Matiu 7
7
Ẹdjeguo rẹ Ihwo efa
(Luk 6.37-38, 41-42)
1Ovwan gu ẹdjọ rẹ ohwo-o, rere ohwo vwo jẹ ovwan eguo. 2Kidie oghẹre rẹ orhiẹn ru we bru kẹ ihwo, ọye e ji bru kẹ ovwan. Uchunu wọ vwọ vwavwe kẹ ihwo, ọye a je vwọ vwavwe kẹ ovwan. 3Die nẹrhẹ we nẹ ukueku rọ hẹ ẹro rẹ ọrivẹ wẹn, yi wo gbi roro ubrurhe rọ hẹ ẹro wẹ-ẹ? 4Komavọ wọ vwọ ta kẹ ọrivẹ nẹ, jẹ uvwe ririe iphughẹ rẹ ẹro wẹn, yẹ ọwẹ vọnre? 5Wẹ omeru na, ke ririẹ iphughẹ rẹ ẹro wẹ tavwe, ku wọ mrẹ orẹ fiotọ vwo si iphughẹ rẹ ẹro rẹ ọrivẹ wẹn nọ.
6Wọ vwẹ obo re fonro kẹ eranko-o, eyẹ wọ reyọ amwa vwo rhuo esi-i, ayen de chiyi ayen muotọ emwa na ke bẹre.
Nọ, Guọnọ, Hworo
(Luk 11.9-13)
7Nọ, ka kẹ wẹ; guọnọ ke wọ mrẹ; hworo ẹchẹ kẹ rhie kẹ wẹ. 8Kidie ohwo kohwo rọ nọre kọ mrẹ, ọ rọ guọnọre ko vwo, ọ ro hworo ẹchẹ ke rhie kẹ. 9Ono vwẹ ohri rẹ ovwan na, rẹ ọmọ rọye da nọ ekpẹn rẹ ikara rọ da vwẹ ubioragha kẹ re? 10Eyẹ eri rọ da vwẹ ọrọdekọ kẹ? 11Ovwan rẹ ihwo ebrabra, de se ru omamọ rẹ ẹse kẹ emọ rẹ ovwan, komavọ Ọsẹ rẹ ovwan rọ hẹ obo odjuvwu ru te kẹ ihwo re nọrọ? 12Kemu kemu ru wọ guọnọre nẹ ihwo ru kẹ wẹ, gbe ji ru ọtiọye kẹ ihwo rhe; Kidie eriyin urhi na kugbe emraro na yonori.
Anurhoro Ọhwahwa Na
(Luk 13.24)
13Ovwan wan anurhoro ọhwahwa na: Kidie idjerhe rọ hẹhẹre kugbe anurhoro ọhẹhẹre ọye idjerhe rẹ oghwọrọ. Ihwo buebu yi nene idjerhe yena. 14Kidie idjerhe rẹ uyota na pha hwahwa phiọnphiọn, ọye ọ rẹ arhọ na; ihwo tutuno re sa guọnọ mrẹ.
Urhe kugbe Emamọ Rọye
(Luk 6.43-44)
15Kenoma kẹ emraro rẹ efian ri ku ewun rẹ ogegede phihọ, yẹ obo evun rayen pha brabra gbegbo kerẹ okpohrokpo. 16Emamọ rayen e vwo vughe ayen. Odjigbẹ sa mọ ọka, gbenẹ owe sa mọ otiẹ? 17Eriyin na urhe rẹ esiri, ọ mọ emamọ esiri, ẹkẹvuọvo urhe ọbrabra ọ me rha mọ emamọ ọbrabra. 18Urhe esiri sa mọ omamọ ọbrabra-a, urhe ọbrabra sa mọ emamọ esiri-i. 19Urhe kurhe rọ mọ emamọ esiri-i, ke she vwo mu erhanre. 20Eriyin na, emamọ rayen e vwo vughe ayen.
