Olóma 11
11
Asaŋa a lɛ́ kanɛ go fíidie Ɛ́sɛlahɛ́ɛlɛ nnyimé
1Gɔ́ɔ ŋgúhunemú kanɛ́ caá: Asaŋa a lɛ́ fíídíelú boɛ́nɔ bɛ́hɛ́ nnyimé lí? Caá akɛ́ nɔ́ɔnɔ! Yɔmɔ́ɔ moatɛ́ ndɛ́ mbíényée ya Ɛ́sɛlahɛ́ɛlɛ, naá nigúli ná Bɛncamɛ́ŋɛ mɔ́ɔnyɔ a lɔ́mɔ́ onana yá Ábalaháma#11.1 O bana, go eninye na Fil 3.5.. 2Akɛ́ɛ, Asaŋa a lɛ́ kanɛ go fíidie boɛ́nɔ bɛ́hɛ́ nnyimé, goakɛ́ bó lɛ́ bɔ́ɔbɔ mɔ́ɔ moatɛ́ a mbaá dóáná go bó íyime#11.2 O bana, go eninye na Ɛsagɔ 94.14.. No íyimene bɔ́ɔbɔ bó lɔ́mɔ́ naá Ŋgɔ́ŋɛ́, gɛcamɛna gɛ́ɛgɛ Elíi a mbaá lɔmɔ́ a sɔ́mɛnɔnɔ boɛ́nɔ bá Ɛ́sɛlahɛ́ɛlɛ naá Asaŋa, o oya a amɔ́: 3Daadáa, bá lɛ́ óná óná mbúsí sáhɔ, bá báá gadáa bɛdálɛ́ná báhɔ. Kɔ́ɔ yɔmɔ́ɔ ndɔ́mɔ́ síénéelú mokáa, akɛ́ nɔ́ɔnɔ bá fúmbe go ŋgóna. 4Kanɛ́ Asaŋa a mbaá mo gundie a amɔ́ nɛɛ́nɛ o? A mba mo oyáná a amɔ́: Ndɛ́ beŋéelú go boayá, batɔ tɔ́sɛnɔ ɛ́táanɔ na ɛ́handɛ́ go busío bámɛ, báaba bá lɔ́mɔ́ kanɛ go gule enúu go cí naá busío bá gidugúnúu gá Asaŋa Báalɛ#11.4 Go gig. 3-4 kálata ya 1 Mefuŋe 19.10,18.. 5Bó lɛ́ nɔ́ɔ caŋa táŋɛ́ mmue naá gɛcamɛna gá ínoni: nɛnamá ná batɔ nɛ́ lɛ́ hɔ́ɔ nɛ́ɛnɛ Asaŋa a mbií iyídé go niibo nɛ́hɛ́. 6Kanɛ́ aáŋa Asaŋa a mba bó iyídé go niibo nɛ́hɛ́ ná moatɛ́, bó do báá go meŋiigíe mábɔ́, aáŋa nɔ́ɔnɔ, niibo ná Asaŋa nɛ́ dɛ báá gɔnɔ́ niibo. 7Hɔ́ɔlɔ́ naá cí goŋaá, boóma bɔ́ɔbɔ batɔ bá Ɛ́sɛlahɛ́ɛlɛ bá mbaá lɔmɔ́ bá fúmbe, bá lɛ́ kanɛ go bó ɛ́na; goana nɛnamá nɛ́ɛnɛ Asaŋa a mbií iyídé, nɛ́ nɛ́ mbaá bɛáa. Kanɛ́ báaba bóntió Asaŋa a mba gundíe ɛdɛ́má yabɔ́ bɛlalaga, 8gɔgɔ́ aŋa bó lɔ́mɔ́ naá Ŋgɔ́ŋɛ́ goŋaá Asaŋa a mba bó ídíe go dɔnɔ́ɔ, a báá bó ubíe bigélí na bɛlɔ́kɔ́ gó nco go éme ínoni. 9Caŋa táŋɛ́ mmue, Défidi o oya a amɔ́: Ŋgáa bɛdágá bábɔ́ bɛ́ bó gumbene aŋa mɔfɔ́ɔ́dɔ́ɔ, bó obana, bá bɛa noséésényée. 10Ŋgáa oŋgíso yábɔ́ yó oba bigélí goŋaá bá dɛ gɔnɔ́ go ɛ́nanɛna, ŋaáa goŋaá bá lúncumidene nnyimé kanɛ tɔmbɛ́nɔ́ɔ#11.10 Go big. 8 a húme 10: go gig. 8 go ɛ́na Bicele 29.3; Iseyíi 6.10; 29.10 go big. 9-10 Ɛsagɔ 69.23-24, naá ŋgɔ́ŋɛ́ sá cóá cóá na nogɛlɛ́gɛ..
