Meŋiigíe 23
23
Dogálɔ dá Póolo go go bɔ́bɔgɔbɔgɔ naá Nɛgála Nɛgɔ́nɔ́
1Kɔ́ɔ Póolo e éŋininemú batɔ bá Nɛgála Nɛgɔ́nɔ́ oŋgíso, go dúme dogálɔ a amɔ́: «Bolimóní bámɛ, naá gɛɔyɔ gámɛ gɛ́ɛgɛ na Asaŋa, odɛ́má yámɛ yó do koománɛ́náa go boóma gó nco húme ínoni.» 2Ananɛ́asɛ, ogɔ́nɔ́ɔ ba bedúmbí bɛbáágá naá Asaŋa, go íŋene batɔ bɛ́hɛ́ báaba bá mbaá lɔmɔ́ mekúígíi na Póolo bogaaga bá go mo góba go nyuudé. 3Póolo go mo gálɛda a amɔ́: «Asaŋa mɔ́ɔ a ná go góbamɔ́, maamɔ́ɔ gíkodóo gá nyonyí gɛ́ɛgɛ#23.3 O bana, go eninye na Mot 23.27-28.! O lɔ́mɔ́ ndukíi hɔ́ɔlɔ́ go go mbide aŋa Gicele gɛ́ oyamɔ́. Kanɛ́, gɔ́ɔgɔ gá goŋaá o ŋa aŋa Gicele gɛ́ɛgɔ gɛ́ oyamɔ́, o fáa bogaaga bá go kide.» 4Batɔ báaba bá mbaá lɔ́mɔ́ mekúígíi na Póolo go mo oyana bá amɔ́: «A lɔ́mɔ́ Ufuŋe yá bedúmbí bɛbáágá naá Asaŋa ba Asaŋa mɔ́nyɔ́ɔ o sɛgamɔ́.» 5Póolo go gundie a amɔ́: «Bolimóní bámɛ, cɛ báa lɛ ŋgíyimene goŋaá a lɔ́mɔ́ Ufuŋe yá bedúmbí bɛbáágá naá Asaŋa; goakɛ́ bó lɛ́ ɔ́ŋɔ́ɔlú goŋaá: “O do sɛmɛ́gánánáa go gálagala go dobɛ́ ufuŋe yá boɛ́nɔ báhɔ.”»
6Póolo a mba lɛ́ i íyimene a amɔ́ batɔ báaba bá mbaá lɔmɔ́ bábándɛ́gɛ́náalú bá mba lɛ́ biimbó bɛ́andɛ́ bɛ́ɛbɛ bɛ́ lɔ́mɔ́: Beseduseyéŋe na Befelisiéŋe; gɛ́hɛ́ go áncɛda naá tɛ́mádɛ́má ya Nɛgála Nɛgɔ́nɔ́ a amɔ́: «Bolimóní, yɔmɔ́ɔ ndɛ́ ba Béfelisiéŋe, moɔnɔ́ ba Béfelisiéŋe. Bolimóní, mbɛanana toodo odɛ́máa goŋaá begúe bá ŋga fúfúgé, go nɔ́ɔ gɔ́ɔ bá mbidemú.» 7Naá nnyimé ya dogálɔ dá Póolo dɔ́ɔdɔ, cuŋí go dómba go oba na Beseduseyéŋe na Befelisiéŋe, nɛganda nɛ́ báá báábɛ́dáná. 8Beseduseyéŋe bá lɛ́ batɔ báaba bó oyamɔ́ bá amɔ́ púfuge ya begúe ɛ dɛ báá, akɛ́ bɛɛ́ŋgɛlɛsɛ, akɛ́ biliíli, mó do báá; kanɛ́ Befelisiéŋe bɔ́ɔ bó olimonyo moóma mɔ́ɔmɔ muimée#23.8 Go ɛ́na Mot 22.23; Mél 12.18; Lók 20.27.. 