ỤBANỤ 18
18
Gɛ Jɛtro Zhajɛ Moses Uhikwonuo
1Gɛ Jɛtro bunongbo bi Midian na shɛ binua Moses, hwụjɛ iyi elele nɛ Agwatana ndanɛ Moses keeni E'isrɛl kpaaŋ, gana na ta AGWANGWAMA bɛcinjɛ miaụŋ mi Isrɛl ni Ijipti. 2Ibɛ po baa zhajɛ pu Moses, baa shapɛ Zipora, biyikwo Moses na go Moses ge gwuricinji la ni ihwɛ binua bwa, 3na miaụŋ mu bwa me eyi mi yebi, ɛ hiɛŋ izeci inɛ ihiiŋ ge Gɛshom#18:3 Gɛshom: Egini tɛ Gɛshom i shɛ, bulashɛ Ngaa shɛ. (bi hiɛŋ, N shɛ bulashɛ na cɛnjɛ ta agaiŋ). 4Ɛɛ hiɛŋ izeci inɛ iyebi ge Eliɛzɛ,#18:4 Eliɛzɛ: Egini te Eliɛzɛ i shɛ, Agwatana ɛ shɛ bimbiyeni mi. (bi hiɛŋ, Agwatana bishi mi m mbiyeni be n leshiji nu utokwobi Faro).#Ụban 2:21,22; Ugo 7:29
5Gɛ Jɛtro, binua Moses sugeni Moses miaụŋ ma ata mu bwa me eyi keeni biyikwo bwa nụ ụshɛka, no ofwo na ee jwe ugba wa aba ni Ishɛmɛ ya Agwatana. 6Gɛ Jɛtro tumwanɛ bụtụ bu ko maa e mbishe Moses maa, Gamba gɛ Jɛtro binua bụ ta be ci pụ bụ ne biyikwo bu keeni miaụŋ mụ bụ me eyi mi yebi.
7Go Moses beni bee teji binua bwa uhwaŋna, bee kwuzeni bu, baa ruwanɛ bụ. Nazhɛ oo momo hoŋtongonu iwɛ ulapiya wa aba, nazhɛ ee teni nu umwono ubwa. 8Go Moses swegeni binua bwa iyi elele nɛ AGWANGWAMA njɛ Faro keeni Ijipti iwɛ E'isrɛl, ti ihiɛŋmɛ ye elele nɛ jitengeni aŋ nu uhwaŋna tahaŋnụ, tu gana na ta AGWANGWAMA lesheji aŋ ni ibɛ kpaaŋ.
9Ibɛ po gɛ Jɛtro njɛ unyasa iwɛ uwebiye nɛ AGWANGWAMA ndanɛ E'isrɛl kpaaŋ, nɛ bee lesheji aŋ ni i'ɛlɛ ye Ijipti.
10Gɛ Jɛtro hiɛŋ, Ga ashɛtwa shɛ a na AGWANGWAMA, na ihi leshiji ni i'ɛlɛ Faro keeni Ijipti, na kaa du ihi jwɛ na tijama. 11Hwuwayɛ go, M mepi maa AGWANGWAMA ubwa gembi uhwuri tuwa te elele kpaaŋ, ibɛ po bee lesheji E'isrɛl ni i'ɛlɛ ye Ejipti, a na ga nda aŋ la umungwuta. 12Ibɛ po gɛ Jɛtro, binua Moses peni Agwatana ụrụpɛ tuhwoŋzhingo. Nazhɛ ga Aron keeni n-nyarɛ me E'isrɛl hwɛɛ mi zhajɛ iwɛ maa a yɛ iyimɛyɛ na binua Moses na agba Agwatana.
