2 SAMUEL 23
23
Tucuri shimicunata David rimashcami
1Cai shimicunaca ultimota David rimashcami:
“Davidca Isaipaj churimi.
Paica tucuicunapaj jahuapi churashca runami.
Paitaca Jacobpaj Taita Diosmi mandaj cachun churarca.
Israelcunapurapi mishqui cantota cantajca cai shimicunatami nin:
2Mandaj Diospaj Espiritumi ñucataca rimachin.
Paipaj shimica ñuca c'allupimi.
3Israelcunapaj Taita Diosmari rimashca.
Israelcunapaj pacatucuna Rumimi ñucaman cashna riman: Runacunapaj chaupipica, cashcata rurashpa mandajmi tiyanga.
Taita Diosta manchashpami mandanga.
4Tutamantapi achijlla luz shinami canga.
Shuj tutamanta p'uyu illajpi inti lamyacuj shinami canga.
Allpapi q'uihuata tamya huiñachij shinami canga ninmi.
5Ñuca huasi familiaca Dioshuanca manamari chashnachu.
Chashna cajpipish Mandaj Diosca ñucapajca huiñaipajmari ari nirca.
Ñuca quishpirinata ñuca yuyashca shinaca manaraj sisachinchu.
Chashna cashpapish tucui imapish ima shinalla canataca chashnataj tucuchun huaquichishcami.
6Millaicunaca cashacunata p'itishpa shitashca shinami canga.
P'itishca cashataca pi mana maquihuan japi tucunchu.
7Maijanpish japisha nishpaca fierrohuan, mana cashpaca lanzahuanmi japincuna.
Mana cashpaca chaillapitajmi tucui rupachincuna” nircami.
Davidpaj c'ari c'ari soldadocunami
(1 Cr 11.10-47)
8Davidpaj c'ari c'ari runacunapaj shuticunaca caicunami: Tacmonita Joseb-basebetca soldadocunata mandajcunata mandajmi carca. Paimi shuj cutinca 800 runacunata huañuchirca. Chaimi paitaca, Adino-eznita nijcuna carca. 9Chaipaj q'uipaca ahohitita, Dodo runapaj churi Eleazarmi carca. Paica filisteocunahuan David macanacungapaj tandanacushca cajpi israelcuna Davidta shitarijpipish Davidhuan saquirij quimsa c'ari c'ari runacunapuramanta shujmi carca. 10Chaipimi Eleazar jatarishpaca filisteocunata paipaj maqui shaicungacama huañuchirca. Paipaj maquica espadata lutsashcapimi saquirirca. Chai punllapica Mandaj Diosmi paitaca jahualla mishachirca. Israelcunaca paicunata p'iñajcunata Eleazar imallata quichushcata japingapajllami, paipajman tigrarcacuna.
11Eleazarpaj q'uipaca araritita Age runapaj churi Samami carca. Filisteocunaca ashalla allpa lentejacunahuan junda Lehipimi tandanacushca carca. Chaipipish israelcunaca filisteocunapaj ñaupajmanta miticushpa rircallami. 12Chaipica Sama runami lenteja chagra chaupipi shayarishpa paica mana cuyurishpa jarcashpa filisteocunata huañuchirca. Paitapish Mandaj Diosmi jahualla mishachirca.
13Quimsa chunga mandajcunamanta quimsami uriyamurcacuna. Paicunaca cozicha punllacunapi Adulam jutcupi David cajpi tupangapajmi shamurcacuna. Chai punllaca filisteocunapaj carpa huasicunaca Refaim pugru pambapimi carca. 14Chaimi Davidca peña jutcupi miticushca carca. Filisteocunapaj cuidaj soldadocunami Belenpi carca. 15Chaipi David yacunaihuan huañucushpami: “Belén pueblo pungu c'uchupi tiyaj pugyumanta yacuta maijan apamushpa ubyachijpichari alli canman” nirca.
