UGONDU WA ATUMWA 24
24
Eju Suyanɛ Poul Ụshɛrɛya na Agba Filikis
1Aka na ti ijitɛ itɛ ulwa, nazhɛ Bunongbo bụ 'wụtụ ga Ananias, nu n-nyarɛ mu ko keeni bɛjɛmɛ-bu-n-ndumwa bu ko na ɛɛ hiɛŋ, ge Tetulus, ee zhe Sɛsɛria, ee mbishi ugwomina n-ndumwa mu Poul. 2Ama aka na ta a suyanɛ Poul bee teni na amɛ, ge Tetulus kwuni ụshɛrɛya Poul tụdụma, bɛɛ hiɛŋ.
Filikis Ugwomina Tumaka! Na tungbaraka tu na abụ tụ ngbaracɛ ibɛ po udenji ga 'yajɛ iyi nɛ ngezeni nụ ụzhɛ. Ta kwụba amɛ-olom a'wụtụ a na banɛ no olugwo ikɛnyi bu, anaa na a nangana udenji ga tunangana tu ufwo, tedure na ahaŋsa na obu go hoŋswo cala. 3Ti leni kaa ijɛ no ofwo elele keeni na aka elele, ta nda kaa ugwoje bu te hwuleji tụdụma. 4Ama gana na eti jeri shi maa ta nda aka bụ ufwu zalụ be eshe, ibɛ po Ama bu tabwa maa 'imɛ-isɛbwɛ maa utu hwulagana n-ndumwa mu ga na aka tukwurɛ.
5Tu to bụtụ ga ugbe maa bɛ shɛ bụtụ bi ci'nyɛ, na ba bila ujasa na ashashɛ Eju uuwa i ci uce na atwa namɛ, keeni buhwuri-bu-umbe ba atwa na a bila iyi iwɛ. 6Ubwa du mokwonuo maa hashɛgana Umwono wa Agwatana, nazhɛ atɛ 'imɛ bụ. [Ta jala maa ta duma ụshɛrɛya ubwa te teni cɛŋ nu Undwa tu. 7Ama go Lusias na shɛ uberezhe wa asaza zhajɛ bee leshiji bu ni i'ɛlɛ tu ni iji. 8Bee peni atwa na suyanɛ Poul ụshɛrɛya unu maa, ga zhajɛ na agba bụ]. Aka na abɛ jɛmɛ ụshɛrɛya ubwa nazhɛ ɛbi zhɛ ba mapa maa iyi elele nɛ aa suyanɛ bụ ụshɛrɛya ibɛ i shɛ iwɛ-tɛkana kpaaŋ.
9Nazhɛ Eju du leni unu ubwa tusweji maa gobwonu ga yaa shɛ.
Go Poul be Sweji Unu Ubwa na Agba Filikis
10Aka na tu ugwomina peni Poul ohwolu maa duma iwɛ, go Poul ishijɛ, bɛɛ hiɛŋ.
Gana na ti Ngee mepi maa ba duma ụshɛrɛya udenji ga shiywa shu ufwugwo, ibɛ po Eme sweji nu mu nu unyasa. 11Bi eri du ba mapa ni ikɛnyi bu maa i te hwuri shi ijitɛ umpwa-ni-bɛ-iyebi ti Ngee munji Ngee zhe Jɛrusalɛm maa ma zhɛba Agwatana o. 12A ta ma kwụbɛ shɛ ta Ama nda ashamanjɛ na bụtụ be elele nu Umwono wa Agwatana o, okwo no shimwono-shɛ-tụ'ụlwatagwụ, kwo kaa ti Ngee suteni atwa ofwugwo na amɛ ụshɛpwụ maa a njɛ rundu o. 13E eri shi kaa o gwushigo ecilo no po aa n suyanɛ ụshɛrɛya ga no ofwo bu o. 14Ama N leni nu unu mu maa Ma zhɛba Agwatana nu Uhwaŋna na ɛɛ hiɛŋ maa u namɛ swooŋ. N tɛtanɛ iyi elele nɛ ee 'nyeci nu Undwa keeni inɛɛ nɛ egesere 'nyeci rishe hwɛɛ. 15N 'yajɛ ashɛlatụ na Agwatana, gana na aba ni ikɛnyi aba 'yajɛ du, maa tihiɛ ti zhɛ ta namana hwuŋ atwa tiririri keeni atwa orugwusu. 16Iwɛ ecilo ata Ama makana gana elele na Ngee eri maa bimbisegeni-ba-amɛ mi namana Agwatana shɛ, te eshe atwa du.
