1 Sáŋa 2
2
Gɛnɔ́ɔ́nɛ́nɔ́ gá bulimóní
1Baaná bámɛ, nnyó ɔ́ŋɔnɔmɔ́ moóma mɔ́ɔmɔ goŋaá no do lɔgɔ́ɔ. Akɛ́ nɔ́ɔnɔ, mɔtɔ a amɔ́ a lɔgɔ, dɛ bɛanana ombéfífí naá boayá bá Baaba, a lɔ́mɔ́ Yésu Kilítu, gɛtɛ́nɛ́ɛ gá mɔtɔ. 2Mɔ́ɔ moatɛ́ a mbaá bííŋéné go gɛbáágá go ihéehinye há bɛlɔgɔ bɛ́cɔ́, caá akɛ́ goana go bɛ́ɛbɛ bɛ́cɔ́, kanɛ́ tɔ́nɔ go bɛ́ɛbɛ bá batɔ biimée naá cí. 3Kɔ́ɔ bó lɔ́mɔ́, dɛ amɔ́ dɛ bɛ́dɛgana bicele bá Asaŋa, dɛ lɛncana dɛ amɔ́ dɛ mo íyimene. 4Mɔtɔ a amɔ́ o oyɛda a amɔ́: «Ŋgíyimene Kilítusu», kanɛ́ a lɔbɛnɔ a dɛ gumbéné bicele bá Asaŋa, mɔ́ɔnyɔ moánɛ a lɛ́ umbelíbélí, mammana ɛ dɛ báá naá mɔ́ɔ. 5Kanɛ́ mɔ́ɔnyɔ a bɛ́dɛganamɔ́ nogálɔ ná Asaŋa, a dúfenye mammana goŋaá a maamana Asaŋa na odɛ́má uŋkimée. Nɔ́ɔnɔ, dɛ íyimene dɛ amɔ́ dɛ lɛ́ báladáalú nɛhɛ́. 6Mɔ́ɔnyɔ o oyɛdamɔ́ a amɔ́ a lɛ́ báladáalú na Kilítusu, a háanana go ɔyɔ aŋa mɔ́ɔ a mbɔɔ́ ɔyɔ́ɔ.
7Bolimóní bámɛ bá odɛ́má, bó do báá gɛpáa gá gɛlɔsɛnɔ gɛ́ nnyó ɔ́ŋɔnɔmɔ́, gɛ́ lɛ́ gá cóá, no mba gɛ́ bɛáa fueké naá mabayɛga#2.7 Go ɛ́na Sáŋ 13.34.. Gɛcóa gá gɛlɔsɛnɔ moánɛ gɛ́ lɔ́mɔ́ Nogálɔ mɔ́ɔnyɔ no mbɔɔ́ ɔ́bɔ́. 8Akɛ́ɛ nɔ́ɔnɔ, bó lɛ́ gɛpáa gá gɛlɔsɛnɔ gɛ́ nnyó ɔ́ŋɔnɔmɔ́; gɛ́ lɛ́ mammana naá Yésusu, gɛ́ lɛ́ tɔ́nɔ mammana go busío bɛ́nyɔ́, goakɛ́ mbíno ɛ dómbana, mammana ya gise yɛ́ ɛ ná lɛ́ go sána.
9Mɔtɔ mɔ́ɔnyɔ o oyɛdamɔ́ a amɔ́, mɔ́ɔ a lɛ́ naá gise, gɔ́ɔ mɔ́ɔ a bɛlabɛla bolimóní, a gɔ́ ɔyɔ naá mbíno. 10Mɔ́ɔnyɔ a maamanamɔ́ bolimóní, a gɛ́ga naá gise, boóma bá go mo ubie bó do báá. 11Kanɛ́ mɔtɔ a amɔ́ a bɛlabɛla bolimóní, a lɛ́ naá mbíno gadɛ́ɛ; ɛ ɛnda kɔ́ɔ kanɛ go íyime anáa ɛ ɛ́danamɔ́, goakɛ́ mbíno ɛ báá go mo ága bibúde.
