1 REYES 1
1
Davidca ña yallitaj yuyaj cashcami
1Jatun mandaj David ña yallitaj yuyaj cajpica, cunujyachunmi churanacunahuan pilluchircacuna. Ashtahuanpish mana cunujyarcachu. 2Chaimi paipajta rurajcunaca: “Jatun mandaj ñucanchij amota cuidachunpish, paipaj c'uchupi dormishpa paita cunujyachichunpish c'arihuan manaraj chayarinacushca solterata mashcaichij. Chaimi jatun mandaj ñucanchij amoca cunujyanga” nircacuna.
3Shina nijpica tucui Israel llajtata, shuj sumaj solterata mashcashpa japishpami jatun mandajpajman pushamurcacuna. Paica sunamitapura Abisag shutimi carca. 4Paica yallitaj sumaj solterami carca. Paimi jatun mandajta cunujyachishpa paipajta rurashpa causarca. Paipica jatun mandajca manataj chayarircachu.
Adonías jatun mandaj tucusha nishcami
5Haguit huarmipaj churi Adoniasmi: “Ñucami jatun mandaj cagrini” nishpa jatarirca. Paica carrocunayuj, caballopi tiyarishpa purij gentecunayuj, paita ñaupashpa purij 50 runacunayujpishmi tucurca. 6Paica Absalonpaj q'uipa huacharishca, sumaj ñahuiyujmi carca. Paipaj yaya Davidca Adoniastaca tucui paipaj causaipimi: “Ima mana allita rurajpipish mana llaquichij carca. ¿Ima nishpataj cashna rurangui, ima nishpataj chashna rurangui?” nishpallapish mana nijchu carca. 7Sarvia huarmipaj churi Joabpish, Abiatar curapish shuj yuyaillami tucurcacuna. Paicunami Adoniastaca ayudarcacuna. 8Shina cajpipish Sadoc curapish, Joiadapaj churi Benaiapish, profeta Natanpish, Simei runapish, Rei runapish, Davidhuan caj tucui jatuncunapish Adoniastaca mana catircacunachu.
9Adoniasca, Rogel pugyu c'uchullapi caj Zohelet c'aca c'uchupimi ovejacunatapish, vacacunatapish, huirayashca animalcunatapish huañuchishpa jatun micuita rurarca. Chaimanca Adoniasca tucui paipaj huauquicuna caj jatun mandajpaj churicunatapish, jatun mandajpajta ruraj tucui Judá runacunatapishmi cayarca. 10Ashtahuanpish Adoniasca profeta Natanta, Benaiata, Davidhuan caj jatuncunata, paipaj huauqui Salomontaca mana cayarcachu. 11Chaita uyashpami Natanca, Salomonpaj mama Betsabetaca:
–Jatun mandaj ñucanchij amo David mana yachajllapi Haguit huarmipaj churi Adonías jatun mandaj tucushcataca ¿manachu uyashcangui? 12Riqui, cambaj causaitapish, cambaj churi Salomonpaj causaitapish cuidangapajca ñuca cunashcata uyashpa, 13jatun mandaj Davidpajman rishpa cashna nigri: Jatun mandaj ñuca amito, ñucapaj q'uipaca cambaj churi Salomonmi ñuca tiyarinapi tiyarishpa mandanga. Chaica chashnatajmi canga nircanguimari. Cunanca ¿ima nishpataj Adonías ña mandacunyari? nigri. 14Jatun mandajhuan can chashna parlacujpiraj ñucapish yaicushpami, can nicushcaca chashnataj cashcata huillasha– nircami.
15Chaimi Betsabeca, jatun mandaj tiyacun ucuman yaicurca. Jatun mandajca, yallitaj yuyajmi carca. Paitaca sunamitapura Abisag shuti huarmimi cuidacurca. 16Betsabeca jatun mandajta alli nishcata ricuchingapaj pambaman tupajta cumurijpimi jatun mandajca:
–¿Ima ninatataj charingui?– nirca.
