2 Kɔlɛ́ntɛ 2
2
1Naá bámɛ boayá, aáŋa ndɛ́ gedíelú goŋaá cɛ ncó gunde hɔ́ɔlɔ́, bó mbaá lɛ goŋaá cɛ ɛ́dánáa naá busío nnyó gídenine makánya má odɛ́má. 2Bó do báá goŋaá mɔ́ɔnyɔ a páananamɔ́ bɛyaŋa, mɔ́ɔ yɔmɔ́ɔ kɔnɔmɔ́ mo ágana makánya má odɛ́má. 3Kálata yamɛ yɛ́ɛyɛ mbɔɔ́ ɔ́ŋɔ́ cóá ɛ mbaá lɛ goŋaá, cɛ bolá hɔ́ɔlɔ́, cɛ gídé makánya má odɛ́má naá boayá bá báaba bá mbaá lɛ ba go páa bɛyaŋa. Ŋgíyimene bese goŋaá gɛcamɛna giimée gɛ́ɛgɛ ndɔ́mɔ́ naá bɛyaŋa, bɛɛnyɔ́ɔ tɔ́nɔ no lɛ́ naá bɛyaŋa. 4Ɛɛ́ɛŋ, na makánya má odɛ́má makɔ́nɔ́, na biósino dácɛ naá oŋgíso, gɔ́ɔ mbaá nyó ɔ́ŋɛ́nɔ́ kálata moánɛ, caá akɛ́ go go nyó ága makánya má odɛ́má, kanɛ́ bó mbaá lɛ go goŋaá no íyime no amɔ́ nnyó maamana makɔ́nɔ́.
Hééhínyée nɔnɔ mɔ́ɔnyɔ a lɔ́mɔ́ naá gɛoba
5Gɔ́ɔgɔ mɔtɔ ummue naá bɛɛnyɔ́ɔ a ŋamɔ́ boóma bá makánya má odɛ́má, bó do báá gámɛ, kanɛ́ bó lɔ́mɔ́ go bɛɛnyɔ́ɔ biimée, ɛ́na go nɛnamá ná batɔ naá olɔŋɔ yɛ́nyɔ́, go goŋaá dɛ dɛ bíísínyée go gálɛda. 6Go mbɔ́dɔ ya mɔtɔ aŋa yɛ́ɛyɔ nɔ́ɔnɔ, gocoomɛdɛna gɔ́ɔgɔ giimbó gɛ́ mo coomɛdɛnamɔ́ gó háanana. 7Naá nnyimé yɛ́ɛyɔ hɔ́ɔlɔ́, mo hééhínyéemú nɔnɔ, no mo gúluminye go goŋaá a dɛ dɔ́bɔ́ɔ ɛ ɛ́dana naá busío naá makánya má odɛ́má makɔ́nɔ́. 8Ŋgaá nyó úhúné kanɛ́ goŋaá no mo dúfie gɛnɔ́ɔ́nɛ́nɔ́ gɛ́ɛgɛ no lɔ́mɔ́ na gɛ́ naá boayá bɛ́hɛ́; 9goŋaá go nyó ɔ́ŋɛ́nɔ gɔ́ɔgɔ ndɔ́mɔ́ nyó ɔ́ŋɛ́nɔ́ɔlú, gó mbaá lɛ go go ɛ́na aáŋa no lɛ́ na ŋgɔ́bɛnɔ go boóma buimée. 10Kɔ́ɔ bó lɔ́mɔ́, uŋkimée mɔ́ɔnyɔ no mo héehinyemú, yɔmɔ́ɔ tɔ́nɔ mmo héehinye. Yɔmɔ́ɔ caá kéehinye goŋaá bó á bɛ́ɛ́mbá goŋaá kéehinye mɔtɔ go boóma bá gɛbɛ́, ŋŋananamɔ́ nɔ́ɔ go busío bɛ́nyɔ́ naá busío bá Kilítusu, 11Sátana a dɛ ɛ́yá ba go ɛ́na pɛ́ naá boayá bɛ́cɔ́, goakɛ́ dɛ íyimene moloolio mɛ́hɛ́ bese bese.
Póolo ɛ ɛ́ ɛ́dá naá Tolóasɛ
12Gɔ́ɔ ŋgɛ́damɔ́ bola naá Tolóasɛ go go dúmenye Gɛnɔ́gɔ́ gá Cɔ́mɔ gá Kilítusu hɔ́ɔ, kanɛ́ akɛ́ aŋa Daadáa a mbaá kedínyée pɛ́ ya buelí bámɛ hɔ́ɔ, 13ndɛ́ kanɛ go bɛ́ɛmba odɛ́má puu, goakɛ́ cɛ mbá gíde ondimóní bamɛ Tíite. Gɔ́ɔ mbó bédíigenyemú go go ádogana, mbáá gɔ́lɔ́ pɛ́ go go ɛ́dá naá Masɛdóanɛ#2.13 go big. 12-13: go ɛ́na naá Meŋ 20.1..