No do lɛ́gá moóma má cí
12Baaná, ŋgaá nyó ɔ́ŋɛ́nɔ́ caá, Asaŋa a mba hééhínyée bɛlɔgɔ bɛ́nyɔ́ go busío bá ufíno yá Yésu Kilítu. 13Bagɔ́nɔ́, ŋgaá nyó ɔ́ŋɛ́nɔ́ caá, no íyimene mɔ́ɔnyɔ a mbaá lɛ hɔ́ɔ naá mabayɛga má boóma buimée.
Bɛtɔmbɔ́ɔ, ŋgaá nyó ɔ́ŋɛ́nɔ́ caá, no lɛ́ mánɛ́gɛ́náalú Ohándá.
14Baaná, ŋgaá nyó ɔ́ŋɛ́nɔ́ kanɛ́ caá, no íyimene Baaba. Bagɔ́nɔ́, ŋgaá nyó ɔ́ŋɛ́nɔ́ caá, no íyimene mɔ́ɔnyɔ a mbaá lɛ hɔ́ɔ naá mabayɛga má boóma buimée. Bɛtɔmbɔ́ɔ, ŋgaá nyó ɔ́ŋɛ́nɔ́ caá, no lɛ́ bɛgaaga: Nogálɔ ba Asaŋa a gɛ́ga nɛnyɔ́, no báá mánɛ́gɛ́ná Ohándá. 15No do lɛ́gá cí akɛ́ na buimée bɔ́ɔbɔ bó lɔ́mɔ́ bá cí. Mɔtɔ a amɔ́ a lɛ́ga cí, nɔ́ɔnɔ gó dúfenye goŋaá a dɛ maamánáa Baaba, 16goakɛ́ buimée bɔ́ɔbɔ bó lɔ́mɔ́ bá cí aŋa: moóma mɔ́ɔmɔ mɔtɔ a húmenyemú odɛ́má go mɔ́ɔ, mbééníŋínyí ya go bɛa buimée bɔ́ɔbɔ oŋgíso yá báá nɛ́ ɛ́ná, bogaya bɔ́ɔbɔ bonɔ́mɛ bá cí bó úlenemú na bɔ́; muimée mɔ́ɔmɔ, caá akɛ́ naá Baaba gɔ́ɔ mó ɛ́damɔ́ go úlene, mó ɛ́damɔ́ go úlene naá cí. 17Cí ɛ dómbana na moóma muimée mɔ́ɔmɔ mɔtɔ a húmenyemú odɛ́má go mɔ́. Kanɛ́ mɔ́ɔnyɔ a ŋananamɔ́ bɔ́ɔbɔ Asaŋa a lɛ́galɛgamɔ́ ɔ ɔyɔ go busío buimée.
Babɛlɔ́bɛlɔ bá Kilítusu
18Baaná bámɛ, medúgú má mesúgudinye má ná lɛ́ mekúígíi; no mbɔ ɔ́bɔ́ bó oya bá amɔ́ Obɛlɔ́bɛlɔ ummue ba Kilítusu u úlene. Kɔ́ɔ godɔ́ɔdɔ, gɛca gá babɛlɔ́bɛlɔ bá Kilítusu gɛ́ báá go húmene. Nɔ́ɔnɔ dɛ lɛncana dɛ amɔ́ medúgú má gosúgudinye má ná lɛ́ mekúígíi#2.18 O bana, go eninye na Mot 24.5,23-24; Mél 13.21-22.. 19Bɔ́ɔbɔ moánɛ, bá mbu úlúkíe naá olɔŋɔ yɛ́cɔ́, kanɛ́ bá dɛ mbáa lɛ mammana nɛcɔ́. Mammana, aáŋa bá mba lɛ́ nɛcɔ́, gásɛ́ bá lɛ́ kanɛ go ɛ́da hoóma. Kanɛ́ gɔ́ɔgɔ bá mbuú úlúkíe, bó mba dúfíe dáŋɛ́daŋɛ goŋaá akɛ́ ummue babɔ́ a dɛ mbáa lɛ olɔŋɔ nɛcɔ́. 20Kɔ́ɔ bɛɛnyɔ́ɔ, no mba bɛáa Gimmúmpúu gá Giliíli mɔ́ɔnyɔ Kilítusu a mbaá nyó sugúnénée, nɔ́ɔnɔ, no íyimene bɛɛnyɔ́ɔ biimée mammana.
