ỤBANỤ 15
15
Azunga Moses
1Nazhɛ go Moses keeni miaụŋ mi Isrɛl mu zunganganɛ AGWANGWAMA azunga ga, ɛɛ hiɛŋ,
N zhɛ ma zungangana AGWANGWAMA azunga, iwɛnɛ tu baa 'yajɛ ụjɛrụma ụ'wụtụ na tụlasụ tu na baa lasụ;
ubwa 'wɛŋ idɛkwɛ keeni asụcɛ ibɛ ni itekwu.#N-ndu 15:3
2AGWANGWAMA shɛ bileleji mi bu ukpahiŋ,
baa shaananɛ kaa ubino mu;
Ubwa shɛ Agwatana mi, N zhɛ ma dumanga bụ,
Agwatana bishi mi baa shɛ, N zhɛ ma pana bụ ụjɛrụma ụ'wụtụ.#Shɛzu 118:14; Ayiz 12:2
3AGWANGWAMA shɛ Bɛnjɛ bu ujasa bi ikɛnyi;
ɛ hiɛŋ izeci ibwɛ AGWANGWAMA.
4Bu suji ihɛŋtu ujasa ya aba baa 'wɛŋ ni itekwu,
Itekwu Ishenje suji ehiu ujasa na bee ge teri.
5Itekwu nɛ iri tweri aŋ;
E iri gana utayɛ.
6Oo AGWANGWAMA u'ala bụ ubiye 'yajɛ ụjɛrụma;
na amɛ ukpahiŋ ubwa.
Oo AGWANGWAMA, u'ala bụ ubiye bwereteji,
atwa i'ime rukwu rukwu.
7Ni igɛhi bu i'wɛtwɛ, abụ lasatagwụ,
atwa na ga bụ sukakanɛ;
Gabụ bu tumwanɛ isɛbwɛ bu, yee hwoŋzhinji aŋ,
gana arɛya.
8Gabụ bu hwulupeni itekwu, ibɛ po meni mu suteni,
ibɛ po uhwulwo shikeni gana Ishɛmɛ,
ofwo me'ilwo 'yajɛ ikɛnyi na amɛ itekwu.
9Nazhɛ bụtụ ata bi i'ime hiɛŋ,
N zhɛ mo urugono aŋ maa Mo vwutono aŋ,
N zhɛ mo dwotwogonu i'wɛŋnɛ ya aba,
maa Ma 'yaga iyi nɛ Ama jala te me gembi.
N zhɛ me hwucice utokwobi mu,
maa Ma nda aŋ ufwu.
10Gabụ bu hwulupeni uvwugo bu,
ibɛ po itekwu ubi aŋ;
ee ileji gana bundala na amɛ meni na mu 'yajɛ ukpahiŋ.
11Oo AGWANGWAMA, tuwa tu naa tụ bụ sụbɛɛ?
Gaaba ụbụ sụbɛ nu ugombo keeni tijiloo?
Gaaba eri ba nda ugondu wa arụhwajɛ
keeni iyi tudama gana bụụ?
12Gabụ bi nderishinji u'ala bụ ubiye,
ibɛ po cɛnjɛ tu unyizo tu tweri aŋ.
13Na amɛ tulubo tụ bụ ti biye,
ibɛ po abụ 'yagajɛ atwa bụ na obu so,
na amɛ ukpahiŋ bụ kaa ebi mbiseni aŋ
ihwɛŋnɛ nɛ maa e zhe no ofwo cɛnjɛ tụ bụ te tijilo.
14Edenji hwugajɛ, aa zhɛgɛdaga;
uriri kaa 'imɛ atwa na namɛ na cɛnjɛ ta Afilistia.
15Hwuwayɛ go uriri 'imɛ tugwama ti Idụm;
ibɛ po atwa Moab a na ga 'yajɛ ikɛnyi kwuni tɛzhɛgɛdaga;
shihwulu shɛ bwadụ atwa elele na jɛjɛ ni Kenan kpaaŋ.
16Inyɛsɛ keeni ohwulu tuhoroko ubi aŋ.
