SANTIAGO 2
2
Ñahuita ricushpalla alli nijcunata cunashcami
1Ñuca huauquicunalla, ñucanchij sumaj Mandaj Jesucristopi cancuna crishcaca, ñahuita ricushpalla alli ninapajca ama cachun. 2Cancunapaj tandanacuiman shuj runa curi sortijasta, achij nicuj churanata churashca yaicungachari. Shuj huajcha runapish tsunzu churanata churashca yaicujpica, 3achij nicuj churanata churashca runatarajmi cushicushpa ricushpaca: “Canca cai alli tiyarinapi tiyaripai” ninguichij. Shinallataj huajcha runataca: “Canca chaillapi shayacui” mana cashpaca, “Cai pambapi tiyari” ninguichijmi. 4Chashna rurashpaca ¿manachu cancunapurallataj ñahuita ricushpalla llaquichij mana alli juezcuna tucucunguichij?
5Ñuca c'uyashca huauquicunalla, caita uyaichij: Cancunataca cai pachapica huajchacunatami Diosca agllashca. Crishcapica charijcuna cachun, pai cusha nishca mandanapi japijcuna cachunmi chashna agllashca. Chaitaca paita c'uyajcunamanmi cusha nishca. 6Ashtahuanpish cancunaca, huajchacunatami pingachishcanguichij. ¿Manachu charijcunaca cancunata llaquichincuna? ¿Manachu paicunallataj cancunataca mandajcunapajman sirijta aisancuna? 7¿Manachu cancunapaj jahuapi maquicunata churashpa rimashca alli shutita paicunaca c'amincuna?
8Quillcachishcapica: “Quiquin c'uyarij shinallataj shujtajcunatapish c'uyangui” nishca tucuita yalli jatun mandashcata pajtachishpatajca, allitami ruranguichij. 9Ashtahuanpish cancunaca ñahuita ricushpalla alli nishpaca, juchatami ruranguichij. Mandashcata p'aquijcuna shinallatajmi juchachishca saquiringuichij. 10Mandashcapi nishcacunata tucuita pajtachicushpapish shujpi pandarishpaca, tucuita mana pajtachishca shinallatajmi tucun. 11Dios mandashcallatajmi: “Ama huainayangui” nirca. Shinallataj: “Ama huañuchingui” nircapishmi. Caita nishca shinaca, mana huainayashpapish huañuchishpaca, Mandashcatami p'aquishcangui. 12Diosca cancunata cacharichij mandashcallahuantajmi cancuna imalla rurashcataca ricuchinga. Chaita yachashcamanta chashna rimaichij, chashna causaichij. 13Imamantapish maijanta mana llaquishpa llaquichijtaca, paitapish mana llaquishpallataj llaquichishcami canga. Llaquij canaca, llaquichishca canatami mishan.
Ima allita mana rurajpica crishcapish huañushca shinallatajmi nishcami
14Ñuca huauquicunalla, maijanpish crijmi cani nishpapish ima allita rurashcacuna illajllaca ¿ima allitaj cangari? ¿Crishcallahuanca quishpiri tucungachu? 15Shuj huauqui cashpa, pani cashpapish, punllanta churanapaj, micunapaj illajlla cajta ricushca jahua, 16cancunamanta maijancunaca: “Allita churashpa, allita micushpa, sumajta causagrilla” ningachari. Ashtahuanpish cuerpopaj ima illashcata mana cushpaca ¿allichu canga? 17Shinallataj ima allita mana rurajpica, crishcapish tucui huañushcatajmi.
18Ashtahuanpish maijanca: “Canca crijmi cangui. Ñucaca allicunata rurajmi cani. Allicunata mana rurashpa cambaj crishcata ricuchi. Ñuca crishcataca allicunata rurashcahuanmi ricuchisha” ningachari. 19Shujlla Dios tiyashcata can crishpaca, allitamari rurangui. Supaicunapish crincunami, chujchuncunapishmi. 20Yuyai illaj runa, allicunata mana rurajpica, crishcapish huañushca cajtaca ¿manachu yachangui? 21¿Manachu ñucanchij yaya Abrahamca, paipaj churi Isaacta altarpi rupachinapaj cushcamanta justificashca tucushca? 22Paica chashna rurashpami crishcataca ricuchishca. Pai crishcapish allicunata rurashcahuan tandalla cashpa ashtahuan alli tucushcataca ¿manachu ricungui? 23Chaita pajtachishcatami Quillcachishcapica: “Abrahamca Diostami crirca. Chaimi cashcata rurajta shina chasquirca, Diospaj amigo nishcapishmi tucurca” nicunmi.
24Shina cajpica crishcallamanta mana chasquishcata, ashtahuanpish allicunata rurashcacunamantapish chasquishcataca ñami ricunguichij. 25¿Manachu huainayashpa causaj Rahab huarmipish, ricunaman rijcunata chasquishpa, shujtaj ñanta cachashcamanta justificashca carca? 26Ima shinami alma illajlla cuerpoca huañushca. Chashnallatajmi ima rurashcacuna illajlla crijca huañushcallataj.
