Obadaiya 1
1
Ñkukịd Obadaiya
1Ñkukịd Obadaiya
Se Abọọñ Andikara atañ abaña Edọm ado ami,
Ñnyịn imikop etob ito Abọọñ:
Emaedọñ isʌñutom aka mme idịd akebo,
“Dakka da, yak ñnyịn ika ikinwana ekọñ ye anye.”
2“Se, ami ñyaanam afo asịp ke atu mme idịd;
eyaenekke usọọn fiin.
3Ntañidem esịd mfo ubiaña fiin,
afo a-adʌññọ ke mme aba ikpọitiad,
anyʌñ abọp ufọk mfo ke anyọñ,
afo a-abooho idem mfo,
‘Anie akeme adinsuuhọ miin nnịm ke isọñ?’
4Akpesʌkado afo afuurọke nte ntrukpuum
anyʌñ abọp efọk mfo ke atu mme ntantaafiọñ,
ke itie ado ami ñyausuuhọ fiin nnịm ke isọñ,”
Abọọñ atañ.
5“Adieke mme inọ ekpediighe ubịne fiin,
me mme amauke ekpediighe ke akonayio;
o, nsoo nsobo ada ubet fiin!
Nte ammọ ikpiyịppe kpa ñkpọ se ammọ eyem kpọd?
Adieke mbon e-ekịppeke kreb ekpediighe ubịne fiin,
nte ammọ ikpisʌhọke idem kreb ifañ?
6Ado se naña ediibịme Isọ,
afịd mme ndedịbe inie amọ eyaekoono!
7Afịd mme nsaña mfo eyaunək fiin ekenịm ke adaña;
mme ufan mfo eyaubiaaña enyʌñ ukan fiin udịd;
mbon e-etaaha uyo mfo eyaekọọk afia enịm unọ fiin,
ado afo uduudiọọñọke.
8“Ke usen ado,” Abọọñ atañ,
“nte ami ndiisoboke mbon aniọñ Edọm,
mme anie ifiọk awo ke mme abod Isọ?
9Mbon ekọñ mfo, Teman, eyaekop ndịk,
ye afịd awo ke mme ikpọabod Isọ
eyaekpịkke ammọ esio.
10Ato ke ntak afai a-afo anamma ye ayịneka mfo Yekọb,
abuud ayaufʌk fiin;
eyausobo fiin ke nsi-nsi.
11Ke usen a-afo akedaaha nsan-nsan
idaha i-isenawo eketañña inie amọ enyọñ,
mbon asenidịd enyʌñ edʌk mme inuaatob amọ,
enyʌñ esịn afia ebaña Yeruselem,
afo akeba nte awo ammọ keed.
12Inaaha afo adaara abaña ayịneka mfo
ke usen nnananyen amọ,
me adaara abaña mbon Yuda
ke usen nsobo ammọ,
me aduaak inua eti-eti
ke usen mfịna ammọ.
13Inaaha afo asaña aboiyo ke inuaatob ikọd mmi
ke usen afanekọñ ammọ,
me asak ammọ ke mfịna ammọ
ke usen afanekọñ ammọ,
me aben inie ammọ
ke usen afanekọñ ammọ.
14Inaaha afo ada ke mme ñwaaña usʌñ
adikpịkke mbon efeeñeke mfịna,
me asaana mme ñyọhọnsʌhọ ammọ anọ
ke usen mfịna ammọ.
15“Usen Abọọñ akpere
anọ afịd mme idịd.
Naña afo anam, ediinam ntoro unọ fiin;
mme adinam mfo ayaatịmme udoro fiin ke iwuod.
16Kpa naña afo akenwọñ ke adisana abod mmi,
ntoro ke afịd mme idịd ediikaiso inwọñ;
ammọ eyaenwọñ emaana enwọñ,
anyʌñ aba nte ammọ akenaanam ibaaha.
17Ado ubọkkọ adiiba ke Abod Saiyọn;
anye adiido adisana,
ndin Yekọb ayaaben udeeme amọ anie.
18Yekọb adiido ikañ;
Yosef ado edemeikañ;
Isọ adiido ikpotok,
ndin ammọ eyaesịn ikañ ke anye enyʌñ esobo anye.
Nsʌhọ ndomokeed idiibaaha
a-atooho Isọ.”
Abọọñ atañ.
19Mbon e-etooho Nekef ediidʌñ
ke ikpọabod Isọ,
ndin mbon usuuk abod eyaedat
isọñ mbon Filistia enie.
Ammọ eyaedʌñ ke inwañ Ifrem ye Sameria,
ndin Benyamin ayaadat Kilied.
20Mbon Isrel e-eketañña efep e-edʌññọ ke Kenan
eyaedat isọñ Sarefad enie;
mbon ekebịneke esio ke Yeruselem e-ebaaha ke Sefarad
eyaedat mme abio Nekef enie.
21Mme anyaaña awo eyaedọọk ekaa ke Abod Saiyọn,
nọ ekekaara mme ikpọabod Isọ.
Ndin abioubọọñ adiinie Abọọñ.
