu atwa Isrɛl hwɛ hwɛɛ, maa suje Alivai maa o shikono nu umbe udulo tu'ulwatagwụ. 10Aka na ebu suji Alivai nu umbe ata AGWANGWAMA, ga atwa Isrɛl petengeni aŋ i'ɛlɛ ya aba. 11Ga ga Aron tileneni AGWANGWAMA Alivai maa a shɛ upwaŋ u tuvwurongo na banɛ no olugwo atwa Isrɛl, iwɛ maa a shɛ atwa na aa imanganjɛ maa a ndanɛ AGWANGWAMA ugondu.
12Ga Alivai petengeni i'ɛlɛ ya aba no ohiuhiu esemberi ata inɛ iyebi, go o to ụrụpɛ iwɛwɛ na buna ata bu ko, maa o to ụrụpɛ tuhwoŋzhingo na bu na bi yebi, iwɛ maa a njɛ Alivai shɛshɛshɛ. 13Shikicingo Alivai nu umbe Aron keeni umbe miaụŋ mu bwa me eyi, maa shɛkanɛ aŋ maa a shanɛ AGWANGWAMA upwaŋ u tuvwurongo.
14Gana ɛbi zhɛ bo bogwu Alivai na atwa Isrɛl, iwɛ maa tuba Alivai a shɛ e nee mi ta. 15Na aba na abɛ njɛ Alivai shɛshɛshɛ, abɛ shɛkanɛ aŋ maa a shɛ upwaŋ u tuvwurongo, nazhɛ ɛɛ zhɛ o tono cɛŋ maa a njɛ ugondu nu udulo tu'ulwatagwụ. 16N suji Alivai hwɛ hwɛɛ na ashashɛ atwa Isrɛl maa a shɛ e nee mi tụlụkpashɛ tu miaụŋ-me-eyi mu umbe ma atwa Isrɛl hwɛɛ. 17Nụ ụjita ata Ngaa kwụnɛ la miaụŋ-me-eyi mu umbe na cɛnjɛ ti Ijipti hwɛɛ, ibɛ du Ngee meme tileneni miaụŋ-me-eyi mu umbe ma atwa Isrɛl swooŋ keeni yɛu-ye-eyi umbe usunda we elele. 18N suji Alivai tụlụkpashɛ tu miaụŋ-me-eyi mu umbe ma atwa Isrɛl hwɛɛ.#Ụban 13:2 19Ngɛɛ bɛcinjɛ Alivai na ashashɛ atwa Isrɛl, Ngee peni aŋ Aron na miaụŋ mu bwa upwaŋ maa a ndanɛ atwa Isrɛl ugondu nu udulo tu'ulwatagwụ, tụlụkpashɛ ta atwa Isrɛl, maa du a njɛ iyi iwɛwɛ tu'urugono iwɛ atwa Isrɛl, iwɛ maa kede tishikpe tɛ njɛ aŋ ufwu na aka na aa zhajɛ maa o gwumwongonu no ohwolu tijilo.#Tɛrɛ 1:50-53; 3:5-8,21-37; 18:3,4,23
20Gabata go Moses, na Aron keeni tu'ulwa ta atwa Isrɛl hwɛɛ tɛ njɛ Alivai nu gana na ta AGWANGWAMA peni Moses unu kpaaŋ. 21Nazhɛ Alivai mama njɛ shɛshɛshɛ, aa nyashɛnjɛ du tugwuno ta aba. Nazhɛ ga Aron shɛkanɛ aŋ AGWANGWAMA maa a shɛ upwaŋ u tuvwurongo, baa ndanɛ aŋ iyi iwɛwɛ tu'urugono maa a nama shɛshɛshɛ. 22Atwa ata njɛ iyi elele nɛ AGWANGWAMA peni Moses unu iwɛ Alivai. Nazhɛ du Alivai teni nu udulo tu'ulwatagwụ maa a njɛ ugondu wa aba, ga Aron na miaụŋ mu bwa, aba a ngbaraka aŋ.
