Maika 3
3
Esua Enọ mme Adaiwuod ye mme Prọfed
1Ndin ami mmaabo,
“Ikpañ utọñ, ndufo mme adaaha Yekọb,
ndufo mme mbọọñ Isrel.
Nte ndufo ikpiyemme unen,
2ndufo e-esuaha eti ñkpọ ado e-ema idiọọkñkpọ;
ndufo mme ayaara ikpaidem nsio ke idem mbon mmi,
enyʌñ ekappa abʌk esio ke akpọ ammọ;
3e-etaaha abʌk mbon mmi,
efọọrọ ikpaidem ammọ
enyʌñ eboom akpọ ammọ mbai-mbai;
e-ekpokko ammọ nte unam se esịn ke ako ufrañ ñkpọ,
nte abʌk se esịn ke ako?”
4Ndin ammọ eyaetua ekoot Abọọñ,
ado anye idiibọọrọke ammọ.
Ke ini ado anye ayaadịp ammọ iso
ato ke idiọọkñkpọ se ammọ enam.
5Ntom ke Abọọñ atañ:
“Amaado mme prọfed
e-ebenne mbon mmi etịn usʌñ,
ammọ ekwọrọ ‘emem’
adieke ammọ enieghe ñkpọ se edia,
ado ebeeñe idem adinwana ekọñ ye awo akeedodo
a-asịnne adinọ ammọ se edia.
6Ke ntoro akonayio ayaifʌk ndufo, mme ñkukịd idiibaaha,
ye ekịm, idiọñ ñko ibaaha.
Utịn ayaasuuhọ anọ mme aku,
ndin uweemeayio ayaakappa akịm anọ ammọ.
7Mme akịdñkukịd eyaekop abuud,
eyaesuenne mme mbiaidiọñ.
Afịd ammọ eyaefʌk iso ammọ
sia ibọọrọ ibaaha ito Abasi.”
8Ado amaado ami, ami ñyọhọ ye adudu,
ye Sịbidịd Abọọñ,
ye unen ye uko,
adidọkkọ Yekọb mme ndudue amọ,
ñnyʌñ ndọkkọ Isrel idiọọkñkpọ amọ.
9Ikop ami, ndufo mme adaaha Yekọb,
ndufo mme mbọọñ Isrel,
e-esuaha unen
enyʌñ ekwaañ afịd se inen;
10e-edatta iyiib ebọp Saiyọn,
enyʌñ ebọp Yeruselem ye ibak.
11Mme adaaha amọ ebọ ubọkedem ndin ekpe ikpe,
mme aku amọ enyʌñ ekpeep ñkpọ ke ekọmudua,
mme prọfed amọ ebre idiọñ ke akʌk.
Ado ammọ eyem unwam Abọọñ enyʌñ ebo,
“Ado nte Abọọñ ibaaha ke atu ñnyịn?
Afanekọñ ndomokeed idiisịmme ñnyịn.”
12Ke ntoro ke ntak mfo,
eyaekịm Saiyọn ekappa nte inwañ,
Yeruselem adiido itoon mbio,
mbid ayaakọt afʌk abod tembịd.
Currently Selected:
Maika 3: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Maika 3
3
Esua Enọ mme Adaiwuod ye mme Prọfed
1Ndin ami mmaabo,
“Ikpañ utọñ, ndufo mme adaaha Yekọb,
ndufo mme mbọọñ Isrel.
Nte ndufo ikpiyemme unen,
2ndufo e-esuaha eti ñkpọ ado e-ema idiọọkñkpọ;
ndufo mme ayaara ikpaidem nsio ke idem mbon mmi,
enyʌñ ekappa abʌk esio ke akpọ ammọ;
3e-etaaha abʌk mbon mmi,
efọọrọ ikpaidem ammọ
enyʌñ eboom akpọ ammọ mbai-mbai;
e-ekpokko ammọ nte unam se esịn ke ako ufrañ ñkpọ,
nte abʌk se esịn ke ako?”
4Ndin ammọ eyaetua ekoot Abọọñ,
ado anye idiibọọrọke ammọ.
Ke ini ado anye ayaadịp ammọ iso
ato ke idiọọkñkpọ se ammọ enam.
5Ntom ke Abọọñ atañ:
“Amaado mme prọfed
e-ebenne mbon mmi etịn usʌñ,
ammọ ekwọrọ ‘emem’
adieke ammọ enieghe ñkpọ se edia,
ado ebeeñe idem adinwana ekọñ ye awo akeedodo
a-asịnne adinọ ammọ se edia.
6Ke ntoro akonayio ayaifʌk ndufo, mme ñkukịd idiibaaha,
ye ekịm, idiọñ ñko ibaaha.
Utịn ayaasuuhọ anọ mme aku,
ndin uweemeayio ayaakappa akịm anọ ammọ.
7Mme akịdñkukịd eyaekop abuud,
eyaesuenne mme mbiaidiọñ.
Afịd ammọ eyaefʌk iso ammọ
sia ibọọrọ ibaaha ito Abasi.”
8Ado amaado ami, ami ñyọhọ ye adudu,
ye Sịbidịd Abọọñ,
ye unen ye uko,
adidọkkọ Yekọb mme ndudue amọ,
ñnyʌñ ndọkkọ Isrel idiọọkñkpọ amọ.
9Ikop ami, ndufo mme adaaha Yekọb,
ndufo mme mbọọñ Isrel,
e-esuaha unen
enyʌñ ekwaañ afịd se inen;
10e-edatta iyiib ebọp Saiyọn,
enyʌñ ebọp Yeruselem ye ibak.
11Mme adaaha amọ ebọ ubọkedem ndin ekpe ikpe,
mme aku amọ enyʌñ ekpeep ñkpọ ke ekọmudua,
mme prọfed amọ ebre idiọñ ke akʌk.
Ado ammọ eyem unwam Abọọñ enyʌñ ebo,
“Ado nte Abọọñ ibaaha ke atu ñnyịn?
Afanekọñ ndomokeed idiisịmme ñnyịn.”
12Ke ntoro ke ntak mfo,
eyaekịm Saiyọn ekappa nte inwañ,
Yeruselem adiido itoon mbio,
mbid ayaakọt afʌk abod tembịd.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.