9Gɛcooma gɛ́ báa lɛ gó bɛ́ɛmba gɛantáa; nɛnamá ná muloodio má gicele mɔ́ɔmɔ naá giimbó gá Befelisiéŋe go fadɛgɛna, go ɛ́da go éleninye na bogaaga bá amɔ́: «Dɛ dɛ ɛ́náná boóma bá gɛbɛ́ naá mɔtɔ mɔ́ɔnyɔ. Ádaga giliíli gímmue ɛ́na lí ɛ́ŋgɛlɛsɛ mɔ́ɔ a lɔ́mɔ́ mo gálɛ́dáalú.» 10Gɔ́ɔ cuŋí sɛ́ bɛ́ɛmbamɔ́ na bogaaga, gó báa ŋaáa goŋaá ogɔ́nɔ́ɔ ba bisimbi tɔ́sɛnɔ a bɛa bofoá goŋaá bɛ́ dɛ ɔbɔ́ɔ Póolo go bigísi. Gɔ́ɔ o oyanamɔ́ bisimbi bɛ́hɛ́ goŋaá bɛ́ ɛ́da bɔgɔ Póolo naá kadɛ́gadɛ́ɛ ya nɛganda, bá nco gunde nɛhɛ́ naá gɛgaaga gá nnyaŋá.
11Na budúgú bɔ́ɔbɔ, Daadáa go ɛ́nɛgɛna Póolo go mo oyana a amɔ́: «Bɛáa nigégé, o lɛ́ bɛ́ɛ́mbáalú udílímínyí bamɛ háalá naá Yolósalɛmɛ. Gó úhene tɔ́nɔ goŋaá go ɛ́da bɛ́ɛmba nɔ́ɔ naá Olóma.»
Beyúdene bá á gálɛ́ná Póolo ɛdɔgɛ
12Aŋa gó mbaá bélíe na gɛyɛ́nɛ́, Beyúdene go gála ɛdɔgɛ; hɔ́ɔ bá báá bálɛ́a bá báá bɔ́yɔmɛ́nɔ́ goŋaá bá dɛ nyáá bá dɛ bónyó boóma gó ɛ́da húme aŋa bá gaá nó óná Póolo. 13Batɔ báaba bá mbaá gódá ɛdɔgɛ hɛ́ɛhɔ bá mba lɛ́ bá dómbana otíno áhandɛ́. 14Kɔ́ɔ bɛ́ ɛ́damɔ́ naá bagɔ́nɔ́ɔ bá bedúmbí bɛbáágá naá Asaŋa na bafɛanɔ́ɔ, go bó oyana bá amɔ́: «Bɛɛcɔ́ɔ dɛ báa bálɛa dɛ báá bɔ́yɔmɛ́nɔ́ goŋaá dɛ dɛ gaá bédísídé boóma bá go nyáa ɛ́na akɛ́ bá go bónyo, aáŋa dɛ ga lɛ́ dɛ dɛ óná Póolo. 15Kanɛ́ bɛɛnyɔ́ɔ, go ufíno yá Nɛgála Nɛgɔ́nɔ́, úhúne nɔnɔ ogɔ́nɔ́ɔ ba bisimbi tɔ́sɛnɔ goŋaá a nyó úlene na Póolo. No ága gɛmbɛ́ná no amɔ́ no lɔ́mɔ́ goŋaá no gedie go ɛ́na gɛsɛnɛ gɛ́hɛ́ bese bese. Naá boayá bɛ́cɔ́, dɛ báa go bégedíe goŋaá dɛ gaá mo óná a gá lɛ́ a dɛ ncó bola háalá.»