21Cɛ nyó ɔ́ŋɔ́nɔ́ɔ caá no do íyíménée mammana, bó lɔ́mɔ́ goŋaá no yɛ íyimene, no gɔnɔ go íyimene goŋaá akɛ́ mbele ya mmue ɛ dɛ úlénée naá mammana. 22Umbelíbélí kanɛ́ a lɔ́mɔ́ ánɛ́ɛ o? A lɔ́mɔ́ mɔ́ɔnyɔ o oyamɔ́ daŋɛ́daŋɛ a amɔ́: Yésusu a dɛ báá Kilítusu. Mɔ́ɔnyɔ mɔ́ɔ a lɔ́mɔ́ kanɛ́ obɛlɔ́bɛlɔ ummue ba Kilítusu; a sáŋona olɔŋɔ yúmmue Isée na Moɔnɔ́.
23Uŋkimée mɔ́ɔnyɔ a básáŋonamɔ́ Moɔnɔ́, a dɛ íyíménée Isée; mɔ́ɔnyɔ a gɛ́ndɛgɛnamɔ́ Moɔnɔ́ i íyimene tɔ́nɔ Isée#2.23 O bana, go eninye na Mot 11.27; Sáŋ 5.23; 15.23.. 24Kanɛ́ go busío bɛ́nyɔ́, bɛ́dɛ́gɛ́na nɔnɔ naá odɛ́má cɔ́mɔ yɛ́ɛyɛ no mbɔɔ́ ɔ́bɔ́ gó dúme naá mabayɛga. No amɔ́ no yɛ bɛ́dɛgɛna naá odɛ́má, no ŋga lɔbɛ́nɔ́ bɛɛnyɔ́ɔ tɔ́nɔ báladáalú naá Moɔnɔ́ na naá Isée. 25Tánɔ yɛ́ɛyɛ Kilítusu a mbaá có dánɛ́ná ɛ lɔ́mɔ́ gɛɔyɔ gá kanɛ mesúge.
26Boóma bɔ́ɔbɔ ŋgaá ná lɔmɔ́ caá nnyó ɔ́ŋɛnɔ go báaba bá fúmbemú go nyó nenie bɔ́bɔ́ɔ. 27Kanɛ́ go busío bɛ́nyɔ́, Gimmúmpúu gá Giliíli mɔ́ɔnyɔ Kilítusu a lɔ́mɔ́ nyó sugúnénéelú, a gɛ́ga naá bɛɛnyɔ́ɔ. Nɔ́ɔnɔ, no do báá ncaná goŋaá bá gɔnɔ nyó húunenye. Gimmúmpúu gá Giliíli a nyó témbugenye boóma buimée, a húunenye mammana, kanɛ́ caá akɛ́ mbele. Go busío bá ndiemi, gɛ́gáa nɔnɔ báladáalú naá Kilítusu aŋa gɔ́ɔgɔ Giliíli a lɔ́mɔ́ nyó húúnényéelú.
Dɛ lɛ́ baaná bá Asaŋa
28Kɔ́ɔ godɔ́ɔdɔ, baaná bámɛ, gɛ́gáa nɔnɔ báladáalú na Kilítusu goŋaá naá goncogunde gɛ́hɛ́, dɛ bɛ́ɛmba na toodo odɛ́máa iŋkimée, odóɛ gonóa yó do có gumbéné, yó có ídie halaháláa nɛhɛ́. 29Aŋa gɔ́ɔgɔ no íyimenemú goŋaá Kilítusu a lɛ́ gɛtɛ́nɛ́ɛ, no háanana tɔ́nɔ go íyime no amɔ́: uŋkimée mɔ́ɔnyɔ a ŋananamɔ́ tɔ́nɔ meŋiigíe má botɛ́nɛ́ɛ a lɛ́ moɔnɔ́ ba Asaŋa.
