Izikiẹl 21
21
Ọlọkọ rẹ Ọrovwohwo na ra Nọre
1Ota rẹ Ọrovwohwo de bru vwe rhe: 2Ọmọ rẹ ohwo, tọn opharo wẹn vi Jerusalẹm re wọ ta ota kpahe asan eshẹ na; mraro kpahe otọ rẹ Izrẹl 3re wọ ta kẹ otọ rẹ Izrẹl, Enẹ Ọrovwohwo tare: Nighe, mi mu kpahe owẹ, ki mi yoro ọlọkọ mẹ nẹ ako rọye rhe, ke me nyavwe ovwan kufia te ọvwata te oruimwemwu. 4Fikiridie me cha nyavwe te ọvwata te oruimwemwu kufia, ọtiọye na ki mi yoro ọlọkọ nẹ ako rhe kpahe ihwo ejobi nẹ obọhwẹre ọnre rhi te obọrhe ọnre, 5ihwo ejobi ke riẹn nẹ mẹvwẹ Ọrovwohwo yoro ọlọkọ mẹ nẹ ako rọye rhe, e gbi dje phihọ ako na ọfa-a. 6Kuenu rẹ ovie, ọmọ rẹ ohwo, viẹ ovie rẹ omaevwerhe kugbe ivuemiovwo rọ yara vwẹ irharo rẹ ayen. 7Ọke rẹ ayen da ta kẹ wẹ, Die wọ vwọ viẹ? ku wọ ta, Fiki rẹ ikun na. Ọke rọ da rhe, udu kudu kọ wran abọ ejobi ke dia ghwrọghọ, erhi kerhi ko shero igbo ejobi ke dia rẹghẹ rẹghẹ kerẹ ame. Nighe, ọ cha o che ruẹ gba, eriyin Ọrovwohwo Ọghẹnẹ tare.
8Ota rẹ Ọrovwohwo de bru vwe rhe, 9Ọmọ rẹ ohwo, mraro re wọ ta, Enẹ Ọrovwohwo tare, Ọlọkọ, a nabọ nọ da phẹrẹphẹrẹ a nabọ rie fia,
10a nọro da phẹrẹphẹrẹ re ọghwọrọ,
e riere fia re ọ nyavwẹ aro kerẹ enu!
Eyẹ kẹ avwanre ghọghọ? Wọ jẹ ọkpọ na fia, ọmọ mẹ, kugbe emu kemu ra vwẹ urhe kare. 11Ọtiọye na e de siobọ nẹ ọlọkọ na rere a nabọ rie, rere o vwo je a yọnre; a nọrọ e de rie, rere e phio phihọ obọ re ohwe-ihwo. 12Viẹ wo beroma, ọmọ rẹ ohwo, kidie ihwo mẹ a ta kpaha na; a ta kpahe isun rẹ Izrẹl, a vwẹ ayen vẹ ihwo mẹ vwọ kẹ ọlọkọ hwe. Gba ghwiẹ ekpoghowọ wẹn. 13Kidie ọ cha dia ọdavwini-i komavọ o dia ọ da dianẹ wọ je ọkpọ kufia? eriyin Ọrovwohwo Ọghẹnẹ tare.
14Mraro rhe, ọmọ rẹ ohwo; teye abọ wẹn re wo jẹn ọlọkọ na she va wẹ abọ asiava, eyẹ asiarha, ọlọkọ rẹ ihwo re che hwe, ọlọkọ rẹ ihwehwe rode na, ro riariẹ ayen phihọ na, 15rere udu rayen vwọ wran, ri buebu she teye inurhoro rayen. Me kẹrẹ ọlọkọ ro lo wrowro na, e! ruro kerẹ enu rọ nyavwarọ, a riere vwọ kẹ ehwe. 16Dju ọlọkọ wẹn kpo asan ro je we, obọrhe vẹ obọhwẹre. 17Ke me teye abọ mẹ, ophu ro mu vwe ejobi ko she kpotọ; mẹvwẹ Ọrovwohwo re tarọ.