16Kanɛ́ ombíeni yá Póolo go ɔ́bɔ bá gálagala ɛdɔgɛ hɛ́ɛhɔ; go ɛ́da go íŋene naá ɛgága a báá dóógínyóo Póolo. 17Póolo go dɔ́ŋɛnɔ ogɔ́nɔ́ɔ ummue ba bisimbi ntɛdɛ, go mo oyana a amɔ́: «Ɛ́dá na ohaŋa mɔ́ɔnyɔ naá ogɔ́nɔ́ɔ ba bisimbi tɔ́sɛnɔ, a bɛanana boóma bá go mo oyana.» 18Gisimbi gɛ́ɛgɔ go mo gɔ́lɔ a bɛ́ɛ ɛ́dá nɛhɛ́ naá ogɔ́nɔ́ɔ ba bisimbi ntɛdɛ. A á dandá a bola, a amɔ́: «Póolo ba Beyúdene mɔ́ɔnyɔ a lɔ́mɔ́ naá ncíbo ya gɛaŋɔ́ háalá a báa tɔ́ŋɛnɔ a báá ŋgúhúné goŋaá ŋgúle na ohaŋa mɔ́ɔnyɔ naá maamɔ́ɔ; a bɛanana boóma bá go go oyana.» 19Ogɔ́nɔ́ɔ go gɔ́lɔ ohaŋa go ombɔ́gɔ, a báá bɔ́gɔ́gɛ́dɔ́ nɛhɛ́; naá bɔ́ báandɛ́, go mo úhune a amɔ́: «O lɔ́mɔ́ nakɛ́ɛ gá go ŋgoyana o?» 20Ohaŋa go mo oyana a amɔ́: «Beyúdene bá báa húme ukelú goŋaá go ɛ́da nembeli na Póolo naá Nɛgála Nɛgɔ́nɔ́, gɛmbɛ́ná gábɔ́ goŋaá bá gedie go ɛ́na gɛsɛnɛ gɛ́hɛ́ bese bese. 21Kanɛ́ o do hóámá o do olímínyóo. Mammana, batɔ bá go dómba otíno áhandɛ́ naá olɔŋɔ yábɔ́ bá gaá bɔ́ɔ́sɛ́gɔ́, bá mo gɔ́lɔ naá bogaaga. Bá báa bálɛa bá báá bɔ́yɔmɛ́nɔ́ goŋaá bá dɛ gaá nyáá bá dɛ bónyó boóma aáŋa bá gá lɛ́ bá dɛ mo óná. Godɔ́ɔdɔ, bá báa na go bégedie, bá gɛ́ganamɔ́ goana kundíemú yahɔ.» 22Gɔ́ɔ ogɔ́nɔ́ɔ ba bisimbi tɔ́sɛnɔ aŋa a mbaá ŋá a báa go bébégidine ohaŋa goŋaá a dɛ hóámá a dɛ oyáná mɔtɔ boóma bɔ́ɔbɔ a ncomɔ́ mo dóoginyo, gɛ́hɛ́ go mo gundie na nnyimé.
Bá á dúmbíe Póolo naá Sɛsalɛ́ɛ
23Kɔ́ɔ ogɔ́nɔ́ɔ ba bisimbi tɔ́sɛnɔ a dɔ́ŋɛnɔmɔ́ bagɔ́nɔ́ɔ bá bisimbi ntɛdɛ ntɛdɛ bɛ́andɛ́, go bó oyana a amɔ́: «Bándɛ́gɛ́na nɔnɔ bisimbi mantɛdɛ máandɛ́, tɔ́nɔ na bisimbi bá nnyádɛ otíno ádadɔ́ na bɔ́ɔ́dɔ́, na batɔ bá ancɔŋɔ́ mantɛdɛ máandɛ́, no bɛ́ɛmba pɛnɛ́ɛ go go ɛ́da naá Sɛsalɛ́ɛ go bigúlí bɛ́nnámanyɛ́ na gímmue bá budúgú. 