UGONDU WA ATUMWA 26
26
Go Poul Peni Agripa Ajɛshɛgwa Ubwa
1Ga Agripa hiɛŋ Poul, E bi leneni maa sweji unu bu ni ikɛnyi bu. Nazhɛ go Poul njɛ aŋ u'ala kwupekwupe, bee sweji unu ubwa, bɛɛ hiɛŋ.
2Agwuma Agripa, Ma nda ugwoje ti Ngɛɛ zhɛ me sweji unu mu na agba bụ hwayɛ ga, tedure iwɛ iyi elele nɛ Eju n suyanɛ ụshɛrɛya ibɛ. 3Gabụ du bi mepi tikpeke ti iyi uvwovwu we Eju keeni iwɛ ashamanjɛ elele na namɛ na ashashɛ Eju tebiye. Iwɛbɛ po Ama bu tabwa maa 'imɛ-isɛbwɛ tebiye maa hwụjɛ iwe mi.
4Eju elele mepi iyi nɛ Ama nda la hiiŋ taa na aka na tu Ngaa ta shɛ yɛu tisemberi na cɛnjɛ ti mi, nazhɛ Ngaa zhajɛ nu Jɛrusalɛm. 5Yaa shɛ yaa kwụlanɛ aŋ, e eri ma n la tiseyida, iwɛnɛ te e m mepi taa nu umozhigo maa N namɛ la nu urubwo wa atwa na a duma iwɛ-tɛkana ni iyi tɛndana bụtụ na ata zhɛba uhwuri urubwo unya we elele, iwɛnɛ tu Ngaa shɛ Bufarisi.#Ugo 23:6; Fili 3:5 6N shikeni epe hwuwayɛ go maa a jɛmɛ ụshɛrɛya mu iwɛ ashɛlatụ unu na Agwatana shileni la ogwunukwoshi tu. 7Oo Agwuma Agripa, alamụ tu umpwa-na-ba-eyebi a nda ashɛlatụ maa a kwụbɛ tisɛ tu unu ata tishilo, iwɛbɛ po aa zhɛba Agwatana tụ ụjita tu uwaŋna. Iwɛ ashɛlatụ ata du ibɛ po Eju n suyanɛ ụshɛrɛya! 8Gana na ta Agwatana ba hicanjɛ atwa na 'wi, iwembe po ehi heŋshi maa i shɛ shɛ iyi nɛ maa bụtụ tɛtana iŋ rishee?
9N hoŋswo la du na amɛ mi maa N zhɛ ma nda iyi elele nɛ Ngee eri maa Ma sukakana izeci Jisus bụtụ ata bu Nazarɛt.#Ugo 8:3; 22:4,5 10Ibɛ du Ngaa njɛ la nu Jɛrusalɛm, Ngee kepi ufwugwo wa atwa tijilo Agwatana nu umwono-tishi aka na ti Ngee leshiji ụhwada ne ehiu onongbo. Na aka na ta a jala la maa a kwụnɛ aŋ, Ngaa njɛ titeri maa ga kwụnɛ aŋ. 11Ma shana Ama pana aŋ ụbaụta no shimwono-shɛ-tụ'ụlwatagwụ, Ama tɛtaga aŋ maa ga dumanganɛ Agwatana n-ndumwa mụ wɛ, iwɛnɛ Ama nda isɛbwɛ i'wɛtwɛ na aba gana bụsụmɛ-bụ-ụmpɛ, Ama shɛka aŋ tutu ashɛpwụ cɛnjɛ ti nya.
Go Poul Jɛmɛ Gana na tu baa Jɛshɛrɛjɛ La Ahaŋsa
(Ugo 9:1-19; 22:6-16)
12Gabata Ngaa 'waŋnɛ ụhwada ata ehiu onongbo m peni Ngɛɛ zhɛ Damaskos iwɛ ugondu ata tɛnda. 13Oo Agwuma Agripa, N kwụbɛ uhioko-uhwaŋna na banɛ na azuba nu uhwaŋna ata, na hwuri uhioko-uhwaŋna uwaŋna, waa ta woo n rungwutwonu, keeni atwa na zhagajɛ ne mi. 14Aka na atu 'waŋ na cɛnjɛ hwɛɛ tu, Ngaa hwụjɛ rụhwụŋ ne Rihibru#26:14 ne Rihibru: Kwo kaa na Ru-aramaik. rɛɛ n hiɛŋ, O-Soul! O-Soul! Iwembe po abu ma n shɛkaa? I shɛ iyi nɛ gwụmɛ maa na twatwagwụ ivwunɛ bu ni iyi nɛ eri ma bu sapaga.
