Markɨ Maktubu dɨ ka dwar̰ɨ
Maktubu dɨ ka dwar̰ɨ
Markɨ da, i woni gɨrsə gwale gɨnə Jesu duwa nə mwaj dii sɨr gun day bədə, me an̰ji àl giyə nan̰ i gɨ paja nənə Jesu duwa nə Pol day gɨ Piyer. I Piyer me wayɨw gwale di me an̰ji jangɨw nɨm dodə. Janga duwa di da, ɨrmə duwa nan̰ i nare nə kretiye nə gɨndəgɨ i nare nə Juwib bədə dɨdəgɨ lə. Markɨ gwale duwa gɨ wayɨw pii da, way i dara Jesu ba i Mãr̰ĩ gorndɨw, me gɨl dara Jesu ba ùr nare ba ꞌwacn̰ana kaláng ba i wi mo di bədə. (1.1–8.26) Jesu ꞌwogɨ sɨw duwa gang ba i «Gun gorndɨw».
Markɨ di gɨl Jesu dwana duwa, way ba Jesu ba so nare nə i mwom daa me, ꞌyor dúndi dɨ àcn̰e bam nare sɨdəgɨ lə me, àl mani nə dan̰a me, way gwale gɨ dwana me ca (1.14–8.31). Jesu waygɨ woni gɨrsə gwale duwa ba a ha gɨlə dɨrɨn̰ me ba a ha mara nɨm me, cendi ꞌwocn̰ gwale gɨ ta di gɨndɨw bədə (8.31–10.52).
Ɨr̰ɨ Markɨ way gwale gɨnə Jesu duwa gɨ ha gər nɨm mana gɨ Jursalem me nare yə̀w nɨm sɨdəgɨ lə ladɨ, cor gechide nənə nare nə Juwib day ɨlɨw. Gɨ ɓengɨw ɓabɨr̰ɨw daa habda gɨ dagɨla sɨwə me, an̰ji mar me, dɨm daa munɨ lə. Made dɨnə Jesu me dɨmə duwa gɨ daa munɨ lə me da, gɨl daa pɨden̰yə dara an̰ji ba i Mãr̰ĩ gorndɨw ꞌyang (chapitɨr 11–16).
Currently Selected:
Markɨ Maktubu dɨ ka dwar̰ɨ: sor
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Bible Translators, Inc. All rights reserved.
Markɨ Maktubu dɨ ka dwar̰ɨ
Maktubu dɨ ka dwar̰ɨ
Markɨ da, i woni gɨrsə gwale gɨnə Jesu duwa nə mwaj dii sɨr gun day bədə, me an̰ji àl giyə nan̰ i gɨ paja nənə Jesu duwa nə Pol day gɨ Piyer. I Piyer me wayɨw gwale di me an̰ji jangɨw nɨm dodə. Janga duwa di da, ɨrmə duwa nan̰ i nare nə kretiye nə gɨndəgɨ i nare nə Juwib bədə dɨdəgɨ lə. Markɨ gwale duwa gɨ wayɨw pii da, way i dara Jesu ba i Mãr̰ĩ gorndɨw, me gɨl dara Jesu ba ùr nare ba ꞌwacn̰ana kaláng ba i wi mo di bədə. (1.1–8.26) Jesu ꞌwogɨ sɨw duwa gang ba i «Gun gorndɨw».
Markɨ di gɨl Jesu dwana duwa, way ba Jesu ba so nare nə i mwom daa me, ꞌyor dúndi dɨ àcn̰e bam nare sɨdəgɨ lə me, àl mani nə dan̰a me, way gwale gɨ dwana me ca (1.14–8.31). Jesu waygɨ woni gɨrsə gwale duwa ba a ha gɨlə dɨrɨn̰ me ba a ha mara nɨm me, cendi ꞌwocn̰ gwale gɨ ta di gɨndɨw bədə (8.31–10.52).
Ɨr̰ɨ Markɨ way gwale gɨnə Jesu duwa gɨ ha gər nɨm mana gɨ Jursalem me nare yə̀w nɨm sɨdəgɨ lə ladɨ, cor gechide nənə nare nə Juwib day ɨlɨw. Gɨ ɓengɨw ɓabɨr̰ɨw daa habda gɨ dagɨla sɨwə me, an̰ji mar me, dɨm daa munɨ lə. Made dɨnə Jesu me dɨmə duwa gɨ daa munɨ lə me da, gɨl daa pɨden̰yə dara an̰ji ba i Mãr̰ĩ gorndɨw ꞌyang (chapitɨr 11–16).
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Bible Translators, Inc. All rights reserved.