Oo AGWANGWAMA a kwụbɛ ukpahiŋ bụ,
ee shikekeni, inyɛsɛ shɛ aŋ,
a zasa bụtụ maa mbiyono aŋ o,
uuwa atwa bụ ta kashɛka,
aba shɛ atwa na ɛbi jwɛ na ti'ima.
17Gabụ bi zhɛ be suje aŋ maa tileni aŋ
ni Ishɛmɛ bu ikɛnyi bu.
Oo AGWANGWAMA, ibɛ shɛ ofwo na abu mama ndanɛ maa a shɛ ofwo bɛjɛjɛ bụ,
oo AGWANGWAMA, ibɛ shɛ ohwolu bu tijilo na obu mo.
18AGWANGWAMA, Gabụ bi zhɛ ba ya tugwama uuwa unyizo zhe gwure.
19Miaụŋ mi Isrɛl mu duri ashashɛ itekwu na cɛnjɛ tu hwoo. Ama aka na ti idɛkwɛ Faro keeni ihɛŋtu ibwɛ ujasa keeni asụcɛ idɛkwɛ duri na amɛ itekwu, nazhɛ AGWANGWAMA gwuricinje meni mi itekwu mee suji aŋ.
Azunga Miriam
20Nazhɛ ge Miriam bigesere ata bo o, na shɛ bụngwụfwụ Aron, shepi okoko ti'nyama, nazhɛ eyikwo na vwɛ kpaaŋ suji du shikoko shɛ ti'nyama aa 'wa bụ na tɛhiɛba. 21Ge Miriam dwɛjɛ aŋ azunga bɛɛ hiɛŋ,
Zungangana ma AGWANGWAMA azunga,
iwɛnɛ po ubwa 'yajɛ ụjɛrụma ụ'wụtụ.
Bu 'wɛŋ idɛkwɛ keeni asụcɛ ibɛ na amɛ itekwu.
Meni na mu Gagwụmɛ nụ Ụshɛka Shu
22Nazhɛ go Moses suji miaụŋ mi Isrɛl ee beni ni Itekwu ɛtɛ Ishenje, ee zhe tahaŋnụ ijitɛ itɛtu nụ ụshɛka ata ɛɛ hiɛŋ Shu, a kwụbɛ shɛ meni o. 23Aka na ee ci ofwo oko na ɛɛ hiɛŋ izeci ya aba Mara,#15:23 Mara: Egini Mara i shɛ, ụgagwụ, iwɛnɛ te meni ma ata mu gagwụmɛ. e eri shi a swa meni mu Mara o, iwɛnɛ tu maa gagwụmɛ; iwɛbɛ po ɛɛ hiɛŋ mụ Mara 24Ibɛ po atwa ata kwuni Moses tungwulongongono, ɛɛ hiɛŋ, Imbe ɛti zhɛ ta swaa? 25Go Moses keri AGWANGWAMA n'ungwa; nazhɛ AGWANGWAMA mbiseni bu ụ'wụ'wụ uko, bee keri uŋ ne meni ma ata, nazhɛ meni mɛ zhɛmɛ tuswa.
Apata AGWANGWAMA peni aŋ andwa keeni shikpogo shɛ na maa a untangana, apata du bee menji aŋ. 26Bɛɛ hiɛŋ, Yaa shɛ ɛbi zhɛ ba hwuga-unu wa AGWANGWAMA na shɛ Agwatana bụ tebiye, maa na nda kaa iyi nɛ teni cɛŋ ne eshe ubwa, obo shilo kaa ụcɛbɛ no onu-tupana ubwa, maa na untangana kaa shikpogo shɛ bwa kpaaŋ. Asha N zha shɛ ma bụ shapɛrɛganɛ ụngwụ ụwɛ na Ngaa shapɛrɛganɛ la Ejipti o; Gamba AGWANGWAMA, na n shɛ bɛnɛnjɛ bụ na.
27Nazhɛ ee ci ofwo na ɛɛ hiɛŋ, Elim, ɛmɛzhinjɛ umpwa-na-ba-eyebi namba apata keeni iyi nɛ sụbɛ ishiwɛ, i namɛ dupu-nu-woshi; (70) oo zokwu nụ ụpalanụ meni mu na mu namɛ apata.