23Nazhɛ AGWANGWAMA hiɛŋ Moses, 24Inɛ gɛ ibɛ shɛ iwɛ Alivai, maa butubwenyi be elele na shiywa shɛ bwa shi ci woshi-na-shɛba-shɛ-ta te e meci bu, i zhɛ geri-be-eshe, bɛ shɛ bo tono nu udulo tu'ulwatagwụ maa nda ugondu, 25ama bụtụ na shiywa shɛ bwa shi ci dupu te e meci bu, ga bana maa kede nda ya ugondu o. 26Na aba ibɛ, bụtụ ata eri no mbiyono ya miaụŋ-mo-bino bwa iyi tɛnda na amɛ udulo tu'ulwatagwụ, ama bɛ shɛ shɛ ba nda ya tuba ugondu ni ikɛnyi ibwɛ o. Gana ɛbi zhɛ bo shilono Alivai gana na maa a na nda ugondu wa aba ta.
Currently Selected:
TƐRƐCƐ 8: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
TƐRƐCƐ 8
8
Tɛshamana te Eteburu-asụtụla Keeni Asụtụla Tɛshamana
1Nazhɛ AGWANGWAMA hiɛŋ Moses, 2Mbiso Aron maa, Aka na bee shemeni asụtụla ata ecenje nu uteburu ata ụsụtụla, go zwono aŋ ulwa maa o no hioko uhwaŋna nu umbe uteburu ata ụsụtụla. 3Ga Aron hwụjɛ-unu, bee zweni asụtụla ata ulwa maa o no hioko uhwaŋna nu umbe uteburu ata ụsụtụla, gana na ta AGWANGWAMA peni Moses unu. 4A njɛ uteburu ata ụsụtụla na azhɛnarɛya na bee jibi, te kwuni nu uvwi ubwa tutu ihiŋhiŋ ubwa. A njɛ uŋ te teni cɛŋ ne bimenji ata AGWANGWAMA mbiseni Moses ni ishɛmɛ.#Ụban 25:31-40; 37:17-24
Tutulono ta Alivai Swooŋ
5Nazhɛ AGWANGWAMA hiɛŋ Moses, 6Bacɛnga Alivai na ashashɛ atwa Isrɛl, maa njɛ aŋ shɛshɛshɛ. 7Gana ɛbi zhɛ ba nda aŋ shɛshɛshɛ na: zhizhongo aŋ meni ma ata ma nda bụtụ shɛshɛshɛ na tu'waba ta aba, lonono aŋ maa a 'nyanjɛ tu'waba ta aba hwɛɛ, ga a nyashɛnjɛ du tugwuno ta aba. Nazhɛ asha a njɛ aŋ ya shɛshɛshɛ. 8Lonono aŋ maa ge shepi usemberi buna uko, nụ ụrụpɛ tuswa, ne mihiuŋ mi tilee lee mu na ee hiŋtetenji na manɛbɛ; shapa usemberi buna bi nya iwɛ ụrụpɛ iwɛwɛ. 9Sotulonu atwa Isrɛl hwɛ hwɛɛ, maa suje Alivai maa o shikono nu umbe udulo tu'ulwatagwụ. 10Aka na ebu suji Alivai nu umbe ata AGWANGWAMA, ga atwa Isrɛl petengeni aŋ i'ɛlɛ ya aba. 11Ga ga Aron tileneni AGWANGWAMA Alivai maa a shɛ upwaŋ u tuvwurongo na banɛ no olugwo atwa Isrɛl, iwɛ maa a shɛ atwa na aa imanganjɛ maa a ndanɛ AGWANGWAMA ugondu.
12Ga Alivai petengeni i'ɛlɛ ya aba no ohiuhiu esemberi ata inɛ iyebi, go o to ụrụpɛ iwɛwɛ na buna ata bu ko, maa o to ụrụpɛ tuhwoŋzhingo na bu na bi yebi, iwɛ maa a njɛ Alivai shɛshɛshɛ. 13Shikicingo Alivai nu umbe Aron keeni umbe miaụŋ mu bwa me eyi, maa shɛkanɛ aŋ maa a shanɛ AGWANGWAMA upwaŋ u tuvwurongo.
