ỤBANỤ 12
12
Tukwuno ti Isene Tɛkashɛka Tɛnda
1Nazhɛ AGWANGWAMA hiɛŋ Moses keeni Aron, na amɛ cɛnjɛ ti Ijipti, #Liv 23:5; Tɛrɛ 9:1-5; 28:16; Undwa 16:1,2 2Upiana ga ubwa zhɛ ma hi shana tukwuno tu upiana; ubwa zhɛ ma hi shana upiana uhiiŋ nu uywa we elele. 3Mbiso ma tu'ulwatagwụ tu miaụŋ mi Isrɛl kpaaŋ maa, Nụ ụjita umpwa na amɛ upiana ga, bụtụ bụtụ ga shapɛ yɛu-ụgwụdụ, gana na ta atwa ihwɛ bishi bwa namɛ. Yɛu-ụgwụdụ ike i shɛ iwɛ ihwɛ ike du. 4Yaa shɛ kaa ihwɛ ike twa sụ maa a yɛ yɛu-ụgwụdụ ike, asha bụtụ na ihwɛ ibwɛ sweni shonungwu na binya bwa, ge shepi bu ko nu gana na tu ufwugwo wa atwa ata namɛ; gana na ta bụtụ bụtụ eri ba ya, ibɛ ɛhi zhɛ hia rɛta atwa iwɛ yɛu-ụgwụdụ ike. 5Gɛ yɛu-ụgwụdụ ata hiŋ nama shɛshɛshɛ, ga sha bu na be eyi, ga sha yɛu uywa uko; bacɛnga bu ma na agwụdụ kwo kaa ni iyweywe vwɛ. 6Hiɛ shɛ kaa hia ngbaraka bụ tutu ụjita umpwa-ni-bɛ-neshi nu upiana ata, nazhɛ tusotulonu tu tu'ulwatagwụ tu miaụŋ mi Isrɛl kpaaŋ ti zhɛ ta kwụna miaụŋ-ma-agwụdụ aba nu ụrụmɛ ata. 7Nazhɛ ɛɛ zhɛ a sala mehieŋ ma aba, a sụkwụtwa mụ ni i'wɛ'wɛ shidubo zalụ hweehwe keeni nụ ụ'wụ'wụ wa azuba odubo umwono ata aa ya aŋ. 8Nụ ụjita ata ɛɛ zhɛ a ya usunda ubwa, tinyoso ɛɛ zhɛ o nyoso maa a yɛ na atụla ni iyimɛyɛ nɛ zasa Ifucingɛ. 9Kede a yɛ ụnyɛshɛnyɛshɛ o, kede kaa e shiteji o, semi tinyoso, tu uhiuhiu, ti ivwunɛ keeni i'wɛŋnɛ ibwɛ ya amɛ. 10To lono ma maa inɛ ye elele vwɛ maa iyi heleni iŋ o, inɛ ye elele nɛ vwɛ iyi heleni hwoŋzhingo iŋ ma. 11Gana ɛhi zhɛ hia ya aŋ na: umpo ma amazhɛya ne shimbi shi hiŋ, zwono ma shɛbɛda nɛ shivwɛvwɛjɛ shi hiŋ, 'waŋna ma shekwute ni i'ɛlɛ hiŋ, ya ma ni izɛlɛgwu, tɛkashɛka ta AGWANGWAMA ta a shɛ.