17Na aba shiywa shu ufwugwo Ngee zhe Jɛrusalɛm maa Me sugeni udenji ga apwaŋ keeni iyi ya arụpɛ.#Ugo 21:17-28 18Aka na ta Ama nda ijɛ, a n kwụbɛ kaa ta Ama nda undwa tishɛshɛshɛ nu Umwono wa Agwatana, shɛ na atwa ofwugwo kaa o, kwo kaa no rundu o. 19Eju oko namba a na banɛ ni Esia, a ga shɛ a nama du epe na agba bụ, maa a jɛmɛ okwo a 'yajɛ n-ndumwa me elele ne mi. 20Shibwonu asha ga atwa ga jɛmɛ iyi nɛ aa n kwụbɛtanɛ na aka na ti Ngee shikeni na agba ụshɛrɛya, 21asha semi iyi ike nɛ Ngaa njɛ, ibɛ shɛ aka na Ngaa uganɛ ti Ngee shikeni na ashashɛ aba, Ngɛɛ hiɛŋ, Iwɛnɛ ti Ngaa tɛtanɛ-rishe maa tihiɛ ta atwa na 'wi tu namba, ibɛ po ahia duma ụshɛrɛya mu hwayɛ ga.#Ugo 23:6
22Ama ge Filikis na mepi iyi tebiye iwɛ Uhwaŋna ata, bee mbishi aŋ maa ge gwuri tugwo, bɛɛ hiɛŋ, Aka na go Lusias na shɛ uberezhe wa asaza zhajɛ, nazhɛ Ngɛɛ zhɛ ma yalaga n-ndumwa mi hiŋ. Nazhɛ bee kepi n-ndumwa jita ata. 23Nazhɛ bee mbishi uhiu wa asaza dipi-yebi maa go no shiyono Poul eshe, ama go no lonono bu maa bu na mama 'yaga aka oko, maa kede a na lakana eyejilo ubwa maa a na panɛ bụ iyi elele nɛ shanɛ bụ ukekeshi o.
Go Poul Jɛmɛ N-ndumwa ne Filikis keeni Drusila
24Na aba na ti ijitɛ imbɛnɛ keshici, ge Filikis zhajɛ ne biyikwo bwa go Drusila na shɛ Biju, baa tumwanɛ maa ga go Poul zhajɛ, nazhɛ baa hwụjɛ n-ndumwa me rishe-tɛtɛtana na amɛ Krast Jisus. 25Ama aka na tu go Poul ba duma n-ndumwa mi iwɛ tiririri, keeni iwɛ tumama 'yaga, keeni iwɛ ụshɛrɛya na we ci. Ibɛ po inyɛsɛ shɛ Filikis, bɛɛ jishijɛ Poul, bɛɛ hiɛŋ, Zhaga tugwo na aka ga. Aka na Ngee gwushiji ohwolu na teni cɛŋ, N zhɛ ma bu suyanɛ sasana pi mi. 26Ge Filikis ga ngbaracɛ uhwaŋna na aka ata maa okwo go Poul zhɛ ba pana bụ ukwuribi, iwɛbɛ po baa suyana Poul ɛgbɛ ɛgbɛ, maa bu na dumanga ushaura nu bwa.
27Ama aka na ta shiywa shi yebi shi keshici, go Pokios Fɛstus yɛ tugwomina ti Filikis. Gana na ti ge Filikis ba jala maa ndana Eju iyi nɛ kwụlanɛ aŋ, ibɛ po bee genji Poul maa shiyono nu umwono-tishi.