24No onda tɔ́nɔ nnyádɛ go busío bá Póolo, no ɛ́da bola nɛhɛ́ naá Ŋgɔ́mɔnɔ ba ogɔ́nɔ́ Féligisi, kanɛ boóma bá go mo ŋa gɛbɛ́ go pɛ́.» 25Gɛ́hɛ́ go mo ɔ́ŋɛnɔ kálata a amɔ́: 26«Yɔmɔ́ɔ, Kolóode Lɛ́sɛasɛ, ŋgaá bédíígíe Ŋgɔ́mɔnɔ ba ogɔ́nɔ́ Féligisi. 27Mɔtɔ mɔ́ɔnyɔ ko dómɛnamɔ́, Beyúdene bá lɛ́ mo gumbénéelú, bá báá ŋaáa bá amɔ́ bá mo óna. Gɔ́gɔ́ɔ ndɔ́mɔ́ mo bɔgɔ́ɔlú na bisimbi bámɛ aŋa mmbɔɔ́ ɔ́bɔ́ caá ɔ ɔ́bɛnɔnɔ na Olóma. 28Aŋa mmbaá lɔmɔ́ ndɛ́galɛga go íyime ɛkádɛ gɛ́ɛgɛ Beyúdene bá mbaá lɛ bá mo sɔ́mɛnɔnɔ go gɛ́, mbáa lɛ gó ɛ́da nɛhɛ́ naá Nɛgála Nɛgɔ́nɔ́ nábɔ́. 29Gámɛ go ɛ́na goŋaá bá mbaá lɛ bá mo sɔ́mɛnɔnɔ go masɔ́mɔ máama má mbaá lɔmɔ́ má núune gicele gábɔ́. Kanɛ́, a dɛ mbáa lɛ ŋaáalú gɛoba gá ŋaá bá mo óna ɛ́na lí bá mo ága naá ncíbo ya gɛaŋɔ́. 30Aŋa bá lɔ́mɔ́ tóógínyóolú goŋaá Beyúdene bá báá go mo gálɛna ɛdɔgɛ há go mo óna, gɔ́ɔ ko mo dómɛnamɔ́ fɛaŋɔ fɛaŋɔ, mbáá gundé mbúú úhúné tɔ́nɔ batɔ báaba bá mo sɔ́mɛnɔnɔmɔ́ goŋaá bú úle na gɛsɛnɛ moánɛ naá maamɔ́ɔ.»
31Bisimbi go ŋa gɔgɔ́ aŋa bá mbaá bɛ́ oyáná. Gá bɛ́ go gɔ́lɔ Póolo, bɛ́ bɛ́ɛ́ ɛndáa nɛhɛ́ budúgú buimée, go ɛ́da bola naá tɛ́sɔnɔ ya Antɛpatɛlɛ́ɛ. 32Aŋa gó mbaá bálá, bisimbi bá go ɛnda go cí bɛ́ báá gundé na nnyimé naá ɛgága, bɛ́ɛbɛ bá nnyádɛ bɛ́ báá dúmbényée na oŋɛndɔ, olɔŋɔ na Póolo. 33Aŋa bá mbɛɛ́ ɛ́dá bola naá Sɛsalɛ́ɛ, bisimbi bá nnyádɛ go íŋene Ŋgɔ́mɔnɔ ba ogɔ́nɔ́ Féligisi kálata, na póolo kɛ́. 34Ŋgɔ́mɔnɔ ba ogɔ́nɔ́ go bana kálata, go úhune Póolo gigísi gá cí gɛ́ɛgɛ ɛ ɛ́damɔ́ go úlene hɔ́ɔ. Aŋa a mbɔɔ́ ɔ́bɔ́ goŋaá ɛ ɛ́damɔ́ go úlene naá Silisíi, 35go mo oyana a amɔ́: «Aŋa batɔ báaba bá go sɔ́mɔnɔmɔ́ bá ná bolamɔ́, ndɛ go gálɛda gɛsɛnɛ gáhɔ.» Gɛ́hɛ́ go íŋene bogaaga bá go beŋebeŋe Póolo naá ndáŋɛ yɛ́ɛyɛ ufuŋe Elóode a mbaá fóágá.