12N zhɛ mo dulogo cɛnjɛ ti Ijipti nụ ụjita ata, Ngɛɛ zhɛ ma kwụna miaụŋ-me-eyi mu umbe mɛ cɛnjɛ ti Ijipti kpaaŋ, ta bụtụ, ti iyimabiga. N zhɛ ma pana tuwa ta atwa Ijipti kpaaŋ ulwapɛ: Gamba AGWANGWAMA na. 13Mehieŋ ma ata muba mi zhɛ ma sha useyida hiŋ no shimwono shɛ na ahiɛ namanjɛ. Aka na Ngaa kwụbɛ mehieŋ, N zhɛ ma hi kashɛka, tishikpe te elele kaa ti zha shɛ te hi teneni maa tɛ hiɛ njɛ ufwu, na aka na Ama pana atwa Ijipti ulwapɛ o. 14Hwayɛ ga i shɛ ụjita na maa hi ne teyinje, untangana uŋ ma maa ụ shɛ ụjita isene ya AGWANGWAMA. No shiyono uŋ ma eshe maa u shanɛ awaŋnɛ hiŋ okpogo tutu unyizo-nom.#Ụban 23:15; 34:18; Liv 23:6-8; Tɛrɛ 28:17-25; Undwa 16:3-8
Isene Iyimɛyɛ Uzawa Ifucingɛ
15Na amɛ ijitɛ icenje ɛhi zhɛ hia ya iyimɛyɛ nɛ zasa Ifucingɛ. Bacɛnga ma Ifucingɛ no shimwono shi hiŋ nụ ụjita uhiiŋ. Bụtụ be elele na yɛ iyi nɛ 'yajɛ Ifucingɛ; te kwuni nụ ụjita ata tutu ụjita ucenje, ɛ zhɛ o bogwu bu na atwa Isrɛl. 16Ụjita uhiiŋ ụ shɛ tụ'ulwa te tijilo, ụjita ucenje shaananɛ tu'ulwa te tijilo, hiɛ shɛ shɛ hia nda ugondu we elele na amɛ ijitɛ ɛtɛ iyebi o; semi ugondu iyimɛyɛ nɛ bụtụ bụtụ zhɛ ba ya kiri ɛhi zhɛ hia imanganga. 17Shiyono ma eshe iwɛ iyi nɛ zasa Ifucingɛ. Iwɛnɛ po nụ ụjita ata gom Ngɛɛ bɛcinjɛ la unyama hiŋ na cɛnjɛ ti Ijipti. Na nda ma isene gɛ na awaŋnɛ hiŋ tutu, okpogo unyizo-nom aa shɛ. 18Kwuno ma iyimɛyɛ nɛ zasa Ifucingɛ tiya nụ ụrụmɛ ụjita ata umpwa-ni-bɛneshi na amɛ upiana ata uhiiŋ, gana ata ɛhi zhɛ hia ya iŋ tutu ụrụmɛ ụjita woshi-nu-boo-ko nu upiana ata. 19Kede a kwụbɛ Ifucingɛ no shimwono shi hiŋ tutu ijitɛ ɛtɛ icenje o. Bụtụ be elele na yɛ iyi nɛ 'yajɛ Ifucingɛ, okwo baa shɛ bugaiŋ, kwo kaa umamata, ɛ zhɛ o bogwu bu na tu'ulwa te E'isrɛl. 20Ta ya ma iyi elele nɛ 'yajɛ Ifucingɛ; tutu ofwo na bɛjɛjɛ hiŋ teje o, na ya ma iyi nɛ zasa Ifucingɛ.