17Chaimi Betsabeca:
–Ñuca amito, cambajta ruraj ñucataca jatun Mandaj cambaj Diospaj shutipimi: Cambaj churi Salomonmi ñucapaj q'uipaca mandanga. Paimi ñuca jatun tiyarinapica tiyaringa, chaica chashnatajmi canga nircangui. 18Ashtahuanpish cunanca Adoniasmari ña jatun mandaj tucushca. Chaitaca jatun mandaj ñuca amoca cunancama manaraj yachanguica. 19Paica huagracunata, huirayashca animalcunata, achca ovejacunatami huañuchishca. Chaimanca can jatun mandajpaj tucui churicunata, Abiatar curata, soldadocunata mandaj Joabtapish cayashcami. Ashtahuanpish cambajta ruraj Salomontaca manamari cayashcachu. 20Jatun mandaj ñuca amito, cambaj jatun tiyarinapi jatun mandaj can ñuca amopaj q'uipa pi tiyarinataca can jatun mandajllataj pita churajtami tucui israelcuna chaparacuncuna. 21Can jatun mandaj ñuca amito can mana chashna churashpa cambaj ñaupa yayacunahuan dormijpica ñucatapish, ñuca churi Salomontapish huañuchingacunamari– nircami.
22Betsabé huarmi jatun mandajhuan parlanacucujpirajmi, profeta Natanca chayarca. 23Chaimi jatun mandajmanca: “Profeta Natanmi caipi” nishpa huillarcacuna. Jatun mandaj maipi canman paipish yaicushpaca, jatun mandajpaj ñaupajpi pambaman tupajta cumurishpami, 24Natanca:
–Jatun mandaj ñuca amito, Adoniastaca: Ñucapaj q'uipaca paimi mandanga, paimi ñuca jatun tiyanapica tiyaringa nishpaca canchu nircangui. 25Adoniasca huagracunata, huirayashca animalcunata, achca ovejacunata huañuchingapajmi cunan uriyashca. Chaimanca can jatun mandajpaj tucui churicunata, soldadocunata mandajcunata, Abiatar curatapishmi cayashca. Paicunaca Adoniaspaj ñaupajpimi micushpa ubyashpa, ¡Viva, jatun mandaj Adonías! nishpa caparicuncuna. 26Can jatun mandajpajta ruraj ñucatapish, Sadoc curatapish, Joiadapaj churi Benaiatapish, cambajta ruraj Salomontapish manamari cayashcachu. 27¿Adonías mandaj tucuchunca jatun mandaj ñuca amochu mandashca canga imashi? Paipajta ruraj ñucanchijman mana yachaj chayachishpa, jatun mandaj ñuca amoca paipaj randi Adonías jatun mandaj cachun churashca canataca mana yuyanchijchu– nircami.
Davidca jatun mandaj cachun Salomonta churashcami
28Chaimi jatun mandaj Davidca: Betsabeta cayachijpi jatun mandajpajman Betsabé yaicushpaca, jatun mandajpaj ñaupajpi shayarirca. 29Jatun mandajca:
–Ñuca almata tucui llaquimanta quishpichij Mandaj Diosca causajmi. Paipaj ñaupajpimi cashna nini: 30Israelcunata Mandaj Taita Diospaj ñaupajpi: Cambaj churi Salomonmi ñucapaj q'uipaca mandanga. Chaica chashnatajmi canga. Paimi ñuca jatun tiyarinapica ñucapaj randi tiyaringa nishcataca cunantajmi pajtachigrini– nirca.
31Shina nijpi Betsabeca, jatun mandajta alli nishcata ricuchingapaj, jatun mandajpaj ñaupajpi pambaman tupajta cumurishpami jatun mandajtaca:
–Jatun mandaj David ñuca amoca, huiñaita causashca cachun– nirca.
32Jatun mandaj Davidca Sadoc curatapish, profeta Natantapish, Benaiapaj churi Joiadatapish cayachijpimi, paicunaca jatun mandajpaj ñaupajman yaicurcacuna. 33Chaimi jatun mandajca:
–Cancunapaj amopajta rurajcunata pushashpa ñuca mulapi ñuca churi Salomonta tiyachishpa Gihonman pushaichij. 34Chaipimi Sadoc curahuan, profeta Natanhuanca Salomontaca aceitehuan churashpa israelcunata jatun mandajmi cangui nina canguichij. Trompetapi tocashpami: ¡Viva jatun mandaj Salomón! nina canguichij. 35Chai q'uipaca paita catishca ringuichij. Paica ñuca jatun tiyarinapi tiyarishpami ñucapaj randi mandanga. Israelcunatapish, judacunatapish mandachunca paitami agllarcani– nircami.
