Yenesis 34
34
Daina ye Mbon Sekem
1Ndin Daina, ayịn awonwaan a-Lia akemanna anọ Yekọb, amaawuọ akaa adikise ibaan ke idʌñ ado. 2Ke ini Sekem ayịn Hamọọ awo Hif, adaukara abio ado akekịtte anye, anye amaamʌm anye anaa ke ñkanubọk. 3Esịd Sekem amaadiana ye Daina ayịn Yekọb; anye amaama abọikpa ami anyʌñ atañ ikọ ima-ima ye anye. 4Ndin Sekem amaabo ete amọ Hamọọ ate, “Dọ ayịn awonwaan ami nnọ miin.”
5Ke ini Yekọb akekoppo ke emaesappa ayịn amọ Daina, nditọ ideen amọ ekeba ke ikọd ye mme ufene amọ; ndin anye ikinamma ñkpọ ibaña tutu ammọ enyọñ edi ufọk.
6Akema Hamọọ ete Sekem amaawuọ akaa aditañ ikọ ye Yekọb.
7Ke nditọ ideen Yekọb emaekekop se ikitịppe, ammọ emaeto ikọd enyọñ edi. Idem amaakpa ammọ, ammọ emaenyʌñ eyat esịd ufiob-ufiob, sia Sekem amaanam ataa akpatre mbubiam ñkpọ ke Isrel ke anye adina ye ayịn awonwaan Yekọb, ñkpọ i-imiikpinaaha enam.
8Ado Hamọọ amaabo ammọ, “Esịd ayịn mmi Sekem a-ama ayịn ndufo. Mbọk inọ anye nte anwaan amọ. 9Iwuaha ke ndọ ye ñnyịn; inọ ñnyịn nditọ ibaan ndufo, inyʌñ idat nditọ ibaan ñnyịn inọ idem ndufo. 10Ndufo emekeme edidʌñ ke atu ñnyịn; isọñ anyʌñ ana inọ ndufo. Idʌñọ do, inyam#34:10 Awuọñọke esaña naña emama; se ñko ke Yenesis 34:21 udua do, inyʌñ ikọ inie do.”
11Akema Sekem amaabo Yekọb, ete Daina ye nditọeka amọ ideen, “Yak ñkịt mfọn ke iso ndufo, ndin ami ñyainọ ndufo se ekpeyeyem. 12Inam udua ñkpọ ndọ ye mme enọ a-anaaha nte ami nnọ nọ awak anyʌñ akpon naña ndufo ema, ami ñyaanyʌñ ñkpe se ndufo ekpeyeyem. Ado ikap innọ miin abọikpa ami nte anwaan mmi.”
13Sia emaekesappa ayịneka ammọ Daina, nditọ ideen Yekọb emaebọọrọ ke abiaña naña ammọ eketañ ikọ ye Sekem ye ete amọ Hamọọ. 14Ammọ emaebo ammọ ete, “Ñnyịn idiikanna inam utọ ñkpọ ado; ñnyịn idiiyaaha ayịneka ñnyịn awonwaan inọ awo i-imiifọọrọke edʌd ke ndọ. Ado adiido ñkpọ asuenne inọ ñnyịn. 15Ana nte ñnyịn idʌk edioomo ye ndufo ke ñkpọ keed ikpọọñ: Ana nte ndufo ekappa etie nte ñnyịn ke adifọọrọ afịd ideen ndufo edʌd. 16Ndin ñnyịn iyainọ ndufo nditọ ibaan ñnyịn inyʌñ idat nditọ ibaan ndufo inọ idem ñnyịn ke ndọ. Ñnyịn iyaidʌñ ye ndufo inyʌñ ido aduuk keed ye ndufo. 17Ado adieke ndufo imiinyịmmeke adifọọrọ edʌd, ñnyịn iyaiben ayịneka ñnyịn inyọñ.”
18Se ammọ ekeduak amaafọn ke utọñ Hamọọ ye ayịn amọ Sekem. 19Ndin akparawa ami, a-akedooho andinie ukpono ñkan ke ufọk ete amọ, ikibiatta ini adinam se ammọ eketañ, sia anye amaadat esịd ke ayịn awonwaan Yekọb. 20Ndin Hamọọ ye ayịn amọ Sekem emaekaa ke inuaatob isọñ abio ammọ eketañ ikọ enọ ideen isọñabio ammọ. 21Ndin ammọ emaebo ete, “Ideen ami edu ufan-ufan ye ñnyịn. Yak ammọ edʌñọ ke isọñ ñnyịn enyʌñ enyam udua; isọñ a-akpon, anyʌñ anie ekamba ufañ anọ ammọ. Ñnyịn imikeme edidọ nditọ ibaan ammọ, ammọ ñko ekeme edidọ ake ñnyịn. 22Ideen ami eyaenyịmme adidʌñ ye ñnyịn nte aduuk keed, ado ñkpọ keed ado ke ana afịd ideen ñnyịn efọọrọ edʌd, kpa naña ammọ enam. 23Nte ufene ammọ, mme inie ye mme unam ammọ mfen idiidooho ake ñnyịn? Ndin yak ñnyịn inyịmme ye ammọ, nọ ato do ammọ edʌñ ye ñnyịn.”