15Ngee heŋteni bu, Ngɛɛ hiɛŋ, Agwangwama, gaaba nuu?
Agwangwama n jishijɛ, bɛɛ hiɛŋ, Gamba ge Jisus ata aba shɛka. 16Ama ishijɛ shikono ni ivwunɛ bu. Gamba m bu bananɛ caakwụ maa Mo bu shilo swooŋ maa shɛ yɛu-ugondu mu, iwɛ maa mbishi anya atwa tiseyida ti iyi nɛ abụ kwụbɛ no ofwo mi#26:16 iyi nɛ abụ kwụbɛ no ofwo mi: Tɛjɛshɛrɛga tu ko tu zasa no ofwo mi o. keeni iyi nɛ Ngɛɛ tɛ zhɛ mo bu mbisono hwuŋ. 17N zhɛ ma bu lashɛga ni i'ɛlɛ udenji bu ukanyi bụ keeni atwa na shɛ shɛ Eju a na Ngɛɛ zhɛ ma bu tumwana no ofwo ba. 18Gabụ bi zhɛ ba kapɛshɛnga eshe aba, maa a jɛshɛrɛjɛ a banɛ ne tishi e teni nu uhioko-uhwaŋna, maa a banɛ nu ụhwada Setan e zhe pa Agwatana, iwɛ maa e gengeni aŋ iwɛwɛ ya aba, maa a 'yaga du ohwolu aba na ashashɛ atwa tijilo Agwatana a na n tɛtanɛ-rishe.
Go Poul Jɛmɛ iwɛ Ugondu Ubwa
19Oo Agwuma Agripa, N lacɛ shɛ maa Ma hwuga-unu wo ozobu ata banɛ na azuba o. 20Ama nu Damaskos Ngee kwuni i'enenji hiiŋ, nazhɛ Ngaa zhajɛ nu Jɛrusalɛm, keeni cɛnjɛ tu Judia hwɛɛ, keeni ofwo atwa na shɛ shɛ Eju hwɛɛ, iwɛ maa a jɛshɛrɛjɛ e zhe pa Agwatana, maa du a njɛ ugondu na zhɛ wo mbisono ahaŋsa aba tɛjɛshɛrɛga.#Ugo 9:20,28,29 21Iwɛ ecilo ga Eju n 'imɛ nu Umwono wa Agwatana, ee mekeni maa a n kwụnɛ. 22Gana na ta Agwatana m mbiyeni, ibɛ po Ngee shikeni epe hwayɛ ga, maa Ma la tiseyida no ofwo miaụŋ ta atwa a'wụtụ hwɛɛ. N jɛmɛ shɛ inyɛwɛŋ namɛ swooŋ ni iyi nɛ egesere keeni Undwa Moses jɛmɛ maa i zhɛ ya nda o. 23Ibɛ shɛ maa i shɛ tilɛɛ maa ga Krast zhɛ bo hioko ụbaụta, maa ubwa zhɛ ba sha bụtụ bi hiiŋ na zhɛ bɛ hiɛ no tu'wo, ubwa kaa zhɛ ba anangana atwa elele keeni atwa na shɛ shɛ Eju iwɛ uhioko-uhwaŋna.#Ayiz 42:6; 49:6; 1 Kor 15:20
24Aka na tu go Poul sweji unu ubwa i ci gana ga, gɛ Fɛstos uganɛ duwa, bɛɛ hiɛŋ bụ, O-Poul, ba sụma-ụmpɛ. Iyi nɛ ebi seshi ibi peteni ya ụmpɛ.