36Chaimi Joiadapaj churi Benaiaca jatun mandajtaca:
–Can nishca shinataj cachun. Jatun mandaj ñuca amopaj Mandaj Taita Diospish chai shinallataj nishca cachun. 37Mandaj Diosca jatun mandaj ñuca amohuan cashca shinallataj, Salomonhuanpish cashca alli cachun. Pai mandanataca jatun mandaj David ñuca amo mandacushcatapish ashtahuan yalli jatunyachishca cachun– nircami.
38Shina nijpica Sadoc curapish, profeta Natanpish, Joiadapaj churi Benaiapish, cereteocunapish, peleteocunapish jatun mandaj Davidpaj mulapi Salomonta tiyachishpami Gihón pugyuman pushashpa uriyarcacuna. 39Chaipimi Sadoc curaca, Diospaj carpa huasi ucupi caj aceitendij caj gachuta apashpa chai aceitehuan Salomonpaj umapi churashpa jatun mandajmi cangui nirca. Trompetacunapi tocajpimi, tucuicuna: “¡Viva, jatun mandaj Salomón!” nishpa caparircacuna. 40Chai q'uipaca tucuicunami Salomonta catishca huichiyarcacuna. Paicunaca cantaihuan, flautacunapi tocaihuanmi jatunta cushicurcacuna. Paicuna caparishcacunaca allpa ucujta huashicucuj shinami carca.
41Adoniaspish, pai cayashca paihuan cajcunapish ña tucui micucushpami, chashna bullashcata uyarcacuna. Trompetapi tocashcacunata Joab uyashpaca:
–¿Ima bullataj pueblopica tiyanchu imamí?– nircami.
42Joab chashna nicujpirajmi, Abiatar curapaj churi Jonatanca chaiman chayarca. Paitami Adoniasca:
–Yaicui, canca c'ari c'ari runami cangui. Ima alli huillanata apamujmi cangui– nirca.
43Chaipimi Jonatanca, Adoniasmanca:
–Jatun mandaj David ñucanchij amoca, Salomontami jatun mandajtaj cachun churashca. 44Jatun mandajca Sadoc curatapish, profeta Natantapish, Joiadapaj churi Benaiatapish, cereteocunatapish, peleteocunatapish Salomonhuanmi cachashca. Paicunami Salomontaca jatun mandajpaj mulapi tiyachishcacuna. 45Sadoc curapish, profeta Natanpish, Gihonpimi Salomontaca aceitehuan churashpa jatun mandajmi cangui nishca. Chaimantami paicunaca yallitaj cushicuihuan huichiyancuna. Pueblopipish yallitaj bullacuncuna. Chai bullatami cancunaca uyashcanguichij. 46Salomonpish mandashpa tiyana jatun tiyarinapimi ña tiyarishca. 47Jatun mandajpajta rurajcunapish jatun mandaj David ñucanchij amota alli ninaman shamunchij nishpaca: Taita Diosca Salomonpaj shutitapish Davidpaj shutita yalli alli nishca cachun. Pai mandanatapish can mandacushcata yalli ashtahuan jatunyachishca cachun nishcacunami. Jatun mandajca, paipaj camapimi Taita Diosta adorarca. 48Jatun mandajca cashnapishmi nishca: Cunan punlla ñuca jatun tiyarinapi ñucapaj randi mandaj cachun churaj, chai mandajta ñuca ñahuihuantaj ricuchun saquij israelcunata Mandaj Taita Diostaca alli nishca cachun nircami– nishpami huillarca.
49Shina nijpica Adonías cayashca paihuan micucujcunaca mancharishpami jatarishcahuan tucuicuna paicunapaj quiquin ñanta rircacuna. 50Adoniasca Salomonta manchashpami, jatarishcahuan rishpa altarpaj gachucunapi charirirca. 51Chaimi Salomonmanca:
–Adoniasca can jatun mandaj Salomonta manchashpami, altarpaj gachucunapi charirishpa shayacun. Paica: Can jatun mandaj Salomonpajta ruraj ñucata ama huañuchinata cunantaj ari nihuai ninmi– nishpami yachaj chayachircacuna.
52Chaimi Salomonca:
–Paica alli runa cajpica, paipaj umamanta shuj ajchallapish mana urmangachu. Ashtahuanpish paipi ima mana alli tiyashcata japijpica, paica huañungatajmi– nircami.
53Jatun mandaj Salomonca, altarmanta Adoniasta pushamuchunmi cacharca. Adonías shamushpaca, jatun mandaj Salomonpaj ñaupajpimi cumurirca. Chaimi Salomonca:
–Cambaj huasiman ri– nirca.