16Chashna nijpimi chai quimsa c'ari c'ari runacunaca, filisteocunapaj carpa huasicuna chaupita pasashpa rishpa, Belén pueblo pungu c'uchupi tiyaj pugyu yacuta llujshichishpa japishpa Davidpajman apamurcacuna. Davidca mana ubyasha nircachu. “Cai yacutaca Mandaj Diosmanmi cuni” nishpa tallishpami: 17“Cai yacuta ñuca ubyanamantaca Mandaj Dios huaquichichun. Cai runacuna paicunapaj causaita cushpa, apamugrishca yacuta ubyashpaca, paicunapaj yahuarta ubyashca shinami canga” nishpami mana ubyasha nirca. Chai quimsa c'ari c'ari runacunami yacuta apamurcacuna.
18Sarviapaj churi Joabpaj huauqui Abisaica, soldadocunata mandaj quimsa chungacunata mandajmi carca. Paipaj lanzahuan 300 runacunata huañuchijmari paica. Chaimantami paica chai quimsa runacuna shinallataj alli nishca tucurca. 19Tucui caishujcunata yalli c'ari c'ari cashcamantami, chai quimsa chunga c'ari c'ari runacunata mandaj canata chasquirca. Chashna cashpapish puntapi caj caishuj quimsa c'ari c'aricuna shinatajca manataj cai tucurcachu.
20Chai q'uipaca, Joiadapaj churi Benaiami carca. Joiadaca Cabseel pueblopi causaj imatapish mana manchashpa c'ari c'ari rurajmi carca. Benaiaca moabcunapaj ishqui leoncunatami huañuchirca. Paica rasucui punlla shuj jutcuman yaicushpami, shuj leonta huañuchirca. 21Paica egipcio shuj jatun runatapishmi huañuchirca. Egipcio runaca paipaj maquipica shuj lanzata aisashcami carca. Benaiaca shuj caspihuan egipciopajman uriyamushpaca paipaj lanzallatataj quichushpami paipaj quiquin lanzallahuantaj huañuchirca. 22Chashna rurashpami Joiadapaj churi Benaiaca, quimsa c'ari c'ari runacunamanta alli nishca tucurca. 23Paica quimsa chungacunata yalli alli nishca tucushpapish, puntapi caj caishuj quimsa c'ari c'aricuna shinatajca mana cai tucurcachu. Paitaca Davidca, paita cuidajcunata mandaj cachunmi churarca.
24Joabpaj huauqui Asaelca, quimsa chunga runacunapurapimi carca. Belenmanta caj Dodopaj churi Elhananpish, 25harodita Samapish, harodita Elicapish, 26paltita Helespish, tecoita Iquespish, 27anatotita Abiezerpish, husatita Mebunaipish, 28ahohita Salmonpish, netofatita Maharaipish, 29netofatita Baanapaj churi Helebpish, Benjamín aillupuramanta caj Gabaamanta caj Ribaipaj churi Itaipish, 30piratonita Benaiapish, Gaas jatun yacu c'uchumanta caj Hidaipish, 31arbatita Abi-albonpish, Barhumita Azmavetpish, 32saalbonita Eliabapish, Jasenpaj huahua huahuamanta Jonatanpish, 33ararita Samapish, ararita Sararpaj churi Ahiampish, 34Maacapaj churi Ahasbaipaj churi Elifeletpish, Gilomanta caj Ahitofelpaj churi Eliampish, 35carmelmanta caj Hezraipish, arbitita Paaraipish, 36Sobamanta caj Natanpaj churi Igalpish, gadmanta caj Banipishmi carca. 37Amonita Selecpish, Beerotita Naharaipishmi carca. Paica Sarviapaj churi Joabpaj escudota apajmi carca. 38Itritita Irapish, itritita Garebpish, 39heteo Uriaspishmi carca. Tucui paicunaca quimsa chunga canchiscunami carca.
