Utom Mme Abọsịd 24
24
Ikpe Pọọl ke Iso Feliks
1Ke usen ition amaakeboiyo, ekamba aku Ananayas amaadika Siseria asaña ye ubaak mme ñkpisọñ, ye akpe ikpe keed a-akekereke Tetulus, ndin ammọ emaekama se ediitañ idian Pọọl ke iso adaiwuod ukara, Feliks. 2Ke ini ekekoodo Pọọl adi, Tetulus amaaben ikọ ikpe amọ anịm ke iso Feliks ntom: “Ñnyịn iminem esịd ke emem a-abaaha ke ukara mfo ye ukeme a-afo anieghe adida ñkịt ini iso, a-adatta mme ufa nti ñkpọ adi ke abio ami. 3Ke afịd-afịd usʌñ ye afịd itie, ataa eti Feliks, ñnyịn imikịt inyʌñ ukọọm fiin ataa eti-eti. 4Ado mbaak ñnyịn idudat fiin ika anyan, ami mmukpe fiin ubọk nte ke etək ini yak afo akpañ utọñ inọ ñnyịn ke mfọnido mfo.
5“Ñnyịn imiyaara ikịt ke awo ami ado awo ntịme, a-anamma nọ mme Yuu ke afịd ederimbod esịn ntịme. Anye ado aboiyo iso awo anọ afịd mbon ñka Nasared, 6amaanyʌñ adomo adiwuut tembịd: Ke ntoro ñnyịn imaimʌm anye. 7Ñnyịn ikpaikibiire ikpe amọ naña asaña akekem ye mbed ñnyịn. Ado Laisias adaiso ekọñ amaadibọ ñnyịn anye ke ñkanubọk. 8Afo umauduuñọ anye ke idem mfo, ayaakan adiọọñọ akpanikọ abaña afịd se ñnyịn itañ ami ibaña anye.”
9Mme Yuu mfen emaenyʌñ ediana edot anye uyio adisọọñọ mbo ke mme ñkpọ se etañ ami edo akpanikọ.
10Ndin, ke ini adaiwuod ukara amaakenọ Pọọl idiọọñọ ke ubọk abo atañ ikọ, anye amaabọọrọ ate: “Ami mmediọọñọ mbo ke afo amedo abiideikpe idịd ñnyịn ami ke uwak isua; ke ntoro annem miin esịd adikañ idem mmi. 11Afo amekeme adibịp ndiọọñọ ke iboiyoke usen duob mme iba tọọñọ ami ñkedọọk ñka Yeruselem adikikpono Abasi. 12Mbon se indot miin uyio ikiñkịtte miin nte nniin eniin ye awo ke tembịd me adinam mme atu awo esịn ntịme ke sinakọk me ke itie akeedodo ke abio. 13Ndin ammọ idiikanna isọọñọ ke iso mfo ke se mmimọ itañ indian miin ado akpanikọ. 14Ado ami mmenyịmme ke ami ñkpono Abasi mme eteete ñnyịn ñkeene Usʌñ Krais, a-ammọ ebooho ke ado idiọọk ñka. Ami mmenịm afịd ñkpọ a-asañake akekem ye Mbed Moses ye se ewet ke ñwed mme Prọfed. 15Ndin ami mmenie ukem idodanyen ke Abasi kpa naña ibon ami enie, nte ke afịd awo, nti ye ndiọi, eyaeset ke ñkpa. 16Ke ntoro, ami mmesidomo afịd ini adinam akikere esịd mmi asana ke iso Abasi ye ke iso awo.