Currently Selected:
1 REYES 1: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
1 REYES 1
1
Davidca ña yallitaj yuyaj cashcami
1Jatun mandaj David ña yallitaj yuyaj cajpica, cunujyachunmi churanacunahuan pilluchircacuna. Ashtahuanpish mana cunujyarcachu. 2Chaimi paipajta rurajcunaca: “Jatun mandaj ñucanchij amota cuidachunpish, paipaj c'uchupi dormishpa paita cunujyachichunpish c'arihuan manaraj chayarinacushca solterata mashcaichij. Chaimi jatun mandaj ñucanchij amoca cunujyanga” nircacuna.
3Shina nijpica tucui Israel llajtata, shuj sumaj solterata mashcashpa japishpami jatun mandajpajman pushamurcacuna. Paica sunamitapura Abisag shutimi carca. 4Paica yallitaj sumaj solterami carca. Paimi jatun mandajta cunujyachishpa paipajta rurashpa causarca. Paipica jatun mandajca manataj chayarircachu.
Adonías jatun mandaj tucusha nishcami
5Haguit huarmipaj churi Adoniasmi: “Ñucami jatun mandaj cagrini” nishpa jatarirca. Paica carrocunayuj, caballopi tiyarishpa purij gentecunayuj, paita ñaupashpa purij 50 runacunayujpishmi tucurca. 6Paica Absalonpaj q'uipa huacharishca, sumaj ñahuiyujmi carca. Paipaj yaya Davidca Adoniastaca tucui paipaj causaipimi: “Ima mana allita rurajpipish mana llaquichij carca. ¿Ima nishpataj cashna rurangui, ima nishpataj chashna rurangui?” nishpallapish mana nijchu carca. 7Sarvia huarmipaj churi Joabpish, Abiatar curapish shuj yuyaillami tucurcacuna. Paicunami Adoniastaca ayudarcacuna. 8Shina cajpipish Sadoc curapish, Joiadapaj churi Benaiapish, profeta Natanpish, Simei runapish, Rei runapish, Davidhuan caj tucui jatuncunapish Adoniastaca mana catircacunachu.
9Adoniasca, Rogel pugyu c'uchullapi caj Zohelet c'aca c'uchupimi ovejacunatapish, vacacunatapish, huirayashca animalcunatapish huañuchishpa jatun micuita rurarca. Chaimanca Adoniasca tucui paipaj huauquicuna caj jatun mandajpaj churicunatapish, jatun mandajpajta ruraj tucui Judá runacunatapishmi cayarca. 10Ashtahuanpish Adoniasca profeta Natanta, Benaiata, Davidhuan caj jatuncunata, paipaj huauqui Salomontaca mana cayarcachu. 11Chaita uyashpami Natanca, Salomonpaj mama Betsabetaca:
–Jatun mandaj ñucanchij amo David mana yachajllapi Haguit huarmipaj churi Adonías jatun mandaj tucushcataca ¿manachu uyashcangui? 12Riqui, cambaj causaitapish, cambaj churi Salomonpaj causaitapish cuidangapajca ñuca cunashcata uyashpa, 13jatun mandaj Davidpajman rishpa cashna nigri: Jatun mandaj ñuca amito, ñucapaj q'uipaca cambaj churi Salomonmi ñuca tiyarinapi tiyarishpa mandanga. Chaica chashnatajmi canga nircanguimari. Cunanca ¿ima nishpataj Adonías ña mandacunyari? nigri. 14Jatun mandajhuan can chashna parlacujpiraj ñucapish yaicushpami, can nicushcaca chashnataj cashcata huillasha– nircami.
15Chaimi Betsabeca, jatun mandaj tiyacun ucuman yaicurca. Jatun mandajca, yallitaj yuyajmi carca. Paitaca sunamitapura Abisag shuti huarmimi cuidacurca. 16Betsabeca jatun mandajta alli nishcata ricuchingapaj pambaman tupajta cumurijpimi jatun mandajca:
–¿Ima ninatataj charingui?– nirca.