18Ota rẹ Ọrovwohwo da rhoma bru vwe rhe. 19Ọmọ rẹ ohwo, ka oka phihọ idjerhe ivẹ rẹ ọlọkọ rẹ ovie ri Babilọn cha wan rhe; te ọna te ọna che nẹ otọ ọvuọvo na cha. Hwe oka na mu enu rẹ urhe, gbe vwo vi vwẹ unu rẹ idjerhe ra wan ruẹ orere na. 20Ka oka phihọ idjerhe rẹ ọlọkọ na cha wan kpo Rabah rẹ ihwo rẹ Ammọn re te Juda re fi Jerusalẹm ra gba ogba riariẹ na. 21Kidie ovie ri Babilọn mudia vwẹ aderha, vwẹ obo oba rẹ idjerhe ive na, ọ rọ bọ epha; o ro kpogho edada rọye, ọ ra vwẹ utẹ rọye nẹ, o ro nẹ irhue rẹ eravwe. 22Itẹ ri Jerusalẹm de rhi she phihọ obọrhe rọye, o de rhiunu rẹ oviẹ, ọ da teye unuebo, ra vwọ vwẹ ikurusu vi igbẹhẹ rẹ anurhoro na, ayen da ghwẹ ẹkoekpẹn vwo vi, rere ọ vwọ bọn uwevwi rẹ ohẹrhẹ. 23Ẹkẹvuọvo vwọ kẹ ayen ko họhọ epha ẹbọ rẹ efian, ayen mroma duvwu iyori nure, ẹkẹvuọvo ọ da rhe karohọ abe rayen nẹ, e che mu ayen.
24Ọtiọye na enẹ Ọrovwohwo Ọghẹnẹ tare: Fikiridie wọ nẹrhẹ a karohọ abe wẹn, ogbeku wẹn rhie phihọ re, ọtiọye na vwẹ uruemu wẹn ejobi imwemwu da vwẹ oma phia–fikiridie a rhe karohọ owẹ re, e che mu we vwẹ evun rẹ ayen. 25Wẹ rhe, E ọ ro jẹfuọn, ohwo umwemwu na, ovie rẹ Izrẹl, ọ rẹ ẹdẹ rọye gba nure na, ọke rẹ ehwe wẹn rẹ oba gbare, 26e nẹ Ọrovwohwo Ọghẹnẹ tare: kpare erhu nẹ uyovwi, si erhu rẹ ovie wẹn na nu; ayen gbe cha dia obo rẹ ayen epha jovwo-o, kpare obo ri kpotọ kpenu, ọ ro kpenu vwo kpotọ. 27Eghwọrọ, eghwọrọ, eghwọrọ, mi che ruo; omogẹngẹn rọye che chekọ-ọ bẹsiẹ re ọ ro vwo asan na cha vwọ rhe, ọye me cha vwọ kẹ.
Ẹdjọ re Gu Kpahe Ihwo rẹ Ammọn
28Wẹ, ọmọ rẹ ohwo, mraro, re wọ ta, E nẹ Ọrovwohwo Ọghẹnẹ ta kpahe ihwo rẹ Ammọn, vwọ kpahe ehwẹjẹ rayen, ta, Ọlọkọ, e yoro ọlọkọ vwọ kẹ ihwehwe, e riere ko lo wrowro, kọ nyavwarọ kerẹ enu– 29rẹ ayen vwọ mrẹ emramrẹ rẹ efian kẹ wẹ, rẹ ayen vwọ bọ epha rẹ efian kẹ wẹ–rere a vwọ ya ohọre rẹ ọ ro jẹfuọn ohwo umwemwu na, rẹ ẹdẹ rọye gba nure na, ọke rẹ ehwe rẹ obo oba rọye te re. 30Rhivwi ro ako wẹn. Vwẹ evun rẹ asan ra da ma wẹ, vwẹ otọ ru wọ da mama rhe, ke me vwẹ owẹ gu ẹdjọ. 31Ke me kpare ophu mẹ ku we, ki mi phopho erhanre rẹ ophu mẹ ku we; ki mi phi we phihọ obọ rẹ ihwo ri siaro, re riẹn ona rẹ ẹghwọrọ. 32Ka vwẹ owẹ roro irhe vwo mu erhanre; ọbara wẹn kọ cha dia uherevie rẹ otọ na, a gbe karohọ owẹ ọfa-a, kidie mẹvwẹ Ọrovwohwo tarọ nure.