Tụkwụna ta Miaụŋ-ma-agwụdụ Iyimɛyɛ Tɛkashɛka
21Nazhɛ go Moses suyanɛ n-nyarɛ mi Isrɛl kpaaŋ, bɛɛ hiɛŋ aŋ, Bụtụ bụtụ ga tala yɛu-ụgwụdụ iwɛ ukpogwu ubwa, maa hiɛ kwụnɛ iŋ iwɛ isene tɛkashɛka. 22Jwɛ ma ambɛ ụ'wụ'wụ hisop, iwɛ maa hi shiyeni aŋ ne mehieŋ ma ata mu zweni nu ugbamgbam, maa hi zhizhenji mu nụ ụ'wụ'wụ wa azuba odubo, keeni i'wɛ'wɛ i'ɛŋbi shidubo zalụ hweehwe. Kede bụtụ be elele banɛ no tupohondo uuwa gi iyi yo holo. 23Iwɛnɛ po AGWANGWAMA zhɛ a kashɛka cɛnjɛ tu ga maa kwụna Ejipti, aka na kaa baa kwụbɛ mehieŋ nụ ụ'wụ'wụ wa azuba odubo keeni i'wɛ'wɛ i'ɛŋbi shidubo zalụ hweehwe, bi zhɛ ba kashɛka odubo ata, bi zha shɛ bo lonono butumwa ata bu tu'wo maa me hi teneni no shimwono shi hiŋ maa ma hi kwụna o.#Ehib 11:28
24No shiyono ma ijɛ eshe, okpogo hiŋ keeni una miaụŋ mi hiŋ aa shɛ tutu unyizo-nom. 25Aka na ehi ci hwuŋ cɛnjɛ ta ata AGWANGWAMA zhɛ ma hi pana, nu gana na ti bee shiri la unu ibɛ, hiɛ shɛ hia untangana ugondu ga. 26Aka na ta miaụŋ mi hiŋ mi hi heŋteni hwuŋ, ɛɛ hiɛŋ, Imbe kwuŋ shɛ ecilo ugondu ga ahia nda banaa? 27Mbiso aŋ ma maa, Ụrụpɛ tɛkashɛka wa AGWANGWAMA na, iwɛnɛ ti bee keshici la shimwono she Isrɛl ni Ijipti, aka na tu baa kwụnɛ la Ejipti, bee bicinji nhwaŋ mu tu. Ibɛ po atwa ata to bizhiri aa zhɛbɛ AGWANGWAMA.
28Nazhɛ miaụŋ mi Isrɛl mi zhe maa njɛ gana na ta AGWANGWAMA peni Moses keeni Aron unu.
Tishikpe to Tu'wo tu Miaụŋ mu Umbe
29Nụ ụjita tudwonu, ibɛ AGWANGWAMA kwụnɛ miaụŋ-me-eyi mu umbe me Ejipti kpaaŋ, te kwune ni yɛu umbe Faro nɛ jɛjɛ ni idwɛtwɛ ibwɛ, ti yɛu umbe nɛ namɛ nu u'ibwa umwono-tishi, ti yɛu umbe iyimabiga.#Ụban 4:22-31 30Ga Faro zhinjɛ na amɛ ụjita ata, tu bwa, ta anjɛ-ugondu ubwa kpaaŋ, keeni Ejipti kpaaŋ; iwɛnɛ tu n'ungwa mụ 'wụtụ mɛ shɛnjɛ ni Ijipti. Iwɛnɛ po i zasa ihwɛ ye elele nɛ ru'wo rụ bụtụ ru zasaba o. 31Ibɛ po ga Faro suyanɛ Moses keeni Aron nụ ụjita ata, bɛɛ hiɛŋ aŋ, ishijɛ ma, ta ahiɛba ta miaụŋ mi Isrɛl bana ma no olugwo atwa mi, zhaga zhɛba ma AGWANGWAMA gana na ɛhi hiɛŋ. 32Sugo ma agwụdụ hiŋ, ti iyweywe hiŋ keeni inɛ hiŋ, maa hi hwuri gana na ahiɛ jɛmɛ, maa hi m peni du uwebiye!
