AMÓS 9
9
Dios llaquichinamantaca pi mana quishpiringachu nishcamanta
1Jatun Diostaca, altar jahuapi shayacujtami ricurcani. Chai jahuamantami cashna nirca: “Pungu pilar capitelta urmachingui. Chai pungucunapish chujchuchun, ñuturishpa tucuicunapaj umapi urmachun. Chaipi mana huañujcunataca, espadahuanmi huañuchisha. Pi mana miticui tucungachu, shujllapish mana quishpiringachu. 2Maijanpish Seolcama allashpa miticucujpipish, maquihuan aisashpa llujshichishallami. Jahua pachaman huichiyacujtapish, uriyachishallami. 3Carmelo urcu puntapi miticugrijpipish, mashcashpami japisha. Ñuca ñahuimanta miticungapaj mama cucha asientoman yaicujpipish, yacupi causaj culebratami canichun cachasha. 4Paicunata p'iñajcuna prezu apashpa huatashcata shina charicujpipish, espadahuanmi huañuchichisha. Ñucaca paicunata ricushpapish, llaquichingapajllami ricusha. Allita rurangapajca, mana ricushachu” ninmi.
5Tucuita Mandaj Jatun Dios cai pachata tupajpica, cai pachaca yacuyangami. Cai pachapi causajcunapish, tucuicunami llaquinayajta huacashpa huañungacuna. Allpaca, Egipto llajta jatun yacu shina ucuyacunga jahuayacungami. 6Mandaj Diosca, pai causana huasitaca jahua pachapimi rurashca. Azul p'uyutapish allpa jahuapimi churashca. Mama cuchamanta yacuta p'uyupi apashpami, allpapipish tamyachin. Paica Mandaj Dios shutimi.
7Mandaj Diosca cashnami nin: “Israelcunalla, cancunaca ñuca ñahuipica Etiopía llajtapi causajcuna shinallatajmi canguichij. Egipto llajtamanta cancunata llujshichishca shinallatajmi, filisteocunatapish Caftor llajtamanta llujshichimurcani. Arameocunatapish, Kir llajtamantami llujshichimurcani. 8Mandaj Jatun Dios ñucaca, jucha mandacun Israel llajtataca ricucunimi. Paicuna chashna millaita rurashcataca p'iñanimi. Chaimanta cai llajtapi causajcunataca anchuchishami. Chashna anchuchicushpapish, ñaupa yaya Jacobpaj huahua huahuacunataca manataj tucuita chingachishachu. 9Israelcunataca, ajichupi trigota shushushca shina cachunmi shujtaj llajtacunapi llaquita apachun cachasha. Chaipimi paicunaca, racu granolla ajichupi saquirij shina saquiringacuna. Shuj granollapish allpamanca mana urmangachu. 10Ñuca agllashcacunapurapi millaita rurajcunaca, espadahuanmi huañuchishca cangacuna. Paicunaca: Ñucanchijpajmanca llaquicunaca mana shamungachu, ima llaquicunapish mana japingachu nincunami.
Israelcunataca Diosca q'uipa punllacuna cutin allichinamanta
11Shamuj punllapica, Davidpaj shayachishca carpa huasitaca cutin shayachishami. Paicunapaj pata t'unishcatapish allichishpa shayachishami. Tucui imalla urmashcatapish shayachishami. Paicunataca ñaupa punllacunapi cashca shinallatajmi allichisha. 12Chashna rurajpimi, ñuca shutita apaj israelcunaca Edom llajtamanta maijanlla saquirijcunapish, tucui llajtamantapish mandangacuna” ninmi Mandaj Diosca. Paica pajtachingatajmi.
13Mandaj Diosca cashnapishmi nin: “Riquichij, ñamari jatun alli punllacunaca chayamugrin. Chai punllacunapica trigota manaraj tucui cuzichajpimi, yapui punllaca japinga. Shinallataj uvata manaraj tucui capijpimi, trigota tarpuna punllaca chayanga. Llullu vinoca yacu shinami urcucunatapish, lomacunatapish callpacunga. 14Ñuca agllashca israelcunataca, prezu causacunmanta cacharichishpami tigrachimusha. Paicuna tigramushpami, urmachishca pueblocunata allichishpa chaipi causangacuna. Paicunaca uvata tarpushpa, vinotapish ubyangacunami. Huertacunata rurashpami, chaipi p'ucushcacunata micungacuna. 15Paicunataca, quiquin allpallapitajmi churasha. Ñuca paicunaman cushca allpamantaca, manataj cutin p'itishpa anchuchishachu” ninmi cancunata Mandaj Taita Diosca.