11Ŋgúhene kanɛ́ caá: Aáŋa Beyúdene bá mba kúkéné, bó mbaá lɔmɔ́ goŋaá bá lɔbɛnɔ naá osɛmbɔ yɔ́ɔyɔ o? Akɛ́ manɛ́ɛ! Gɛoba gábɔ́ gɛ́ mba ŋaáa goŋaá Asaŋa a sódio mɛɛ́nɔ máama móntió mbɔ́dɔ ya goŋaá Beyúdene bá bɛa hɛagá nabɔ́. 12Kanɛ́ aáŋa gɛoba gábɔ́ gɛ́ mbɛ ɛ́ya bonɔ́mɛ bá cí, gɔnɔ́ gɛoba gábɔ́ bonɔ́mɛ bá mɛɛ́nɔ móntió, nɛɛ́nɛ goncogunde gábɔ́ naá boayá bá Asaŋa gó ŋgaá ŋaáa gó do bó úléné na gɛcɛcá gá bonɔ́mɛ o?
13Godɔ́ɔdɔ kálagala go bɛɛnyɔ́ɔ báaba no lɔ́mɔ́ bá mɛɛ́nɔ móncodío aŋa ndɔ́mɔ́ Apótɛlɛ go busío bɛ́nyɔ́, naá odɛ́nɛ́ moánɛ mbébúlugenye go buelí bɔ́ɔbɔ bó lɔ́mɔ́ bámɛ. 14Mbémineminie goŋaá mbúlumunce hɛagá há boɔmɛ Beyúdene go go sódio nɛnamá ná batɔ. 15Mammana, Asaŋa a mba bó ágá go boayá go goŋaá batɔ bá cí bá bégedie na Asaŋa. Kanɛ́ go gɔnɔ nco gunde gábɔ́ go ŋgaá bɛ́ɛ́mbá nɛɛ́nɛ o? Gó ŋgaá bɛ́ɛ́mbá gɛɔyɔ go báaba bá mbaá gúénénée.
16Aáŋa bodáŋɔ bá busío bá gɛlɛ́dɛ bó ɔ́bɛnɔnɔ na Asaŋa, gɛ́ɛgɛ gíntió giimée gɛ́ ɔ́bɛnɔnɔ nɛhɛ́ tɔ́nɔ. Aáŋa ɛŋaŋá ya boɛ́tɛ yɛ ɔ́bɛnɔnɔ na Asaŋa, ɛtáfɛ yɛ ɔ́bɛnɔnɔ nɛhɛ́ tɔ́nɔ#11.16 O bana, go eninye na Ɛmbanɔ 15.19-21.. 17Boɛ́nɔ bá Ɛ́sɛlahɛ́ɛlɛ bó lɛ́ aŋa boɛ́tɛ bá kónagóna, bɔ́ɔbɔ bá mbaá sómbáa nɛnamá ná ɛtáfɛ ya bɔ́. Kanɛ́ maamɔ́ɔ mɔ́ɔnyɔ o lɔ́mɔ́ o do bɛ́ɛ́mbá ba Beyúdene, o mba lɛ́ aŋa otáfɛ yá boɛ́tɛ bá gɛsɔgɔ, bá báá go gɔ́lɔ́, bá báá go ledígínyée naá undukí ya ɛtáfɛ moánɛ, gɔ́ɔ godɔ́ɔdɔ o bɛananamɔ́ olɔŋɔ na yɛ́ bodáŋɔ bá masɔ́ŋɔ́ máama ɛŋaŋá ɛ dúgemú mbɔ́gɔ́ ya boɛ́tɛ bá kónagóna. 