33Ejipti o shishongono atwa ata Isrɛl, maa e beni na cɛnjɛ ta aba ni izɛlɛgwu; iwɛnɛ po ɛ hiɛŋ, Tɛ shɛ ya n'wo kpaaŋ tu. 34Ibɛ po atwa ata suji mihiuŋ ma aba mi iyimɛyɛ mu na mu ta zasa Ifucingɛ, mu na oo go nokwo, e umpenji nkwodo ma aba no tugwuno e petengeni no shitutu sha aba. 35Miaụŋ mi Isrɛl mɛ njɛ ga gana na tu go Moses ge mbishi aŋ, aa lụpɛ Ejipti iyi utakashɛ ya azụrụfa keeni azhɛnarɛya keeni iyi tu'urugono; 36AGWANGWAMA kaa leni maa gɛ iwɛ miaụŋ mi Isrɛl kwụlanɛ atwa Ijipti, ee penenji aŋ iyi nɛ aa lụpɛ aŋ. Tedure ni inɛ ɛtɛ miaụŋ mi isrɛl mu suji i'wɛŋnɛ ye Ejipti kpaaŋ.#Ụban 3:21,22
E'isrɛl Beni ni Ijipti
37Nazhɛ E'isrɛl kwuni tahaŋnụ ta aba nu Rameses i ci Sukot. Etwenyi na zhe tahaŋnụ ni ivwunɛ a shɛ gana igbɛɛ-akpakwụ-atatụ, (600,000) a 'imɛ shɛ eyikwo na miaụŋ o. 38Unyama wa anya atwa ufwugwo du u 'wa aŋ, ta agwụdụ, ti iyweywe keeni inɛ. 39Ee suji mihiuŋ me ebe aa ga 'waŋnɛ ni Ijipti aa njɛ akara na zasa Ifucingɛ. Iwɛnɛ po e ge te zweni shi mu Ifucingɛ o, iwɛnɛ te e unzhe aŋ na cɛnjɛ ti Ijipti ni izɛlɛgwu, e eri shi a nda ti'insu o, a mama 'imanganjɛ shɛ kaa iwɛ iyimɛyɛ ya aba o.
40Bɛ jɛjɛ ba miaụŋ mi Isrɛl na cɛnjɛ ti Ijipti namɛ shiywa akpakwụ-eyebi-nu-talacɛ (430).#Umoz 15:13; Ugo 7:6; Gala 3:17 41Nụ ụjita ata ta shiywa sha ata akpakwụ-eyebi-nu-talacɛ shɛ ulwa gom, nazhɛ unyama wa atwa AGWANGWAMA banɛ na cɛnjɛ ti Ijipti. 42Ụjita ata shɛ ụjita na AGWANGWAMA njɛ u'iywa maa bɛcinjɛ aŋ na cɛnjɛ ti Ijipti. Te kwuni nụ ụjita ata ibɛ miaụŋ mi Isrɛl me elele mi shileni AGWANGWAMA maa o no shiyono ụrụmɛ u'iywa ata eshe tutu awaŋnɛ aba kpaaŋ.
Undwa Isene Tɛkashɛka
43Nazhɛ AGWANGWAMA hiɛŋ Moses keeni Aron, Okpogo isene tɛkashɛka na: Kede bugaiŋ be elele yɛ tu o. 44Ama bujama be elele na oo so nu ukwuribi, ee jeji bu teleyi nazhɛ bɛɛ zhɛ ba ya tụ. 45Bụtụ bɛ cɛnjɛ ti nya keeni bɛnjɛ-bu-ugondu na aa tụpa alụbashɛ zha shɛ ba ya o. 46Na amɛ umwono uko kiri a shɛ a ya tụ; tɛ bɛcinjɛ ma usunda ubwa no tupohondo. Ta bwada ma kaa u'umpwo ubwa okwo uko.#Tɛrɛ 9:12; Jon 19:36 47Tụ'ụlwatagwụ ti Isrɛl kpaaŋ tɛ shɛ ta untangana iŋ kpaaŋ aba. 48Aka na ta bugaiŋ zhajɛ baa jɛjɛ pi hiŋ, yaa shɛ baa jala maa untanganana AGWANGWAMA tɛkashɛka, asha ge etwenyi aba hwɛɛ jeji teleyi, nazhɛ bee eri bo dongonu maa untangana tụ gana yɛu cɛnjɛ ti Isrɛl. Ama kede bụtụ be elele na te jeji shi teleyi yɛ tu o. 49Undwa yɛu-cɛnjɛ ti Isrɛl na bụtụ na zokwu pi hiŋ, ụ shɛ uko.#Liv 24:22; Tɛrɛ 9:14; 15:16,29 50Miaụŋ mi Isrɛl mɛ njɛ iyi elele nɛ AGWANGWAMA peni Moses keeni Aron unu hwɛɛ. 51Nụ ụjita ata gbaa ibɛ AGWANGWAMA bɛcinjɛ unyama wa atwa Isrɛl na cɛnjɛ ti Ijipti.