Currently Selected:
1 Sáŋa 2: YAS
Highlight
Share
Copy
Want to have your highlights saved across all your devices? Sign up or sign in
1 Sáŋa 2
2
Gɛnɔ́ɔ́nɛ́nɔ́ gá bulimóní
1Baaná bámɛ, nnyó ɔ́ŋɔnɔmɔ́ moóma mɔ́ɔmɔ goŋaá no do lɔgɔ́ɔ. Akɛ́ nɔ́ɔnɔ, mɔtɔ a amɔ́ a lɔgɔ, dɛ bɛanana ombéfífí naá boayá bá Baaba, a lɔ́mɔ́ Yésu Kilítu, gɛtɛ́nɛ́ɛ gá mɔtɔ. 2Mɔ́ɔ moatɛ́ a mbaá bííŋéné go gɛbáágá go ihéehinye há bɛlɔgɔ bɛ́cɔ́, caá akɛ́ goana go bɛ́ɛbɛ bɛ́cɔ́, kanɛ́ tɔ́nɔ go bɛ́ɛbɛ bá batɔ biimée naá cí. 3Kɔ́ɔ bó lɔ́mɔ́, dɛ amɔ́ dɛ bɛ́dɛgana bicele bá Asaŋa, dɛ lɛncana dɛ amɔ́ dɛ mo íyimene. 4Mɔtɔ a amɔ́ o oyɛda a amɔ́: «Ŋgíyimene Kilítusu», kanɛ́ a lɔbɛnɔ a dɛ gumbéné bicele bá Asaŋa, mɔ́ɔnyɔ moánɛ a lɛ́ umbelíbélí, mammana ɛ dɛ báá naá mɔ́ɔ. 5Kanɛ́ mɔ́ɔnyɔ a bɛ́dɛganamɔ́ nogálɔ ná Asaŋa, a dúfenye mammana goŋaá a maamana Asaŋa na odɛ́má uŋkimée. Nɔ́ɔnɔ, dɛ íyimene dɛ amɔ́ dɛ lɛ́ báladáalú nɛhɛ́. 6Mɔ́ɔnyɔ o oyɛdamɔ́ a amɔ́ a lɛ́ báladáalú na Kilítusu, a háanana go ɔyɔ aŋa mɔ́ɔ a mbɔɔ́ ɔyɔ́ɔ.
7Bolimóní bámɛ bá odɛ́má, bó do báá gɛpáa gá gɛlɔsɛnɔ gɛ́ nnyó ɔ́ŋɔnɔmɔ́, gɛ́ lɛ́ gá cóá, no mba gɛ́ bɛáa fueké naá mabayɛga#2.7 Go ɛ́na Sáŋ 13.34.. Gɛcóa gá gɛlɔsɛnɔ moánɛ gɛ́ lɔ́mɔ́ Nogálɔ mɔ́ɔnyɔ no mbɔɔ́ ɔ́bɔ́. 8Akɛ́ɛ nɔ́ɔnɔ, bó lɛ́ gɛpáa gá gɛlɔsɛnɔ gɛ́ nnyó ɔ́ŋɔnɔmɔ́; gɛ́ lɛ́ mammana naá Yésusu, gɛ́ lɛ́ tɔ́nɔ mammana go busío bɛ́nyɔ́, goakɛ́ mbíno ɛ dómbana, mammana ya gise yɛ́ ɛ ná lɛ́ go sána.
9Mɔtɔ mɔ́ɔnyɔ o oyɛdamɔ́ a amɔ́, mɔ́ɔ a lɛ́ naá gise, gɔ́ɔ mɔ́ɔ a bɛlabɛla bolimóní, a gɔ́ ɔyɔ naá mbíno. 10Mɔ́ɔnyɔ a maamanamɔ́ bolimóní, a gɛ́ga naá gise, boóma bá go mo ubie bó do báá. 11Kanɛ́ mɔtɔ a amɔ́ a bɛlabɛla bolimóní, a lɛ́ naá mbíno gadɛ́ɛ; ɛ ɛnda kɔ́ɔ kanɛ go íyime anáa ɛ ɛ́danamɔ́, goakɛ́ mbíno ɛ báá go mo ága bibúde.