18Kɔ́ɔ gó lɔ́mɔ́ o do ɛ́dá go fánɛnafanɛna ɛtáfɛ yɛ́ɛyɛ bá mbaá sómbáa. Kanɛ́ go amɔ́ o bɛ́ɛmba na mbɔ́dɔ ya onɔndɔ́ moánɛ, bééníŋínyéemú goŋaá a dɛ báá maamɔ́ɔ mɔ́ɔ o bɛananamɔ́ ɛŋaŋá, yɛ́ ɛ go bɛananamɔ́. 19O lɛ́ ba go gálɛda hɔ́ɔlɔ́ go amɔ́: aáŋa bá mba sómbá ɛtáfɛ, bó mbaá lɔmɔ́ goŋaá bá ndediginye hɔ́ɔ. 20Ɛɛ́ɛŋ! bá mbaá yɛ sómbáa go ndiolímínyóo ya yɛ́; maamɔ́ɔ, bó lɔ́mɔ́ go gioliminyo gáhɔ gɔ́ɔ o lɔ́mɔ́ gɛtɛ́nɛ́ɛ. O do bɛ́ɛ́mbá na onɔndɔ́! Bébeŋéemú kanɛ́. 21Mammana, aáŋa Asaŋa a lɛ́ kanɛ go ɛŋa ɛtáfɛ ya mbíényée, caá akɛ́ maamɔ́ɔ mɔ́ɔ a ná ɛŋamɔ́. 22Gumbéne kanɛ́ goŋaá Asaŋa a lɛ́, mɔ́ɔ ummue eé ummue usi, mɔ́ɔ na bobɛ́: a lɛ́ na bobɛ́ go báaba bá édenyemú, a lɛ́ na busi go busío báhɔ mɔ́ɔnyɔ o gɛ́gamɔ́ gɛcamɛna giimée naá busi bá ndiemi. Aáŋa caá nɔ́ɔnɔ maamɔ́ɔ tɔ́nɔ o ná bɛ́ɛmba sómbáalú. 23Go Beyúdene, aáŋa bá dɛ ándɛ́nɛ́ná naá ndiolímínyóomú yabɔ́, bá ná gɔnɔ bó lédiginye. Ɛɛ́ɛŋ, Asaŋa a bɛanana bogaaga bá go gɔnɔ bó lédiginye. 24Maamɔ́ɔ kanɛ́ o mbaá lɛ boɛ́tɛ bá gɛsɔgɔ gɔ́ɔ bá mbaá go sómbá bá báá go ledígínyée naá boɛ́tɛ bá kónagóna, bó do mbáa lɛ mbíényée yahɔ. Beyúdene, bɔ́ɔ, bá mbaá lɛ ɛtáfɛ ya boɛ́tɛ bá kónagóna. Gɔ́ɔ Asaŋa a ná bó lediginyemú kanɛ ndɔlɛ.