17Chaimi Betsabeca:
–Ñuca amito, cambajta ruraj ñucataca jatun Mandaj cambaj Diospaj shutipimi: Cambaj churi Salomonmi ñucapaj q'uipaca mandanga. Paimi ñuca jatun tiyarinapica tiyaringa, chaica chashnatajmi canga nircangui. 18Ashtahuanpish cunanca Adoniasmari ña jatun mandaj tucushca. Chaitaca jatun mandaj ñuca amoca cunancama manaraj yachanguica. 19Paica huagracunata, huirayashca animalcunata, achca ovejacunatami huañuchishca. Chaimanca can jatun mandajpaj tucui churicunata, Abiatar curata, soldadocunata mandaj Joabtapish cayashcami. Ashtahuanpish cambajta ruraj Salomontaca manamari cayashcachu. 20Jatun mandaj ñuca amito, cambaj jatun tiyarinapi jatun mandaj can ñuca amopaj q'uipa pi tiyarinataca can jatun mandajllataj pita churajtami tucui israelcuna chaparacuncuna. 21Can jatun mandaj ñuca amito can mana chashna churashpa cambaj ñaupa yayacunahuan dormijpica ñucatapish, ñuca churi Salomontapish huañuchingacunamari– nircami.
22Betsabé huarmi jatun mandajhuan parlanacucujpirajmi, profeta Natanca chayarca. 23Chaimi jatun mandajmanca: “Profeta Natanmi caipi” nishpa huillarcacuna. Jatun mandaj maipi canman paipish yaicushpaca, jatun mandajpaj ñaupajpi pambaman tupajta cumurishpami, 24Natanca:
–Jatun mandaj ñuca amito, Adoniastaca: Ñucapaj q'uipaca paimi mandanga, paimi ñuca jatun tiyanapica tiyaringa nishpaca canchu nircangui. 25Adoniasca huagracunata, huirayashca animalcunata, achca ovejacunata huañuchingapajmi cunan uriyashca. Chaimanca can jatun mandajpaj tucui churicunata, soldadocunata mandajcunata, Abiatar curatapishmi cayashca. Paicunaca Adoniaspaj ñaupajpimi micushpa ubyashpa, ¡Viva, jatun mandaj Adonías! nishpa caparicuncuna. 26Can jatun mandajpajta ruraj ñucatapish, Sadoc curatapish, Joiadapaj churi Benaiatapish, cambajta ruraj Salomontapish manamari cayashcachu. 27¿Adonías mandaj tucuchunca jatun mandaj ñuca amochu mandashca canga imashi? Paipajta ruraj ñucanchijman mana yachaj chayachishpa, jatun mandaj ñuca amoca paipaj randi Adonías jatun mandaj cachun churashca canataca mana yuyanchijchu– nircami.
Davidca jatun mandaj cachun Salomonta churashcami
28Chaimi jatun mandaj Davidca: Betsabeta cayachijpi jatun mandajpajman Betsabé yaicushpaca, jatun mandajpaj ñaupajpi shayarirca. 29Jatun mandajca:
–Ñuca almata tucui llaquimanta quishpichij Mandaj Diosca causajmi. Paipaj ñaupajpimi cashna nini: 30Israelcunata Mandaj Taita Diospaj ñaupajpi: Cambaj churi Salomonmi ñucapaj q'uipaca mandanga. Chaica chashnatajmi canga. Paimi ñuca jatun tiyarinapica ñucapaj randi tiyaringa nishcataca cunantajmi pajtachigrini– nirca.
31Shina nijpi Betsabeca, jatun mandajta alli nishcata ricuchingapaj, jatun mandajpaj ñaupajpi pambaman tupajta cumurishpami jatun mandajtaca:
–Jatun mandaj David ñuca amoca, huiñaita causashca cachun– nirca.
32Jatun mandaj Davidca Sadoc curatapish, profeta Natantapish, Benaiapaj churi Joiadatapish cayachijpimi, paicunaca jatun mandajpaj ñaupajman yaicurcacuna. 33Chaimi jatun mandajca:
–Cancunapaj amopajta rurajcunata pushashpa ñuca mulapi ñuca churi Salomonta tiyachishpa Gihonman pushaichij. 34Chaipimi Sadoc curahuan, profeta Natanhuanca Salomontaca aceitehuan churashpa israelcunata jatun mandajmi cangui nina canguichij. Trompetapi tocashpami: ¡Viva jatun mandaj Salomón! nina canguichij. 35Chai q'uipaca paita catishca ringuichij. Paica ñuca jatun tiyarinapi tiyarishpami ñucapaj randi mandanga. Israelcunatapish, judacunatapish mandachunca paitami agllarcani– nircami.
