TƐRƐCƐ 11
11
Atwamwa Ngwulengenji nu Tabɛra
1Na aka ga ibɛ atwamwa kwuni AGWANGWAMA tungwulongongono iwɛ ụbaụta wa aba. Aka na ta AGWANGWAMA hwụjɛ tungwulongongo ta aba, ibɛ po amɛ ubwa hashɛganụ, baa tumwanɛ ulwa wee hwoŋni na ashashɛ aba. Ulwa ata hwoŋzhinji umeseyi wa atwa na namɛ nu ukwunanga ugba ata. 2Nazhɛ atwa ata ugananɛ Moses, Ibɛ po go Moses njɛ adua pa AGWANGWAMA, nazhɛ ulwa ata 'weji. 3Go Moses po ofwo ata izeci maa Tabɛra.#11:3 Tabɛra: Egini izeci Tabɛra i shɛ tuhwoŋtu.
Gana na Iyi nɛ Ɛɛ Hiɛŋ Mana i Shɛ
4Na aka ga ibɛ anya atwa a na hiŋci na atwa Isrɛl kwuni ukwedeyi iyimɛyɛ tɛnda tebiye. Ibɛ po atwa Isrɛl du kwuni u'wo-tutwa, ɛɛ hiɛŋ, Iyi ike kiri ga tu panɛ usunda maa ta ya! 5Ti teyinje ijɛnɛ nɛ ata ya la ni Ijipti arahaŋ, ta akukumba, to tugbongo, te eliki, ta arupasa keeni agalik. 6Ama ti 'nyanganɛ hwuwayɛ, iwɛnɛ ti ya zasa iyi elele nɛ atụ kwụbɛ maa ta ya namɛ swooŋ nu mana ga kiri!
7Mana ata kaa ụ shɛ gana izɛgwu ivwɛgɛ, yaa shɛ gana bdɛlium.#11:7 bdɛlium: Bdɛlium ata, i shɛ tuko tu na, tụ sụbɛ azanga iswɛ 8Ibɛ atwa ata a tanga iŋ, aa naka iŋ nu n-nana kwo kaa tunuso no shonunu. O shitogo iŋ nu nkwasha, aa nda akara ni ibɛ. Ụlatụ ibɛ sụbɛ akara na aa njɛ na manɛbɛ ma buta.#Ụban 16:31 9Mana ata wa zhagajɛ ne cime tu na ta 'wala nụ ụjita, waa 'waŋ nu ugba na atwa ata namɛ.#Ụban 16:13-15
Go Moses Lụpɛ Agwatana iwɛ Usunda
10Go Moses hwụjɛ ta atwa ata o ngwulongongo no ofwo elele na amwamwa aba namanjɛ hwɛɛ. Bụtụ bụtụ shikeni no odubo udulo ubwa, ibɛ po AGWANGWAMA njɛ isɛbwɛ na aba tebiye, amɛ Moses kaa hashɛganụ ni iwɛ ɛtɛ.
11Ibɛ po go Moses hiɛŋ AGWANGWAMA, Imbe po aba nda yɛu-ugondu bu tawɛ tawɛ gana gaa? Imbe po ebi hieci shi inyɛmɛnyɛmɛ mii? Imbe po ebu m peteni tijama ta atwa ga hwɛɛɛ? 12Gamba suu n le shifubo sha aba? Gamba suu m meci aŋ? Imbe po ɛbi hiɛŋ ga ma 'waŋna aŋ kpaaŋ nụ ụragbamụ mu, gana na te bishi bi yɛu ba 'waŋna yɛu ibwɛ nɛ to subo maa ma zha na cɛnjɛ tu na ebi shileni la ogwunukwoshi aba unuu? 13Cee kwuŋ Ngɛɛ zhɛ ma banɛ nu usunda maa ma pana atwa ga hwɛɛɛ? A mbana ma n twana-u'wo, ɛɛ hiɛŋ, Utu panɛ usunda maa ta ya. 14N eri shi ma 'yagaga atwa ga hwɛɛ o, ikɛnyi mi ci shi maa ma 'yagaga aŋ Ngooko. 15Yaa shɛ gana ga ɛbi zhɛ bu ma n nda, asha hioko inyɛmɛnyɛmɛ mi maa n kwụnɛ karu ko, iwɛ maa kede ma kwụba iyi iwɛ nɛ zhɛ mo n jitono.