Gisódio gá boɛ́nɔ bá Ɛ́sɛlahɛ́ɛlɛ
25Bolimóní, mammana ya nnindíi yɛ́yɛ́ɛ ndɛ́galɛgamɔ́ go nyó lincie, goŋaá no do bɔ́gɔ́lɔ́ aŋa benciŋínciŋi: golala gá odóɛ gá gigísi gá boɛ́nɔ bá Ɛ́sɛlahɛ́ɛlɛ gó ŋga gɛ́gáa gó ɛ́da go éme aŋa nɛnamá ná mɛɛ́nɔ máama móntió miimée nɛ́ ŋgaá bɛáa gisódio. 26Nɔ́ɔnɔ kanɛ́ boɛ́nɔ bá Ɛ́sɛlahɛ́ɛlɛ buimée bó lo go bɛ́ɛmba sódíolú, aŋa bó lɔ́mɔ́ naá Ŋgɔ́ŋɛ́ goŋaá: Uféŋí a ŋgɛ ɛ́dá go úle naá Síyono, a ŋga dóŋóná kanɛ gohálamanana moóma má Asaŋa ba ɛnana ya Yɔ́kɔbɔ. 27Gɛlada bugúle gɛ́ɛgɛ nná ŋamɔ́ nabɔ́ gɛ́gɔ́ɔ, aŋa nná ŋamɔ́ mbáa go úlie bɛlɔgɔ bábɔ́#11.27 Go gig. 26-27 Iseyíi 59.20-21 na 27.9, naá ŋgɔ́ŋɛ́ sá cóá cóá na nogɛlɛ́gɛ.. 28Dɛ amɔ́ dɛ gɔ́lɔ naá pɛ́ ya ŋgoyáamɔ́ ya Gɛnɔ́gɔ́ gá Cɔ́mɔ, bá lɔ́mɔ́ ɛ́yáalú babɛlɔ́bɛlɔ bá Asaŋa goŋaá bɛɛnyɔ́ɔ no dáŋaba besé. Kanɛ́ naá pɛ́ ya giiyide gá Asaŋa, bá lɛ́ báaba Asaŋa ɛ ɛ́danamɔ́ naá busío a bó maamana go busío bá biisée bá biisée kɔ́nɔ́ɔ bábɔ́. 29Mammana, pááná na odɔ́ŋɛ́nɔ yá Asaŋa mó do bósó go fúgugene. 30Hálá moánɛ cóá, bɛɛnyɔ́ɔ no mbaá ŋaáa Asaŋa edúu, gɔ́ɔ godɔ́ɔdɔ Asaŋa a nyó ɛ́namɔ́ mahana a báá labá go edúu bɛlɔ́kɔ́ yá boɛ́nɔ bá Ɛ́sɛlahɛ́ɛlɛ. 31Caŋa mmue, aáŋa edúu yábɔ́ yá dɔ́ɔdɔ yá nú úlé na ŋgɛ́na mahana ya Asaŋa go busío bɛ́nyɔ́, bó lɔ́mɔ́ go goŋaá ŋgɛ́na mahana ya Asaŋa ɛ bɛ́ɛmba nabɔ́ tɔ́nɔ. 32Mammana, Asaŋa a mba ágá batɔ biimée naá ncíbo ya gɛaŋɔ́ go edúu bɛlɔ́kɔ́ go go bó ŋa bɔ́ɔ biimée ŋgɛ́na mahana yɛ́hɛ́.
33Mbɔ́dɔ yɛ́ɛyɛ bonɔ́mɛ bá Asaŋa bó degemú, nciŋí na goíyime gɛ́hɛ́ mó lɛ́ findímíi! Ánɛ́ɛ a lɔ́mɔ́ ba go falona mbɔ́dɔ yɛhɛ́ ya go sómba bɛsɛnɛ o? Ánɛ́ɛ a lɔ́mɔ́ ba go lɛnca pɛ́ sɛ́hɛ́#11.33 O bana, go eninye na Iseyíi 55.8; Ɛsagɔ 139.6,17-18. o? 34Mammana ánɛ́ɛ i íyimenemú mbééníŋínyí ya Daadáa o? Ánɛ́ɛ a mbaá mo fáá témbuginye o? 35Ánɛ́ɛ a mbaá mo fáá boóma ba busío goŋaá Asaŋa a mo soɛna#11.35 gig. 34: Iseyíi 40.13 gig. 35: go ɛ́na naá Yóobe 41.3. o? 36Mammana, buimée bó úlenemú naá mɔ́ɔ, buimée bó ɔyɔmɔ́ gɛ́hɛ́ gɔnɔ́ go busío bɛ́hɛ́. Mbúlugie nɛhɛ́ go bɛcamɛna biimée! Aamɛnɛ.