Tutala ta Ajɛmɛ-ụshɛrɛya
(Undwa 1:9-18)
13Ni iyi tuholo, go Moses jɛjɛ maa duma ụshɛrɛya wa atwa, atwamwa shikekeni pu Moses te kwuni nu uvwungwa tutu ụrụmɛ. 14Aka na ta binua Moses kwụbɛ iyi nɛ baa ndana atwa ata kpaaŋ, bɛɛ hiɛŋ, Imbe nɛ aba ndana atwa gaa? Iwɛmbe po abɛ jɛjɛ gobuko, atwa kpaaŋ shikekeni pụ bụ te kwuni nu uvwungwa tutu ụrụmɛɛ?
15Go Moses mbishi binua bwa, bɛɛ hiɛŋ, Atwa a zhajɛ pi mi maa e hweyigeni iwɛ ukwulana wa Agwatana, 16Aka na ashamanjɛ pa aŋ, a zhajɛ pi mi maa Ma jajana aŋ, ta bụtụ na yaa pa nu uyebi ubwa, keeni maa Mo mbisono aŋ okpogo keeni unu-tupana wa Agwatana.
17Ibɛ po binua Moses hiɛŋ bụ, Iyi nɛ aba nda zhɛshɛ o. 18Tu gabụ, ta atwa na namɛ na bụ, hi zhɛ hia 'nyangana hwuwayɛ. Iwɛnɛ po ugondu ga ubu hwuleji, bi eri shi ba nda uŋ gobuko. 19Shɛlaga tugwo iwɛ mi; N zhɛ ma bụ pana ahaŋsa mi, Agwatana kaa zhɛ a nama na bụ! Nama na ashashɛ atwa, na Agwatana, iwɛ maa no mbiso Agwatana n-ndumwa ma aba. 20No mbisogono atwa ga shikpogo sha Agwatana keeni onu-tupana ubwa, iwɛ maa no mbisono aŋ uhwaŋna na teni cɛŋ maa a na nda iyi nɛ shɛ tilɛɛ maa a njɛ. 21Yalaga tugwo atwa ata du maa teri etwenyi na eri iŋ tɛnda, ga a shɛ atwa na a sụma Agwatana inyɛsɛ, a na shɛ atwa tɛkana, na atwa na o imo imwere tiya bụtụ, sugo aŋ maa njɛ aŋ ehiu atwa akpakwụ-a-ta a-ta, na atwa dipi-yebi yebi, na atwa dupu dupu, keeni atwa umpwa umpwa. 22Ga atwa ata na duma ụshɛrɛya wa atwa aka elele. Udumanga we elele na u hwuleji aŋ nazhɛ ge e suje uŋ pụ bụ, udumanga we elele na u gwumwa, ga a kwunanjɛ uŋ ni ikɛnyi aba. Gana ɛbi zhɛ ba nda maa e bi mbiyeni i'wɛŋnɛ gɛ tu'waŋna ta, nazhɛ yɛɛ zhɛ mo bu dobogono. 23Yaa shɛ abɛ njɛ gana ga, ta Agwatana ibi peni-unu, nazhɛ ɛbi zhɛ ba ala tishikono ni iyi nɛ ma bụ manga, ibɛ du atwa ga kpaaŋ zhɛ o to ofwo na ɛɛ zhɛ nu ulapiya.
24Go Moses hwụjɛ-unu binua ata bwa, baa njɛ ga gana na ti bɛɛ hiɛŋ bụ kpaaŋ. 25Go Moses teri etwenyi na eri ijɛ tɛnda na ashashɛ E'isrɛl kpaaŋ, baa njɛ aŋ ehiu atwa akpakwụ-a-ta a-ta, na atwa dipi-yebi yebi na atwa dupu dupu, keeni atwa umpwa umpwa. 26Atwa ata aba a duma ụshɛrɛya we elele. Udumanga we elele na u hwuri aŋ ikɛnyi nazhɛ a shapɛrɛganɛ Moses, ama udumanga we elele na u gwumwa a kwunanga abaaba. 27Nazhɛ go Moses njɛ binua bwa ongbo maa hwulo, bee ji na cɛnjɛ tu bwa.