Currently Selected:
Meŋiigíe 23: YAS
Highlight
Copy
Compare
Share
Want to have your highlights saved across all your devices? Sign up or sign in
Meŋiigíe 23
23
Dogálɔ dá Póolo go go bɔ́bɔgɔbɔgɔ naá Nɛgála Nɛgɔ́nɔ́
1Kɔ́ɔ Póolo e éŋininemú batɔ bá Nɛgála Nɛgɔ́nɔ́ oŋgíso, go dúme dogálɔ a amɔ́: «Bolimóní bámɛ, naá gɛɔyɔ gámɛ gɛ́ɛgɛ na Asaŋa, odɛ́má yámɛ yó do koománɛ́náa go boóma gó nco húme ínoni.» 2Ananɛ́asɛ, ogɔ́nɔ́ɔ ba bedúmbí bɛbáágá naá Asaŋa, go íŋene batɔ bɛ́hɛ́ báaba bá mbaá lɔmɔ́ mekúígíi na Póolo bogaaga bá go mo góba go nyuudé. 3Póolo go mo gálɛda a amɔ́: «Asaŋa mɔ́ɔ a ná go góbamɔ́, maamɔ́ɔ gíkodóo gá nyonyí gɛ́ɛgɛ#23.3 O bana, go eninye na Mot 23.27-28.! O lɔ́mɔ́ ndukíi hɔ́ɔlɔ́ go go mbide aŋa Gicele gɛ́ oyamɔ́. Kanɛ́, gɔ́ɔgɔ gá goŋaá o ŋa aŋa Gicele gɛ́ɛgɔ gɛ́ oyamɔ́, o fáa bogaaga bá go kide.» 4Batɔ báaba bá mbaá lɔ́mɔ́ mekúígíi na Póolo go mo oyana bá amɔ́: «A lɔ́mɔ́ Ufuŋe yá bedúmbí bɛbáágá naá Asaŋa ba Asaŋa mɔ́nyɔ́ɔ o sɛgamɔ́.» 5Póolo go gundie a amɔ́: «Bolimóní bámɛ, cɛ báa lɛ ŋgíyimene goŋaá a lɔ́mɔ́ Ufuŋe yá bedúmbí bɛbáágá naá Asaŋa; goakɛ́ bó lɛ́ ɔ́ŋɔ́ɔlú goŋaá: “O do sɛmɛ́gánánáa go gálagala go dobɛ́ ufuŋe yá boɛ́nɔ báhɔ.”»
6Póolo a mba lɛ́ i íyimene a amɔ́ batɔ báaba bá mbaá lɔmɔ́ bábándɛ́gɛ́náalú bá mba lɛ́ biimbó bɛ́andɛ́ bɛ́ɛbɛ bɛ́ lɔ́mɔ́: Beseduseyéŋe na Befelisiéŋe; gɛ́hɛ́ go áncɛda naá tɛ́mádɛ́má ya Nɛgála Nɛgɔ́nɔ́ a amɔ́: «Bolimóní, yɔmɔ́ɔ ndɛ́ ba Béfelisiéŋe, moɔnɔ́ ba Béfelisiéŋe. Bolimóní, mbɛanana toodo odɛ́máa goŋaá begúe bá ŋga fúfúgé, go nɔ́ɔ gɔ́ɔ bá mbidemú.» 