14Gana ɛbi zhɛ bo bogwu Alivai na atwa Isrɛl, iwɛ maa tuba Alivai a shɛ e nee mi ta. 15Na aba na abɛ njɛ Alivai shɛshɛshɛ, abɛ shɛkanɛ aŋ maa a shɛ upwaŋ u tuvwurongo, nazhɛ ɛɛ zhɛ o tono cɛŋ maa a njɛ ugondu nu udulo tu'ulwatagwụ. 16N suji Alivai hwɛ hwɛɛ na ashashɛ atwa Isrɛl maa a shɛ e nee mi tụlụkpashɛ tu miaụŋ-me-eyi mu umbe ma atwa Isrɛl hwɛɛ. 17Nụ ụjita ata Ngaa kwụnɛ la miaụŋ-me-eyi mu umbe na cɛnjɛ ti Ijipti hwɛɛ, ibɛ du Ngee meme tileneni miaụŋ-me-eyi mu umbe ma atwa Isrɛl swooŋ keeni yɛu-ye-eyi umbe usunda we elele. 18N suji Alivai tụlụkpashɛ tu miaụŋ-me-eyi mu umbe ma atwa Isrɛl hwɛɛ.#Ụban 13:2 19Ngɛɛ bɛcinjɛ Alivai na ashashɛ atwa Isrɛl, Ngee peni aŋ Aron na miaụŋ mu bwa upwaŋ maa a ndanɛ atwa Isrɛl ugondu nu udulo tu'ulwatagwụ, tụlụkpashɛ ta atwa Isrɛl, maa du a njɛ iyi iwɛwɛ tu'urugono iwɛ atwa Isrɛl, iwɛ maa kede tishikpe tɛ njɛ aŋ ufwu na aka na aa zhajɛ maa o gwumwongonu no ohwolu tijilo.#Tɛrɛ 1:50-53; 3:5-8,21-37; 18:3,4,23
20Gabata go Moses, na Aron keeni tu'ulwa ta atwa Isrɛl hwɛɛ tɛ njɛ Alivai nu gana na ta AGWANGWAMA peni Moses unu kpaaŋ. 21Nazhɛ Alivai mama njɛ shɛshɛshɛ, aa nyashɛnjɛ du tugwuno ta aba. Nazhɛ ga Aron shɛkanɛ aŋ AGWANGWAMA maa a shɛ upwaŋ u tuvwurongo, baa ndanɛ aŋ iyi iwɛwɛ tu'urugono maa a nama shɛshɛshɛ. 22Atwa ata njɛ iyi elele nɛ AGWANGWAMA peni Moses unu iwɛ Alivai. Nazhɛ du Alivai teni nu udulo tu'ulwatagwụ maa a njɛ ugondu wa aba, ga Aron na miaụŋ mu bwa, aba a ngbaraka aŋ.
23Nazhɛ AGWANGWAMA hiɛŋ Moses, 24Inɛ gɛ ibɛ shɛ iwɛ Alivai, maa butubwenyi be elele na shiywa shɛ bwa shi ci woshi-na-shɛba-shɛ-ta te e meci bu, i zhɛ geri-be-eshe, bɛ shɛ bo tono nu udulo tu'ulwatagwụ maa nda ugondu, 25ama bụtụ na shiywa shɛ bwa shi ci dupu te e meci bu, ga bana maa kede nda ya ugondu o. 26Na aba ibɛ, bụtụ ata eri no mbiyono ya miaụŋ-mo-bino bwa iyi tɛnda na amɛ udulo tu'ulwatagwụ, ama bɛ shɛ shɛ ba nda ya tuba ugondu ni ikɛnyi ibwɛ o. Gana ɛbi zhɛ bo shilono Alivai gana na maa a na nda ugondu wa aba ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008