UGONDU WA ATUMWA 18
18
Na Amɛ Korint
1Na aba inɛ gɛ, go Poul genji Atɛns, bee hwuri Korint. 2Baa twa ne Biju bu ko na ɛɛ hiɛŋ, ga Akwila, na shɛ bụtụ bu Pontus, ne biyikwo bwa ge Prisila, e te ilegeji shi ta a banɛ ni Itali o. Iwɛnɛ ti ge Kilaudius na shɛ uhiu cɛnjɛ ta ata peni Eju elele unu maa ge beni nu Rom. Ibɛ po go Poul tuba zhajɛ no ofwo aba, 3baa jɛjɛ na aba, aa nda ugondu, iwɛnɛ ta tihinya ta aba tɛ shɛ tu ko. Shimwono-shi-tugwuno aa nda. 4Go Poul ba duma n-ndumwa nụ Ụjita-ụhinjanụ we elele, baa njɛ maa shihaŋsa she Eju keeni Egrik shi leni.
5Aka na ga Sailas no Timoti banɛ nu Masɛdonia, ee ci apata, i tɛtajɛ kaa Poul maa ananga iwɛ ya Agwatana, bee le tiseyida no ofwo Eju, bɛɛ hiɛŋ, Ge Jisus ubwa shɛ ga Krast. 6Aka na ta a sukakanɛ Poul, ee gbezhiji bu, bee bibizeni aŋ tugwuno tu bwa,#18:6 bee bibizeni aŋ tugwuno tu bwa: Inɛ gɛ i shɛ iyi ike ike nu upwupwutu wɛ ɛvwɛvwɛjɛ tibibizo; Kwụba ti'eshicigono tu 13:51. bɛɛ hiɛŋ aŋ, Tijama tu ufwu hiŋ tɛnda tu namɛ no ohiuhiu hiŋ. N namɛ shɛshɛshɛ no olugwo hiŋ. Te kwuni na aka ga, N zhɛ no ofwo atwa na shɛ shɛ Eju.
7Tu go Poul beni apata, bee zhe ni ihwɛ bụtụ bu ko na ɛɛ hiɛŋ, ge Titius Justus#18:7 Titius Justus: Tɛjɛshɛrɛga tu ko ti hiɛŋ, Titus Justus. Mo tu ko kaa tihiɛŋ kwakwa go Justus. na ba zhɛba Agwatana. Ihwɛ ibwɛ dongonu umwono tụ'ụlwatagwụ. 8Ama ge Krispos, na shɛ uhiu umwono tụ'ụlwatagwụ tɛtanɛ Agwangwama rishe, ta atwa ihwɛ ibwɛ hwɛɛ. Atwa Korint a na gembi ufwugwo tɛtanɛ du rishe na aka na ta a hwụjɛ iwɛ ubwa, aa njɛ aŋ ubaptizim.
9Ama Agwangwama mbishi Poul iwɛ nụ ụjita no ozobu, bɛɛ hiɛŋ bụ, Ta nda inyɛsɛ o, ama na duma iwɛ, ta nama shiru o. 10Iwɛnɛ po N namɛ na bụ, i zasa bụtụ na zhɛ me bu suleni maa ma bu gwụcɛnga o. Iwɛnɛ tu Ngaa 'yajɛ atwa gembi ufwugwo nụ ụshɛpwụ ga. 11Ibɛ po go Poul namɛ apata uywa uko ni ipiɛnɛ icihiŋ, boo mbisono aŋ n-ndumwa ma Agwatana.
12Ama aka na tu ga Galio shɛ ugwomina wa Akaya, Eju ishijɛ na ahaŋsa oko, aa sukakanɛ Poul, ee zeriji bu no ogbudu ụshɛrɛya. 13Ɛɛ hiɛŋ, Bụtụ ga ba duma n-ndumwa mu na mi zhɛ ma nda maa shihaŋsa sha atwa shi leni maa a na zhɛba Agwatana, nu uhwaŋna na Undwa tu leni shi!
