Tóogio 4
4
Bá búlugenye Asaŋa naá oŋgɛ́yɔ́ yɛ́hɛ́ naá mmoɛná
1Naá nnyimé hɔ́ɔlɔ́, gámɛ go ɛ́na gɛasɛ́ buunéelú naá mmoɛná, ukelú yá busío yɔ́ɔyɔ mmbaá dóáná go ɔ́bɔ yó dɔgɔnɔ aŋa cɛ́bá, gámɛ yó amɔ́: «Bólɛ́ga háalá, manɛ́ kanɛ́ kaá ná go dúfíe bɔ́ɔbɔ bó háananamɔ́ go bola naá nnyimé.» 2Hɔ́ɔ na hɔ́ɔ, Giliíli go kumbene, gámɛ go ɛ́na naá mmoɛná oŋgɛ́yɔ́ yá ufuŋe, naá oŋgɛ́yɔ́ moánɛ, mɔtɔ kɔ́ɔ ndukíi. 3Mɔtɔ mɔ́ɔnyɔ a mbaá lɔmɔ́ kɔ́ɔ ndukíi a mba lɛ́ a sána aŋa adánɛ́ yá ntɔ́nɔ yáaya bá dɔ́ŋɔnɔmɔ́ bá amɔ́ yásɛpɛ na saladóanɛ.
Ncancalɛ́ŋa yɛ́ɛyɛ ɛ mbaá lɔmɔ́ ɛ géŋgelenye oŋgɛ́yɔ́ ɛ mba lɛ́ ɛ sána aŋa ɛdánɛ́ ná ntɔ́nɔ nɛ́ɛnɛ bá dɔ́ŋɔnɔmɔ́ bá amɔ́ emelóode.#4.3 go big. 2-3 o bana, go eninye na Esekíele 1.26-28; 10.1 emelóode go ɛ́na 21.19-20.
4Ɛŋgɛ́yɔ́ intió nitíno na inni ɛ mba lɛ́ ɛ géŋgelenye oŋgɛ́yɔ́ yɔ́ɔyɔ. Naá ɛŋgɛ́yɔ́ moánɛ, bafɛanɔ́ɔ nitíno na bénni kɔ́ɔ ndukíi ndukíi, na bɛla bimmúmpúu, gɔnɔ́ ɛdóɛ yabɔ́ na modaada má góolo.
5Gobegime, ikelú na mbalámandáa mó mba lɛ́ mó húmene naá oŋgɛ́yɔ́. Naá busío bá oŋgɛ́yɔ́,
lámba ɛ́táanɔ na ɛ́handɛ́ sɛ́ mba lɛ́ sɛ́ lola,
sɛ́ sɛ́ lɔ́mɔ́ biliíli bá Asaŋa bɛ́táanɔ na bɛ́andɛ́#4.5 O bana, go eninye na Gihúmie 19.16; Esekíele 1.13; Sakalɛ́a 4.2..
6Hoóma háaha há mbaá lɔmɔ́ naá busío bá oŋgɛ́yɔ́, há mba lɛ́ aŋa máŋɛ́ seŋgélégédé.
Bigedie bɛgɔ́sɔ bínni na oŋgíso naá busío na naá nnyimé, bɛ́ mba lɛ́ bɛ́ géŋgelenye oŋgɛ́yɔ́ yɔ́ɔyɔ naá tɛ́mádɛ́má.
7Gigedie gɛgɔ́sɔ gá busío gɛ́ mba lɛ́ gɛ́ fóanana ŋgoyóŋo,
gá gáandɛ́ɛ gɛ́ fóanana gɛncɛlɛ gá gúlúge,
gá gádadɔ́ɔ gɛ́ mba lɛ́ na busío aŋa bá mɔtɔ,
gá génni, aŋa gɛnɔŋɔ gɛ́ ná lɛ́ go fueŋe#4.7 go big. 6-7 o bana, go eninye na Esekíele 1.22; 1.5-10; 10.14..
8Bigedie biimée bínni bɛ́ mba lɛ́ na ɛgɛ moánɛ na bɛbaga bɛ́táanɔ na gímmue, bɛbaga bɛ́ɛbɔ na oŋgíso naá mmoɛná na naá cí.