Currently Selected:
Olóma 11: YAS
Highlight
Copy
Compare
Share
Want to have your highlights saved across all your devices? Sign up or sign in
Olóma 11
11
Asaŋa a lɛ́ kanɛ go fíidie Ɛ́sɛlahɛ́ɛlɛ nnyimé
1Gɔ́ɔ ŋgúhunemú kanɛ́ caá: Asaŋa a lɛ́ fíídíelú boɛ́nɔ bɛ́hɛ́ nnyimé lí? Caá akɛ́ nɔ́ɔnɔ! Yɔmɔ́ɔ moatɛ́ ndɛ́ mbíényée ya Ɛ́sɛlahɛ́ɛlɛ, naá nigúli ná Bɛncamɛ́ŋɛ mɔ́ɔnyɔ a lɔ́mɔ́ onana yá Ábalaháma#11.1 O bana, go eninye na Fil 3.5.. 2Akɛ́ɛ, Asaŋa a lɛ́ kanɛ go fíidie boɛ́nɔ bɛ́hɛ́ nnyimé, goakɛ́ bó lɛ́ bɔ́ɔbɔ mɔ́ɔ moatɛ́ a mbaá dóáná go bó íyime#11.2 O bana, go eninye na Ɛsagɔ 94.14.. No íyimene bɔ́ɔbɔ bó lɔ́mɔ́ naá Ŋgɔ́ŋɛ́, gɛcamɛna gɛ́ɛgɛ Elíi a mbaá lɔmɔ́ a sɔ́mɛnɔnɔ boɛ́nɔ bá Ɛ́sɛlahɛ́ɛlɛ naá Asaŋa, o oya a amɔ́: 3Daadáa, bá lɛ́ óná óná mbúsí sáhɔ, bá báá gadáa bɛdálɛ́ná báhɔ. Kɔ́ɔ yɔmɔ́ɔ ndɔ́mɔ́ síénéelú mokáa, akɛ́ nɔ́ɔnɔ bá fúmbe go ŋgóna. 4Kanɛ́ Asaŋa a mbaá mo gundie a amɔ́ nɛɛ́nɛ o? A mba mo oyáná a amɔ́: Ndɛ́ beŋéelú go boayá, batɔ tɔ́sɛnɔ ɛ́táanɔ na ɛ́handɛ́ go busío bámɛ, báaba bá lɔ́mɔ́ kanɛ go gule enúu go cí naá busío bá gidugúnúu gá Asaŋa Báalɛ#11.4 Go gig. 3-4 kálata ya 1 Mefuŋe 19.10,18.. 5Bó lɛ́ nɔ́ɔ caŋa táŋɛ́ mmue naá gɛcamɛna gá ínoni: nɛnamá ná batɔ nɛ́ lɛ́ hɔ́ɔ nɛ́ɛnɛ Asaŋa a mbií iyídé go niibo nɛ́hɛ́. 6Kanɛ́ aáŋa Asaŋa a mba bó iyídé go niibo nɛ́hɛ́ ná moatɛ́, bó do báá go meŋiigíe mábɔ́, aáŋa nɔ́ɔnɔ, niibo ná Asaŋa nɛ́ dɛ báá gɔnɔ́ niibo. 7Hɔ́ɔlɔ́ naá cí goŋaá, boóma bɔ́ɔbɔ batɔ bá Ɛ́sɛlahɛ́ɛlɛ bá mbaá lɔmɔ́ bá fúmbe, bá lɛ́ kanɛ go bó ɛ́na; goana nɛnamá nɛ́ɛnɛ Asaŋa a mbií iyídé, nɛ́ nɛ́ mbaá bɛáa. Kanɛ́ báaba bóntió Asaŋa a mba gundíe ɛdɛ́má yabɔ́ bɛlalaga, 8gɔgɔ́ aŋa bó lɔ́mɔ́ naá Ŋgɔ́ŋɛ́ goŋaá Asaŋa a mba bó ídíe go dɔnɔ́ɔ, a báá bó ubíe bigélí na bɛlɔ́kɔ́ gó nco go éme ínoni. 9Caŋa táŋɛ́ mmue, Défidi o oya a amɔ́: Ŋgáa bɛdágá bábɔ́ bɛ́ bó gumbene aŋa mɔfɔ́ɔ́dɔ́ɔ, bó obana, bá bɛa noséésényée. 10Ŋgáa oŋgíso yábɔ́ yó oba bigélí goŋaá bá dɛ gɔnɔ́ go ɛ́nanɛna, ŋaáa goŋaá bá lúncumidene nnyimé kanɛ tɔmbɛ́nɔ́ɔ#11.10 Go big. 8 a húme 10: go gig. 8 go ɛ́na Bicele 29.3; Iseyíi 6.10; 29.10 go big. 9-10 Ɛsagɔ 69.23-24, naá ŋgɔ́ŋɛ́ sá cóá cóá na nogɛlɛ́gɛ..