Currently Selected:
ỤBANỤ 12: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
ỤBANỤ 12
12
Tukwuno ti Isene Tɛkashɛka Tɛnda
1Nazhɛ AGWANGWAMA hiɛŋ Moses keeni Aron, na amɛ cɛnjɛ ti Ijipti, #Liv 23:5; Tɛrɛ 9:1-5; 28:16; Undwa 16:1,2 2Upiana ga ubwa zhɛ ma hi shana tukwuno tu upiana; ubwa zhɛ ma hi shana upiana uhiiŋ nu uywa we elele. 3Mbiso ma tu'ulwatagwụ tu miaụŋ mi Isrɛl kpaaŋ maa, Nụ ụjita umpwa na amɛ upiana ga, bụtụ bụtụ ga shapɛ yɛu-ụgwụdụ, gana na ta atwa ihwɛ bishi bwa namɛ. Yɛu-ụgwụdụ ike i shɛ iwɛ ihwɛ ike du. 4Yaa shɛ kaa ihwɛ ike twa sụ maa a yɛ yɛu-ụgwụdụ ike, asha bụtụ na ihwɛ ibwɛ sweni shonungwu na binya bwa, ge shepi bu ko nu gana na tu ufwugwo wa atwa ata namɛ; gana na ta bụtụ bụtụ eri ba ya, ibɛ ɛhi zhɛ hia rɛta atwa iwɛ yɛu-ụgwụdụ ike. 5Gɛ yɛu-ụgwụdụ ata hiŋ nama shɛshɛshɛ, ga sha bu na be eyi, ga sha yɛu uywa uko; bacɛnga bu ma na agwụdụ kwo kaa ni iyweywe vwɛ. 6Hiɛ shɛ kaa hia ngbaraka bụ tutu ụjita umpwa-ni-bɛ-neshi nu upiana ata, nazhɛ tusotulonu tu tu'ulwatagwụ tu miaụŋ mi Isrɛl kpaaŋ ti zhɛ ta kwụna miaụŋ-ma-agwụdụ aba nu ụrụmɛ ata. 7Nazhɛ ɛɛ zhɛ a sala mehieŋ ma aba, a sụkwụtwa mụ ni i'wɛ'wɛ shidubo zalụ hweehwe keeni nụ ụ'wụ'wụ wa azuba odubo umwono ata aa ya aŋ. 8Nụ ụjita ata ɛɛ zhɛ a ya usunda ubwa, tinyoso ɛɛ zhɛ o nyoso maa a yɛ na atụla ni iyimɛyɛ nɛ zasa Ifucingɛ. 9Kede a yɛ ụnyɛshɛnyɛshɛ o, kede kaa e shiteji o, semi tinyoso, tu uhiuhiu, ti ivwunɛ keeni i'wɛŋnɛ ibwɛ ya amɛ. 10To lono ma maa inɛ ye elele vwɛ maa iyi heleni iŋ o, inɛ ye elele nɛ vwɛ iyi heleni hwoŋzhingo iŋ ma. 11Gana ɛhi zhɛ hia ya aŋ na: umpo ma amazhɛya ne shimbi shi hiŋ, zwono ma shɛbɛda nɛ shivwɛvwɛjɛ shi hiŋ, 'waŋna ma shekwute ni i'ɛlɛ hiŋ, ya ma ni izɛlɛgwu, tɛkashɛka ta AGWANGWAMA ta a shɛ.