Agwatana Jishijɛ Ilupwɛ Moses
16Ibɛ po AGWANGWAMA hiɛŋ Moses, N sotulononu n-nyarɛ ma atwa Isrɛl dupu-nu-woshi, (70) mu na mɛ shɛ ehiu, mu na atwa a muna ụjɛrụma, maa suje aŋ no ofwo udulo tu'ulwatagwụ iwɛ maa o shikokono apata na bụ. 17N zhɛ me zwe maa ma duma iwɛ na bụ apata. N zhɛ ma muna Mpiala ma ata Ngee bi peni maa ma pana aŋ, iwɛ maa e bi mbiyeni atwa ata ti'yagaga, iwɛ maa kede i shɛ gobuko kiri bi zhɛ ba 'yagaga aŋ ya o.
18Mbiso atwa ata maa, Meme shiri ma swooŋ iwɛ beyi, hi zhɛ kaa hia ya usunda. AGWANGWAMA hwụjɛ u'wo na ahia twa, ɛhi hiɛŋ, Iyi ike kiri ga tu panɛ usunda maa ta ya. Ɛhi hiɛŋ, itɛ zhɛmanɛ la ta atɛ namɛ ni Ijipti. Ibɛ po AGWANGWAMA zhɛ ma hiɛ panɛ usunda maa hiɛ yɛ. 19Shɛ ụjita uko ɛhi zhɛ hia ya uŋ, shɛ ijitɛ iyebi, shɛ ijitɛ itɛ, shɛ ijitɛ umpwa, shɛ ijitɛ woshi du kaa o, 20ama upiana uko mudu, uuwa i ci aka na waa bananjɛ nu n-nyanu mi hiŋ, i ci aka na wee hi shinji ya. Inɛ gɛ teni iwɛnɛ ahiɛ lacɛ AGWANGWAMA na namɛ na ashashɛ hiŋ keeni iwɛnɛ ehi ngwulengengeni bu, ɛhi hiɛŋ, Eti ge mepi la ti ga zha shɛ ta banɛ ni Ijipti kwukwuŋ. 21Go Moses hiɛŋ AGWANGWAMA, Atwa igbɛɛ-dipi-tɛtu (600,000) Ngaa 'yagajɛ epe, aba hŋ ɛbi hiɛŋ bi zhɛ ba pana aŋ usunda maa a yɛ upiana uko mudu? 22Ɛ zhɛ suu a kwunanga aŋ agwụdụ ni inɛ nazhɛ i gembi aŋ tiya? Okwo ɛ zhɛ suu ɛ vwɛ ijɛnɛ nɛ zweni ni itekwu hwɛɛ maa i gembi aŋ? 23Ibɛ AGWANGWAMA jishijɛ Moses, bɛɛ hiɛŋ, Ukpahiŋ mu suu 'nyanɛ? Bi zhɛ ba kwụba hwuwayɛ go okwo iyi nɛ Ngaa jɛmɛ zhɛ yɛ sɛ, okwo i zha shɛ yɛ sɛ.
24Go Moses beni, bee Mbishi ga atwa ata n-ndumwa mu na AGWANGWAMA jɛmɛ. Bee suji ga n-nyarɛ ma ata dupu-nu-woshi, bee shikicinji aŋ tutu rungwutwonu udulo ata ụ tu'ulwatagwụ. 25Nazhɛ AGWANGWAMA zwe na amɛ udomu, baa jɛmɛ n-ndumwa nu bwa, baa mụnɛ Mpiala mu na mu ga patanɛ bụ, bee peteni n-nyarɛ ma ata dupu-nu-woshi, aka na tu Mpiala ma ata mu patanɛ aŋ, aa jɛmɛ tigesere. Ama a jɛmɛ shɛ ya na aba ibɛ o.
26Ama atwa eyebi a na aa rɛcɛ na amɛ n-nyarɛ ma ata dupu-nu-woshi, a na ɛɛ hiɛŋ nzeci ma aba ge Ildad keeni Midad, e ge te beni shi nu ugba wa aba maa e teni nu udulo wa aba o. Ama Mpiala mu zhaganɛ aŋ, aa jɛmɛ du tigesere. 27Nazhɛ usemberi uko gezhiji bee mbishe Moses, bɛɛ hiɛŋ, Ge Ildad keeni Midad ye a duma ba tigesere na amɛ ugba ata.
28Go Joshua yɛu Nụn, na shɛ bụtụ bu ko na ashashɛ esemberi na ee teri, bɛɛ hiɛŋ Moses, Iyɛri, lakana aŋ!