14Gana na tu go Poul ba jala maa kɛpishinjɛ unu ubwa maa dumana iwɛ, ga Galio hiɛŋ Eju ata, Ahiɛba Eju, yaa ga shɛ iwɛ n-ndumwa mo orugwusu mu ko kwo kaa iyi iwɛ ike i'wɛtwɛ bụtụ ga njɛ, N ngɛ zhɛ ma hwulaga n-ndumwa mi hiŋ tebiye. 15Ama gana na ti yaa shɛ iwɛ iheŋteni iwɛ ike, keeni iwɛ izeci, keeni iwɛ Undwa hiŋ, asha duma mu ma ni ikɛnyi hiŋ, i n kwụlanɛ shɛ maa Ma sha bɛjɛmɛ-bụ-ụshɛrɛya bu n-ndumwa mu ga o. 16Nazhɛ bee unzhi aŋ no ogbudu ụshɛrɛya ubwa. 17Nazhɛ aa jɛshɛrɛjɛ hwɛɛ aba aa 'imɛ Sostɛnes, na shɛ uhiu umwono tụ'ụlwatagwụ, ee jibi bu nu umbe ogbudu ụshɛrɛya. Ama i te shi Galio okwo iyi ike ya nda ba o.
E Gwure na Antiok
18Ama go Poul namɛ nu Korint ijitɛ ifwugwo, nazhɛ bee genji miauụ-mo-bino ma ata, bee teni ụhaŋtụ be zhe Siria, Ge Prisila na Akwila zhagajɛ nu bwa. Aa hwajɛ tihiŋzhe tu uhiuhiu Poul ni Kɛnkɛria, iwɛ unu na bee shiri.#Tɛrɛ 6:18 19Ama aka na te e ci Ɛfɛsɛs, go Poul genji ata Prisila na Akwila apata, bee teni nu umwono tụ'ụlwatagwụ bwooko, baa njɛ ashamanjɛ ne Eju. 20Aka na ta atwa Ɛfɛsɛs hiɛŋ bụ ga kaana ti'ilogogo na ba, baa lacɛ. 21Ama bi mbishi aŋ, bɛɛ hiɛŋ, Yaa shɛ Agwatana leni, N tɛ zhɛ me gwure pi hiŋ, nazhɛ bee genji aŋ bee teni ụhaŋtụ bee beni nɛ Ɛfɛsɛs.
22Aka na tu baa banɛ nụ ụhaŋtụ ni Sɛsɛria, bee munji Jɛrusalɛm, baa 'walụ tụ'ụlwa-tụ-ụhiɛŋshɛ-Agwangwama, nazhɛ bee zwe Antiok. 23Tu go Poul jɛjɛ apata fwalaa, nazhɛ bee hwuri, bee duleji a'una Galatia, keeni Frigia na mama 'wanụ, boo to eseshi-iyi kpaaŋ ikɛnyi dimi.
Ga Apụlụs Zhe Ɛfɛsɛs keeni Korint
24Bụtụ bu ko na ɛɛ hiɛŋ, ga Apụlụs, na udenji ubwa ụ shɛ Alɛkizandiria, zhajɛ Ɛfɛsɛs. Bụtụ ata 'yebi n-ndumwa mi biye tụdụma, baa 'yajɛ kaa ikɛnyi na tɛnda ti iyi nɛ Utakada Iwɛ ya Agwatana ya duma. 25Bɛ shɛ bụtụ na ee mbisegeni iwɛ uhwaŋna wa Agwangwama, iwɛnɛ tu baa 'yajɛ tɛzhɛgɛdana na ahaŋsa ubwa, ba duma iwɛ, boo mbisogono atwa iyi nɛ i shɛ inɛ Jisus te teni cɛŋ tebiye. Ama iwɛ ubaptizim Jon kiri baa shɛ bugwoni bi ibɛ. 26Bee kwuni iwɛ tụdụma ne eshe-hwoo nu umwono tụ'ụlwatagwụ. Ama aka na ti ge Prisila keeni Akwila hwụjɛ iwɛ ubwa, ee shepi bu no ofwo aba, ee keeni bu uhwaŋna wa Agwangwama ti'eshicigono kpataa.
27Aka na tu ga Apụlụs ba jala maa zha Akaya, miaụŋ-mo-bino mu na mu namɛ nɛ Ɛfɛsɛs mi 'nyeteni atɛtanɛ-rishe a na namɛ na Akaya utakada, maa ge leshiji bu. Aka na ti bee ci apata, bee mbiyeni atwa na tɛtanɛ-rishe tedure no tulubo-ti-biye tebiye. 28Bee ngezeni Eju na ashamanjɛ a'wụtụ ne eshe atwa kpataa, bee shepi Utakada Iwɛ ya Agwatana bee mbiseni aŋ maa ge Jisus ubwa shɛ ga Krast.
