Luk 4
4
Edomo Yisọs ke Anaan
1Ndin Yisọs ke uyọhọ Adisana Sịbidịd amaakpọñ Yọdan, ndin Sịbidịd amaadat anye akaa anaan. 2Do, ke afịd usen aba setan amaadomo anye idomo. Ke afịd mme usen ado anye ikidiaha ñkpọ ndomokeed; ndin ke akpatre, abiọọñ amaadọñ anye.
3Setan amaabo anye ate, “Adieke afo adooho Ayịn Abasi, bo itiad ami akappa ado uyo.”
4Yisọs amaabọọrọ, “E-ewet ete, ‘Idiidooho uyo ikpọọñ ke awo adiidat idu uwem.’ ”
5Setan amaaben anye akaa anyọñ ekamba abod anyʌñ akewọt anye, ke ataa etək ini, afịd mme abioubọọñ ke ederimbod. 6Setan amaabo Yisọs, “Ami ñyaayaak afịd ubọọñ ekondo ami ye afịd inie ke esịd unọ fiin, sia emaeyaak afịd ennọ miin; ami mmenie ukeme adiyaak anye nnọọ awo ake mmama. 7Afo ukputuak iwuod uñkpono miin, ñyaayaak afịd ami unọ fiin.”
8Yisọs amaabọọrọ anye ate, “E-ewet ete, ‘Kpono Abọọñ Abasi mfo nyʌñ nam ñkpọ nọ anye ikpọọñ.’ ”
9Ndin setan amaaben anye akaa Yeruselem, anyʌñ akenam anye ada ke atịñe anyọñ tembịd, anyʌñ abo anye ate, “Adieke afo adooho Ayịn Abasi, da mi tamma keduọ ke isọñ. 10Sia e-ewewet ete:
“ ‘Anye ayaanọ mme enyere amọ ewʌhọ ubaña fiin
nọ ukpeme fiin dek-dek;
11ammọ eyaukama fiin ke ubọk ammọ,
mbaak afo udutuak ukod mfo ke itiad.’ ”
12Ndin Yisọs amaabọọrọ anye ate, “Emaebo: ‘Kuudomo Abọọñ Abasi mfo idomo.’ ”
13Ke setan amaakekweñe afịd idomo ami, anye amaadakka akpọñ Yisọs akebet tutu ufañ mfen.
Mbon Nasared Esịn Yisọs
14Yisọs amaatịmme anyọñ Kalili ye ayọhọ adudu Adisana Sịbidịd, ndin etob amọ amaasuana ayọhọ afịd ñkanñkʌk ado. 15Anye amaakpeep ñkpọ ke mme sinakọk ammọ, ndin afịd awo emaetooro anye.
16Akekem anye amaakaa Nasared, abio a-anye akekponno, ndin naña ido amọ akesido, anye amaakaa sinakọk ke usen Sabad. Ke anye amaakedakka ada adikoot ñwed Abasi, 17emaenọ anye ñwed prọfed Aisaiya. Ke anye amaaketat ikpañwed ado, anye amaakịt itie e-ekewette ete:
18 “Sịbidịd Abọọñ andoro miin ke idem,
sia anye añyet miin adan anịm,
adikwọrọ eti mbʌk nnọọ mbon uweene.
Anye andọñ miin adikwọrọ uwuọufʌn nnọọ mbon ñkpakọb,
ye aditịmme ñkịt usʌñ nnọọ mme nnan,
ye ñkpọkñyak nnọọ mbon e-efiighe,
19 ñnyʌñ ñkwọrọ isua mfọnido Abọọñ.”
20Ndin anye amaafʌt ikpañwed ado, ayaak anọ akamautom, anyʌñ asuuk atie. Afịd awo ke sinakọk emaewuuk anyen ese anye. 21Ndin anye amaatọọñọ ke adibo ammọ ate, “Ikọ Ñwed Abasi ami asu mfịn ami, nte ndufo ekoppo ke utọñ ndufo.”
22Afịd atu awo emaetañ nti ikọ ebaña anye. Idem amaanyʌñ akpa ammọ eti-eti ke utọ nti ikọ a-akewuọñọke ke inua amọ. Anam ammọ emaebịp ebo, “Idooho ayịn Yosef ado ami?”