Currently Selected:
ỤBANỤ 15: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
ỤBANỤ 15
15
Azunga Moses
1Nazhɛ go Moses keeni miaụŋ mi Isrɛl mu zunganganɛ AGWANGWAMA azunga ga, ɛɛ hiɛŋ,
N zhɛ ma zungangana AGWANGWAMA azunga, iwɛnɛ tu baa 'yajɛ ụjɛrụma ụ'wụtụ na tụlasụ tu na baa lasụ;
ubwa 'wɛŋ idɛkwɛ keeni asụcɛ ibɛ ni itekwu.#N-ndu 15:3
2AGWANGWAMA shɛ bileleji mi bu ukpahiŋ,
baa shaananɛ kaa ubino mu;
Ubwa shɛ Agwatana mi, N zhɛ ma dumanga bụ,
Agwatana bishi mi baa shɛ, N zhɛ ma pana bụ ụjɛrụma ụ'wụtụ.#Shɛzu 118:14; Ayiz 12:2
3AGWANGWAMA shɛ Bɛnjɛ bu ujasa bi ikɛnyi;
ɛ hiɛŋ izeci ibwɛ AGWANGWAMA.
4Bu suji ihɛŋtu ujasa ya aba baa 'wɛŋ ni itekwu,
Itekwu Ishenje suji ehiu ujasa na bee ge teri.
5Itekwu nɛ iri tweri aŋ;
E iri gana utayɛ.
6Oo AGWANGWAMA u'ala bụ ubiye 'yajɛ ụjɛrụma;
na amɛ ukpahiŋ ubwa.
Oo AGWANGWAMA, u'ala bụ ubiye bwereteji,
atwa i'ime rukwu rukwu.
7Ni igɛhi bu i'wɛtwɛ, abụ lasatagwụ,
atwa na ga bụ sukakanɛ;
Gabụ bu tumwanɛ isɛbwɛ bu, yee hwoŋzhinji aŋ,
gana arɛya.
8Gabụ bu hwulupeni itekwu, ibɛ po meni mu suteni,
ibɛ po uhwulwo shikeni gana Ishɛmɛ,
ofwo me'ilwo 'yajɛ ikɛnyi na amɛ itekwu.
9Nazhɛ bụtụ ata bi i'ime hiɛŋ,
N zhɛ mo urugono aŋ maa Mo vwutono aŋ,
N zhɛ mo dwotwogonu i'wɛŋnɛ ya aba,
maa Ma 'yaga iyi nɛ Ama jala te me gembi.
N zhɛ me hwucice utokwobi mu,
maa Ma nda aŋ ufwu.
10Gabụ bu hwulupeni uvwugo bu,
ibɛ po itekwu ubi aŋ;
ee ileji gana bundala na amɛ meni na mu 'yajɛ ukpahiŋ.
11Oo AGWANGWAMA, tuwa tu naa tụ bụ sụbɛɛ?
Gaaba ụbụ sụbɛ nu ugombo keeni tijiloo?
Gaaba eri ba nda ugondu wa arụhwajɛ
keeni iyi tudama gana bụụ?
12Gabụ bi nderishinji u'ala bụ ubiye,
ibɛ po cɛnjɛ tu unyizo tu tweri aŋ.
13Na amɛ tulubo tụ bụ ti biye,
ibɛ po abụ 'yagajɛ atwa bụ na obu so,
na amɛ ukpahiŋ bụ kaa ebi mbiseni aŋ
ihwɛŋnɛ nɛ maa e zhe no ofwo cɛnjɛ tụ bụ te tijilo.
14Edenji hwugajɛ, aa zhɛgɛdaga;
uriri kaa 'imɛ atwa na namɛ na cɛnjɛ ta Afilistia.
15Hwuwayɛ go uriri 'imɛ tugwama ti Idụm;
ibɛ po atwa Moab a na ga 'yajɛ ikɛnyi kwuni tɛzhɛgɛdaga;
shihwulu shɛ bwadụ atwa elele na jɛjɛ ni Kenan kpaaŋ.
16Inyɛsɛ keeni ohwulu tuhoroko ubi aŋ.