25Ama go Poul jishijɛ bụ, bɛɛ hiɛŋ, A-Fɛstos, Ugwomina, Tumaka! Shɛ ụmpɛ Ama sụma o, ama Ma duma n-ndumwa mu tɛkana keeni mu naa na mi teni cɛŋ. 26Gabụ Agwuma Agripa! Bi mepi du ijɛ tebiye, iwɛbɛ po Ama duma iwɛ gɛ na bu ne eshe-hwoo. Ahaŋsa mi 'imɛ maa i zasa iyi elele nɛ ibu swakanɛ na amɛ ijɛ o, iwɛnɛ ta a njɛ shɛ iŋ ne tusweci. 27Agwuma Agripa! Bu tɛtanɛ suu iyi nɛ egesere 'nyeci rishe? M mepi maa bu tɛtanɛ iŋ rishe.
28Ga Agiripa hiɛŋ Poul, Na aka ga ticwɛŋ hŋ ebi heŋshi maa bi eri bu ma nda maa Ma sha bụtụ Krast?
29Go Poul jishijɛ bụ, bɛɛ hiɛŋ, Ma lụpa Agwatana, maa okwo yaa shɛ na aka ticwɛŋ, kwo kaa na aka ụ'wụtụ, maa hiɛ shɛ gana ga tu Ngaa shɛ, shɛ gobuko du kiri o ta atwa elele na a shɛlaga n-ndumwa mi mi hwayɛ ga, ama tuba kede e hi to shigbo gana ga oo n to.
30Nazhɛ agwuma ishijɛ, nu ugwomina, ne Benesi keeni atwa na ga gɛgajɛ na aba. 31Aka na te e meme deshigeni, aa jɛmɛ abaaba, ɛɛ hiɛŋ, I zasa kaa iyi elele nɛ bụtụ ga njɛ waŋnɛ tu'wo kwo kaa ogbo tuta. 32Nazhɛ ga Agripa hiɛŋ Fɛstos, Ɛɛ gɛ hiɛŋ bụtụ ga te shepi shi n-ndumwa mu bwa no ofwo Sisa, a ga kala bụ.
Currently Selected:
UGONDU WA ATUMWA 26: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
UGONDU WA ATUMWA 26
26
Go Poul Peni Agripa Ajɛshɛgwa Ubwa
1Ga Agripa hiɛŋ Poul, E bi leneni maa sweji unu bu ni ikɛnyi bu. Nazhɛ go Poul njɛ aŋ u'ala kwupekwupe, bee sweji unu ubwa, bɛɛ hiɛŋ.
2Agwuma Agripa, Ma nda ugwoje ti Ngɛɛ zhɛ me sweji unu mu na agba bụ hwayɛ ga, tedure iwɛ iyi elele nɛ Eju n suyanɛ ụshɛrɛya ibɛ. 3Gabụ du bi mepi tikpeke ti iyi uvwovwu we Eju keeni iwɛ ashamanjɛ elele na namɛ na ashashɛ Eju tebiye. Iwɛbɛ po Ama bu tabwa maa 'imɛ-isɛbwɛ tebiye maa hwụjɛ iwe mi.
4Eju elele mepi iyi nɛ Ama nda la hiiŋ taa na aka na tu Ngaa ta shɛ yɛu tisemberi na cɛnjɛ ti mi, nazhɛ Ngaa zhajɛ nu Jɛrusalɛm. 5Yaa shɛ yaa kwụlanɛ aŋ, e eri ma n la tiseyida, iwɛnɛ te e m mepi taa nu umozhigo maa N namɛ la nu urubwo wa atwa na a duma iwɛ-tɛkana ni iyi tɛndana bụtụ na ata zhɛba uhwuri urubwo unya we elele, iwɛnɛ tu Ngaa shɛ Bufarisi.#Ugo 23:6; Fili 3:5 6N shikeni epe hwuwayɛ go maa a jɛmɛ ụshɛrɛya mu iwɛ ashɛlatụ unu na Agwatana shileni la ogwunukwoshi tu. 7Oo Agwuma Agripa, alamụ tu umpwa-na-ba-eyebi a nda ashɛlatụ maa a kwụbɛ tisɛ tu unu ata tishilo, iwɛbɛ po aa zhɛba Agwatana tụ ụjita tu uwaŋna. Iwɛ ashɛlatụ ata du ibɛ po Eju n suyanɛ ụshɛrɛya! 8Gana na ta Agwatana ba hicanjɛ atwa na 'wi, iwembe po ehi heŋshi maa i shɛ shɛ iyi nɛ maa bụtụ tɛtana iŋ rishee?