Currently Selected:
AMÓS 9: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
AMÓS 9
9
Dios llaquichinamantaca pi mana quishpiringachu nishcamanta
1Jatun Diostaca, altar jahuapi shayacujtami ricurcani. Chai jahuamantami cashna nirca: “Pungu pilar capitelta urmachingui. Chai pungucunapish chujchuchun, ñuturishpa tucuicunapaj umapi urmachun. Chaipi mana huañujcunataca, espadahuanmi huañuchisha. Pi mana miticui tucungachu, shujllapish mana quishpiringachu. 2Maijanpish Seolcama allashpa miticucujpipish, maquihuan aisashpa llujshichishallami. Jahua pachaman huichiyacujtapish, uriyachishallami. 3Carmelo urcu puntapi miticugrijpipish, mashcashpami japisha. Ñuca ñahuimanta miticungapaj mama cucha asientoman yaicujpipish, yacupi causaj culebratami canichun cachasha. 4Paicunata p'iñajcuna prezu apashpa huatashcata shina charicujpipish, espadahuanmi huañuchichisha. Ñucaca paicunata ricushpapish, llaquichingapajllami ricusha. Allita rurangapajca, mana ricushachu” ninmi.
5Tucuita Mandaj Jatun Dios cai pachata tupajpica, cai pachaca yacuyangami. Cai pachapi causajcunapish, tucuicunami llaquinayajta huacashpa huañungacuna. Allpaca, Egipto llajta jatun yacu shina ucuyacunga jahuayacungami. 6Mandaj Diosca, pai causana huasitaca jahua pachapimi rurashca. Azul p'uyutapish allpa jahuapimi churashca. Mama cuchamanta yacuta p'uyupi apashpami, allpapipish tamyachin. Paica Mandaj Dios shutimi.
7Mandaj Diosca cashnami nin: “Israelcunalla, cancunaca ñuca ñahuipica Etiopía llajtapi causajcuna shinallatajmi canguichij. Egipto llajtamanta cancunata llujshichishca shinallatajmi, filisteocunatapish Caftor llajtamanta llujshichimurcani. Arameocunatapish, Kir llajtamantami llujshichimurcani. 8Mandaj Jatun Dios ñucaca, jucha mandacun Israel llajtataca ricucunimi. Paicuna chashna millaita rurashcataca p'iñanimi. Chaimanta cai llajtapi causajcunataca anchuchishami. Chashna anchuchicushpapish, ñaupa yaya Jacobpaj huahua huahuacunataca manataj tucuita chingachishachu. 9Israelcunataca, ajichupi trigota shushushca shina cachunmi shujtaj llajtacunapi llaquita apachun cachasha. Chaipimi paicunaca, racu granolla ajichupi saquirij shina saquiringacuna. Shuj granollapish allpamanca mana urmangachu. 10Ñuca agllashcacunapurapi millaita rurajcunaca, espadahuanmi huañuchishca cangacuna. Paicunaca: Ñucanchijpajmanca llaquicunaca mana shamungachu, ima llaquicunapish mana japingachu nincunami.
Israelcunataca Diosca q'uipa punllacuna cutin allichinamanta
11Shamuj punllapica, Davidpaj shayachishca carpa huasitaca cutin shayachishami. Paicunapaj pata t'unishcatapish allichishpa shayachishami. Tucui imalla urmashcatapish shayachishami. Paicunataca ñaupa punllacunapi cashca shinallatajmi allichisha. 12Chashna rurajpimi, ñuca shutita apaj israelcunaca Edom llajtamanta maijanlla saquirijcunapish, tucui llajtamantapish mandangacuna” ninmi Mandaj Diosca. Paica pajtachingatajmi.
13Mandaj Diosca cashnapishmi nin: “Riquichij, ñamari jatun alli punllacunaca chayamugrin. Chai punllacunapica trigota manaraj tucui cuzichajpimi, yapui punllaca japinga. Shinallataj uvata manaraj tucui capijpimi, trigota tarpuna punllaca chayanga. Llullu vinoca yacu shinami urcucunatapish, lomacunatapish callpacunga. 14Ñuca agllashca israelcunataca, prezu causacunmanta cacharichishpami tigrachimusha. Paicuna tigramushpami, urmachishca pueblocunata allichishpa chaipi causangacuna. Paicunaca uvata tarpushpa, vinotapish ubyangacunami. Huertacunata rurashpami, chaipi p'ucushcacunata micungacuna. 15Paicunataca, quiquin allpallapitajmi churasha. Ñuca paicunaman cushca allpamantaca, manataj cutin p'itishpa anchuchishachu” ninmi cancunata Mandaj Taita Diosca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.