Currently Selected:
2 SAMUEL 23: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
2 SAMUEL 23
23
Tucuri shimicunata David rimashcami
1Cai shimicunaca ultimota David rimashcami:
“Davidca Isaipaj churimi.
Paica tucuicunapaj jahuapi churashca runami.
Paitaca Jacobpaj Taita Diosmi mandaj cachun churarca.
Israelcunapurapi mishqui cantota cantajca cai shimicunatami nin:
2Mandaj Diospaj Espiritumi ñucataca rimachin.
Paipaj shimica ñuca c'allupimi.
3Israelcunapaj Taita Diosmari rimashca.
Israelcunapaj pacatucuna Rumimi ñucaman cashna riman: Runacunapaj chaupipica, cashcata rurashpa mandajmi tiyanga.
Taita Diosta manchashpami mandanga.
4Tutamantapi achijlla luz shinami canga.
Shuj tutamanta p'uyu illajpi inti lamyacuj shinami canga.
Allpapi q'uihuata tamya huiñachij shinami canga ninmi.
5Ñuca huasi familiaca Dioshuanca manamari chashnachu.
Chashna cajpipish Mandaj Diosca ñucapajca huiñaipajmari ari nirca.
Ñuca quishpirinata ñuca yuyashca shinaca manaraj sisachinchu.
Chashna cashpapish tucui imapish ima shinalla canataca chashnataj tucuchun huaquichishcami.
6Millaicunaca cashacunata p'itishpa shitashca shinami canga.
P'itishca cashataca pi mana maquihuan japi tucunchu.
7Maijanpish japisha nishpaca fierrohuan, mana cashpaca lanzahuanmi japincuna.
Mana cashpaca chaillapitajmi tucui rupachincuna” nircami.
Davidpaj c'ari c'ari soldadocunami
(1 Cr 11.10-47)
8Davidpaj c'ari c'ari runacunapaj shuticunaca caicunami: Tacmonita Joseb-basebetca soldadocunata mandajcunata mandajmi carca. Paimi shuj cutinca 800 runacunata huañuchirca. Chaimi paitaca, Adino-eznita nijcuna carca. 9Chaipaj q'uipaca ahohitita, Dodo runapaj churi Eleazarmi carca. Paica filisteocunahuan David macanacungapaj tandanacushca cajpi israelcuna Davidta shitarijpipish Davidhuan saquirij quimsa c'ari c'ari runacunapuramanta shujmi carca. 10Chaipimi Eleazar jatarishpaca filisteocunata paipaj maqui shaicungacama huañuchirca. Paipaj maquica espadata lutsashcapimi saquirirca. Chai punllapica Mandaj Diosmi paitaca jahualla mishachirca. Israelcunaca paicunata p'iñajcunata Eleazar imallata quichushcata japingapajllami, paipajman tigrarcacuna.
11Eleazarpaj q'uipaca araritita Age runapaj churi Samami carca. Filisteocunaca ashalla allpa lentejacunahuan junda Lehipimi tandanacushca carca. Chaipipish israelcunaca filisteocunapaj ñaupajmanta miticushpa rircallami. 12Chaipica Sama runami lenteja chagra chaupipi shayarishpa paica mana cuyurishpa jarcashpa filisteocunata huañuchirca. Paitapish Mandaj Diosmi jahualla mishachirca.
13Quimsa chunga mandajcunamanta quimsami uriyamurcacuna. Paicunaca cozicha punllacunapi Adulam jutcupi David cajpi tupangapajmi shamurcacuna. Chai punllaca filisteocunapaj carpa huasicunaca Refaim pugru pambapimi carca. 14Chaimi Davidca peña jutcupi miticushca carca. Filisteocunapaj cuidaj soldadocunami Belenpi carca. 15Chaipi David yacunaihuan huañucushpami: “Belén pueblo pungu c'uchupi tiyaj pugyumanta yacuta maijan apamushpa ubyachijpichari alli canman” nirca.