24Afịd ideen se ikiwuọ ika inuaatob abio emaenyịmme ye Hamọọ ye ayịn amọ Sekem, ndin afịd ideen ke abio emaefọọrọ edʌd.
25Ayọhọ usen ita, ke ini afịd ammọ ekesʌkkọ eba ke ubiak ufọọrọ edʌd, nditọ ideen Yekọb iba, Simiọn ye Lifai, nditọeka Daina, emaeben mme akañkañ ammọ edʌk abio ado, enyʌñ ewoot afịd ideen ke ini awo imiikinieghe mbeeñe idem, ikpeññekpeñ idem.
26Ammọ emaekịm Hamọọ ye ayịn amọ Sekem ke akañkañ ewot, enyʌñ eben Daina esio ke ufọk Sekem edat enyọñ. 27Nditọ ideen Yekọb emaedʌk ke ufọk mme akpañkpa enyʌñ etañ mbịme ke abio e-ekesappake ayịneka ammọ. 28Ammọ emaetañ mme ufene ye mme ebod ye mme dọñki ye afịd ñkpọ mfen a-akenieghe mbon ado ke abio enyʌñ ewuọñọ ekaa ke mme inwañ. 29Ammọ emaekoono afịd inie ammọ ye afịd ibaan ammọ ye nditọ esịññe, enyʌñ ekoono afịd ñkpọ ke mme ufọk nte mbịme.
30Akema Yekọb amaabo Simiọn ye Lifai ate, “Ndufo emeben mfịna ensọk miin ke adinam ami ndo ñkpọndọk ke atu mbon Kenan ye mbon Peris, mbon e-edʌñọke ke isọñ ami. Ñnyịn iwakka ke ibad, ndin adieke ammọ edianake keed enwana ye ami, eyaensobo miin ye ufọk mmi.”
31Ndin ammọ emaebọọrọ anye ete, “Nte akena anye anam ye ayịneka ñnyịn awonwaan nte anam ye akpara?”
Currently Selected:
Yenesis 34: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yenesis 34
34
Daina ye Mbon Sekem
1Ndin Daina, ayịn awonwaan a-Lia akemanna anọ Yekọb, amaawuọ akaa adikise ibaan ke idʌñ ado. 2Ke ini Sekem ayịn Hamọọ awo Hif, adaukara abio ado akekịtte anye, anye amaamʌm anye anaa ke ñkanubọk. 3Esịd Sekem amaadiana ye Daina ayịn Yekọb; anye amaama abọikpa ami anyʌñ atañ ikọ ima-ima ye anye. 4Ndin Sekem amaabo ete amọ Hamọọ ate, “Dọ ayịn awonwaan ami nnọ miin.”
5Ke ini Yekọb akekoppo ke emaesappa ayịn amọ Daina, nditọ ideen amọ ekeba ke ikọd ye mme ufene amọ; ndin anye ikinamma ñkpọ ibaña tutu ammọ enyọñ edi ufọk.
6Akema Hamọọ ete Sekem amaawuọ akaa aditañ ikọ ye Yekọb.
7Ke nditọ ideen Yekọb emaekekop se ikitịppe, ammọ emaeto ikọd enyọñ edi. Idem amaakpa ammọ, ammọ emaenyʌñ eyat esịd ufiob-ufiob, sia Sekem amaanam ataa akpatre mbubiam ñkpọ ke Isrel ke anye adina ye ayịn awonwaan Yekọb, ñkpọ i-imiikpinaaha enam.
8Ado Hamọọ amaabo ammọ, “Esịd ayịn mmi Sekem a-ama ayịn ndufo. Mbọk inọ anye nte anwaan amọ. 9Iwuaha ke ndọ ye ñnyịn; inọ ñnyịn nditọ ibaan ndufo, inyʌñ idat nditọ ibaan ñnyịn inọ idem ndufo. 10Ndufo emekeme edidʌñ ke atu ñnyịn; isọñ anyʌñ ana inọ ndufo. Idʌñọ do, inyam#34:10 Awuọñọke esaña naña emama; se ñko ke Yenesis 34:21 udua do, inyʌñ ikọ inie do.”
11Akema Sekem amaabo Yekọb, ete Daina ye nditọeka amọ ideen, “Yak ñkịt mfọn ke iso ndufo, ndin ami ñyainọ ndufo se ekpeyeyem. 12Inam udua ñkpọ ndọ ye mme enọ a-anaaha nte ami nnọ nọ awak anyʌñ akpon naña ndufo ema, ami ñyaanyʌñ ñkpe se ndufo ekpeyeyem. Ado ikap innọ miin abọikpa ami nte anwaan mmi.”