Currently Selected:
SANTIAGO 2: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
SANTIAGO 2
2
Ñahuita ricushpalla alli nijcunata cunashcami
1Ñuca huauquicunalla, ñucanchij sumaj Mandaj Jesucristopi cancuna crishcaca, ñahuita ricushpalla alli ninapajca ama cachun. 2Cancunapaj tandanacuiman shuj runa curi sortijasta, achij nicuj churanata churashca yaicungachari. Shuj huajcha runapish tsunzu churanata churashca yaicujpica, 3achij nicuj churanata churashca runatarajmi cushicushpa ricushpaca: “Canca cai alli tiyarinapi tiyaripai” ninguichij. Shinallataj huajcha runataca: “Canca chaillapi shayacui” mana cashpaca, “Cai pambapi tiyari” ninguichijmi. 4Chashna rurashpaca ¿manachu cancunapurallataj ñahuita ricushpalla llaquichij mana alli juezcuna tucucunguichij?
5Ñuca c'uyashca huauquicunalla, caita uyaichij: Cancunataca cai pachapica huajchacunatami Diosca agllashca. Crishcapica charijcuna cachun, pai cusha nishca mandanapi japijcuna cachunmi chashna agllashca. Chaitaca paita c'uyajcunamanmi cusha nishca. 6Ashtahuanpish cancunaca, huajchacunatami pingachishcanguichij. ¿Manachu charijcunaca cancunata llaquichincuna? ¿Manachu paicunallataj cancunataca mandajcunapajman sirijta aisancuna? 7¿Manachu cancunapaj jahuapi maquicunata churashpa rimashca alli shutita paicunaca c'amincuna?
8Quillcachishcapica: “Quiquin c'uyarij shinallataj shujtajcunatapish c'uyangui” nishca tucuita yalli jatun mandashcata pajtachishpatajca, allitami ruranguichij. 9Ashtahuanpish cancunaca ñahuita ricushpalla alli nishpaca, juchatami ruranguichij. Mandashcata p'aquijcuna shinallatajmi juchachishca saquiringuichij. 10Mandashcapi nishcacunata tucuita pajtachicushpapish shujpi pandarishpaca, tucuita mana pajtachishca shinallatajmi tucun. 11Dios mandashcallatajmi: “Ama huainayangui” nirca. Shinallataj: “Ama huañuchingui” nircapishmi. Caita nishca shinaca, mana huainayashpapish huañuchishpaca, Mandashcatami p'aquishcangui. 12Diosca cancunata cacharichij mandashcallahuantajmi cancuna imalla rurashcataca ricuchinga. Chaita yachashcamanta chashna rimaichij, chashna causaichij. 13Imamantapish maijanta mana llaquishpa llaquichijtaca, paitapish mana llaquishpallataj llaquichishcami canga. Llaquij canaca, llaquichishca canatami mishan.
Ima allita mana rurajpica crishcapish huañushca shinallatajmi nishcami
14Ñuca huauquicunalla, maijanpish crijmi cani nishpapish ima allita rurashcacuna illajllaca ¿ima allitaj cangari? ¿Crishcallahuanca quishpiri tucungachu? 15Shuj huauqui cashpa, pani cashpapish, punllanta churanapaj, micunapaj illajlla cajta ricushca jahua, 16cancunamanta maijancunaca: “Allita churashpa, allita micushpa, sumajta causagrilla” ningachari. Ashtahuanpish cuerpopaj ima illashcata mana cushpaca ¿allichu canga? 17Shinallataj ima allita mana rurajpica, crishcapish tucui huañushcatajmi.
18Ashtahuanpish maijanca: “Canca crijmi cangui. Ñucaca allicunata rurajmi cani. Allicunata mana rurashpa cambaj crishcata ricuchi. Ñuca crishcataca allicunata rurashcahuanmi ricuchisha” ningachari. 19Shujlla Dios tiyashcata can crishpaca, allitamari rurangui. Supaicunapish crincunami, chujchuncunapishmi. 20Yuyai illaj runa, allicunata mana rurajpica, crishcapish huañushca cajtaca ¿manachu yachangui? 21¿Manachu ñucanchij yaya Abrahamca, paipaj churi Isaacta altarpi rupachinapaj cushcamanta justificashca tucushca? 22Paica chashna rurashpami crishcataca ricuchishca. Pai crishcapish allicunata rurashcahuan tandalla cashpa ashtahuan alli tucushcataca ¿manachu ricungui? 23Chaita pajtachishcatami Quillcachishcapica: “Abrahamca Diostami crirca. Chaimi cashcata rurajta shina chasquirca, Diospaj amigo nishcapishmi tucurca” nicunmi.
24Shina cajpica crishcallamanta mana chasquishcata, ashtahuanpish allicunata rurashcacunamantapish chasquishcataca ñami ricunguichij. 25¿Manachu huainayashpa causaj Rahab huarmipish, ricunaman rijcunata chasquishpa, shujtaj ñanta cachashcamanta justificashca carca? 26Ima shinami alma illajlla cuerpoca huañushca. Chashnallatajmi ima rurashcacuna illajlla crijca huañushcallataj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.