Currently Selected:
UGONDU WA ATUMWA 18: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
UGONDU WA ATUMWA 18
18
Na Amɛ Korint
1Na aba inɛ gɛ, go Poul genji Atɛns, bee hwuri Korint. 2Baa twa ne Biju bu ko na ɛɛ hiɛŋ, ga Akwila, na shɛ bụtụ bu Pontus, ne biyikwo bwa ge Prisila, e te ilegeji shi ta a banɛ ni Itali o. Iwɛnɛ ti ge Kilaudius na shɛ uhiu cɛnjɛ ta ata peni Eju elele unu maa ge beni nu Rom. Ibɛ po go Poul tuba zhajɛ no ofwo aba, 3baa jɛjɛ na aba, aa nda ugondu, iwɛnɛ ta tihinya ta aba tɛ shɛ tu ko. Shimwono-shi-tugwuno aa nda. 4Go Poul ba duma n-ndumwa nụ Ụjita-ụhinjanụ we elele, baa njɛ maa shihaŋsa she Eju keeni Egrik shi leni.
5Aka na ga Sailas no Timoti banɛ nu Masɛdonia, ee ci apata, i tɛtajɛ kaa Poul maa ananga iwɛ ya Agwatana, bee le tiseyida no ofwo Eju, bɛɛ hiɛŋ, Ge Jisus ubwa shɛ ga Krast. 6Aka na ta a sukakanɛ Poul, ee gbezhiji bu, bee bibizeni aŋ tugwuno tu bwa,#18:6 bee bibizeni aŋ tugwuno tu bwa: Inɛ gɛ i shɛ iyi ike ike nu upwupwutu wɛ ɛvwɛvwɛjɛ tibibizo; Kwụba ti'eshicigono tu 13:51. bɛɛ hiɛŋ aŋ, Tijama tu ufwu hiŋ tɛnda tu namɛ no ohiuhiu hiŋ. N namɛ shɛshɛshɛ no olugwo hiŋ. Te kwuni na aka ga, N zhɛ no ofwo atwa na shɛ shɛ Eju.
7Tu go Poul beni apata, bee zhe ni ihwɛ bụtụ bu ko na ɛɛ hiɛŋ, ge Titius Justus#18:7 Titius Justus: Tɛjɛshɛrɛga tu ko ti hiɛŋ, Titus Justus. Mo tu ko kaa tihiɛŋ kwakwa go Justus. na ba zhɛba Agwatana. Ihwɛ ibwɛ dongonu umwono tụ'ụlwatagwụ. 8Ama ge Krispos, na shɛ uhiu umwono tụ'ụlwatagwụ tɛtanɛ Agwangwama rishe, ta atwa ihwɛ ibwɛ hwɛɛ. Atwa Korint a na gembi ufwugwo tɛtanɛ du rishe na aka na ta a hwụjɛ iwɛ ubwa, aa njɛ aŋ ubaptizim.
9Ama Agwangwama mbishi Poul iwɛ nụ ụjita no ozobu, bɛɛ hiɛŋ bụ, Ta nda inyɛsɛ o, ama na duma iwɛ, ta nama shiru o. 10Iwɛnɛ po N namɛ na bụ, i zasa bụtụ na zhɛ me bu suleni maa ma bu gwụcɛnga o. Iwɛnɛ tu Ngaa 'yajɛ atwa gembi ufwugwo nụ ụshɛpwụ ga. 11Ibɛ po go Poul namɛ apata uywa uko ni ipiɛnɛ icihiŋ, boo mbisono aŋ n-ndumwa ma Agwatana.
12Ama aka na tu ga Galio shɛ ugwomina wa Akaya, Eju ishijɛ na ahaŋsa oko, aa sukakanɛ Poul, ee zeriji bu no ogbudu ụshɛrɛya. 13Ɛɛ hiɛŋ, Bụtụ ga ba duma n-ndumwa mu na mi zhɛ ma nda maa shihaŋsa sha atwa shi leni maa a na zhɛba Agwatana, nu uhwaŋna na Undwa tu leni shi!