29Ama go Moses hiɛŋ bụ, Gabụ suu bi zhɛ ba nda isɛbwɛ tụlụkpashɛ ti mi? I ga ma kwụlanɛ yebe maa ga AGWANGWAMA peni atwa ubwa elele Mpiala mu bwa maa a jɛmɛ tigesere! #Mak 9:38-41 30Nazhɛ go Moses keeni n-nyarɛ ma ata dupu-nu-woshi gwuri nu ugba ata.
Agwatana Tumwananɛ Atwa ata Shorubo maa a Yɛ
31Nazhɛ AGWANGWAMA tumwanɛ uvwugo, wee suje shorubo, shaa banɛ ni itekwu, shaa 'waŋ tutu rungwutwonu ugba ata. Shoo momo potongonu na cɛnjɛ uuwa i ci ga embi bụtụ, gabata shee tileni i ci ụdụlụ tahaŋnụ tu uwaŋna ụjita uko, tutu rungwutwonu ugba ata geri geri. 32Gabata atwa ata zenji shu nụ ụjita ata, te kwuni nu uvwungwa uuwa uwaŋna teni, uuwa iyi heri, uuwa uwaŋna teneneni nụ ụjita uyebi. Okwo bụtụ be elele a na ubwa twa sụ, asha bi shidinji gana shikpododo akpakwụ a ta. Gabata ee gereteji aŋ maa e nenji aŋ tutu rungwutwonu ugba ata. 33Aka na tu usunda ata te cimbengeni no tuhwolu te shine sha aba, te e te cwemi shi uŋ hwɛɛ, ibɛ AGWANGWAMA njɛ isɛbwɛ na atwa ata, baa tumwananɛ aŋ ụngwụ uko ụwɛ waa kwụnɛ aŋ tebiye. 34Ibɛ po oo po apata izeci maa, Kibrot-hatava,#11:34 Kibrot-hatava: Egini Kibrot-hatava i shɛ e'uye atwa na njɛ ukwedeyi. iwɛnɛ ti yaa shɛ apata ee ni atwa na njɛ ukwedeyi usunda.
35Nazhɛ atwa ata beni apata, ee zhe ni Hazɛrot, aa namɛ.
Currently Selected:
TƐRƐCƐ 11: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
TƐRƐCƐ 11
11
Atwamwa Ngwulengenji nu Tabɛra
1Na aka ga ibɛ atwamwa kwuni AGWANGWAMA tungwulongongono iwɛ ụbaụta wa aba. Aka na ta AGWANGWAMA hwụjɛ tungwulongongo ta aba, ibɛ po amɛ ubwa hashɛganụ, baa tumwanɛ ulwa wee hwoŋni na ashashɛ aba. Ulwa ata hwoŋzhinji umeseyi wa atwa na namɛ nu ukwunanga ugba ata. 2Nazhɛ atwa ata ugananɛ Moses, Ibɛ po go Moses njɛ adua pa AGWANGWAMA, nazhɛ ulwa ata 'weji. 3Go Moses po ofwo ata izeci maa Tabɛra.#11:3 Tabɛra: Egini izeci Tabɛra i shɛ tuhwoŋtu.
Gana na Iyi nɛ Ɛɛ Hiɛŋ Mana i Shɛ
4Na aka ga ibɛ anya atwa a na hiŋci na atwa Isrɛl kwuni ukwedeyi iyimɛyɛ tɛnda tebiye. Ibɛ po atwa Isrɛl du kwuni u'wo-tutwa, ɛɛ hiɛŋ, Iyi ike kiri ga tu panɛ usunda maa ta ya! 5Ti teyinje ijɛnɛ nɛ ata ya la ni Ijipti arahaŋ, ta akukumba, to tugbongo, te eliki, ta arupasa keeni agalik. 6Ama ti 'nyanganɛ hwuwayɛ, iwɛnɛ ti ya zasa iyi elele nɛ atụ kwụbɛ maa ta ya namɛ swooŋ nu mana ga kiri!
