SOFONÍAS 3
3
Jerusalenpi causajcunapaj juchata perdonashami nishcamanta
1Juchahuan mapayashpa causacuj, huajchacunata llaquichij Jerusalén pueblopi causajcunalla, ¡aij imachari tucunga! 2Mandaj Dios rimashcatapish mana uyarcacunachu, alli tucuchun jarcashcatapish mana cazurcacunachu. Mandaj Diospica mana shunguta churarcacunachu. Paicunapaj Diospajmanpish mana c'uchuyarcacunachu. 3Jerusalenpi causajcunata mandajcunapish, paicunapaj chaupipica huacaricuj leoncuna shinami. Juezcunapish tuta purij atujcuna shinami cayandijpajca, shuj tullullatapish mana saquincunachu. 4Paicunapaj huillajcunapish, llullashpalla huillajcunami. Paicunapaj curacunapish, Diospaj huasita mapayachijcunami, mandashcacunatapish mana cazujcunami. 5Mandaj Diosca, paicunapaj chaupipica cashcata rurajmi. Paica, ima millaitaca mana rurangachu. Paica cashcata ruranataca, achijman llujshichishpami ricuchinga. Cashcata ruranataca manataj cungaringachu. Ashtahuanpish millai runaca, pingai tucushcataca mana rijsirinchu.
6“Llajtacunatapish chingachichircanimi, paicunapaj huasicunapish llaquinayajmi tucurca, ñancunatapish pi mana puripaj shitashcatami saquircani. Paicunapaj pueblocunapish pi mana causaipaj llaquinayajmi saquirirca. 7Chai tucui llaquicunata ricushpaca, ñucataca manchangami yuyarcanimi. Imamanta jarcashpa llaquichishcatapish cazungami yuyarcanimi. Ñuca llaquichishcamanta paicuna cazushca cajpica, paicuna causana huasicunatapish mana chingachimanchu carcani. Ashtahuanpish millaitarajmi utca rurarcacuna. 8Chashna cashcamantami Mandaj Dios, ñucaca cashna nini: Cancuna imalla rurashcata ricuchina punllacama shuyaichijlla. Ñucaca tucui llajtacunatapish, mandajcunatapish tandachishpa ñuca p'iñarishcataca, nina lunyacujta shina paicunapaj jahuapi shitana yuyaimi cani. Chashnami cai pachapi causajcunaca, lunyashpa rupacuj ninapi rupashpa chingaringacuna.
9Chai punllacunapica, tucuicunatami ima mapata mana rimaj c'allucunayujta rurasha. Chashna rurajpimi, tucuicuna Mandaj Dios ñucallata mañangacuna, tucuicunami tandalla ñucallata servingacuna. 10Etiopía llajtapi tiyaj jatun yacucuna chaininijpi causajcunami, ñucataca mañangacuna. Jerusalenmanta caita chaita cachashcacunami imalla cuna cashcata ñucaman cungapaj apamungacuna. 11Cancunapaj chaupimantaca, jatun tucushpa cushicujcunataca anchuchishami. Chaimantami ñucapajlla urcupica, ña mana cutinca jatun tucunguichij. Chashnami chai punllapica, cancunaca millaita rurashpa ñucata c'ariyashcamanta ña mana pingachishca canguichij. 12Cai pueblopica imata mana yachajcunata, huajchacunallatami saquisha. Paicunami Mandaj Dios ñucallapi shunguta churangacuna. 13Chai saquirishca israelcunaca pita mana llaquichingachu, mana llullangacunachu. Paicunapaj c'alluca pita mana umangachu. Paicunataca allimi michinga. Paicuna dormicujpipish, pi mana manchachingachu” ninmi.
Jerusalenpi causajcuna cushicuihuan cantashcamanta
14Siónpi causajcunalla, cantaichigari. Israelcunalla, cantaichigari. Jerusalenpi causajcunalla, tucui shunguhuan cushicuichigari. 15Mandaj Diosca, cancunata llaquichinataca anchuchishcamari. Cancunata p'iñajcunatapish canllamanmari llujshichishca. Mandaj Diosca, israelcunapaj chaupipi Jatun Mandajmari. Chaimanta ima llaquitapish mana cutin ricunguichijchu. 16Chai punllacunapica, Jerusalenpi causajcunataca: “Ama imata manchaichijchu. Siónpi causajcuna, ama fuerza illaj tucuichijchu” ningacunami. 17Mandaj Diosca cancunapaj chaupipimari, paica tucuita rurai tucuj cashcamantaca cancunataca quishpichingami. Cancunamantaca Mandaj Diosca cushicungamari. Paica c'uyashcamantaca upallangamari. Cancunamantaca cushicushpami paica cantanga.
18“Uni huatacunata, llaqui huacailla causacujcunatapish tandachishami. Paicunaca cancunapajmari carca. Paicunapajca, paicunata p'iñajcunaca llashaj quipi shinamari carca. 19Chai punllacunapica cancunata llaquichijcunamanca, ñucami paicuna japina cashcata cusha. Patojocunatapish quishpichishami, chingarishca puricujcunatapish tandachishami. Cancunataca alli nishca cachunpish, tucui cai pachapi rijsishca cachunpishmi caipica churasha. 20Chai punllacunapica, cancunataca ñucami pushamusha. Chai punllacunapica, cancunataca ñucami tandachisha. Cancuna ricucunpi prezumanta cacharichishpami, tucui cai pachapi tiyaj llajtacunapi causajcuna rijsishca cachun, alli nishca cachun caipica churasha” ninmi Mandaj Diosca.