16Chashna nijpimi chai quimsa c'ari c'ari runacunaca, filisteocunapaj carpa huasicuna chaupita pasashpa rishpa, Belén pueblo pungu c'uchupi tiyaj pugyu yacuta llujshichishpa japishpa Davidpajman apamurcacuna. Davidca mana ubyasha nircachu. “Cai yacutaca Mandaj Diosmanmi cuni” nishpa tallishpami: 17“Cai yacuta ñuca ubyanamantaca Mandaj Dios huaquichichun. Cai runacuna paicunapaj causaita cushpa, apamugrishca yacuta ubyashpaca, paicunapaj yahuarta ubyashca shinami canga” nishpami mana ubyasha nirca. Chai quimsa c'ari c'ari runacunami yacuta apamurcacuna.
18Sarviapaj churi Joabpaj huauqui Abisaica, soldadocunata mandaj quimsa chungacunata mandajmi carca. Paipaj lanzahuan 300 runacunata huañuchijmari paica. Chaimantami paica chai quimsa runacuna shinallataj alli nishca tucurca. 19Tucui caishujcunata yalli c'ari c'ari cashcamantami, chai quimsa chunga c'ari c'ari runacunata mandaj canata chasquirca. Chashna cashpapish puntapi caj caishuj quimsa c'ari c'aricuna shinatajca manataj cai tucurcachu.
20Chai q'uipaca, Joiadapaj churi Benaiami carca. Joiadaca Cabseel pueblopi causaj imatapish mana manchashpa c'ari c'ari rurajmi carca. Benaiaca moabcunapaj ishqui leoncunatami huañuchirca. Paica rasucui punlla shuj jutcuman yaicushpami, shuj leonta huañuchirca. 21Paica egipcio shuj jatun runatapishmi huañuchirca. Egipcio runaca paipaj maquipica shuj lanzata aisashcami carca. Benaiaca shuj caspihuan egipciopajman uriyamushpaca paipaj lanzallatataj quichushpami paipaj quiquin lanzallahuantaj huañuchirca. 22Chashna rurashpami Joiadapaj churi Benaiaca, quimsa c'ari c'ari runacunamanta alli nishca tucurca. 23Paica quimsa chungacunata yalli alli nishca tucushpapish, puntapi caj caishuj quimsa c'ari c'aricuna shinatajca mana cai tucurcachu. Paitaca Davidca, paita cuidajcunata mandaj cachunmi churarca.
24Joabpaj huauqui Asaelca, quimsa chunga runacunapurapimi carca. Belenmanta caj Dodopaj churi Elhananpish, 25harodita Samapish, harodita Elicapish, 26paltita Helespish, tecoita Iquespish, 27anatotita Abiezerpish, husatita Mebunaipish, 28ahohita Salmonpish, netofatita Maharaipish, 29netofatita Baanapaj churi Helebpish, Benjamín aillupuramanta caj Gabaamanta caj Ribaipaj churi Itaipish, 30piratonita Benaiapish, Gaas jatun yacu c'uchumanta caj Hidaipish, 31arbatita Abi-albonpish, Barhumita Azmavetpish, 32saalbonita Eliabapish, Jasenpaj huahua huahuamanta Jonatanpish, 33ararita Samapish, ararita Sararpaj churi Ahiampish, 34Maacapaj churi Ahasbaipaj churi Elifeletpish, Gilomanta caj Ahitofelpaj churi Eliampish, 35carmelmanta caj Hezraipish, arbitita Paaraipish, 36Sobamanta caj Natanpaj churi Igalpish, gadmanta caj Banipishmi carca. 37Amonita Selecpish, Beerotita Naharaipishmi carca. Paica Sarviapaj churi Joabpaj escudota apajmi carca. 38Itritita Irapish, itritita Garebpish, 39heteo Uriaspishmi carca. Tucui paicunaca quimsa chunga canchiscunami carca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.