9N hoŋswo la du na amɛ mi maa N zhɛ ma nda iyi elele nɛ Ngee eri maa Ma sukakana izeci Jisus bụtụ ata bu Nazarɛt.#Ugo 8:3; 22:4,5 10Ibɛ du Ngaa njɛ la nu Jɛrusalɛm, Ngee kepi ufwugwo wa atwa tijilo Agwatana nu umwono-tishi aka na ti Ngee leshiji ụhwada ne ehiu onongbo. Na aka na ta a jala la maa a kwụnɛ aŋ, Ngaa njɛ titeri maa ga kwụnɛ aŋ. 11Ma shana Ama pana aŋ ụbaụta no shimwono-shɛ-tụ'ụlwatagwụ, Ama tɛtaga aŋ maa ga dumanganɛ Agwatana n-ndumwa mụ wɛ, iwɛnɛ Ama nda isɛbwɛ i'wɛtwɛ na aba gana bụsụmɛ-bụ-ụmpɛ, Ama shɛka aŋ tutu ashɛpwụ cɛnjɛ ti nya.
Go Poul Jɛmɛ Gana na tu baa Jɛshɛrɛjɛ La Ahaŋsa
(Ugo 9:1-19; 22:6-16)
12Gabata Ngaa 'waŋnɛ ụhwada ata ehiu onongbo m peni Ngɛɛ zhɛ Damaskos iwɛ ugondu ata tɛnda. 13Oo Agwuma Agripa, N kwụbɛ uhioko-uhwaŋna na banɛ na azuba nu uhwaŋna ata, na hwuri uhioko-uhwaŋna uwaŋna, waa ta woo n rungwutwonu, keeni atwa na zhagajɛ ne mi. 14Aka na atu 'waŋ na cɛnjɛ hwɛɛ tu, Ngaa hwụjɛ rụhwụŋ ne Rihibru#26:14 ne Rihibru: Kwo kaa na Ru-aramaik. rɛɛ n hiɛŋ, O-Soul! O-Soul! Iwembe po abu ma n shɛkaa? I shɛ iyi nɛ gwụmɛ maa na twatwagwụ ivwunɛ bu ni iyi nɛ eri ma bu sapaga.
15Ngee heŋteni bu, Ngɛɛ hiɛŋ, Agwangwama, gaaba nuu?
Agwangwama n jishijɛ, bɛɛ hiɛŋ, Gamba ge Jisus ata aba shɛka. 16Ama ishijɛ shikono ni ivwunɛ bu. Gamba m bu bananɛ caakwụ maa Mo bu shilo swooŋ maa shɛ yɛu-ugondu mu, iwɛ maa mbishi anya atwa tiseyida ti iyi nɛ abụ kwụbɛ no ofwo mi#26:16 iyi nɛ abụ kwụbɛ no ofwo mi: Tɛjɛshɛrɛga tu ko tu zasa no ofwo mi o. keeni iyi nɛ Ngɛɛ tɛ zhɛ mo bu mbisono hwuŋ. 17N zhɛ ma bu lashɛga ni i'ɛlɛ udenji bu ukanyi bụ keeni atwa na shɛ shɛ Eju a na Ngɛɛ zhɛ ma bu tumwana no ofwo ba. 18Gabụ bi zhɛ ba kapɛshɛnga eshe aba, maa a jɛshɛrɛjɛ a banɛ ne tishi e teni nu uhioko-uhwaŋna, maa a banɛ nu ụhwada Setan e zhe pa Agwatana, iwɛ maa e gengeni aŋ iwɛwɛ ya aba, maa a 'yaga du ohwolu aba na ashashɛ atwa tijilo Agwatana a na n tɛtanɛ-rishe.