23Yisọs amaabo ammọ ate, “Ke akpanikọ ndufo idiitreke aditop ñke ami innọọ miin ite: ‘Abiaibọk, kọk idem mfo!’ Ndufo eyaenyʌñ embo miin, ‘Nam mi ke idʌñ ndufo se ikop naña akenam ke Kapanum.’ ”
24Anye amaadian do ate, “Ntañ akpanikọ inọ ndufo, prọfed ndomokeed isinieghe ukpono ke abio emana amọ. 25Ado akpanikọ ke uwak mme ebekpa emaeba ke Isrel ke ayio Elaiya, idaha a-Abasi akesiide ikpaanyọñ ke afịd isua ita ye afiọñ itiokeed, ndin akpọsọñ akañ akeba ke iso isọñ. 26Ado Abasi ikidọññọ Elaiya abịne ammọ ndomokeed ibọhọke ebekpa keed a-akebaaha ke Sarefad ke ukañ Sidọn. 27Ñkpọ mfen ado, uwak mme adọñọ akpamfia#4:27 Ke usem Greek, ikọ a-adaaha anọ akpamfiaakewuọñọ mme nsio-nsio ñkpọnta ke ikpaidem. mmọdo ekeba ke Isrel ke ini Prọfed Elisa, kpayeado ammọ ndomokeed ikibọọhọ ukọk ibọhọke Neman awo Siria ke ekenam asana.”
28Afịd mbon se ikiba ke sinakọk ikop ikọ ami, emaebịmme iyadesịd. 29Ammọ emaebịmme esịd keed emʌm anye esio ke abio, eben anye ekaa anyọñ abod e-ekebọppọ idʌñ ammọ nọ ato do enək anye eduọọk ke isọñ. 30Ado Yisọs amaasaña ke ufọọd ammọ aboiyo akaa ndubeghe amọ.
Yisọs Abịn Idiọọk Sịbidịd
31Akem anye amaadika Kapanum, ke abio Kalili, ndin ke usen Sabad anye amaakpeep mbon awo ñkpọ. 32Ukpeebñkpọ amọ amaakpa mme awo idem, sia ikọ amọ akesaña ye adudu.
33Awodeen keed a-dimọn, idiọọk sịbidịd, akefịnake amaaba ke sinakọk. Anye amaabọọñ ke akpọsọñ uyio ate, 34“Kpọñ itie ami! Nsoo ke afo ayem ito ñnyịn, Yisọs Ayịn Nasared? Afo amedi adisobo ñnyịn? Mmediọọñọ awo a-afo adooho: Adisana Ayịn Abasi!”
35Ndin Yisọs amaawuuk anye ate, “Dop uyio! Wuọ anye ke idem!” Ndin dimọn ami amaanək anye atọ ke isọñ ke iso afịd awo, awuọ akpọñ anye, ado inọọhọ anye unan ndomokeed.
36Idem amaakpa afịd awo, ndin ammọ emaeneme ke atu idem ammọ ete, “Nsoo utọ ukpeebñkpọ ido ami! Sia ke adudu ye uko anye a-anọ mme ndiọi sịbidịd ewʌhọ ate ewuọñọ, ndin ammọ enyʌñ ewuọñọ!” 37Ndin etob amọ amaasuana ke afịd ñkanñkʌk ado.
Yisọs Akọk Uwak Awo Udọñọ
38Akekem Yisọs amaakpọñ sinakọk akaa ufọk Saimọn. Eka anwaan Saimọn akenie akpọsọñ ufiobidem, ndin ammọ emaebeeñe Yisọs ebo anwam anye. 39Yisọs amaasịkke akpere mma ado anyʌñ asua anọ ufiobidem, ndin udọñọ ado amaakweeñe anye. Idaha-idaha ado mma ado amaadakka ada akenam ndidia anọ ammọ.
40Ke utekke ndubiayio mme awo emaekoono mbon e-ekedọñọke nsio-nsio udọñọ esọk anye, anye amaanyʌñ adot ammọ keedekeed ubọk, akọk ammọ udọñọ. 41Mme dimọn emaenyʌñ ewuọñọ uwak awo ke idem, ebọọñ ñkpo ete, “Afo ado Ayịn Abasi!” Ado anye amaawuuk ammọ inyʌññọ iyak ammọ etañ ikọ, sia ammọ emaediọọñọ ke anye ado Krais.
42Ayio akesiere, Yisọs amaakpọñ do akaa ndobo-ndobo itie. Mbon awo emaedʌk eyem anye ndin ke emaekediwuọ nte anye akeba, emaenwana adinam anye akikpọñ mmimọ. 43Ado anye amaabo ammọ, “Ana ami ñkwọrọ eti mbʌk abioubọọñ Abasi nnọ mme idịd mfen ñko, sia ke ntak ado ke ekennọọ miin ndi.” 44Ndin anye amaakaa iso akwọrọ ikọ ke mme sinakọk ke Yudia.