7Naá nnyimé ya dogálɔ dá Póolo dɔ́ɔdɔ, cuŋí go dómba go oba na Beseduseyéŋe na Befelisiéŋe, nɛganda nɛ́ báá báábɛ́dáná. 8Beseduseyéŋe bá lɛ́ batɔ báaba bó oyamɔ́ bá amɔ́ púfuge ya begúe ɛ dɛ báá, akɛ́ bɛɛ́ŋgɛlɛsɛ, akɛ́ biliíli, mó do báá; kanɛ́ Befelisiéŋe bɔ́ɔ bó olimonyo moóma mɔ́ɔmɔ muimée#23.8 Go ɛ́na Mot 22.23; Mél 12.18; Lók 20.27.. 9Gɛcooma gɛ́ báa lɛ gó bɛ́ɛmba gɛantáa; nɛnamá ná muloodio má gicele mɔ́ɔmɔ naá giimbó gá Befelisiéŋe go fadɛgɛna, go ɛ́da go éleninye na bogaaga bá amɔ́: «Dɛ dɛ ɛ́náná boóma bá gɛbɛ́ naá mɔtɔ mɔ́ɔnyɔ. Ádaga giliíli gímmue ɛ́na lí ɛ́ŋgɛlɛsɛ mɔ́ɔ a lɔ́mɔ́ mo gálɛ́dáalú.» 10Gɔ́ɔ cuŋí sɛ́ bɛ́ɛmbamɔ́ na bogaaga, gó báa ŋaáa goŋaá ogɔ́nɔ́ɔ ba bisimbi tɔ́sɛnɔ a bɛa bofoá goŋaá bɛ́ dɛ ɔbɔ́ɔ Póolo go bigísi. Gɔ́ɔ o oyanamɔ́ bisimbi bɛ́hɛ́ goŋaá bɛ́ ɛ́da bɔgɔ Póolo naá kadɛ́gadɛ́ɛ ya nɛganda, bá nco gunde nɛhɛ́ naá gɛgaaga gá nnyaŋá.
11Na budúgú bɔ́ɔbɔ, Daadáa go ɛ́nɛgɛna Póolo go mo oyana a amɔ́: «Bɛáa nigégé, o lɛ́ bɛ́ɛ́mbáalú udílímínyí bamɛ háalá naá Yolósalɛmɛ. Gó úhene tɔ́nɔ goŋaá go ɛ́da bɛ́ɛmba nɔ́ɔ naá Olóma.»
Beyúdene bá á gálɛ́ná Póolo ɛdɔgɛ
12Aŋa gó mbaá bélíe na gɛyɛ́nɛ́, Beyúdene go gála ɛdɔgɛ; hɔ́ɔ bá báá bálɛ́a bá báá bɔ́yɔmɛ́nɔ́ goŋaá bá dɛ nyáá bá dɛ bónyó boóma gó ɛ́da húme aŋa bá gaá nó óná Póolo. 13Batɔ báaba bá mbaá gódá ɛdɔgɛ hɛ́ɛhɔ bá mba lɛ́ bá dómbana otíno áhandɛ́. 14Kɔ́ɔ bɛ́ ɛ́damɔ́ naá bagɔ́nɔ́ɔ bá bedúmbí bɛbáágá naá Asaŋa na bafɛanɔ́ɔ, go bó oyana bá amɔ́: «Bɛɛcɔ́ɔ dɛ báa bálɛa dɛ báá bɔ́yɔmɛ́nɔ́ goŋaá dɛ dɛ gaá bédísídé boóma bá go nyáa ɛ́na akɛ́ bá go bónyo, aáŋa dɛ ga lɛ́ dɛ dɛ óná Póolo. 15Kanɛ́ bɛɛnyɔ́ɔ, go ufíno yá Nɛgála Nɛgɔ́nɔ́, úhúne nɔnɔ ogɔ́nɔ́ɔ ba bisimbi tɔ́sɛnɔ goŋaá a nyó úlene na Póolo. No ága gɛmbɛ́ná no amɔ́ no lɔ́mɔ́ goŋaá no gedie go ɛ́na gɛsɛnɛ gɛ́hɛ́ bese bese. Naá boayá bɛ́cɔ́, dɛ báa go bégedíe goŋaá dɛ gaá mo óná a gá lɛ́ a dɛ ncó bola háalá.»