12N zhɛ mo dulogo cɛnjɛ ti Ijipti nụ ụjita ata, Ngɛɛ zhɛ ma kwụna miaụŋ-me-eyi mu umbe mɛ cɛnjɛ ti Ijipti kpaaŋ, ta bụtụ, ti iyimabiga. N zhɛ ma pana tuwa ta atwa Ijipti kpaaŋ ulwapɛ: Gamba AGWANGWAMA na. 13Mehieŋ ma ata muba mi zhɛ ma sha useyida hiŋ no shimwono shɛ na ahiɛ namanjɛ. Aka na Ngaa kwụbɛ mehieŋ, N zhɛ ma hi kashɛka, tishikpe te elele kaa ti zha shɛ te hi teneni maa tɛ hiɛ njɛ ufwu, na aka na Ama pana atwa Ijipti ulwapɛ o. 14Hwayɛ ga i shɛ ụjita na maa hi ne teyinje, untangana uŋ ma maa ụ shɛ ụjita isene ya AGWANGWAMA. No shiyono uŋ ma eshe maa u shanɛ awaŋnɛ hiŋ okpogo tutu unyizo-nom.#Ụban 23:15; 34:18; Liv 23:6-8; Tɛrɛ 28:17-25; Undwa 16:3-8
Isene Iyimɛyɛ Uzawa Ifucingɛ
15Na amɛ ijitɛ icenje ɛhi zhɛ hia ya iyimɛyɛ nɛ zasa Ifucingɛ. Bacɛnga ma Ifucingɛ no shimwono shi hiŋ nụ ụjita uhiiŋ. Bụtụ be elele na yɛ iyi nɛ 'yajɛ Ifucingɛ; te kwuni nụ ụjita ata tutu ụjita ucenje, ɛ zhɛ o bogwu bu na atwa Isrɛl. 16Ụjita uhiiŋ ụ shɛ tụ'ulwa te tijilo, ụjita ucenje shaananɛ tu'ulwa te tijilo, hiɛ shɛ shɛ hia nda ugondu we elele na amɛ ijitɛ ɛtɛ iyebi o; semi ugondu iyimɛyɛ nɛ bụtụ bụtụ zhɛ ba ya kiri ɛhi zhɛ hia imanganga. 17Shiyono ma eshe iwɛ iyi nɛ zasa Ifucingɛ. Iwɛnɛ po nụ ụjita ata gom Ngɛɛ bɛcinjɛ la unyama hiŋ na cɛnjɛ ti Ijipti. Na nda ma isene gɛ na awaŋnɛ hiŋ tutu, okpogo unyizo-nom aa shɛ. 18Kwuno ma iyimɛyɛ nɛ zasa Ifucingɛ tiya nụ ụrụmɛ ụjita ata umpwa-ni-bɛneshi na amɛ upiana ata uhiiŋ, gana ata ɛhi zhɛ hia ya iŋ tutu ụrụmɛ ụjita woshi-nu-boo-ko nu upiana ata. 19Kede a kwụbɛ Ifucingɛ no shimwono shi hiŋ tutu ijitɛ ɛtɛ icenje o. Bụtụ be elele na yɛ iyi nɛ 'yajɛ Ifucingɛ, okwo baa shɛ bugaiŋ, kwo kaa umamata, ɛ zhɛ o bogwu bu na tu'ulwa te E'isrɛl. 20Ta ya ma iyi elele nɛ 'yajɛ Ifucingɛ; tutu ofwo na bɛjɛjɛ hiŋ teje o, na ya ma iyi nɛ zasa Ifucingɛ.