11Ŋgúhene kanɛ́ caá: Aáŋa Beyúdene bá mba kúkéné, bó mbaá lɔmɔ́ goŋaá bá lɔbɛnɔ naá osɛmbɔ yɔ́ɔyɔ o? Akɛ́ manɛ́ɛ! Gɛoba gábɔ́ gɛ́ mba ŋaáa goŋaá Asaŋa a sódio mɛɛ́nɔ máama móntió mbɔ́dɔ ya goŋaá Beyúdene bá bɛa hɛagá nabɔ́. 12Kanɛ́ aáŋa gɛoba gábɔ́ gɛ́ mbɛ ɛ́ya bonɔ́mɛ bá cí, gɔnɔ́ gɛoba gábɔ́ bonɔ́mɛ bá mɛɛ́nɔ móntió, nɛɛ́nɛ goncogunde gábɔ́ naá boayá bá Asaŋa gó ŋgaá ŋaáa gó do bó úléné na gɛcɛcá gá bonɔ́mɛ o?
13Godɔ́ɔdɔ kálagala go bɛɛnyɔ́ɔ báaba no lɔ́mɔ́ bá mɛɛ́nɔ móncodío aŋa ndɔ́mɔ́ Apótɛlɛ go busío bɛ́nyɔ́, naá odɛ́nɛ́ moánɛ mbébúlugenye go buelí bɔ́ɔbɔ bó lɔ́mɔ́ bámɛ. 14Mbémineminie goŋaá mbúlumunce hɛagá há boɔmɛ Beyúdene go go sódio nɛnamá ná batɔ. 15Mammana, Asaŋa a mba bó ágá go boayá go goŋaá batɔ bá cí bá bégedie na Asaŋa. Kanɛ́ go gɔnɔ nco gunde gábɔ́ go ŋgaá bɛ́ɛ́mbá nɛɛ́nɛ o? Gó ŋgaá bɛ́ɛ́mbá gɛɔyɔ go báaba bá mbaá gúénénée.