16Kanɛ́ ombíeni yá Póolo go ɔ́bɔ bá gálagala ɛdɔgɛ hɛ́ɛhɔ; go ɛ́da go íŋene naá ɛgága a báá dóógínyóo Póolo. 17Póolo go dɔ́ŋɛnɔ ogɔ́nɔ́ɔ ummue ba bisimbi ntɛdɛ, go mo oyana a amɔ́: «Ɛ́dá na ohaŋa mɔ́ɔnyɔ naá ogɔ́nɔ́ɔ ba bisimbi tɔ́sɛnɔ, a bɛanana boóma bá go mo oyana.» 18Gisimbi gɛ́ɛgɔ go mo gɔ́lɔ a bɛ́ɛ ɛ́dá nɛhɛ́ naá ogɔ́nɔ́ɔ ba bisimbi ntɛdɛ. A á dandá a bola, a amɔ́: «Póolo ba Beyúdene mɔ́ɔnyɔ a lɔ́mɔ́ naá ncíbo ya gɛaŋɔ́ háalá a báa tɔ́ŋɛnɔ a báá ŋgúhúné goŋaá ŋgúle na ohaŋa mɔ́ɔnyɔ naá maamɔ́ɔ; a bɛanana boóma bá go go oyana.» 19Ogɔ́nɔ́ɔ go gɔ́lɔ ohaŋa go ombɔ́gɔ, a báá bɔ́gɔ́gɛ́dɔ́ nɛhɛ́; naá bɔ́ báandɛ́, go mo úhune a amɔ́: «O lɔ́mɔ́ nakɛ́ɛ gá go ŋgoyana o?» 20Ohaŋa go mo oyana a amɔ́: «Beyúdene bá báa húme ukelú goŋaá go ɛ́da nembeli na Póolo naá Nɛgála Nɛgɔ́nɔ́, gɛmbɛ́ná gábɔ́ goŋaá bá gedie go ɛ́na gɛsɛnɛ gɛ́hɛ́ bese bese. 21Kanɛ́ o do hóámá o do olímínyóo. Mammana, batɔ bá go dómba otíno áhandɛ́ naá olɔŋɔ yábɔ́ bá gaá bɔ́ɔ́sɛ́gɔ́, bá mo gɔ́lɔ naá bogaaga. Bá báa bálɛa bá báá bɔ́yɔmɛ́nɔ́ goŋaá bá dɛ gaá nyáá bá dɛ bónyó boóma aáŋa bá gá lɛ́ bá dɛ mo óná. Godɔ́ɔdɔ, bá báa na go bégedie, bá gɛ́ganamɔ́ goana kundíemú yahɔ.» 22Gɔ́ɔ ogɔ́nɔ́ɔ ba bisimbi tɔ́sɛnɔ aŋa a mbaá ŋá a báa go bébégidine ohaŋa goŋaá a dɛ hóámá a dɛ oyáná mɔtɔ boóma bɔ́ɔbɔ a ncomɔ́ mo dóoginyo, gɛ́hɛ́ go mo gundie na nnyimé.