Currently Selected:
SOFONÍAS 3: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
SOFONÍAS 3
3
Jerusalenpi causajcunapaj juchata perdonashami nishcamanta
1Juchahuan mapayashpa causacuj, huajchacunata llaquichij Jerusalén pueblopi causajcunalla, ¡aij imachari tucunga! 2Mandaj Dios rimashcatapish mana uyarcacunachu, alli tucuchun jarcashcatapish mana cazurcacunachu. Mandaj Diospica mana shunguta churarcacunachu. Paicunapaj Diospajmanpish mana c'uchuyarcacunachu. 3Jerusalenpi causajcunata mandajcunapish, paicunapaj chaupipica huacaricuj leoncuna shinami. Juezcunapish tuta purij atujcuna shinami cayandijpajca, shuj tullullatapish mana saquincunachu. 4Paicunapaj huillajcunapish, llullashpalla huillajcunami. Paicunapaj curacunapish, Diospaj huasita mapayachijcunami, mandashcacunatapish mana cazujcunami. 5Mandaj Diosca, paicunapaj chaupipica cashcata rurajmi. Paica, ima millaitaca mana rurangachu. Paica cashcata ruranataca, achijman llujshichishpami ricuchinga. Cashcata ruranataca manataj cungaringachu. Ashtahuanpish millai runaca, pingai tucushcataca mana rijsirinchu.
6“Llajtacunatapish chingachichircanimi, paicunapaj huasicunapish llaquinayajmi tucurca, ñancunatapish pi mana puripaj shitashcatami saquircani. Paicunapaj pueblocunapish pi mana causaipaj llaquinayajmi saquirirca. 7Chai tucui llaquicunata ricushpaca, ñucataca manchangami yuyarcanimi. Imamanta jarcashpa llaquichishcatapish cazungami yuyarcanimi. Ñuca llaquichishcamanta paicuna cazushca cajpica, paicuna causana huasicunatapish mana chingachimanchu carcani. Ashtahuanpish millaitarajmi utca rurarcacuna. 8Chashna cashcamantami Mandaj Dios, ñucaca cashna nini: Cancuna imalla rurashcata ricuchina punllacama shuyaichijlla. Ñucaca tucui llajtacunatapish, mandajcunatapish tandachishpa ñuca p'iñarishcataca, nina lunyacujta shina paicunapaj jahuapi shitana yuyaimi cani. Chashnami cai pachapi causajcunaca, lunyashpa rupacuj ninapi rupashpa chingaringacuna.
9Chai punllacunapica, tucuicunatami ima mapata mana rimaj c'allucunayujta rurasha. Chashna rurajpimi, tucuicuna Mandaj Dios ñucallata mañangacuna, tucuicunami tandalla ñucallata servingacuna. 10Etiopía llajtapi tiyaj jatun yacucuna chaininijpi causajcunami, ñucataca mañangacuna. Jerusalenmanta caita chaita cachashcacunami imalla cuna cashcata ñucaman cungapaj apamungacuna. 11Cancunapaj chaupimantaca, jatun tucushpa cushicujcunataca anchuchishami. Chaimantami ñucapajlla urcupica, ña mana cutinca jatun tucunguichij. Chashnami chai punllapica, cancunaca millaita rurashpa ñucata c'ariyashcamanta ña mana pingachishca canguichij. 12Cai pueblopica imata mana yachajcunata, huajchacunallatami saquisha. Paicunami Mandaj Dios ñucallapi shunguta churangacuna. 13Chai saquirishca israelcunaca pita mana llaquichingachu, mana llullangacunachu. Paicunapaj c'alluca pita mana umangachu. Paicunataca allimi michinga. Paicuna dormicujpipish, pi mana manchachingachu” ninmi.
Jerusalenpi causajcuna cushicuihuan cantashcamanta
14Siónpi causajcunalla, cantaichigari. Israelcunalla, cantaichigari. Jerusalenpi causajcunalla, tucui shunguhuan cushicuichigari. 15Mandaj Diosca, cancunata llaquichinataca anchuchishcamari. Cancunata p'iñajcunatapish canllamanmari llujshichishca. Mandaj Diosca, israelcunapaj chaupipi Jatun Mandajmari. Chaimanta ima llaquitapish mana cutin ricunguichijchu. 16Chai punllacunapica, Jerusalenpi causajcunataca: “Ama imata manchaichijchu. Siónpi causajcuna, ama fuerza illaj tucuichijchu” ningacunami. 17Mandaj Diosca cancunapaj chaupipimari, paica tucuita rurai tucuj cashcamantaca cancunataca quishpichingami. Cancunamantaca Mandaj Diosca cushicungamari. Paica c'uyashcamantaca upallangamari. Cancunamantaca cushicushpami paica cantanga.
18“Uni huatacunata, llaqui huacailla causacujcunatapish tandachishami. Paicunaca cancunapajmari carca. Paicunapajca, paicunata p'iñajcunaca llashaj quipi shinamari carca. 19Chai punllacunapica cancunata llaquichijcunamanca, ñucami paicuna japina cashcata cusha. Patojocunatapish quishpichishami, chingarishca puricujcunatapish tandachishami. Cancunataca alli nishca cachunpish, tucui cai pachapi rijsishca cachunpishmi caipica churasha. 20Chai punllacunapica, cancunataca ñucami pushamusha. Chai punllacunapica, cancunataca ñucami tandachisha. Cancuna ricucunpi prezumanta cacharichishpami, tucui cai pachapi tiyaj llajtacunapi causajcuna rijsishca cachun, alli nishca cachun caipica churasha” ninmi Mandaj Diosca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.