Mẹ Riẹn Ovwa-an
(Luk 6.46; 13.25-27)
21Ọ dia ihwo ejobi ri se vwe Ọrovwohwo, Ọrovwohwo eye se te uvie rẹ odjuvwu-u; jokpa rẹ ihwo ri ru ẹguọnọ rẹ Ọsẹ mẹ rọ hẹ obo odjuvwu. 22Ihwo buebu ye cha ta kẹ vwẹ vwẹ ẹdẹ yena nẹ, Ọrovwohwo, Ọrovwohwo, mi yono ihwo vwẹ odẹ wẹ, me vwẹ odẹ wẹn djẹ idẹbono phia, me vwẹ odẹ wẹ ru iruo rẹ igbunu?. 23Ki mi nyo kẹ ayen nẹ, mi vughe ovwa-an, we bi te oboyi, ovwan iruimwemwu na.
Uchivwo Ivẹ Na
(Luk 6.47-49)
24Kohwo kohwo ro nyo eta nana re me tare na, ro de ru ayen, ko họhọ ọvwẹghwanre rọ bọn uwevwi rọye vwọ hẹ enu rẹ oragha. 25Ọke rẹ osio vwọ rhọ, rẹ ọkẹre vwọ fa, rẹ odju rhi vwo djuo, uwevwi na gbi she-e, fikiridie a bọnrọ vwọ hẹ enu rẹ oragha. 26Kohwo kohwo ro nyo eta nana, ro ru aye-en, kọ họhọ ẹkpa rẹ ohwo, rọ bọn uwevwi rọye vwọ hẹ enu rẹ ubu. 27Osio da rhe rhọ, ọkẹre da rhe fa, odju de rhi djuo, o de she: emu buebu re herọ da ghwọrọ kufia.
Ogangan ri Jesu
(Mak 1.22)
28Ọke rhi vwo te ri Jesu vwo fue uyono rọye nu, o de gbe ayen unu. 29Kidie o yono ayen kerẹ ohwo ro vwo ogangan, ọ rha họhọ uyono rẹ isiẹbe na-a.
Currently Selected:
Matiu 7: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Matiu 7
7
Ẹdjeguo rẹ Ihwo efa
(Luk 6.37-38, 41-42)
1Ovwan gu ẹdjọ rẹ ohwo-o, rere ohwo vwo jẹ ovwan eguo. 2Kidie oghẹre rẹ orhiẹn ru we bru kẹ ihwo, ọye e ji bru kẹ ovwan. Uchunu wọ vwọ vwavwe kẹ ihwo, ọye a je vwọ vwavwe kẹ ovwan. 3Die nẹrhẹ we nẹ ukueku rọ hẹ ẹro rẹ ọrivẹ wẹn, yi wo gbi roro ubrurhe rọ hẹ ẹro wẹ-ẹ? 4Komavọ wọ vwọ ta kẹ ọrivẹ nẹ, jẹ uvwe ririe iphughẹ rẹ ẹro wẹn, yẹ ọwẹ vọnre? 5Wẹ omeru na, ke ririẹ iphughẹ rẹ ẹro wẹ tavwe, ku wọ mrẹ orẹ fiotọ vwo si iphughẹ rẹ ẹro rẹ ọrivẹ wẹn nọ.
6Wọ vwẹ obo re fonro kẹ eranko-o, eyẹ wọ reyọ amwa vwo rhuo esi-i, ayen de chiyi ayen muotọ emwa na ke bẹre.
Nọ, Guọnọ, Hworo
(Luk 11.9-13)
7Nọ, ka kẹ wẹ; guọnọ ke wọ mrẹ; hworo ẹchẹ kẹ rhie kẹ wẹ. 8Kidie ohwo kohwo rọ nọre kọ mrẹ, ọ rọ guọnọre ko vwo, ọ ro hworo ẹchẹ ke rhie kẹ. 9Ono vwẹ ohri rẹ ovwan na, rẹ ọmọ rọye da nọ ekpẹn rẹ ikara rọ da vwẹ ubioragha kẹ re? 10Eyẹ eri rọ da vwẹ ọrọdekọ kẹ? 11Ovwan rẹ ihwo ebrabra, de se ru omamọ rẹ ẹse kẹ emọ rẹ ovwan, komavọ Ọsẹ rẹ ovwan rọ hẹ obo odjuvwu ru te kẹ ihwo re nọrọ? 12Kemu kemu ru wọ guọnọre nẹ ihwo ru kẹ wẹ, gbe ji ru ọtiọye kẹ ihwo rhe; Kidie eriyin urhi na kugbe emraro na yonori.