36Chaimi Joiadapaj churi Benaiaca jatun mandajtaca:
–Can nishca shinataj cachun. Jatun mandaj ñuca amopaj Mandaj Taita Diospish chai shinallataj nishca cachun. 37Mandaj Diosca jatun mandaj ñuca amohuan cashca shinallataj, Salomonhuanpish cashca alli cachun. Pai mandanataca jatun mandaj David ñuca amo mandacushcatapish ashtahuan yalli jatunyachishca cachun– nircami.
38Shina nijpica Sadoc curapish, profeta Natanpish, Joiadapaj churi Benaiapish, cereteocunapish, peleteocunapish jatun mandaj Davidpaj mulapi Salomonta tiyachishpami Gihón pugyuman pushashpa uriyarcacuna. 39Chaipimi Sadoc curaca, Diospaj carpa huasi ucupi caj aceitendij caj gachuta apashpa chai aceitehuan Salomonpaj umapi churashpa jatun mandajmi cangui nirca. Trompetacunapi tocajpimi, tucuicuna: “¡Viva, jatun mandaj Salomón!” nishpa caparircacuna. 40Chai q'uipaca tucuicunami Salomonta catishca huichiyarcacuna. Paicunaca cantaihuan, flautacunapi tocaihuanmi jatunta cushicurcacuna. Paicuna caparishcacunaca allpa ucujta huashicucuj shinami carca.
41Adoniaspish, pai cayashca paihuan cajcunapish ña tucui micucushpami, chashna bullashcata uyarcacuna. Trompetapi tocashcacunata Joab uyashpaca:
–¿Ima bullataj pueblopica tiyanchu imamí?– nircami.
42Joab chashna nicujpirajmi, Abiatar curapaj churi Jonatanca chaiman chayarca. Paitami Adoniasca:
–Yaicui, canca c'ari c'ari runami cangui. Ima alli huillanata apamujmi cangui– nirca.
43Chaipimi Jonatanca, Adoniasmanca:
–Jatun mandaj David ñucanchij amoca, Salomontami jatun mandajtaj cachun churashca. 44Jatun mandajca Sadoc curatapish, profeta Natantapish, Joiadapaj churi Benaiatapish, cereteocunatapish, peleteocunatapish Salomonhuanmi cachashca. Paicunami Salomontaca jatun mandajpaj mulapi tiyachishcacuna. 45Sadoc curapish, profeta Natanpish, Gihonpimi Salomontaca aceitehuan churashpa jatun mandajmi cangui nishca. Chaimantami paicunaca yallitaj cushicuihuan huichiyancuna. Pueblopipish yallitaj bullacuncuna. Chai bullatami cancunaca uyashcanguichij. 46Salomonpish mandashpa tiyana jatun tiyarinapimi ña tiyarishca. 47Jatun mandajpajta rurajcunapish jatun mandaj David ñucanchij amota alli ninaman shamunchij nishpaca: Taita Diosca Salomonpaj shutitapish Davidpaj shutita yalli alli nishca cachun. Pai mandanatapish can mandacushcata yalli ashtahuan jatunyachishca cachun nishcacunami. Jatun mandajca, paipaj camapimi Taita Diosta adorarca. 48Jatun mandajca cashnapishmi nishca: Cunan punlla ñuca jatun tiyarinapi ñucapaj randi mandaj cachun churaj, chai mandajta ñuca ñahuihuantaj ricuchun saquij israelcunata Mandaj Taita Diostaca alli nishca cachun nircami– nishpami huillarca.
49Shina nijpica Adonías cayashca paihuan micucujcunaca mancharishpami jatarishcahuan tucuicuna paicunapaj quiquin ñanta rircacuna. 50Adoniasca Salomonta manchashpami, jatarishcahuan rishpa altarpaj gachucunapi charirirca. 51Chaimi Salomonmanca:
–Adoniasca can jatun mandaj Salomonta manchashpami, altarpaj gachucunapi charirishpa shayacun. Paica: Can jatun mandaj Salomonpajta ruraj ñucata ama huañuchinata cunantaj ari nihuai ninmi– nishpami yachaj chayachircacuna.
52Chaimi Salomonca:
–Paica alli runa cajpica, paipaj umamanta shuj ajchallapish mana urmangachu. Ashtahuanpish paipi ima mana alli tiyashcata japijpica, paica huañungatajmi– nircami.
53Jatun mandaj Salomonca, altarmanta Adoniasta pushamuchunmi cacharca. Adonías shamushpaca, jatun mandaj Salomonpaj ñaupajpimi cumurirca. Chaimi Salomonca:
–Cambaj huasiman ri– nirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.