7Mana ata kaa ụ shɛ gana izɛgwu ivwɛgɛ, yaa shɛ gana bdɛlium.#11:7 bdɛlium: Bdɛlium ata, i shɛ tuko tu na, tụ sụbɛ azanga iswɛ 8Ibɛ atwa ata a tanga iŋ, aa naka iŋ nu n-nana kwo kaa tunuso no shonunu. O shitogo iŋ nu nkwasha, aa nda akara ni ibɛ. Ụlatụ ibɛ sụbɛ akara na aa njɛ na manɛbɛ ma buta.#Ụban 16:31 9Mana ata wa zhagajɛ ne cime tu na ta 'wala nụ ụjita, waa 'waŋ nu ugba na atwa ata namɛ.#Ụban 16:13-15
Go Moses Lụpɛ Agwatana iwɛ Usunda
10Go Moses hwụjɛ ta atwa ata o ngwulongongo no ofwo elele na amwamwa aba namanjɛ hwɛɛ. Bụtụ bụtụ shikeni no odubo udulo ubwa, ibɛ po AGWANGWAMA njɛ isɛbwɛ na aba tebiye, amɛ Moses kaa hashɛganụ ni iwɛ ɛtɛ.
11Ibɛ po go Moses hiɛŋ AGWANGWAMA, Imbe po aba nda yɛu-ugondu bu tawɛ tawɛ gana gaa? Imbe po ebi hieci shi inyɛmɛnyɛmɛ mii? Imbe po ebu m peteni tijama ta atwa ga hwɛɛɛ? 12Gamba suu n le shifubo sha aba? Gamba suu m meci aŋ? Imbe po ɛbi hiɛŋ ga ma 'waŋna aŋ kpaaŋ nụ ụragbamụ mu, gana na te bishi bi yɛu ba 'waŋna yɛu ibwɛ nɛ to subo maa ma zha na cɛnjɛ tu na ebi shileni la ogwunukwoshi aba unuu? 13Cee kwuŋ Ngɛɛ zhɛ ma banɛ nu usunda maa ma pana atwa ga hwɛɛɛ? A mbana ma n twana-u'wo, ɛɛ hiɛŋ, Utu panɛ usunda maa ta ya. 14N eri shi ma 'yagaga atwa ga hwɛɛ o, ikɛnyi mi ci shi maa ma 'yagaga aŋ Ngooko. 15Yaa shɛ gana ga ɛbi zhɛ bu ma n nda, asha hioko inyɛmɛnyɛmɛ mi maa n kwụnɛ karu ko, iwɛ maa kede ma kwụba iyi iwɛ nɛ zhɛ mo n jitono.
Agwatana Jishijɛ Ilupwɛ Moses
16Ibɛ po AGWANGWAMA hiɛŋ Moses, N sotulononu n-nyarɛ ma atwa Isrɛl dupu-nu-woshi, (70) mu na mɛ shɛ ehiu, mu na atwa a muna ụjɛrụma, maa suje aŋ no ofwo udulo tu'ulwatagwụ iwɛ maa o shikokono apata na bụ. 17N zhɛ me zwe maa ma duma iwɛ na bụ apata. N zhɛ ma muna Mpiala ma ata Ngee bi peni maa ma pana aŋ, iwɛ maa e bi mbiyeni atwa ata ti'yagaga, iwɛ maa kede i shɛ gobuko kiri bi zhɛ ba 'yagaga aŋ ya o.
18Mbiso atwa ata maa, Meme shiri ma swooŋ iwɛ beyi, hi zhɛ kaa hia ya usunda. AGWANGWAMA hwụjɛ u'wo na ahia twa, ɛhi hiɛŋ, Iyi ike kiri ga tu panɛ usunda maa ta ya. Ɛhi hiɛŋ, itɛ zhɛmanɛ la ta atɛ namɛ ni Ijipti. Ibɛ po AGWANGWAMA zhɛ ma hiɛ panɛ usunda maa hiɛ yɛ. 19Shɛ ụjita uko ɛhi zhɛ hia ya uŋ, shɛ ijitɛ iyebi, shɛ ijitɛ itɛ, shɛ ijitɛ umpwa, shɛ ijitɛ woshi du kaa o, 20ama upiana uko mudu, uuwa i ci aka na waa bananjɛ nu n-nyanu mi hiŋ, i ci aka na wee hi shinji ya. Inɛ gɛ teni iwɛnɛ ahiɛ lacɛ AGWANGWAMA na namɛ na ashashɛ hiŋ keeni iwɛnɛ ehi ngwulengengeni bu, ɛhi hiɛŋ, Eti ge mepi la ti ga zha shɛ ta banɛ ni Ijipti kwukwuŋ. 21Go Moses hiɛŋ AGWANGWAMA, Atwa igbɛɛ-dipi-tɛtu (600,000) Ngaa 'yagajɛ epe, aba hŋ ɛbi hiɛŋ bi zhɛ ba pana aŋ usunda maa a yɛ upiana uko mudu? 22Ɛ zhɛ suu a kwunanga aŋ agwụdụ ni inɛ nazhɛ i gembi aŋ tiya? Okwo ɛ zhɛ suu ɛ vwɛ ijɛnɛ nɛ zweni ni itekwu hwɛɛ maa i gembi aŋ? 23Ibɛ AGWANGWAMA jishijɛ Moses, bɛɛ hiɛŋ, Ukpahiŋ mu suu 'nyanɛ? Bi zhɛ ba kwụba hwuwayɛ go okwo iyi nɛ Ngaa jɛmɛ zhɛ yɛ sɛ, okwo i zha shɛ yɛ sɛ.