Currently Selected:
ỤBANỤ 18: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
ỤBANỤ 18
18
Gɛ Jɛtro Zhajɛ Moses Uhikwonuo
1Gɛ Jɛtro bunongbo bi Midian na shɛ binua Moses, hwụjɛ iyi elele nɛ Agwatana ndanɛ Moses keeni E'isrɛl kpaaŋ, gana na ta AGWANGWAMA bɛcinjɛ miaụŋ mi Isrɛl ni Ijipti. 2Ibɛ po baa zhajɛ pu Moses, baa shapɛ Zipora, biyikwo Moses na go Moses ge gwuricinji la ni ihwɛ binua bwa, 3na miaụŋ mu bwa me eyi mi yebi, ɛ hiɛŋ izeci inɛ ihiiŋ ge Gɛshom#18:3 Gɛshom: Egini tɛ Gɛshom i shɛ, bulashɛ Ngaa shɛ. (bi hiɛŋ, N shɛ bulashɛ na cɛnjɛ ta agaiŋ). 4Ɛɛ hiɛŋ izeci inɛ iyebi ge Eliɛzɛ,#18:4 Eliɛzɛ: Egini te Eliɛzɛ i shɛ, Agwatana ɛ shɛ bimbiyeni mi. (bi hiɛŋ, Agwatana bishi mi m mbiyeni be n leshiji nu utokwobi Faro).#Ụban 2:21,22; Ugo 7:29
5Gɛ Jɛtro, binua Moses sugeni Moses miaụŋ ma ata mu bwa me eyi keeni biyikwo bwa nụ ụshɛka, no ofwo na ee jwe ugba wa aba ni Ishɛmɛ ya Agwatana. 6Gɛ Jɛtro tumwanɛ bụtụ bu ko maa e mbishe Moses maa, Gamba gɛ Jɛtro binua bụ ta be ci pụ bụ ne biyikwo bu keeni miaụŋ mụ bụ me eyi mi yebi.
7Go Moses beni bee teji binua bwa uhwaŋna, bee kwuzeni bu, baa ruwanɛ bụ. Nazhɛ oo momo hoŋtongonu iwɛ ulapiya wa aba, nazhɛ ee teni nu umwono ubwa. 8Go Moses swegeni binua bwa iyi elele nɛ AGWANGWAMA njɛ Faro keeni Ijipti iwɛ E'isrɛl, ti ihiɛŋmɛ ye elele nɛ jitengeni aŋ nu uhwaŋna tahaŋnụ, tu gana na ta AGWANGWAMA lesheji aŋ ni ibɛ kpaaŋ.
9Ibɛ po gɛ Jɛtro njɛ unyasa iwɛ uwebiye nɛ AGWANGWAMA ndanɛ E'isrɛl kpaaŋ, nɛ bee lesheji aŋ ni i'ɛlɛ ye Ijipti.
10Gɛ Jɛtro hiɛŋ, Ga ashɛtwa shɛ a na AGWANGWAMA, na ihi leshiji ni i'ɛlɛ Faro keeni Ijipti, na kaa du ihi jwɛ na tijama. 11Hwuwayɛ go, M mepi maa AGWANGWAMA ubwa gembi uhwuri tuwa te elele kpaaŋ, ibɛ po bee lesheji E'isrɛl ni i'ɛlɛ ye Ejipti, a na ga nda aŋ la umungwuta. 12Ibɛ po gɛ Jɛtro, binua Moses peni Agwatana ụrụpɛ tuhwoŋzhingo. Nazhɛ ga Aron keeni n-nyarɛ me E'isrɛl hwɛɛ mi zhajɛ iwɛ maa a yɛ iyimɛyɛ na binua Moses na agba Agwatana.