16Aáŋa bodáŋɔ bá busío bá gɛlɛ́dɛ bó ɔ́bɛnɔnɔ na Asaŋa, gɛ́ɛgɛ gíntió giimée gɛ́ ɔ́bɛnɔnɔ nɛhɛ́ tɔ́nɔ. Aáŋa ɛŋaŋá ya boɛ́tɛ yɛ ɔ́bɛnɔnɔ na Asaŋa, ɛtáfɛ yɛ ɔ́bɛnɔnɔ nɛhɛ́ tɔ́nɔ#11.16 O bana, go eninye na Ɛmbanɔ 15.19-21.. 17Boɛ́nɔ bá Ɛ́sɛlahɛ́ɛlɛ bó lɛ́ aŋa boɛ́tɛ bá kónagóna, bɔ́ɔbɔ bá mbaá sómbáa nɛnamá ná ɛtáfɛ ya bɔ́. Kanɛ́ maamɔ́ɔ mɔ́ɔnyɔ o lɔ́mɔ́ o do bɛ́ɛ́mbá ba Beyúdene, o mba lɛ́ aŋa otáfɛ yá boɛ́tɛ bá gɛsɔgɔ, bá báá go gɔ́lɔ́, bá báá go ledígínyée naá undukí ya ɛtáfɛ moánɛ, gɔ́ɔ godɔ́ɔdɔ o bɛananamɔ́ olɔŋɔ na yɛ́ bodáŋɔ bá masɔ́ŋɔ́ máama ɛŋaŋá ɛ dúgemú mbɔ́gɔ́ ya boɛ́tɛ bá kónagóna. 18Kɔ́ɔ gó lɔ́mɔ́ o do ɛ́dá go fánɛnafanɛna ɛtáfɛ yɛ́ɛyɛ bá mbaá sómbáa. Kanɛ́ go amɔ́ o bɛ́ɛmba na mbɔ́dɔ ya onɔndɔ́ moánɛ, bééníŋínyéemú goŋaá a dɛ báá maamɔ́ɔ mɔ́ɔ o bɛananamɔ́ ɛŋaŋá, yɛ́ ɛ go bɛananamɔ́. 19O lɛ́ ba go gálɛda hɔ́ɔlɔ́ go amɔ́: aáŋa bá mba sómbá ɛtáfɛ, bó mbaá lɔmɔ́ goŋaá bá ndediginye hɔ́ɔ. 20Ɛɛ́ɛŋ! bá mbaá yɛ sómbáa go ndiolímínyóo ya yɛ́; maamɔ́ɔ, bó lɔ́mɔ́ go gioliminyo gáhɔ gɔ́ɔ o lɔ́mɔ́ gɛtɛ́nɛ́ɛ. O do bɛ́ɛ́mbá na onɔndɔ́! Bébeŋéemú kanɛ́. 21Mammana, aáŋa Asaŋa a lɛ́ kanɛ go ɛŋa ɛtáfɛ ya mbíényée, caá akɛ́ maamɔ́ɔ mɔ́ɔ a ná ɛŋamɔ́. 22Gumbéne kanɛ́ goŋaá Asaŋa a lɛ́, mɔ́ɔ ummue eé ummue usi, mɔ́ɔ na bobɛ́: a lɛ́ na bobɛ́ go báaba bá édenyemú, a lɛ́ na busi go busío báhɔ mɔ́ɔnyɔ o gɛ́gamɔ́ gɛcamɛna giimée naá busi bá ndiemi. Aáŋa caá nɔ́ɔnɔ maamɔ́ɔ tɔ́nɔ o ná bɛ́ɛmba sómbáalú. 23Go Beyúdene, aáŋa bá dɛ ándɛ́nɛ́ná naá ndiolímínyóomú yabɔ́, bá ná gɔnɔ bó lédiginye. Ɛɛ́ɛŋ, Asaŋa a bɛanana bogaaga bá go gɔnɔ bó lédiginye. 24Maamɔ́ɔ kanɛ́ o mbaá lɛ boɛ́tɛ bá gɛsɔgɔ gɔ́ɔ bá mbaá go sómbá bá báá go ledígínyée naá boɛ́tɛ bá kónagóna, bó do mbáa lɛ mbíényée yahɔ. Beyúdene, bɔ́ɔ, bá mbaá lɛ ɛtáfɛ ya boɛ́tɛ bá kónagóna. Gɔ́ɔ Asaŋa a ná bó lediginyemú kanɛ ndɔlɛ.