Currently Selected:
UGONDU WA ATUMWA 24: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
UGONDU WA ATUMWA 24
24
Eju Suyanɛ Poul Ụshɛrɛya na Agba Filikis
1Aka na ti ijitɛ itɛ ulwa, nazhɛ Bunongbo bụ 'wụtụ ga Ananias, nu n-nyarɛ mu ko keeni bɛjɛmɛ-bu-n-ndumwa bu ko na ɛɛ hiɛŋ, ge Tetulus, ee zhe Sɛsɛria, ee mbishi ugwomina n-ndumwa mu Poul. 2Ama aka na ta a suyanɛ Poul bee teni na amɛ, ge Tetulus kwuni ụshɛrɛya Poul tụdụma, bɛɛ hiɛŋ.
Filikis Ugwomina Tumaka! Na tungbaraka tu na abụ tụ ngbaracɛ ibɛ po udenji ga 'yajɛ iyi nɛ ngezeni nụ ụzhɛ. Ta kwụba amɛ-olom a'wụtụ a na banɛ no olugwo ikɛnyi bu, anaa na a nangana udenji ga tunangana tu ufwo, tedure na ahaŋsa na obu go hoŋswo cala. 3Ti leni kaa ijɛ no ofwo elele keeni na aka elele, ta nda kaa ugwoje bu te hwuleji tụdụma. 4Ama gana na eti jeri shi maa ta nda aka bụ ufwu zalụ be eshe, ibɛ po Ama bu tabwa maa 'imɛ-isɛbwɛ maa utu hwulagana n-ndumwa mu ga na aka tukwurɛ.
5Tu to bụtụ ga ugbe maa bɛ shɛ bụtụ bi ci'nyɛ, na ba bila ujasa na ashashɛ Eju uuwa i ci uce na atwa namɛ, keeni buhwuri-bu-umbe ba atwa na a bila iyi iwɛ. 6Ubwa du mokwonuo maa hashɛgana Umwono wa Agwatana, nazhɛ atɛ 'imɛ bụ. [Ta jala maa ta duma ụshɛrɛya ubwa te teni cɛŋ nu Undwa tu. 7Ama go Lusias na shɛ uberezhe wa asaza zhajɛ bee leshiji bu ni i'ɛlɛ tu ni iji. 8Bee peni atwa na suyanɛ Poul ụshɛrɛya unu maa, ga zhajɛ na agba bụ]. Aka na abɛ jɛmɛ ụshɛrɛya ubwa nazhɛ ɛbi zhɛ ba mapa maa iyi elele nɛ aa suyanɛ bụ ụshɛrɛya ibɛ i shɛ iwɛ-tɛkana kpaaŋ.
9Nazhɛ Eju du leni unu ubwa tusweji maa gobwonu ga yaa shɛ.
Go Poul be Sweji Unu Ubwa na Agba Filikis
10Aka na tu ugwomina peni Poul ohwolu maa duma iwɛ, go Poul ishijɛ, bɛɛ hiɛŋ.
Gana na ti Ngee mepi maa ba duma ụshɛrɛya udenji ga shiywa shu ufwugwo, ibɛ po Eme sweji nu mu nu unyasa. 11Bi eri du ba mapa ni ikɛnyi bu maa i te hwuri shi ijitɛ umpwa-ni-bɛ-iyebi ti Ngee munji Ngee zhe Jɛrusalɛm maa ma zhɛba Agwatana o. 12A ta ma kwụbɛ shɛ ta Ama nda ashamanjɛ na bụtụ be elele nu Umwono wa Agwatana o, okwo no shimwono-shɛ-tụ'ụlwatagwụ, kwo kaa ti Ngee suteni atwa ofwugwo na amɛ ụshɛpwụ maa a njɛ rundu o. 13E eri shi kaa o gwushigo ecilo no po aa n suyanɛ ụshɛrɛya ga no ofwo bu o. 14Ama N leni nu unu mu maa Ma zhɛba Agwatana nu Uhwaŋna na ɛɛ hiɛŋ maa u namɛ swooŋ. N tɛtanɛ iyi elele nɛ ee 'nyeci nu Undwa keeni inɛɛ nɛ egesere 'nyeci rishe hwɛɛ. 15N 'yajɛ ashɛlatụ na Agwatana, gana na aba ni ikɛnyi aba 'yajɛ du, maa tihiɛ ti zhɛ ta namana hwuŋ atwa tiririri keeni atwa orugwusu. 16Iwɛ ecilo ata Ama makana gana elele na Ngee eri maa bimbisegeni-ba-amɛ mi namana Agwatana shɛ, te eshe atwa du.