Tutala ta Ajɛmɛ-ụshɛrɛya
(Undwa 1:9-18)
13Ni iyi tuholo, go Moses jɛjɛ maa duma ụshɛrɛya wa atwa, atwamwa shikekeni pu Moses te kwuni nu uvwungwa tutu ụrụmɛ. 14Aka na ta binua Moses kwụbɛ iyi nɛ baa ndana atwa ata kpaaŋ, bɛɛ hiɛŋ, Imbe nɛ aba ndana atwa gaa? Iwɛmbe po abɛ jɛjɛ gobuko, atwa kpaaŋ shikekeni pụ bụ te kwuni nu uvwungwa tutu ụrụmɛɛ?
15Go Moses mbishi binua bwa, bɛɛ hiɛŋ, Atwa a zhajɛ pi mi maa e hweyigeni iwɛ ukwulana wa Agwatana, 16Aka na ashamanjɛ pa aŋ, a zhajɛ pi mi maa Ma jajana aŋ, ta bụtụ na yaa pa nu uyebi ubwa, keeni maa Mo mbisono aŋ okpogo keeni unu-tupana wa Agwatana.
17Ibɛ po binua Moses hiɛŋ bụ, Iyi nɛ aba nda zhɛshɛ o. 18Tu gabụ, ta atwa na namɛ na bụ, hi zhɛ hia 'nyangana hwuwayɛ. Iwɛnɛ po ugondu ga ubu hwuleji, bi eri shi ba nda uŋ gobuko. 19Shɛlaga tugwo iwɛ mi; N zhɛ ma bụ pana ahaŋsa mi, Agwatana kaa zhɛ a nama na bụ! Nama na ashashɛ atwa, na Agwatana, iwɛ maa no mbiso Agwatana n-ndumwa ma aba. 20No mbisogono atwa ga shikpogo sha Agwatana keeni onu-tupana ubwa, iwɛ maa no mbisono aŋ uhwaŋna na teni cɛŋ maa a na nda iyi nɛ shɛ tilɛɛ maa a njɛ. 21Yalaga tugwo atwa ata du maa teri etwenyi na eri iŋ tɛnda, ga a shɛ atwa na a sụma Agwatana inyɛsɛ, a na shɛ atwa tɛkana, na atwa na o imo imwere tiya bụtụ, sugo aŋ maa njɛ aŋ ehiu atwa akpakwụ-a-ta a-ta, na atwa dipi-yebi yebi, na atwa dupu dupu, keeni atwa umpwa umpwa. 22Ga atwa ata na duma ụshɛrɛya wa atwa aka elele. Udumanga we elele na u hwuleji aŋ nazhɛ ge e suje uŋ pụ bụ, udumanga we elele na u gwumwa, ga a kwunanjɛ uŋ ni ikɛnyi aba. Gana ɛbi zhɛ ba nda maa e bi mbiyeni i'wɛŋnɛ gɛ tu'waŋna ta, nazhɛ yɛɛ zhɛ mo bu dobogono. 23Yaa shɛ abɛ njɛ gana ga, ta Agwatana ibi peni-unu, nazhɛ ɛbi zhɛ ba ala tishikono ni iyi nɛ ma bụ manga, ibɛ du atwa ga kpaaŋ zhɛ o to ofwo na ɛɛ zhɛ nu ulapiya.
24Go Moses hwụjɛ-unu binua ata bwa, baa njɛ ga gana na ti bɛɛ hiɛŋ bụ kpaaŋ. 25Go Moses teri etwenyi na eri ijɛ tɛnda na ashashɛ E'isrɛl kpaaŋ, baa njɛ aŋ ehiu atwa akpakwụ-a-ta a-ta, na atwa dipi-yebi yebi na atwa dupu dupu, keeni atwa umpwa umpwa. 26Atwa ata aba a duma ụshɛrɛya we elele. Udumanga we elele na u hwuri aŋ ikɛnyi nazhɛ a shapɛrɛganɛ Moses, ama udumanga we elele na u gwumwa a kwunanga abaaba. 27Nazhɛ go Moses njɛ binua bwa ongbo maa hwulo, bee ji na cɛnjɛ tu bwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008