Bɛ́ ágana ɛsagɔ aŋa sisíi aŋa budúgú kanɛ tɔmbɛ́nɔ́ɔ bɛ́ amɔ́:
«Gimmúmpúu, Gimmúmpúu, Gimmúmpúu
Daadáa Asaŋa a lɛ́ bogaaga buimée,
Mɔ́ɔnyɔ a lɔ́mɔ́, mɔ́ɔnyɔ a mbaá lɔmɔ́, mɔ́ɔnyɔ a gɔnɔmɔ́ go úlene#4.8 O bana, go eninye na Esekíele 1.18; 10.12; Iseyíi 6.2-3.!»
9Nɔ́ɔ gɔ́ɔ, bɛ́ áganamɔ́ ɛsagɔ go go gúmenye, go go búlugenye, go go béhiigi mɔ́ɔnyɔ a lɔ́mɔ́ ndukíi naá oŋgɛ́yɔ́ yá bufuŋe, ɔ ɔyɔmɔ́ go magɛlɛ aá magɛlɛ.
10Ɛŋɛndɔ iŋkimée yɛ́ɛyɛ bɛ́ mbaá lɔmɔ́ bɛ́ ŋanana nɔ́ɔnɔ, bafɛanɔ́ɔ nitíno na bénni bá mba lɛ́ bá gule enúu naá busío bá mɔ́ɔnyɔ a lɔ́mɔ́ ndukíi naá oŋgɛ́yɔ́ yá bufuŋe,
bá búlugenye mɔ́ɔnyɔ ɔ ɔyɔmɔ́ go magɛlɛ aá magɛlɛ.
Bá nɔɔnɔnɔ modaada mábɔ́ naá busío bá oŋgɛ́yɔ́, bɛ́ ɛ́da bá gálagala bá amɔ́:
11«Daadáa Asaŋa bɛcɔ́, o háanana na nigúmi,
na mbúlugie na bogaaga,
goakɛ́ maamɔ́ɔ o mbaá gedíe moóma muimée;
go ndɛ́ga yahɔ gɔ́ɔ muimée mó mbaá bɛ́ɛ́mbá, mó báá bégedíe.»
Currently Selected:
Tóogio 4: YAS
Highlight
Share
Copy
Want to have your highlights saved across all your devices? Sign up or sign in
Tóogio 4
4
Bá búlugenye Asaŋa naá oŋgɛ́yɔ́ yɛ́hɛ́ naá mmoɛná
1Naá nnyimé hɔ́ɔlɔ́, gámɛ go ɛ́na gɛasɛ́ buunéelú naá mmoɛná, ukelú yá busío yɔ́ɔyɔ mmbaá dóáná go ɔ́bɔ yó dɔgɔnɔ aŋa cɛ́bá, gámɛ yó amɔ́: «Bólɛ́ga háalá, manɛ́ kanɛ́ kaá ná go dúfíe bɔ́ɔbɔ bó háananamɔ́ go bola naá nnyimé.» 2Hɔ́ɔ na hɔ́ɔ, Giliíli go kumbene, gámɛ go ɛ́na naá mmoɛná oŋgɛ́yɔ́ yá ufuŋe, naá oŋgɛ́yɔ́ moánɛ, mɔtɔ kɔ́ɔ ndukíi. 3Mɔtɔ mɔ́ɔnyɔ a mbaá lɔmɔ́ kɔ́ɔ ndukíi a mba lɛ́ a sána aŋa adánɛ́ yá ntɔ́nɔ yáaya bá dɔ́ŋɔnɔmɔ́ bá amɔ́ yásɛpɛ na saladóanɛ.
Ncancalɛ́ŋa yɛ́ɛyɛ ɛ mbaá lɔmɔ́ ɛ géŋgelenye oŋgɛ́yɔ́ ɛ mba lɛ́ ɛ sána aŋa ɛdánɛ́ ná ntɔ́nɔ nɛ́ɛnɛ bá dɔ́ŋɔnɔmɔ́ bá amɔ́ emelóode.#4.3 go big. 2-3 o bana, go eninye na Esekíele 1.26-28; 10.1 emelóode go ɛ́na 21.19-20.
4Ɛŋgɛ́yɔ́ intió nitíno na inni ɛ mba lɛ́ ɛ géŋgelenye oŋgɛ́yɔ́ yɔ́ɔyɔ. Naá ɛŋgɛ́yɔ́ moánɛ, bafɛanɔ́ɔ nitíno na bénni kɔ́ɔ ndukíi ndukíi, na bɛla bimmúmpúu, gɔnɔ́ ɛdóɛ yabɔ́ na modaada má góolo.