Currently Selected:
Obadaiya 1: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Obadaiya 1
1
Ñkukịd Obadaiya
1Ñkukịd Obadaiya
Se Abọọñ Andikara atañ abaña Edọm ado ami,
Ñnyịn imikop etob ito Abọọñ:
Emaedọñ isʌñutom aka mme idịd akebo,
“Dakka da, yak ñnyịn ika ikinwana ekọñ ye anye.”
2“Se, ami ñyaanam afo asịp ke atu mme idịd;
eyaenekke usọọn fiin.
3Ntañidem esịd mfo ubiaña fiin,
afo a-adʌññọ ke mme aba ikpọitiad,
anyʌñ abọp ufọk mfo ke anyọñ,
afo a-abooho idem mfo,
‘Anie akeme adinsuuhọ miin nnịm ke isọñ?’
4Akpesʌkado afo afuurọke nte ntrukpuum
anyʌñ abọp efọk mfo ke atu mme ntantaafiọñ,
ke itie ado ami ñyausuuhọ fiin nnịm ke isọñ,”
Abọọñ atañ.
5“Adieke mme inọ ekpediighe ubịne fiin,
me mme amauke ekpediighe ke akonayio;
o, nsoo nsobo ada ubet fiin!
Nte ammọ ikpiyịppe kpa ñkpọ se ammọ eyem kpọd?
Adieke mbon e-ekịppeke kreb ekpediighe ubịne fiin,
nte ammọ ikpisʌhọke idem kreb ifañ?
6Ado se naña ediibịme Isọ,
afịd mme ndedịbe inie amọ eyaekoono!
7Afịd mme nsaña mfo eyaunək fiin ekenịm ke adaña;
mme ufan mfo eyaubiaaña enyʌñ ukan fiin udịd;
mbon e-etaaha uyo mfo eyaekọọk afia enịm unọ fiin,
ado afo uduudiọọñọke.
8“Ke usen ado,” Abọọñ atañ,
“nte ami ndiisoboke mbon aniọñ Edọm,
mme anie ifiọk awo ke mme abod Isọ?
9Mbon ekọñ mfo, Teman, eyaekop ndịk,
ye afịd awo ke mme ikpọabod Isọ
eyaekpịkke ammọ esio.
10Ato ke ntak afai a-afo anamma ye ayịneka mfo Yekọb,
abuud ayaufʌk fiin;
eyausobo fiin ke nsi-nsi.
11Ke usen a-afo akedaaha nsan-nsan
idaha i-isenawo eketañña inie amọ enyọñ,
mbon asenidịd enyʌñ edʌk mme inuaatob amọ,
enyʌñ esịn afia ebaña Yeruselem,
afo akeba nte awo ammọ keed.
12Inaaha afo adaara abaña ayịneka mfo
ke usen nnananyen amọ,
me adaara abaña mbon Yuda
ke usen nsobo ammọ,
me aduaak inua eti-eti
ke usen mfịna ammọ.
13Inaaha afo asaña aboiyo ke inuaatob ikọd mmi
ke usen afanekọñ ammọ,
me asak ammọ ke mfịna ammọ
ke usen afanekọñ ammọ,
me aben inie ammọ
ke usen afanekọñ ammọ.
14Inaaha afo ada ke mme ñwaaña usʌñ
adikpịkke mbon efeeñeke mfịna,
me asaana mme ñyọhọnsʌhọ ammọ anọ
ke usen mfịna ammọ.
15“Usen Abọọñ akpere
anọ afịd mme idịd.
Naña afo anam, ediinam ntoro unọ fiin;
mme adinam mfo ayaatịmme udoro fiin ke iwuod.
16Kpa naña afo akenwọñ ke adisana abod mmi,
ntoro ke afịd mme idịd ediikaiso inwọñ;
ammọ eyaenwọñ emaana enwọñ,
anyʌñ aba nte ammọ akenaanam ibaaha.
17Ado ubọkkọ adiiba ke Abod Saiyọn;
anye adiido adisana,
ndin Yekọb ayaaben udeeme amọ anie.
18Yekọb adiido ikañ;
Yosef ado edemeikañ;
Isọ adiido ikpotok,
ndin ammọ eyaesịn ikañ ke anye enyʌñ esobo anye.
Nsʌhọ ndomokeed idiibaaha
a-atooho Isọ.”
Abọọñ atañ.
19Mbon e-etooho Nekef ediidʌñ
ke ikpọabod Isọ,
ndin mbon usuuk abod eyaedat
isọñ mbon Filistia enie.
Ammọ eyaedʌñ ke inwañ Ifrem ye Sameria,
ndin Benyamin ayaadat Kilied.
20Mbon Isrel e-eketañña efep e-edʌññọ ke Kenan
eyaedat isọñ Sarefad enie;
mbon ekebịneke esio ke Yeruselem e-ebaaha ke Sefarad
eyaedat mme abio Nekef enie.
21Mme anyaaña awo eyaedọọk ekaa ke Abod Saiyọn,
nọ ekekaara mme ikpọabod Isọ.
Ndin abioubọọñ adiinie Abọọñ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.