24Go Moses beni, bee Mbishi ga atwa ata n-ndumwa mu na AGWANGWAMA jɛmɛ. Bee suji ga n-nyarɛ ma ata dupu-nu-woshi, bee shikicinji aŋ tutu rungwutwonu udulo ata ụ tu'ulwatagwụ. 25Nazhɛ AGWANGWAMA zwe na amɛ udomu, baa jɛmɛ n-ndumwa nu bwa, baa mụnɛ Mpiala mu na mu ga patanɛ bụ, bee peteni n-nyarɛ ma ata dupu-nu-woshi, aka na tu Mpiala ma ata mu patanɛ aŋ, aa jɛmɛ tigesere. Ama a jɛmɛ shɛ ya na aba ibɛ o.
26Ama atwa eyebi a na aa rɛcɛ na amɛ n-nyarɛ ma ata dupu-nu-woshi, a na ɛɛ hiɛŋ nzeci ma aba ge Ildad keeni Midad, e ge te beni shi nu ugba wa aba maa e teni nu udulo wa aba o. Ama Mpiala mu zhaganɛ aŋ, aa jɛmɛ du tigesere. 27Nazhɛ usemberi uko gezhiji bee mbishe Moses, bɛɛ hiɛŋ, Ge Ildad keeni Midad ye a duma ba tigesere na amɛ ugba ata.
28Go Joshua yɛu Nụn, na shɛ bụtụ bu ko na ashashɛ esemberi na ee teri, bɛɛ hiɛŋ Moses, Iyɛri, lakana aŋ!
29Ama go Moses hiɛŋ bụ, Gabụ suu bi zhɛ ba nda isɛbwɛ tụlụkpashɛ ti mi? I ga ma kwụlanɛ yebe maa ga AGWANGWAMA peni atwa ubwa elele Mpiala mu bwa maa a jɛmɛ tigesere! #Mak 9:38-41 30Nazhɛ go Moses keeni n-nyarɛ ma ata dupu-nu-woshi gwuri nu ugba ata.
Agwatana Tumwananɛ Atwa ata Shorubo maa a Yɛ
31Nazhɛ AGWANGWAMA tumwanɛ uvwugo, wee suje shorubo, shaa banɛ ni itekwu, shaa 'waŋ tutu rungwutwonu ugba ata. Shoo momo potongonu na cɛnjɛ uuwa i ci ga embi bụtụ, gabata shee tileni i ci ụdụlụ tahaŋnụ tu uwaŋna ụjita uko, tutu rungwutwonu ugba ata geri geri. 32Gabata atwa ata zenji shu nụ ụjita ata, te kwuni nu uvwungwa uuwa uwaŋna teni, uuwa iyi heri, uuwa uwaŋna teneneni nụ ụjita uyebi. Okwo bụtụ be elele a na ubwa twa sụ, asha bi shidinji gana shikpododo akpakwụ a ta. Gabata ee gereteji aŋ maa e nenji aŋ tutu rungwutwonu ugba ata. 33Aka na tu usunda ata te cimbengeni no tuhwolu te shine sha aba, te e te cwemi shi uŋ hwɛɛ, ibɛ AGWANGWAMA njɛ isɛbwɛ na atwa ata, baa tumwananɛ aŋ ụngwụ uko ụwɛ waa kwụnɛ aŋ tebiye. 34Ibɛ po oo po apata izeci maa, Kibrot-hatava,#11:34 Kibrot-hatava: Egini Kibrot-hatava i shɛ e'uye atwa na njɛ ukwedeyi. iwɛnɛ ti yaa shɛ apata ee ni atwa na njɛ ukwedeyi usunda.
35Nazhɛ atwa ata beni apata, ee zhe ni Hazɛrot, aa namɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008