14Gana na tu go Poul ba jala maa kɛpishinjɛ unu ubwa maa dumana iwɛ, ga Galio hiɛŋ Eju ata, Ahiɛba Eju, yaa ga shɛ iwɛ n-ndumwa mo orugwusu mu ko kwo kaa iyi iwɛ ike i'wɛtwɛ bụtụ ga njɛ, N ngɛ zhɛ ma hwulaga n-ndumwa mi hiŋ tebiye. 15Ama gana na ti yaa shɛ iwɛ iheŋteni iwɛ ike, keeni iwɛ izeci, keeni iwɛ Undwa hiŋ, asha duma mu ma ni ikɛnyi hiŋ, i n kwụlanɛ shɛ maa Ma sha bɛjɛmɛ-bụ-ụshɛrɛya bu n-ndumwa mu ga o. 16Nazhɛ bee unzhi aŋ no ogbudu ụshɛrɛya ubwa. 17Nazhɛ aa jɛshɛrɛjɛ hwɛɛ aba aa 'imɛ Sostɛnes, na shɛ uhiu umwono tụ'ụlwatagwụ, ee jibi bu nu umbe ogbudu ụshɛrɛya. Ama i te shi Galio okwo iyi ike ya nda ba o.
E Gwure na Antiok
18Ama go Poul namɛ nu Korint ijitɛ ifwugwo, nazhɛ bee genji miauụ-mo-bino ma ata, bee teni ụhaŋtụ be zhe Siria, Ge Prisila na Akwila zhagajɛ nu bwa. Aa hwajɛ tihiŋzhe tu uhiuhiu Poul ni Kɛnkɛria, iwɛ unu na bee shiri.#Tɛrɛ 6:18 19Ama aka na te e ci Ɛfɛsɛs, go Poul genji ata Prisila na Akwila apata, bee teni nu umwono tụ'ụlwatagwụ bwooko, baa njɛ ashamanjɛ ne Eju. 20Aka na ta atwa Ɛfɛsɛs hiɛŋ bụ ga kaana ti'ilogogo na ba, baa lacɛ. 21Ama bi mbishi aŋ, bɛɛ hiɛŋ, Yaa shɛ Agwatana leni, N tɛ zhɛ me gwure pi hiŋ, nazhɛ bee genji aŋ bee teni ụhaŋtụ bee beni nɛ Ɛfɛsɛs.
22Aka na tu baa banɛ nụ ụhaŋtụ ni Sɛsɛria, bee munji Jɛrusalɛm, baa 'walụ tụ'ụlwa-tụ-ụhiɛŋshɛ-Agwangwama, nazhɛ bee zwe Antiok. 23Tu go Poul jɛjɛ apata fwalaa, nazhɛ bee hwuri, bee duleji a'una Galatia, keeni Frigia na mama 'wanụ, boo to eseshi-iyi kpaaŋ ikɛnyi dimi.
Ga Apụlụs Zhe Ɛfɛsɛs keeni Korint
24Bụtụ bu ko na ɛɛ hiɛŋ, ga Apụlụs, na udenji ubwa ụ shɛ Alɛkizandiria, zhajɛ Ɛfɛsɛs. Bụtụ ata 'yebi n-ndumwa mi biye tụdụma, baa 'yajɛ kaa ikɛnyi na tɛnda ti iyi nɛ Utakada Iwɛ ya Agwatana ya duma. 25Bɛ shɛ bụtụ na ee mbisegeni iwɛ uhwaŋna wa Agwangwama, iwɛnɛ tu baa 'yajɛ tɛzhɛgɛdana na ahaŋsa ubwa, ba duma iwɛ, boo mbisogono atwa iyi nɛ i shɛ inɛ Jisus te teni cɛŋ tebiye. Ama iwɛ ubaptizim Jon kiri baa shɛ bugwoni bi ibɛ. 26Bee kwuni iwɛ tụdụma ne eshe-hwoo nu umwono tụ'ụlwatagwụ. Ama aka na ti ge Prisila keeni Akwila hwụjɛ iwɛ ubwa, ee shepi bu no ofwo aba, ee keeni bu uhwaŋna wa Agwangwama ti'eshicigono kpataa.
27Aka na tu ga Apụlụs ba jala maa zha Akaya, miaụŋ-mo-bino mu na mu namɛ nɛ Ɛfɛsɛs mi 'nyeteni atɛtanɛ-rishe a na namɛ na Akaya utakada, maa ge leshiji bu. Aka na ti bee ci apata, bee mbiyeni atwa na tɛtanɛ-rishe tedure no tulubo-ti-biye tebiye. 28Bee ngezeni Eju na ashamanjɛ a'wụtụ ne eshe atwa kpataa, bee shepi Utakada Iwɛ ya Agwatana bee mbiseni aŋ maa ge Jisus ubwa shɛ ga Krast.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008