Anurhoro Ọhwahwa Na
(Luk 13.24)
13Ovwan wan anurhoro ọhwahwa na: Kidie idjerhe rọ hẹhẹre kugbe anurhoro ọhẹhẹre ọye idjerhe rẹ oghwọrọ. Ihwo buebu yi nene idjerhe yena. 14Kidie idjerhe rẹ uyota na pha hwahwa phiọnphiọn, ọye ọ rẹ arhọ na; ihwo tutuno re sa guọnọ mrẹ.
Urhe kugbe Emamọ Rọye
(Luk 6.43-44)
15Kenoma kẹ emraro rẹ efian ri ku ewun rẹ ogegede phihọ, yẹ obo evun rayen pha brabra gbegbo kerẹ okpohrokpo. 16Emamọ rayen e vwo vughe ayen. Odjigbẹ sa mọ ọka, gbenẹ owe sa mọ otiẹ? 17Eriyin na urhe rẹ esiri, ọ mọ emamọ esiri, ẹkẹvuọvo urhe ọbrabra ọ me rha mọ emamọ ọbrabra. 18Urhe esiri sa mọ omamọ ọbrabra-a, urhe ọbrabra sa mọ emamọ esiri-i. 19Urhe kurhe rọ mọ emamọ esiri-i, ke she vwo mu erhanre. 20Eriyin na, emamọ rayen e vwo vughe ayen.
Mẹ Riẹn Ovwa-an
(Luk 6.46; 13.25-27)
21Ọ dia ihwo ejobi ri se vwe Ọrovwohwo, Ọrovwohwo eye se te uvie rẹ odjuvwu-u; jokpa rẹ ihwo ri ru ẹguọnọ rẹ Ọsẹ mẹ rọ hẹ obo odjuvwu. 22Ihwo buebu ye cha ta kẹ vwẹ vwẹ ẹdẹ yena nẹ, Ọrovwohwo, Ọrovwohwo, mi yono ihwo vwẹ odẹ wẹ, me vwẹ odẹ wẹn djẹ idẹbono phia, me vwẹ odẹ wẹ ru iruo rẹ igbunu?. 23Ki mi nyo kẹ ayen nẹ, mi vughe ovwa-an, we bi te oboyi, ovwan iruimwemwu na.
Uchivwo Ivẹ Na
(Luk 6.47-49)
24Kohwo kohwo ro nyo eta nana re me tare na, ro de ru ayen, ko họhọ ọvwẹghwanre rọ bọn uwevwi rọye vwọ hẹ enu rẹ oragha. 25Ọke rẹ osio vwọ rhọ, rẹ ọkẹre vwọ fa, rẹ odju rhi vwo djuo, uwevwi na gbi she-e, fikiridie a bọnrọ vwọ hẹ enu rẹ oragha. 26Kohwo kohwo ro nyo eta nana, ro ru aye-en, kọ họhọ ẹkpa rẹ ohwo, rọ bọn uwevwi rọye vwọ hẹ enu rẹ ubu. 27Osio da rhe rhọ, ọkẹre da rhe fa, odju de rhi djuo, o de she: emu buebu re herọ da ghwọrọ kufia.
Ogangan ri Jesu
(Mak 1.22)
28Ọke rhi vwo te ri Jesu vwo fue uyono rọye nu, o de gbe ayen unu. 29Kidie o yono ayen kerẹ ohwo ro vwo ogangan, ọ rha họhọ uyono rẹ isiẹbe na-a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.