14Dɛ béhiigi Asaŋa mɔ́ɔnyɔ a có áganamɔ́ gɛcamɛna giimée naá gɛlɔŋɔlɔ́ŋɔ́ gá gɛmánɛgɛna gá Kilítusu; mɔ́ɔ mɔ́ɔnyɔ a yɔgɔnɔmɔ́ goŋaá dɛ sénigenye aŋa ofɔ́fɔ́ yá alabɛ́nda, goíyime gá Kilítusu naá cí iŋkimée. 15Mammana, dɛ lɛ́ go busío bá Asaŋa aŋa ofɔ́fɔ́ yá alabɛ́nda yá Kilítusu naá kadɛ́gadɛ́ɛ ya báaba bá lɔ́mɔ́ naá pɛ́ ya gisódio, na naá kadɛ́gadɛ́ɛ ya báaba bá lɔ́mɔ́ naá pɛ́ ya goyíme. 16Go báaba bá lɔ́mɔ́ naá pɛ́ ya go yíme, ofɔ́fɔ́ yɔ́ɔyɔ yó lɛ́ ofɔ́fɔ́ yá nigúe yɔ́ɔyɔ yó bó fúugenyemú; kanɛ́ go báaba bá lɔ́mɔ́ naá pɛ́ ya gisódio, ofɔ́fɔ́ yɔ́ɔyɔ yó lɛ́ ofɔ́fɔ́ yá gɛɔyɔ yɔ́ɔyɔ yó bó fáananamɔ́ gɛɔyɔ. Kɔ́ɔ, ánɛ́ɛ a lɔ́mɔ́ ba go bɛ́ɛmba naá odɛ́nɛ́ yá go yɔgɔnɔ buelí aŋa bɔ́ɔbɔ náana o? 17Bɛɛcɔ́ɔ dɛ dɛ báá kanɛ́ aŋa gɛca gá bóncodío gɛ́ɛgɛ gɛ́ lɔ́mɔ́ hɔ́ɔ go nobóda na nogálɔ ná Asaŋa; dɛ yɔgɔnɔ buelí bá Asaŋa na mammana iŋkimée, mɔ́ɔ a có fáananamɔ́ bogaaga, dɛ yɔgɔnɔ naá busío bɛ́hɛ́ naá gobálada gɔ́ɔgɔ na Kilítusu.
Currently Selected:
2 Kɔlɛ́ntɛ 2: YAS
Highlight
Copy
Compare
Share
Want to have your highlights saved across all your devices? Sign up or sign in
2 Kɔlɛ́ntɛ 2
2
1Naá bámɛ boayá, aáŋa ndɛ́ gedíelú goŋaá cɛ ncó gunde hɔ́ɔlɔ́, bó mbaá lɛ goŋaá cɛ ɛ́dánáa naá busío nnyó gídenine makánya má odɛ́má. 2Bó do báá goŋaá mɔ́ɔnyɔ a páananamɔ́ bɛyaŋa, mɔ́ɔ yɔmɔ́ɔ kɔnɔmɔ́ mo ágana makánya má odɛ́má. 3Kálata yamɛ yɛ́ɛyɛ mbɔɔ́ ɔ́ŋɔ́ cóá ɛ mbaá lɛ goŋaá, cɛ bolá hɔ́ɔlɔ́, cɛ gídé makánya má odɛ́má naá boayá bá báaba bá mbaá lɛ ba go páa bɛyaŋa. Ŋgíyimene bese goŋaá gɛcamɛna giimée gɛ́ɛgɛ ndɔ́mɔ́ naá bɛyaŋa, bɛɛnyɔ́ɔ tɔ́nɔ no lɛ́ naá bɛyaŋa. 4Ɛɛ́ɛŋ, na makánya má odɛ́má makɔ́nɔ́, na biósino dácɛ naá oŋgíso, gɔ́ɔ mbaá nyó ɔ́ŋɛ́nɔ́ kálata moánɛ, caá akɛ́ go go nyó ága makánya má odɛ́má, kanɛ́ bó mbaá lɛ go goŋaá no íyime no amɔ́ nnyó maamana makɔ́nɔ́.