17“Ke uwak isua amaakeboiyo, ami mmaadi Yeruselem adiben mme enọ nsọk mbon mmi nọ enọ mme uweene ye mme enọ ima esịd. 18Ami mmaanịm idem mmi asana ke ini ammọ ekeñkịtte miin ke afe tembịd naña nnam ñkpọ ami. Atu awo ikibaaha ye ami, ñko ñkisịnne mfịna. 19Ado a-aba mme Yuu e-etooho Esia, a-akpekenaaha eba mi ke iso mfo nọ endot ikọ adieke ammọ enieghe ñkpọ adidat imbiom miin ikpe. 20Amaaboiyo ado, mbon e-ebaaha mi akpena etañ idiọọk ñkpọ a-ammọ ekekịtte ke idem mmi ke ini ñkedaaha ke iso esob Sanhidrin. 21Ibọhọke ñkpọ keed a-ami ñkebọññọ ñkpo ke ini ñkesʌkkọ nda ke iso ammọ mbo: ‘Ado ke ntak adised ke ñkpa ke ami nda ke ikpe ke iso ndufo mfịn ami.’ ”
22Ndin Feliks, a-amaakemeghe anyʌñ adiọọñọ Usʌñ Krais amaasio ikpe anịm usen mfen, abo, “Ke ini Lisias, adaiso ekọñ amaadi, ami ñyaabiide ikpe mfo.” 23Anye amaanọ sentudiọn uyio abo akpeme Pọọl, ado yak anye anie ifuuro anyʌñ ayak mme ufan amọ enọ anye unwam ke se anye ayem.
24Ke usen ifañ amaakeboiyo, Feliks amaasaña ye anwaan amọ Drusila, awonwaan Yuu, adi. Anye amaadọñ ekekoot Pọọl anyʌñ akpañ utọñ akop naña anye atañ ikọ abaña mbuọdidem ke Krais Yisọs. 25Naña Pọọl akesʌkkọ atañ ikọ abaña adinenido, mfarakeidem ye ubiideikpe a-adiidi, Feliks amaakop ndịk anyʌñ abo anye ate, “Ado akem diin! Amekeme ika. Ke ini a-adiifọn ye ami, ñyaadọñ nọ ukoot fiin.” 26Feliks amaadot anyen ke Pọọl ayainọ imọ ubọkedem, ke ntak ado anye amaasidọñ ekoot anye ndin-ndin anyʌñ anie nneme ye anye.
27Isua iba amaakeboiyo, Pọsiọs Festus amaadidat itie Feliks, ado sia Feliks akeyemme inam mfọn nnọọ mme Yuu, anye amaayaak Pọọl asịn ke ufọk ñkpakọb.
Currently Selected:
Utom Mme Abọsịd 24: ICB
Highlight
Copy
Compare
Share
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Utom Mme Abọsịd 24
24
Ikpe Pọọl ke Iso Feliks
1Ke usen ition amaakeboiyo, ekamba aku Ananayas amaadika Siseria asaña ye ubaak mme ñkpisọñ, ye akpe ikpe keed a-akekereke Tetulus, ndin ammọ emaekama se ediitañ idian Pọọl ke iso adaiwuod ukara, Feliks. 2Ke ini ekekoodo Pọọl adi, Tetulus amaaben ikọ ikpe amọ anịm ke iso Feliks ntom: “Ñnyịn iminem esịd ke emem a-abaaha ke ukara mfo ye ukeme a-afo anieghe adida ñkịt ini iso, a-adatta mme ufa nti ñkpọ adi ke abio ami. 3Ke afịd-afịd usʌñ ye afịd itie, ataa eti Feliks, ñnyịn imikịt inyʌñ ukọọm fiin ataa eti-eti. 4Ado mbaak ñnyịn idudat fiin ika anyan, ami mmukpe fiin ubọk nte ke etək ini yak afo akpañ utọñ inọ ñnyịn ke mfọnido mfo.
5“Ñnyịn imiyaara ikịt ke awo ami ado awo ntịme, a-anamma nọ mme Yuu ke afịd ederimbod esịn ntịme. Anye ado aboiyo iso awo anọ afịd mbon ñka Nasared, 6amaanyʌñ adomo adiwuut tembịd: Ke ntoro ñnyịn imaimʌm anye. 7Ñnyịn ikpaikibiire ikpe amọ naña asaña akekem ye mbed ñnyịn. Ado Laisias adaiso ekọñ amaadibọ ñnyịn anye ke ñkanubọk. 8Afo umauduuñọ anye ke idem mfo, ayaakan adiọọñọ akpanikọ abaña afịd se ñnyịn itañ ami ibaña anye.”
9Mme Yuu mfen emaenyʌñ ediana edot anye uyio adisọọñọ mbo ke mme ñkpọ se etañ ami edo akpanikọ.