Currently Selected:
Luk 4: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 4
4
Edomo Yisọs ke Anaan
1Ndin Yisọs ke uyọhọ Adisana Sịbidịd amaakpọñ Yọdan, ndin Sịbidịd amaadat anye akaa anaan. 2Do, ke afịd usen aba setan amaadomo anye idomo. Ke afịd mme usen ado anye ikidiaha ñkpọ ndomokeed; ndin ke akpatre, abiọọñ amaadọñ anye.
3Setan amaabo anye ate, “Adieke afo adooho Ayịn Abasi, bo itiad ami akappa ado uyo.”
4Yisọs amaabọọrọ, “E-ewet ete, ‘Idiidooho uyo ikpọọñ ke awo adiidat idu uwem.’ ”
5Setan amaaben anye akaa anyọñ ekamba abod anyʌñ akewọt anye, ke ataa etək ini, afịd mme abioubọọñ ke ederimbod. 6Setan amaabo Yisọs, “Ami ñyaayaak afịd ubọọñ ekondo ami ye afịd inie ke esịd unọ fiin, sia emaeyaak afịd ennọ miin; ami mmenie ukeme adiyaak anye nnọọ awo ake mmama. 7Afo ukputuak iwuod uñkpono miin, ñyaayaak afịd ami unọ fiin.”
8Yisọs amaabọọrọ anye ate, “E-ewet ete, ‘Kpono Abọọñ Abasi mfo nyʌñ nam ñkpọ nọ anye ikpọọñ.’ ”
9Ndin setan amaaben anye akaa Yeruselem, anyʌñ akenam anye ada ke atịñe anyọñ tembịd, anyʌñ abo anye ate, “Adieke afo adooho Ayịn Abasi, da mi tamma keduọ ke isọñ. 10Sia e-ewewet ete:
“ ‘Anye ayaanọ mme enyere amọ ewʌhọ ubaña fiin
nọ ukpeme fiin dek-dek;
11ammọ eyaukama fiin ke ubọk ammọ,
mbaak afo udutuak ukod mfo ke itiad.’ ”
12Ndin Yisọs amaabọọrọ anye ate, “Emaebo: ‘Kuudomo Abọọñ Abasi mfo idomo.’ ”
13Ke setan amaakekweñe afịd idomo ami, anye amaadakka akpọñ Yisọs akebet tutu ufañ mfen.
Mbon Nasared Esịn Yisọs
14Yisọs amaatịmme anyọñ Kalili ye ayọhọ adudu Adisana Sịbidịd, ndin etob amọ amaasuana ayọhọ afịd ñkanñkʌk ado. 15Anye amaakpeep ñkpọ ke mme sinakọk ammọ, ndin afịd awo emaetooro anye.
16Akekem anye amaakaa Nasared, abio a-anye akekponno, ndin naña ido amọ akesido, anye amaakaa sinakọk ke usen Sabad. Ke anye amaakedakka ada adikoot ñwed Abasi, 17emaenọ anye ñwed prọfed Aisaiya. Ke anye amaaketat ikpañwed ado, anye amaakịt itie e-ekewette ete:
18 “Sịbidịd Abọọñ andoro miin ke idem,
sia anye añyet miin adan anịm,
adikwọrọ eti mbʌk nnọọ mbon uweene.
Anye andọñ miin adikwọrọ uwuọufʌn nnọọ mbon ñkpakọb,
ye aditịmme ñkịt usʌñ nnọọ mme nnan,
ye ñkpọkñyak nnọọ mbon e-efiighe,
19 ñnyʌñ ñkwọrọ isua mfọnido Abọọñ.”
20Ndin anye amaafʌt ikpañwed ado, ayaak anọ akamautom, anyʌñ asuuk atie. Afịd awo ke sinakọk emaewuuk anyen ese anye. 21Ndin anye amaatọọñọ ke adibo ammọ ate, “Ikọ Ñwed Abasi ami asu mfịn ami, nte ndufo ekoppo ke utọñ ndufo.”
22Afịd atu awo emaetañ nti ikọ ebaña anye. Idem amaanyʌñ akpa ammọ eti-eti ke utọ nti ikọ a-akewuọñọke ke inua amọ. Anam ammọ emaebịp ebo, “Idooho ayịn Yosef ado ami?”