No do lɛ́gá moóma má cí
12Baaná, ŋgaá nyó ɔ́ŋɛ́nɔ́ caá, Asaŋa a mba hééhínyée bɛlɔgɔ bɛ́nyɔ́ go busío bá ufíno yá Yésu Kilítu. 13Bagɔ́nɔ́, ŋgaá nyó ɔ́ŋɛ́nɔ́ caá, no íyimene mɔ́ɔnyɔ a mbaá lɛ hɔ́ɔ naá mabayɛga má boóma buimée.
Bɛtɔmbɔ́ɔ, ŋgaá nyó ɔ́ŋɛ́nɔ́ caá, no lɛ́ mánɛ́gɛ́náalú Ohándá.
14Baaná, ŋgaá nyó ɔ́ŋɛ́nɔ́ kanɛ́ caá, no íyimene Baaba. Bagɔ́nɔ́, ŋgaá nyó ɔ́ŋɛ́nɔ́ caá, no íyimene mɔ́ɔnyɔ a mbaá lɛ hɔ́ɔ naá mabayɛga má boóma buimée. Bɛtɔmbɔ́ɔ, ŋgaá nyó ɔ́ŋɛ́nɔ́ caá, no lɛ́ bɛgaaga: Nogálɔ ba Asaŋa a gɛ́ga nɛnyɔ́, no báá mánɛ́gɛ́ná Ohándá. 15No do lɛ́gá cí akɛ́ na buimée bɔ́ɔbɔ bó lɔ́mɔ́ bá cí. Mɔtɔ a amɔ́ a lɛ́ga cí, nɔ́ɔnɔ gó dúfenye goŋaá a dɛ maamánáa Baaba, 16goakɛ́ buimée bɔ́ɔbɔ bó lɔ́mɔ́ bá cí aŋa: moóma mɔ́ɔmɔ mɔtɔ a húmenyemú odɛ́má go mɔ́ɔ, mbééníŋínyí ya go bɛa buimée bɔ́ɔbɔ oŋgíso yá báá nɛ́ ɛ́ná, bogaya bɔ́ɔbɔ bonɔ́mɛ bá cí bó úlenemú na bɔ́; muimée mɔ́ɔmɔ, caá akɛ́ naá Baaba gɔ́ɔ mó ɛ́damɔ́ go úlene, mó ɛ́damɔ́ go úlene naá cí. 17Cí ɛ dómbana na moóma muimée mɔ́ɔmɔ mɔtɔ a húmenyemú odɛ́má go mɔ́. Kanɛ́ mɔ́ɔnyɔ a ŋananamɔ́ bɔ́ɔbɔ Asaŋa a lɛ́galɛgamɔ́ ɔ ɔyɔ go busío buimée.
Babɛlɔ́bɛlɔ bá Kilítusu
18Baaná bámɛ, medúgú má mesúgudinye má ná lɛ́ mekúígíi; no mbɔ ɔ́bɔ́ bó oya bá amɔ́ Obɛlɔ́bɛlɔ ummue ba Kilítusu u úlene. Kɔ́ɔ godɔ́ɔdɔ, gɛca gá babɛlɔ́bɛlɔ bá Kilítusu gɛ́ báá go húmene. Nɔ́ɔnɔ dɛ lɛncana dɛ amɔ́ medúgú má gosúgudinye má ná lɛ́ mekúígíi#2.18 O bana, go eninye na Mot 24.5,23-24; Mél 13.21-22.. 19Bɔ́ɔbɔ moánɛ, bá mbu úlúkíe naá olɔŋɔ yɛ́cɔ́, kanɛ́ bá dɛ mbáa lɛ mammana nɛcɔ́. Mammana, aáŋa bá mba lɛ́ nɛcɔ́, gásɛ́ bá lɛ́ kanɛ go ɛ́da hoóma. Kanɛ́ gɔ́ɔgɔ bá mbuú úlúkíe, bó mba dúfíe dáŋɛ́daŋɛ goŋaá akɛ́ ummue babɔ́ a dɛ mbáa lɛ olɔŋɔ nɛcɔ́. 20Kɔ́ɔ bɛɛnyɔ́ɔ, no mba bɛáa Gimmúmpúu gá Giliíli mɔ́ɔnyɔ Kilítusu a mbaá nyó sugúnénée, nɔ́ɔnɔ, no íyimene bɛɛnyɔ́ɔ biimée mammana.