Gisódio gá boɛ́nɔ bá Ɛ́sɛlahɛ́ɛlɛ
25Bolimóní, mammana ya nnindíi yɛ́yɛ́ɛ ndɛ́galɛgamɔ́ go nyó lincie, goŋaá no do bɔ́gɔ́lɔ́ aŋa benciŋínciŋi: golala gá odóɛ gá gigísi gá boɛ́nɔ bá Ɛ́sɛlahɛ́ɛlɛ gó ŋga gɛ́gáa gó ɛ́da go éme aŋa nɛnamá ná mɛɛ́nɔ máama móntió miimée nɛ́ ŋgaá bɛáa gisódio. 26Nɔ́ɔnɔ kanɛ́ boɛ́nɔ bá Ɛ́sɛlahɛ́ɛlɛ buimée bó lo go bɛ́ɛmba sódíolú, aŋa bó lɔ́mɔ́ naá Ŋgɔ́ŋɛ́ goŋaá: Uféŋí a ŋgɛ ɛ́dá go úle naá Síyono, a ŋga dóŋóná kanɛ gohálamanana moóma má Asaŋa ba ɛnana ya Yɔ́kɔbɔ. 27Gɛlada bugúle gɛ́ɛgɛ nná ŋamɔ́ nabɔ́ gɛ́gɔ́ɔ, aŋa nná ŋamɔ́ mbáa go úlie bɛlɔgɔ bábɔ́#11.27 Go gig. 26-27 Iseyíi 59.20-21 na 27.9, naá ŋgɔ́ŋɛ́ sá cóá cóá na nogɛlɛ́gɛ.. 28Dɛ amɔ́ dɛ gɔ́lɔ naá pɛ́ ya ŋgoyáamɔ́ ya Gɛnɔ́gɔ́ gá Cɔ́mɔ, bá lɔ́mɔ́ ɛ́yáalú babɛlɔ́bɛlɔ bá Asaŋa goŋaá bɛɛnyɔ́ɔ no dáŋaba besé. Kanɛ́ naá pɛ́ ya giiyide gá Asaŋa, bá lɛ́ báaba Asaŋa ɛ ɛ́danamɔ́ naá busío a bó maamana go busío bá biisée bá biisée kɔ́nɔ́ɔ bábɔ́. 29Mammana, pááná na odɔ́ŋɛ́nɔ yá Asaŋa mó do bósó go fúgugene. 30Hálá moánɛ cóá, bɛɛnyɔ́ɔ no mbaá ŋaáa Asaŋa edúu, gɔ́ɔ godɔ́ɔdɔ Asaŋa a nyó ɛ́namɔ́ mahana a báá labá go edúu bɛlɔ́kɔ́ yá boɛ́nɔ bá Ɛ́sɛlahɛ́ɛlɛ. 31Caŋa mmue, aáŋa edúu yábɔ́ yá dɔ́ɔdɔ yá nú úlé na ŋgɛ́na mahana ya Asaŋa go busío bɛ́nyɔ́, bó lɔ́mɔ́ go goŋaá ŋgɛ́na mahana ya Asaŋa ɛ bɛ́ɛmba nabɔ́ tɔ́nɔ. 32Mammana, Asaŋa a mba ágá batɔ biimée naá ncíbo ya gɛaŋɔ́ go edúu bɛlɔ́kɔ́ go go bó ŋa bɔ́ɔ biimée ŋgɛ́na mahana yɛ́hɛ́.
33Mbɔ́dɔ yɛ́ɛyɛ bonɔ́mɛ bá Asaŋa bó degemú, nciŋí na goíyime gɛ́hɛ́ mó lɛ́ findímíi! Ánɛ́ɛ a lɔ́mɔ́ ba go falona mbɔ́dɔ yɛhɛ́ ya go sómba bɛsɛnɛ o? Ánɛ́ɛ a lɔ́mɔ́ ba go lɛnca pɛ́ sɛ́hɛ́#11.33 O bana, go eninye na Iseyíi 55.8; Ɛsagɔ 139.6,17-18. o? 34Mammana ánɛ́ɛ i íyimenemú mbééníŋínyí ya Daadáa o? Ánɛ́ɛ a mbaá mo fáá témbuginye o? 35Ánɛ́ɛ a mbaá mo fáá boóma ba busío goŋaá Asaŋa a mo soɛna#11.35 gig. 34: Iseyíi 40.13 gig. 35: go ɛ́na naá Yóobe 41.3. o? 36Mammana, buimée bó úlenemú naá mɔ́ɔ, buimée bó ɔyɔmɔ́ gɛ́hɛ́ gɔnɔ́ go busío bɛ́hɛ́. Mbúlugie nɛhɛ́ go bɛcamɛna biimée! Aamɛnɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in