23Yisọs amaabo ammọ ate, “Ke akpanikọ ndufo idiitreke aditop ñke ami innọọ miin ite: ‘Abiaibọk, kọk idem mfo!’ Ndufo eyaenyʌñ embo miin, ‘Nam mi ke idʌñ ndufo se ikop naña akenam ke Kapanum.’ ”
24Anye amaadian do ate, “Ntañ akpanikọ inọ ndufo, prọfed ndomokeed isinieghe ukpono ke abio emana amọ. 25Ado akpanikọ ke uwak mme ebekpa emaeba ke Isrel ke ayio Elaiya, idaha a-Abasi akesiide ikpaanyọñ ke afịd isua ita ye afiọñ itiokeed, ndin akpọsọñ akañ akeba ke iso isọñ. 26Ado Abasi ikidọññọ Elaiya abịne ammọ ndomokeed ibọhọke ebekpa keed a-akebaaha ke Sarefad ke ukañ Sidọn. 27Ñkpọ mfen ado, uwak mme adọñọ akpamfia#4:27 Ke usem Greek, ikọ a-adaaha anọ akpamfiaakewuọñọ mme nsio-nsio ñkpọnta ke ikpaidem. mmọdo ekeba ke Isrel ke ini Prọfed Elisa, kpayeado ammọ ndomokeed ikibọọhọ ukọk ibọhọke Neman awo Siria ke ekenam asana.”
28Afịd mbon se ikiba ke sinakọk ikop ikọ ami, emaebịmme iyadesịd. 29Ammọ emaebịmme esịd keed emʌm anye esio ke abio, eben anye ekaa anyọñ abod e-ekebọppọ idʌñ ammọ nọ ato do enək anye eduọọk ke isọñ. 30Ado Yisọs amaasaña ke ufọọd ammọ aboiyo akaa ndubeghe amọ.
Yisọs Abịn Idiọọk Sịbidịd
31Akem anye amaadika Kapanum, ke abio Kalili, ndin ke usen Sabad anye amaakpeep mbon awo ñkpọ. 32Ukpeebñkpọ amọ amaakpa mme awo idem, sia ikọ amọ akesaña ye adudu.
33Awodeen keed a-dimọn, idiọọk sịbidịd, akefịnake amaaba ke sinakọk. Anye amaabọọñ ke akpọsọñ uyio ate, 34“Kpọñ itie ami! Nsoo ke afo ayem ito ñnyịn, Yisọs Ayịn Nasared? Afo amedi adisobo ñnyịn? Mmediọọñọ awo a-afo adooho: Adisana Ayịn Abasi!”
35Ndin Yisọs amaawuuk anye ate, “Dop uyio! Wuọ anye ke idem!” Ndin dimọn ami amaanək anye atọ ke isọñ ke iso afịd awo, awuọ akpọñ anye, ado inọọhọ anye unan ndomokeed.
36Idem amaakpa afịd awo, ndin ammọ emaeneme ke atu idem ammọ ete, “Nsoo utọ ukpeebñkpọ ido ami! Sia ke adudu ye uko anye a-anọ mme ndiọi sịbidịd ewʌhọ ate ewuọñọ, ndin ammọ enyʌñ ewuọñọ!” 37Ndin etob amọ amaasuana ke afịd ñkanñkʌk ado.
Yisọs Akọk Uwak Awo Udọñọ
38Akekem Yisọs amaakpọñ sinakọk akaa ufọk Saimọn. Eka anwaan Saimọn akenie akpọsọñ ufiobidem, ndin ammọ emaebeeñe Yisọs ebo anwam anye. 39Yisọs amaasịkke akpere mma ado anyʌñ asua anọ ufiobidem, ndin udọñọ ado amaakweeñe anye. Idaha-idaha ado mma ado amaadakka ada akenam ndidia anọ ammọ.
40Ke utekke ndubiayio mme awo emaekoono mbon e-ekedọñọke nsio-nsio udọñọ esọk anye, anye amaanyʌñ adot ammọ keedekeed ubọk, akọk ammọ udọñọ. 41Mme dimọn emaenyʌñ ewuọñọ uwak awo ke idem, ebọọñ ñkpo ete, “Afo ado Ayịn Abasi!” Ado anye amaawuuk ammọ inyʌññọ iyak ammọ etañ ikọ, sia ammọ emaediọọñọ ke anye ado Krais.
42Ayio akesiere, Yisọs amaakpọñ do akaa ndobo-ndobo itie. Mbon awo emaedʌk eyem anye ndin ke emaekediwuọ nte anye akeba, emaenwana adinam anye akikpọñ mmimọ. 43Ado anye amaabo ammọ, “Ana ami ñkwọrọ eti mbʌk abioubọọñ Abasi nnọ mme idịd mfen ñko, sia ke ntak ado ke ekennọọ miin ndi.” 44Ndin anye amaakaa iso akwọrọ ikọ ke mme sinakọk ke Yudia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.