21Cɛ nyó ɔ́ŋɔ́nɔ́ɔ caá no do íyíménée mammana, bó lɔ́mɔ́ goŋaá no yɛ íyimene, no gɔnɔ go íyimene goŋaá akɛ́ mbele ya mmue ɛ dɛ úlénée naá mammana. 22Umbelíbélí kanɛ́ a lɔ́mɔ́ ánɛ́ɛ o? A lɔ́mɔ́ mɔ́ɔnyɔ o oyamɔ́ daŋɛ́daŋɛ a amɔ́: Yésusu a dɛ báá Kilítusu. Mɔ́ɔnyɔ mɔ́ɔ a lɔ́mɔ́ kanɛ́ obɛlɔ́bɛlɔ ummue ba Kilítusu; a sáŋona olɔŋɔ yúmmue Isée na Moɔnɔ́.
23Uŋkimée mɔ́ɔnyɔ a básáŋonamɔ́ Moɔnɔ́, a dɛ íyíménée Isée; mɔ́ɔnyɔ a gɛ́ndɛgɛnamɔ́ Moɔnɔ́ i íyimene tɔ́nɔ Isée#2.23 O bana, go eninye na Mot 11.27; Sáŋ 5.23; 15.23.. 24Kanɛ́ go busío bɛ́nyɔ́, bɛ́dɛ́gɛ́na nɔnɔ naá odɛ́má cɔ́mɔ yɛ́ɛyɛ no mbɔɔ́ ɔ́bɔ́ gó dúme naá mabayɛga. No amɔ́ no yɛ bɛ́dɛgɛna naá odɛ́má, no ŋga lɔbɛ́nɔ́ bɛɛnyɔ́ɔ tɔ́nɔ báladáalú naá Moɔnɔ́ na naá Isée. 25Tánɔ yɛ́ɛyɛ Kilítusu a mbaá có dánɛ́ná ɛ lɔ́mɔ́ gɛɔyɔ gá kanɛ mesúge.
26Boóma bɔ́ɔbɔ ŋgaá ná lɔmɔ́ caá nnyó ɔ́ŋɛnɔ go báaba bá fúmbemú go nyó nenie bɔ́bɔ́ɔ. 27Kanɛ́ go busío bɛ́nyɔ́, Gimmúmpúu gá Giliíli mɔ́ɔnyɔ Kilítusu a lɔ́mɔ́ nyó sugúnénéelú, a gɛ́ga naá bɛɛnyɔ́ɔ. Nɔ́ɔnɔ, no do báá ncaná goŋaá bá gɔnɔ nyó húunenye. Gimmúmpúu gá Giliíli a nyó témbugenye boóma buimée, a húunenye mammana, kanɛ́ caá akɛ́ mbele. Go busío bá ndiemi, gɛ́gáa nɔnɔ báladáalú naá Kilítusu aŋa gɔ́ɔgɔ Giliíli a lɔ́mɔ́ nyó húúnényéelú.
Dɛ lɛ́ baaná bá Asaŋa
28Kɔ́ɔ godɔ́ɔdɔ, baaná bámɛ, gɛ́gáa nɔnɔ báladáalú na Kilítusu goŋaá naá goncogunde gɛ́hɛ́, dɛ bɛ́ɛmba na toodo odɛ́máa iŋkimée, odóɛ gonóa yó do có gumbéné, yó có ídie halaháláa nɛhɛ́. 29Aŋa gɔ́ɔgɔ no íyimenemú goŋaá Kilítusu a lɛ́ gɛtɛ́nɛ́ɛ, no háanana tɔ́nɔ go íyime no amɔ́: uŋkimée mɔ́ɔnyɔ a ŋananamɔ́ tɔ́nɔ meŋiigíe má botɛ́nɛ́ɛ a lɛ́ moɔnɔ́ ba Asaŋa.
Currently Selected:
:
Highlight
Share
Copy
Want to have your highlights saved across all your devices? Sign up or sign in