Go Poul Jɛmɛ iwɛ Ugondu Ubwa
19Oo Agwuma Agripa, N lacɛ shɛ maa Ma hwuga-unu wo ozobu ata banɛ na azuba o. 20Ama nu Damaskos Ngee kwuni i'enenji hiiŋ, nazhɛ Ngaa zhajɛ nu Jɛrusalɛm, keeni cɛnjɛ tu Judia hwɛɛ, keeni ofwo atwa na shɛ shɛ Eju hwɛɛ, iwɛ maa a jɛshɛrɛjɛ e zhe pa Agwatana, maa du a njɛ ugondu na zhɛ wo mbisono ahaŋsa aba tɛjɛshɛrɛga.#Ugo 9:20,28,29 21Iwɛ ecilo ga Eju n 'imɛ nu Umwono wa Agwatana, ee mekeni maa a n kwụnɛ. 22Gana na ta Agwatana m mbiyeni, ibɛ po Ngee shikeni epe hwayɛ ga, maa Ma la tiseyida no ofwo miaụŋ ta atwa a'wụtụ hwɛɛ. N jɛmɛ shɛ inyɛwɛŋ namɛ swooŋ ni iyi nɛ egesere keeni Undwa Moses jɛmɛ maa i zhɛ ya nda o. 23Ibɛ shɛ maa i shɛ tilɛɛ maa ga Krast zhɛ bo hioko ụbaụta, maa ubwa zhɛ ba sha bụtụ bi hiiŋ na zhɛ bɛ hiɛ no tu'wo, ubwa kaa zhɛ ba anangana atwa elele keeni atwa na shɛ shɛ Eju iwɛ uhioko-uhwaŋna.#Ayiz 42:6; 49:6; 1 Kor 15:20
24Aka na tu go Poul sweji unu ubwa i ci gana ga, gɛ Fɛstos uganɛ duwa, bɛɛ hiɛŋ bụ, O-Poul, ba sụma-ụmpɛ. Iyi nɛ ebi seshi ibi peteni ya ụmpɛ.
25Ama go Poul jishijɛ bụ, bɛɛ hiɛŋ, A-Fɛstos, Ugwomina, Tumaka! Shɛ ụmpɛ Ama sụma o, ama Ma duma n-ndumwa mu tɛkana keeni mu naa na mi teni cɛŋ. 26Gabụ Agwuma Agripa! Bi mepi du ijɛ tebiye, iwɛbɛ po Ama duma iwɛ gɛ na bu ne eshe-hwoo. Ahaŋsa mi 'imɛ maa i zasa iyi elele nɛ ibu swakanɛ na amɛ ijɛ o, iwɛnɛ ta a njɛ shɛ iŋ ne tusweci. 27Agwuma Agripa! Bu tɛtanɛ suu iyi nɛ egesere 'nyeci rishe? M mepi maa bu tɛtanɛ iŋ rishe.
28Ga Agiripa hiɛŋ Poul, Na aka ga ticwɛŋ hŋ ebi heŋshi maa bi eri bu ma nda maa Ma sha bụtụ Krast?
29Go Poul jishijɛ bụ, bɛɛ hiɛŋ, Ma lụpa Agwatana, maa okwo yaa shɛ na aka ticwɛŋ, kwo kaa na aka ụ'wụtụ, maa hiɛ shɛ gana ga tu Ngaa shɛ, shɛ gobuko du kiri o ta atwa elele na a shɛlaga n-ndumwa mi mi hwayɛ ga, ama tuba kede e hi to shigbo gana ga oo n to.
30Nazhɛ agwuma ishijɛ, nu ugwomina, ne Benesi keeni atwa na ga gɛgajɛ na aba. 31Aka na te e meme deshigeni, aa jɛmɛ abaaba, ɛɛ hiɛŋ, I zasa kaa iyi elele nɛ bụtụ ga njɛ waŋnɛ tu'wo kwo kaa ogbo tuta. 32Nazhɛ ga Agripa hiɛŋ Fɛstos, Ɛɛ gɛ hiɛŋ bụtụ ga te shepi shi n-ndumwa mu bwa no ofwo Sisa, a ga kala bụ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008