Hééhínyée nɔnɔ mɔ́ɔnyɔ a lɔ́mɔ́ naá gɛoba
5Gɔ́ɔgɔ mɔtɔ ummue naá bɛɛnyɔ́ɔ a ŋamɔ́ boóma bá makánya má odɛ́má, bó do báá gámɛ, kanɛ́ bó lɔ́mɔ́ go bɛɛnyɔ́ɔ biimée, ɛ́na go nɛnamá ná batɔ naá olɔŋɔ yɛ́nyɔ́, go goŋaá dɛ dɛ bíísínyée go gálɛda. 6Go mbɔ́dɔ ya mɔtɔ aŋa yɛ́ɛyɔ nɔ́ɔnɔ, gocoomɛdɛna gɔ́ɔgɔ giimbó gɛ́ mo coomɛdɛnamɔ́ gó háanana. 7Naá nnyimé yɛ́ɛyɔ hɔ́ɔlɔ́, mo hééhínyéemú nɔnɔ, no mo gúluminye go goŋaá a dɛ dɔ́bɔ́ɔ ɛ ɛ́dana naá busío naá makánya má odɛ́má makɔ́nɔ́. 8Ŋgaá nyó úhúné kanɛ́ goŋaá no mo dúfie gɛnɔ́ɔ́nɛ́nɔ́ gɛ́ɛgɛ no lɔ́mɔ́ na gɛ́ naá boayá bɛ́hɛ́; 9goŋaá go nyó ɔ́ŋɛ́nɔ gɔ́ɔgɔ ndɔ́mɔ́ nyó ɔ́ŋɛ́nɔ́ɔlú, gó mbaá lɛ go go ɛ́na aáŋa no lɛ́ na ŋgɔ́bɛnɔ go boóma buimée. 10Kɔ́ɔ bó lɔ́mɔ́, uŋkimée mɔ́ɔnyɔ no mo héehinyemú, yɔmɔ́ɔ tɔ́nɔ mmo héehinye. Yɔmɔ́ɔ caá kéehinye goŋaá bó á bɛ́ɛ́mbá goŋaá kéehinye mɔtɔ go boóma bá gɛbɛ́, ŋŋananamɔ́ nɔ́ɔ go busío bɛ́nyɔ́ naá busío bá Kilítusu, 11Sátana a dɛ ɛ́yá ba go ɛ́na pɛ́ naá boayá bɛ́cɔ́, goakɛ́ dɛ íyimene moloolio mɛ́hɛ́ bese bese.
Póolo ɛ ɛ́ ɛ́dá naá Tolóasɛ
12Gɔ́ɔ ŋgɛ́damɔ́ bola naá Tolóasɛ go go dúmenye Gɛnɔ́gɔ́ gá Cɔ́mɔ gá Kilítusu hɔ́ɔ, kanɛ́ akɛ́ aŋa Daadáa a mbaá kedínyée pɛ́ ya buelí bámɛ hɔ́ɔ, 13ndɛ́ kanɛ go bɛ́ɛmba odɛ́má puu, goakɛ́ cɛ mbá gíde ondimóní bamɛ Tíite. Gɔ́ɔ mbó bédíigenyemú go go ádogana, mbáá gɔ́lɔ́ pɛ́ go go ɛ́dá naá Masɛdóanɛ#2.13 go big. 12-13: go ɛ́na naá Meŋ 20.1..
14Dɛ béhiigi Asaŋa mɔ́ɔnyɔ a có áganamɔ́ gɛcamɛna giimée naá gɛlɔŋɔlɔ́ŋɔ́ gá gɛmánɛgɛna gá Kilítusu; mɔ́ɔ mɔ́ɔnyɔ a yɔgɔnɔmɔ́ goŋaá dɛ sénigenye aŋa ofɔ́fɔ́ yá alabɛ́nda, goíyime gá Kilítusu naá cí iŋkimée. 15Mammana, dɛ lɛ́ go busío bá Asaŋa aŋa ofɔ́fɔ́ yá alabɛ́nda yá Kilítusu naá kadɛ́gadɛ́ɛ ya báaba bá lɔ́mɔ́ naá pɛ́ ya gisódio, na naá kadɛ́gadɛ́ɛ ya báaba bá lɔ́mɔ́ naá pɛ́ ya goyíme. 16Go báaba bá lɔ́mɔ́ naá pɛ́ ya go yíme, ofɔ́fɔ́ yɔ́ɔyɔ yó lɛ́ ofɔ́fɔ́ yá nigúe yɔ́ɔyɔ yó bó fúugenyemú; kanɛ́ go báaba bá lɔ́mɔ́ naá pɛ́ ya gisódio, ofɔ́fɔ́ yɔ́ɔyɔ yó lɛ́ ofɔ́fɔ́ yá gɛɔyɔ yɔ́ɔyɔ yó bó fáananamɔ́ gɛɔyɔ. Kɔ́ɔ, ánɛ́ɛ a lɔ́mɔ́ ba go bɛ́ɛmba naá odɛ́nɛ́ yá go yɔgɔnɔ buelí aŋa bɔ́ɔbɔ náana o? 17Bɛɛcɔ́ɔ dɛ dɛ báá kanɛ́ aŋa gɛca gá bóncodío gɛ́ɛgɛ gɛ́ lɔ́mɔ́ hɔ́ɔ go nobóda na nogálɔ ná Asaŋa; dɛ yɔgɔnɔ buelí bá Asaŋa na mammana iŋkimée, mɔ́ɔ a có fáananamɔ́ bogaaga, dɛ yɔgɔnɔ naá busío bɛ́hɛ́ naá gobálada gɔ́ɔgɔ na Kilítusu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in