Tụkwụna ta Miaụŋ-ma-agwụdụ Iyimɛyɛ Tɛkashɛka
21Nazhɛ go Moses suyanɛ n-nyarɛ mi Isrɛl kpaaŋ, bɛɛ hiɛŋ aŋ, Bụtụ bụtụ ga tala yɛu-ụgwụdụ iwɛ ukpogwu ubwa, maa hiɛ kwụnɛ iŋ iwɛ isene tɛkashɛka. 22Jwɛ ma ambɛ ụ'wụ'wụ hisop, iwɛ maa hi shiyeni aŋ ne mehieŋ ma ata mu zweni nu ugbamgbam, maa hi zhizhenji mu nụ ụ'wụ'wụ wa azuba odubo, keeni i'wɛ'wɛ i'ɛŋbi shidubo zalụ hweehwe. Kede bụtụ be elele banɛ no tupohondo uuwa gi iyi yo holo. 23Iwɛnɛ po AGWANGWAMA zhɛ a kashɛka cɛnjɛ tu ga maa kwụna Ejipti, aka na kaa baa kwụbɛ mehieŋ nụ ụ'wụ'wụ wa azuba odubo keeni i'wɛ'wɛ i'ɛŋbi shidubo zalụ hweehwe, bi zhɛ ba kashɛka odubo ata, bi zha shɛ bo lonono butumwa ata bu tu'wo maa me hi teneni no shimwono shi hiŋ maa ma hi kwụna o.#Ehib 11:28
24No shiyono ma ijɛ eshe, okpogo hiŋ keeni una miaụŋ mi hiŋ aa shɛ tutu unyizo-nom. 25Aka na ehi ci hwuŋ cɛnjɛ ta ata AGWANGWAMA zhɛ ma hi pana, nu gana na ti bee shiri la unu ibɛ, hiɛ shɛ hia untangana ugondu ga. 26Aka na ta miaụŋ mi hiŋ mi hi heŋteni hwuŋ, ɛɛ hiɛŋ, Imbe kwuŋ shɛ ecilo ugondu ga ahia nda banaa? 27Mbiso aŋ ma maa, Ụrụpɛ tɛkashɛka wa AGWANGWAMA na, iwɛnɛ ti bee keshici la shimwono she Isrɛl ni Ijipti, aka na tu baa kwụnɛ la Ejipti, bee bicinji nhwaŋ mu tu. Ibɛ po atwa ata to bizhiri aa zhɛbɛ AGWANGWAMA.
28Nazhɛ miaụŋ mi Isrɛl mi zhe maa njɛ gana na ta AGWANGWAMA peni Moses keeni Aron unu.
Tishikpe to Tu'wo tu Miaụŋ mu Umbe
29Nụ ụjita tudwonu, ibɛ AGWANGWAMA kwụnɛ miaụŋ-me-eyi mu umbe me Ejipti kpaaŋ, te kwune ni yɛu umbe Faro nɛ jɛjɛ ni idwɛtwɛ ibwɛ, ti yɛu umbe nɛ namɛ nu u'ibwa umwono-tishi, ti yɛu umbe iyimabiga.#Ụban 4:22-31 30Ga Faro zhinjɛ na amɛ ụjita ata, tu bwa, ta anjɛ-ugondu ubwa kpaaŋ, keeni Ejipti kpaaŋ; iwɛnɛ tu n'ungwa mụ 'wụtụ mɛ shɛnjɛ ni Ijipti. Iwɛnɛ po i zasa ihwɛ ye elele nɛ ru'wo rụ bụtụ ru zasaba o. 31Ibɛ po ga Faro suyanɛ Moses keeni Aron nụ ụjita ata, bɛɛ hiɛŋ aŋ, ishijɛ ma, ta ahiɛba ta miaụŋ mi Isrɛl bana ma no olugwo atwa mi, zhaga zhɛba ma AGWANGWAMA gana na ɛhi hiɛŋ. 32Sugo ma agwụdụ hiŋ, ti iyweywe hiŋ keeni inɛ hiŋ, maa hi hwuri gana na ahiɛ jɛmɛ, maa hi m peni du uwebiye!