13Sia emaekesappa ayịneka ammọ Daina, nditọ ideen Yekọb emaebọọrọ ke abiaña naña ammọ eketañ ikọ ye Sekem ye ete amọ Hamọọ. 14Ammọ emaebo ammọ ete, “Ñnyịn idiikanna inam utọ ñkpọ ado; ñnyịn idiiyaaha ayịneka ñnyịn awonwaan inọ awo i-imiifọọrọke edʌd ke ndọ. Ado adiido ñkpọ asuenne inọ ñnyịn. 15Ana nte ñnyịn idʌk edioomo ye ndufo ke ñkpọ keed ikpọọñ: Ana nte ndufo ekappa etie nte ñnyịn ke adifọọrọ afịd ideen ndufo edʌd. 16Ndin ñnyịn iyainọ ndufo nditọ ibaan ñnyịn inyʌñ idat nditọ ibaan ndufo inọ idem ñnyịn ke ndọ. Ñnyịn iyaidʌñ ye ndufo inyʌñ ido aduuk keed ye ndufo. 17Ado adieke ndufo imiinyịmmeke adifọọrọ edʌd, ñnyịn iyaiben ayịneka ñnyịn inyọñ.”
18Se ammọ ekeduak amaafọn ke utọñ Hamọọ ye ayịn amọ Sekem. 19Ndin akparawa ami, a-akedooho andinie ukpono ñkan ke ufọk ete amọ, ikibiatta ini adinam se ammọ eketañ, sia anye amaadat esịd ke ayịn awonwaan Yekọb. 20Ndin Hamọọ ye ayịn amọ Sekem emaekaa ke inuaatob isọñ abio ammọ eketañ ikọ enọ ideen isọñabio ammọ. 21Ndin ammọ emaebo ete, “Ideen ami edu ufan-ufan ye ñnyịn. Yak ammọ edʌñọ ke isọñ ñnyịn enyʌñ enyam udua; isọñ a-akpon, anyʌñ anie ekamba ufañ anọ ammọ. Ñnyịn imikeme edidọ nditọ ibaan ammọ, ammọ ñko ekeme edidọ ake ñnyịn. 22Ideen ami eyaenyịmme adidʌñ ye ñnyịn nte aduuk keed, ado ñkpọ keed ado ke ana afịd ideen ñnyịn efọọrọ edʌd, kpa naña ammọ enam. 23Nte ufene ammọ, mme inie ye mme unam ammọ mfen idiidooho ake ñnyịn? Ndin yak ñnyịn inyịmme ye ammọ, nọ ato do ammọ edʌñ ye ñnyịn.”
24Afịd ideen se ikiwuọ ika inuaatob abio emaenyịmme ye Hamọọ ye ayịn amọ Sekem, ndin afịd ideen ke abio emaefọọrọ edʌd.
25Ayọhọ usen ita, ke ini afịd ammọ ekesʌkkọ eba ke ubiak ufọọrọ edʌd, nditọ ideen Yekọb iba, Simiọn ye Lifai, nditọeka Daina, emaeben mme akañkañ ammọ edʌk abio ado, enyʌñ ewoot afịd ideen ke ini awo imiikinieghe mbeeñe idem, ikpeññekpeñ idem.
26Ammọ emaekịm Hamọọ ye ayịn amọ Sekem ke akañkañ ewot, enyʌñ eben Daina esio ke ufọk Sekem edat enyọñ. 27Nditọ ideen Yekọb emaedʌk ke ufọk mme akpañkpa enyʌñ etañ mbịme ke abio e-ekesappake ayịneka ammọ. 28Ammọ emaetañ mme ufene ye mme ebod ye mme dọñki ye afịd ñkpọ mfen a-akenieghe mbon ado ke abio enyʌñ ewuọñọ ekaa ke mme inwañ. 29Ammọ emaekoono afịd inie ammọ ye afịd ibaan ammọ ye nditọ esịññe, enyʌñ ekoono afịd ñkpọ ke mme ufọk nte mbịme.
30Akema Yekọb amaabo Simiọn ye Lifai ate, “Ndufo emeben mfịna ensọk miin ke adinam ami ndo ñkpọndọk ke atu mbon Kenan ye mbon Peris, mbon e-edʌñọke ke isọñ ami. Ñnyịn iwakka ke ibad, ndin adieke ammọ edianake keed enwana ye ami, eyaensobo miin ye ufọk mmi.”
31Ndin ammọ emaebọọrọ anye ete, “Nte akena anye anam ye ayịneka ñnyịn awonwaan nte anam ye akpara?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.