5Gobegime, ikelú na mbalámandáa mó mba lɛ́ mó húmene naá oŋgɛ́yɔ́. Naá busío bá oŋgɛ́yɔ́,
lámba ɛ́táanɔ na ɛ́handɛ́ sɛ́ mba lɛ́ sɛ́ lola,
sɛ́ sɛ́ lɔ́mɔ́ biliíli bá Asaŋa bɛ́táanɔ na bɛ́andɛ́#4.5 O bana, go eninye na Gihúmie 19.16; Esekíele 1.13; Sakalɛ́a 4.2..
6Hoóma háaha há mbaá lɔmɔ́ naá busío bá oŋgɛ́yɔ́, há mba lɛ́ aŋa máŋɛ́ seŋgélégédé.
Bigedie bɛgɔ́sɔ bínni na oŋgíso naá busío na naá nnyimé, bɛ́ mba lɛ́ bɛ́ géŋgelenye oŋgɛ́yɔ́ yɔ́ɔyɔ naá tɛ́mádɛ́má.
7Gigedie gɛgɔ́sɔ gá busío gɛ́ mba lɛ́ gɛ́ fóanana ŋgoyóŋo,
gá gáandɛ́ɛ gɛ́ fóanana gɛncɛlɛ gá gúlúge,
gá gádadɔ́ɔ gɛ́ mba lɛ́ na busío aŋa bá mɔtɔ,
gá génni, aŋa gɛnɔŋɔ gɛ́ ná lɛ́ go fueŋe#4.7 go big. 6-7 o bana, go eninye na Esekíele 1.22; 1.5-10; 10.14..
8Bigedie biimée bínni bɛ́ mba lɛ́ na ɛgɛ moánɛ na bɛbaga bɛ́táanɔ na gímmue, bɛbaga bɛ́ɛbɔ na oŋgíso naá mmoɛná na naá cí.
Bɛ́ ágana ɛsagɔ aŋa sisíi aŋa budúgú kanɛ tɔmbɛ́nɔ́ɔ bɛ́ amɔ́:
«Gimmúmpúu, Gimmúmpúu, Gimmúmpúu
Daadáa Asaŋa a lɛ́ bogaaga buimée,
Mɔ́ɔnyɔ a lɔ́mɔ́, mɔ́ɔnyɔ a mbaá lɔmɔ́, mɔ́ɔnyɔ a gɔnɔmɔ́ go úlene#4.8 O bana, go eninye na Esekíele 1.18; 10.12; Iseyíi 6.2-3.!»
9Nɔ́ɔ gɔ́ɔ, bɛ́ áganamɔ́ ɛsagɔ go go gúmenye, go go búlugenye, go go béhiigi mɔ́ɔnyɔ a lɔ́mɔ́ ndukíi naá oŋgɛ́yɔ́ yá bufuŋe, ɔ ɔyɔmɔ́ go magɛlɛ aá magɛlɛ.
10Ɛŋɛndɔ iŋkimée yɛ́ɛyɛ bɛ́ mbaá lɔmɔ́ bɛ́ ŋanana nɔ́ɔnɔ, bafɛanɔ́ɔ nitíno na bénni bá mba lɛ́ bá gule enúu naá busío bá mɔ́ɔnyɔ a lɔ́mɔ́ ndukíi naá oŋgɛ́yɔ́ yá bufuŋe,
bá búlugenye mɔ́ɔnyɔ ɔ ɔyɔmɔ́ go magɛlɛ aá magɛlɛ.
Bá nɔɔnɔnɔ modaada mábɔ́ naá busío bá oŋgɛ́yɔ́, bɛ́ ɛ́da bá gálagala bá amɔ́:
11«Daadáa Asaŋa bɛcɔ́, o háanana na nigúmi,
na mbúlugie na bogaaga,
goakɛ́ maamɔ́ɔ o mbaá gedíe moóma muimée;
go ndɛ́ga yahɔ gɔ́ɔ muimée mó mbaá bɛ́ɛ́mbá, mó báá bégedíe.»
Currently Selected:
:
Highlight
Share
Copy
Want to have your highlights saved across all your devices? Sign up or sign in