Oo AGWANGWAMA a kwụbɛ ukpahiŋ bụ,
ee shikekeni, inyɛsɛ shɛ aŋ,
a zasa bụtụ maa mbiyono aŋ o,
uuwa atwa bụ ta kashɛka,
aba shɛ atwa na ɛbi jwɛ na ti'ima.
17Gabụ bi zhɛ be suje aŋ maa tileni aŋ
ni Ishɛmɛ bu ikɛnyi bu.
Oo AGWANGWAMA, ibɛ shɛ ofwo na abu mama ndanɛ maa a shɛ ofwo bɛjɛjɛ bụ,
oo AGWANGWAMA, ibɛ shɛ ohwolu bu tijilo na obu mo.
18AGWANGWAMA, Gabụ bi zhɛ ba ya tugwama uuwa unyizo zhe gwure.
19Miaụŋ mi Isrɛl mu duri ashashɛ itekwu na cɛnjɛ tu hwoo. Ama aka na ti idɛkwɛ Faro keeni ihɛŋtu ibwɛ ujasa keeni asụcɛ idɛkwɛ duri na amɛ itekwu, nazhɛ AGWANGWAMA gwuricinje meni mi itekwu mee suji aŋ.
Azunga Miriam
20Nazhɛ ge Miriam bigesere ata bo o, na shɛ bụngwụfwụ Aron, shepi okoko ti'nyama, nazhɛ eyikwo na vwɛ kpaaŋ suji du shikoko shɛ ti'nyama aa 'wa bụ na tɛhiɛba. 21Ge Miriam dwɛjɛ aŋ azunga bɛɛ hiɛŋ,
Zungangana ma AGWANGWAMA azunga,
iwɛnɛ po ubwa 'yajɛ ụjɛrụma ụ'wụtụ.
Bu 'wɛŋ idɛkwɛ keeni asụcɛ ibɛ na amɛ itekwu.
Meni na mu Gagwụmɛ nụ Ụshɛka Shu
22Nazhɛ go Moses suji miaụŋ mi Isrɛl ee beni ni Itekwu ɛtɛ Ishenje, ee zhe tahaŋnụ ijitɛ itɛtu nụ ụshɛka ata ɛɛ hiɛŋ Shu, a kwụbɛ shɛ meni o. 23Aka na ee ci ofwo oko na ɛɛ hiɛŋ izeci ya aba Mara,#15:23 Mara: Egini Mara i shɛ, ụgagwụ, iwɛnɛ te meni ma ata mu gagwụmɛ. e eri shi a swa meni mu Mara o, iwɛnɛ tu maa gagwụmɛ; iwɛbɛ po ɛɛ hiɛŋ mụ Mara 24Ibɛ po atwa ata kwuni Moses tungwulongongono, ɛɛ hiɛŋ, Imbe ɛti zhɛ ta swaa? 25Go Moses keri AGWANGWAMA n'ungwa; nazhɛ AGWANGWAMA mbiseni bu ụ'wụ'wụ uko, bee keri uŋ ne meni ma ata, nazhɛ meni mɛ zhɛmɛ tuswa.
Apata AGWANGWAMA peni aŋ andwa keeni shikpogo shɛ na maa a untangana, apata du bee menji aŋ. 26Bɛɛ hiɛŋ, Yaa shɛ ɛbi zhɛ ba hwuga-unu wa AGWANGWAMA na shɛ Agwatana bụ tebiye, maa na nda kaa iyi nɛ teni cɛŋ ne eshe ubwa, obo shilo kaa ụcɛbɛ no onu-tupana ubwa, maa na untangana kaa shikpogo shɛ bwa kpaaŋ. Asha N zha shɛ ma bụ shapɛrɛganɛ ụngwụ ụwɛ na Ngaa shapɛrɛganɛ la Ejipti o; Gamba AGWANGWAMA, na n shɛ bɛnɛnjɛ bụ na.
27Nazhɛ ee ci ofwo na ɛɛ hiɛŋ, Elim, ɛmɛzhinjɛ umpwa-na-ba-eyebi namba apata keeni iyi nɛ sụbɛ ishiwɛ, i namɛ dupu-nu-woshi; (70) oo zokwu nụ ụpalanụ meni mu na mu namɛ apata.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008