Bá á dúmbíe Póolo naá Sɛsalɛ́ɛ
23Kɔ́ɔ ogɔ́nɔ́ɔ ba bisimbi tɔ́sɛnɔ a dɔ́ŋɛnɔmɔ́ bagɔ́nɔ́ɔ bá bisimbi ntɛdɛ ntɛdɛ bɛ́andɛ́, go bó oyana a amɔ́: «Bándɛ́gɛ́na nɔnɔ bisimbi mantɛdɛ máandɛ́, tɔ́nɔ na bisimbi bá nnyádɛ otíno ádadɔ́ na bɔ́ɔ́dɔ́, na batɔ bá ancɔŋɔ́ mantɛdɛ máandɛ́, no bɛ́ɛmba pɛnɛ́ɛ go go ɛ́da naá Sɛsalɛ́ɛ go bigúlí bɛ́nnámanyɛ́ na gímmue bá budúgú. 24No onda tɔ́nɔ nnyádɛ go busío bá Póolo, no ɛ́da bola nɛhɛ́ naá Ŋgɔ́mɔnɔ ba ogɔ́nɔ́ Féligisi, kanɛ boóma bá go mo ŋa gɛbɛ́ go pɛ́.» 25Gɛ́hɛ́ go mo ɔ́ŋɛnɔ kálata a amɔ́: 26«Yɔmɔ́ɔ, Kolóode Lɛ́sɛasɛ, ŋgaá bédíígíe Ŋgɔ́mɔnɔ ba ogɔ́nɔ́ Féligisi. 27Mɔtɔ mɔ́ɔnyɔ ko dómɛnamɔ́, Beyúdene bá lɛ́ mo gumbénéelú, bá báá ŋaáa bá amɔ́ bá mo óna. Gɔ́gɔ́ɔ ndɔ́mɔ́ mo bɔgɔ́ɔlú na bisimbi bámɛ aŋa mmbɔɔ́ ɔ́bɔ́ caá ɔ ɔ́bɛnɔnɔ na Olóma. 28Aŋa mmbaá lɔmɔ́ ndɛ́galɛga go íyime ɛkádɛ gɛ́ɛgɛ Beyúdene bá mbaá lɛ bá mo sɔ́mɛnɔnɔ go gɛ́, mbáa lɛ gó ɛ́da nɛhɛ́ naá Nɛgála Nɛgɔ́nɔ́ nábɔ́. 29Gámɛ go ɛ́na goŋaá bá mbaá lɛ bá mo sɔ́mɛnɔnɔ go masɔ́mɔ máama má mbaá lɔmɔ́ má núune gicele gábɔ́. Kanɛ́, a dɛ mbáa lɛ ŋaáalú gɛoba gá ŋaá bá mo óna ɛ́na lí bá mo ága naá ncíbo ya gɛaŋɔ́. 30Aŋa bá lɔ́mɔ́ tóógínyóolú goŋaá Beyúdene bá báá go mo gálɛna ɛdɔgɛ há go mo óna, gɔ́ɔ ko mo dómɛnamɔ́ fɛaŋɔ fɛaŋɔ, mbáá gundé mbúú úhúné tɔ́nɔ batɔ báaba bá mo sɔ́mɛnɔnɔmɔ́ goŋaá bú úle na gɛsɛnɛ moánɛ naá maamɔ́ɔ.»
31Bisimbi go ŋa gɔgɔ́ aŋa bá mbaá bɛ́ oyáná. Gá bɛ́ go gɔ́lɔ Póolo, bɛ́ bɛ́ɛ́ ɛndáa nɛhɛ́ budúgú buimée, go ɛ́da bola naá tɛ́sɔnɔ ya Antɛpatɛlɛ́ɛ. 32Aŋa gó mbaá bálá, bisimbi bá go ɛnda go cí bɛ́ báá gundé na nnyimé naá ɛgága, bɛ́ɛbɛ bá nnyádɛ bɛ́ báá dúmbényée na oŋɛndɔ, olɔŋɔ na Póolo. 33Aŋa bá mbɛɛ́ ɛ́dá bola naá Sɛsalɛ́ɛ, bisimbi bá nnyádɛ go íŋene Ŋgɔ́mɔnɔ ba ogɔ́nɔ́ Féligisi kálata, na póolo kɛ́. 34Ŋgɔ́mɔnɔ ba ogɔ́nɔ́ go bana kálata, go úhune Póolo gigísi gá cí gɛ́ɛgɛ ɛ ɛ́damɔ́ go úlene hɔ́ɔ. Aŋa a mbɔɔ́ ɔ́bɔ́ goŋaá ɛ ɛ́damɔ́ go úlene naá Silisíi, 35go mo oyana a amɔ́: «Aŋa batɔ báaba bá go sɔ́mɔnɔmɔ́ bá ná bolamɔ́, ndɛ go gálɛda gɛsɛnɛ gáhɔ.» Gɛ́hɛ́ go íŋene bogaaga bá go beŋebeŋe Póolo naá ndáŋɛ yɛ́ɛyɛ ufuŋe Elóode a mbaá fóágá.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in