33Ejipti o shishongono atwa ata Isrɛl, maa e beni na cɛnjɛ ta aba ni izɛlɛgwu; iwɛnɛ po ɛ hiɛŋ, Tɛ shɛ ya n'wo kpaaŋ tu. 34Ibɛ po atwa ata suji mihiuŋ ma aba mi iyimɛyɛ mu na mu ta zasa Ifucingɛ, mu na oo go nokwo, e umpenji nkwodo ma aba no tugwuno e petengeni no shitutu sha aba. 35Miaụŋ mi Isrɛl mɛ njɛ ga gana na tu go Moses ge mbishi aŋ, aa lụpɛ Ejipti iyi utakashɛ ya azụrụfa keeni azhɛnarɛya keeni iyi tu'urugono; 36AGWANGWAMA kaa leni maa gɛ iwɛ miaụŋ mi Isrɛl kwụlanɛ atwa Ijipti, ee penenji aŋ iyi nɛ aa lụpɛ aŋ. Tedure ni inɛ ɛtɛ miaụŋ mi isrɛl mu suji i'wɛŋnɛ ye Ejipti kpaaŋ.#Ụban 3:21,22
E'isrɛl Beni ni Ijipti
37Nazhɛ E'isrɛl kwuni tahaŋnụ ta aba nu Rameses i ci Sukot. Etwenyi na zhe tahaŋnụ ni ivwunɛ a shɛ gana igbɛɛ-akpakwụ-atatụ, (600,000) a 'imɛ shɛ eyikwo na miaụŋ o. 38Unyama wa anya atwa ufwugwo du u 'wa aŋ, ta agwụdụ, ti iyweywe keeni inɛ. 39Ee suji mihiuŋ me ebe aa ga 'waŋnɛ ni Ijipti aa njɛ akara na zasa Ifucingɛ. Iwɛnɛ po e ge te zweni shi mu Ifucingɛ o, iwɛnɛ te e unzhe aŋ na cɛnjɛ ti Ijipti ni izɛlɛgwu, e eri shi a nda ti'insu o, a mama 'imanganjɛ shɛ kaa iwɛ iyimɛyɛ ya aba o.
40Bɛ jɛjɛ ba miaụŋ mi Isrɛl na cɛnjɛ ti Ijipti namɛ shiywa akpakwụ-eyebi-nu-talacɛ (430).#Umoz 15:13; Ugo 7:6; Gala 3:17 41Nụ ụjita ata ta shiywa sha ata akpakwụ-eyebi-nu-talacɛ shɛ ulwa gom, nazhɛ unyama wa atwa AGWANGWAMA banɛ na cɛnjɛ ti Ijipti. 42Ụjita ata shɛ ụjita na AGWANGWAMA njɛ u'iywa maa bɛcinjɛ aŋ na cɛnjɛ ti Ijipti. Te kwuni nụ ụjita ata ibɛ miaụŋ mi Isrɛl me elele mi shileni AGWANGWAMA maa o no shiyono ụrụmɛ u'iywa ata eshe tutu awaŋnɛ aba kpaaŋ.
Undwa Isene Tɛkashɛka
43Nazhɛ AGWANGWAMA hiɛŋ Moses keeni Aron, Okpogo isene tɛkashɛka na: Kede bugaiŋ be elele yɛ tu o. 44Ama bujama be elele na oo so nu ukwuribi, ee jeji bu teleyi nazhɛ bɛɛ zhɛ ba ya tụ. 45Bụtụ bɛ cɛnjɛ ti nya keeni bɛnjɛ-bu-ugondu na aa tụpa alụbashɛ zha shɛ ba ya o. 46Na amɛ umwono uko kiri a shɛ a ya tụ; tɛ bɛcinjɛ ma usunda ubwa no tupohondo. Ta bwada ma kaa u'umpwo ubwa okwo uko.#Tɛrɛ 9:12; Jon 19:36 47Tụ'ụlwatagwụ ti Isrɛl kpaaŋ tɛ shɛ ta untangana iŋ kpaaŋ aba. 48Aka na ta bugaiŋ zhajɛ baa jɛjɛ pi hiŋ, yaa shɛ baa jala maa untanganana AGWANGWAMA tɛkashɛka, asha ge etwenyi aba hwɛɛ jeji teleyi, nazhɛ bee eri bo dongonu maa untangana tụ gana yɛu cɛnjɛ ti Isrɛl. Ama kede bụtụ be elele na te jeji shi teleyi yɛ tu o. 49Undwa yɛu-cɛnjɛ ti Isrɛl na bụtụ na zokwu pi hiŋ, ụ shɛ uko.#Liv 24:22; Tɛrɛ 9:14; 15:16,29 50Miaụŋ mi Isrɛl mɛ njɛ iyi elele nɛ AGWANGWAMA peni Moses keeni Aron unu hwɛɛ. 51Nụ ụjita ata gbaa ibɛ AGWANGWAMA bɛcinjɛ unyama wa atwa Isrɛl na cɛnjɛ ti Ijipti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008