10Ndin, ke ini adaiwuod ukara amaakenọ Pọọl idiọọñọ ke ubọk abo atañ ikọ, anye amaabọọrọ ate: “Ami mmediọọñọ mbo ke afo amedo abiideikpe idịd ñnyịn ami ke uwak isua; ke ntoro annem miin esịd adikañ idem mmi. 11Afo amekeme adibịp ndiọọñọ ke iboiyoke usen duob mme iba tọọñọ ami ñkedọọk ñka Yeruselem adikikpono Abasi. 12Mbon se indot miin uyio ikiñkịtte miin nte nniin eniin ye awo ke tembịd me adinam mme atu awo esịn ntịme ke sinakọk me ke itie akeedodo ke abio. 13Ndin ammọ idiikanna isọọñọ ke iso mfo ke se mmimọ itañ indian miin ado akpanikọ. 14Ado ami mmenyịmme ke ami ñkpono Abasi mme eteete ñnyịn ñkeene Usʌñ Krais, a-ammọ ebooho ke ado idiọọk ñka. Ami mmenịm afịd ñkpọ a-asañake akekem ye Mbed Moses ye se ewet ke ñwed mme Prọfed. 15Ndin ami mmenie ukem idodanyen ke Abasi kpa naña ibon ami enie, nte ke afịd awo, nti ye ndiọi, eyaeset ke ñkpa. 16Ke ntoro, ami mmesidomo afịd ini adinam akikere esịd mmi asana ke iso Abasi ye ke iso awo.
17“Ke uwak isua amaakeboiyo, ami mmaadi Yeruselem adiben mme enọ nsọk mbon mmi nọ enọ mme uweene ye mme enọ ima esịd. 18Ami mmaanịm idem mmi asana ke ini ammọ ekeñkịtte miin ke afe tembịd naña nnam ñkpọ ami. Atu awo ikibaaha ye ami, ñko ñkisịnne mfịna. 19Ado a-aba mme Yuu e-etooho Esia, a-akpekenaaha eba mi ke iso mfo nọ endot ikọ adieke ammọ enieghe ñkpọ adidat imbiom miin ikpe. 20Amaaboiyo ado, mbon e-ebaaha mi akpena etañ idiọọk ñkpọ a-ammọ ekekịtte ke idem mmi ke ini ñkedaaha ke iso esob Sanhidrin. 21Ibọhọke ñkpọ keed a-ami ñkebọññọ ñkpo ke ini ñkesʌkkọ nda ke iso ammọ mbo: ‘Ado ke ntak adised ke ñkpa ke ami nda ke ikpe ke iso ndufo mfịn ami.’ ”
22Ndin Feliks, a-amaakemeghe anyʌñ adiọọñọ Usʌñ Krais amaasio ikpe anịm usen mfen, abo, “Ke ini Lisias, adaiso ekọñ amaadi, ami ñyaabiide ikpe mfo.” 23Anye amaanọ sentudiọn uyio abo akpeme Pọọl, ado yak anye anie ifuuro anyʌñ ayak mme ufan amọ enọ anye unwam ke se anye ayem.
24Ke usen ifañ amaakeboiyo, Feliks amaasaña ye anwaan amọ Drusila, awonwaan Yuu, adi. Anye amaadọñ ekekoot Pọọl anyʌñ akpañ utọñ akop naña anye atañ ikọ abaña mbuọdidem ke Krais Yisọs. 25Naña Pọọl akesʌkkọ atañ ikọ abaña adinenido, mfarakeidem ye ubiideikpe a-adiidi, Feliks amaakop ndịk anyʌñ abo anye ate, “Ado akem diin! Amekeme ika. Ke ini a-adiifọn ye ami, ñyaadọñ nọ ukoot fiin.” 26Feliks amaadot anyen ke Pọọl ayainọ imọ ubọkedem, ke ntak ado anye amaasidọñ ekoot anye ndin-ndin anyʌñ anie nneme ye anye.
27Isua iba amaakeboiyo, Pọsiọs Festus amaadidat itie Feliks, ado sia Feliks akeyemme inam mfọn nnọọ mme Yuu, anye amaayaak Pọọl asịn ke ufọk ñkpakọb.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.