17Na aba shiywa shu ufwugwo Ngee zhe Jɛrusalɛm maa Me sugeni udenji ga apwaŋ keeni iyi ya arụpɛ.#Ugo 21:17-28 18Aka na ta Ama nda ijɛ, a n kwụbɛ kaa ta Ama nda undwa tishɛshɛshɛ nu Umwono wa Agwatana, shɛ na atwa ofwugwo kaa o, kwo kaa no rundu o. 19Eju oko namba a na banɛ ni Esia, a ga shɛ a nama du epe na agba bụ, maa a jɛmɛ okwo a 'yajɛ n-ndumwa me elele ne mi. 20Shibwonu asha ga atwa ga jɛmɛ iyi nɛ aa n kwụbɛtanɛ na aka na ti Ngee shikeni na agba ụshɛrɛya, 21asha semi iyi ike nɛ Ngaa njɛ, ibɛ shɛ aka na Ngaa uganɛ ti Ngee shikeni na ashashɛ aba, Ngɛɛ hiɛŋ, Iwɛnɛ ti Ngaa tɛtanɛ-rishe maa tihiɛ ta atwa na 'wi tu namba, ibɛ po ahia duma ụshɛrɛya mu hwayɛ ga.#Ugo 23:6
22Ama ge Filikis na mepi iyi tebiye iwɛ Uhwaŋna ata, bee mbishi aŋ maa ge gwuri tugwo, bɛɛ hiɛŋ, Aka na go Lusias na shɛ uberezhe wa asaza zhajɛ, nazhɛ Ngɛɛ zhɛ ma yalaga n-ndumwa mi hiŋ. Nazhɛ bee kepi n-ndumwa jita ata. 23Nazhɛ bee mbishi uhiu wa asaza dipi-yebi maa go no shiyono Poul eshe, ama go no lonono bu maa bu na mama 'yaga aka oko, maa kede a na lakana eyejilo ubwa maa a na panɛ bụ iyi elele nɛ shanɛ bụ ukekeshi o.
Go Poul Jɛmɛ N-ndumwa ne Filikis keeni Drusila
24Na aba na ti ijitɛ imbɛnɛ keshici, ge Filikis zhajɛ ne biyikwo bwa go Drusila na shɛ Biju, baa tumwanɛ maa ga go Poul zhajɛ, nazhɛ baa hwụjɛ n-ndumwa me rishe-tɛtɛtana na amɛ Krast Jisus. 25Ama aka na tu go Poul ba duma n-ndumwa mi iwɛ tiririri, keeni iwɛ tumama 'yaga, keeni iwɛ ụshɛrɛya na we ci. Ibɛ po inyɛsɛ shɛ Filikis, bɛɛ jishijɛ Poul, bɛɛ hiɛŋ, Zhaga tugwo na aka ga. Aka na Ngee gwushiji ohwolu na teni cɛŋ, N zhɛ ma bu suyanɛ sasana pi mi. 26Ge Filikis ga ngbaracɛ uhwaŋna na aka ata maa okwo go Poul zhɛ ba pana bụ ukwuribi, iwɛbɛ po baa suyana Poul ɛgbɛ ɛgbɛ, maa bu na dumanga ushaura nu bwa.
27Ama aka na ta shiywa shi yebi shi keshici, go Pokios Fɛstus yɛ tugwomina ti Filikis. Gana na ti ge Filikis ba jala maa ndana Eju iyi nɛ kwụlanɛ aŋ, ibɛ po bee genji Poul maa shiyono nu umwono-tishi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008