Currently Selected:
Izikiẹl 21: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 21
21
Ọlọkọ rẹ Ọrovwohwo na ra Nọre
1Ota rẹ Ọrovwohwo de bru vwe rhe: 2Ọmọ rẹ ohwo, tọn opharo wẹn vi Jerusalẹm re wọ ta ota kpahe asan eshẹ na; mraro kpahe otọ rẹ Izrẹl 3re wọ ta kẹ otọ rẹ Izrẹl, Enẹ Ọrovwohwo tare: Nighe, mi mu kpahe owẹ, ki mi yoro ọlọkọ mẹ nẹ ako rọye rhe, ke me nyavwe ovwan kufia te ọvwata te oruimwemwu. 4Fikiridie me cha nyavwe te ọvwata te oruimwemwu kufia, ọtiọye na ki mi yoro ọlọkọ nẹ ako rhe kpahe ihwo ejobi nẹ obọhwẹre ọnre rhi te obọrhe ọnre, 5ihwo ejobi ke riẹn nẹ mẹvwẹ Ọrovwohwo yoro ọlọkọ mẹ nẹ ako rọye rhe, e gbi dje phihọ ako na ọfa-a. 6Kuenu rẹ ovie, ọmọ rẹ ohwo, viẹ ovie rẹ omaevwerhe kugbe ivuemiovwo rọ yara vwẹ irharo rẹ ayen. 7Ọke rẹ ayen da ta kẹ wẹ, Die wọ vwọ viẹ? ku wọ ta, Fiki rẹ ikun na. Ọke rọ da rhe, udu kudu kọ wran abọ ejobi ke dia ghwrọghọ, erhi kerhi ko shero igbo ejobi ke dia rẹghẹ rẹghẹ kerẹ ame. Nighe, ọ cha o che ruẹ gba, eriyin Ọrovwohwo Ọghẹnẹ tare.
8Ota rẹ Ọrovwohwo de bru vwe rhe, 9Ọmọ rẹ ohwo, mraro re wọ ta, Enẹ Ọrovwohwo tare, Ọlọkọ, a nabọ nọ da phẹrẹphẹrẹ a nabọ rie fia,
10a nọro da phẹrẹphẹrẹ re ọghwọrọ,
e riere fia re ọ nyavwẹ aro kerẹ enu!
Eyẹ kẹ avwanre ghọghọ? Wọ jẹ ọkpọ na fia, ọmọ mẹ, kugbe emu kemu ra vwẹ urhe kare. 11Ọtiọye na e de siobọ nẹ ọlọkọ na rere a nabọ rie, rere o vwo je a yọnre; a nọrọ e de rie, rere e phio phihọ obọ re ohwe-ihwo. 12Viẹ wo beroma, ọmọ rẹ ohwo, kidie ihwo mẹ a ta kpaha na; a ta kpahe isun rẹ Izrẹl, a vwẹ ayen vẹ ihwo mẹ vwọ kẹ ọlọkọ hwe. Gba ghwiẹ ekpoghowọ wẹn. 13Kidie ọ cha dia ọdavwini-i komavọ o dia ọ da dianẹ wọ je ọkpọ kufia? eriyin Ọrovwohwo Ọghẹnẹ tare.
14Mraro rhe, ọmọ rẹ ohwo; teye abọ wẹn re wo jẹn ọlọkọ na she va wẹ abọ asiava, eyẹ asiarha, ọlọkọ rẹ ihwo re che hwe, ọlọkọ rẹ ihwehwe rode na, ro riariẹ ayen phihọ na, 15rere udu rayen vwọ wran, ri buebu she teye inurhoro rayen. Me kẹrẹ ọlọkọ ro lo wrowro na, e! ruro kerẹ enu rọ nyavwarọ, a riere vwọ kẹ ehwe. 16Dju ọlọkọ wẹn kpo asan ro je we, obọrhe vẹ obọhwẹre. 17Ke me teye abọ mẹ, ophu ro mu vwe ejobi ko she kpotọ; mẹvwẹ Ọrovwohwo re tarọ.
18Ota rẹ Ọrovwohwo da rhoma bru vwe rhe. 19Ọmọ rẹ ohwo, ka oka phihọ idjerhe ivẹ rẹ ọlọkọ rẹ ovie ri Babilọn cha wan rhe; te ọna te ọna che nẹ otọ ọvuọvo na cha. Hwe oka na mu enu rẹ urhe, gbe vwo vi vwẹ unu rẹ idjerhe ra wan ruẹ orere na. 20Ka oka phihọ idjerhe rẹ ọlọkọ na cha wan kpo Rabah rẹ ihwo rẹ Ammọn re te Juda re fi Jerusalẹm ra gba ogba riariẹ na. 21Kidie ovie ri Babilọn mudia vwẹ aderha, vwẹ obo oba rẹ idjerhe ive na, ọ rọ bọ epha; o ro kpogho edada rọye, ọ ra vwẹ utẹ rọye nẹ, o ro nẹ irhue rẹ eravwe. 22Itẹ ri Jerusalẹm de rhi she phihọ obọrhe rọye, o de rhiunu rẹ oviẹ, ọ da teye unuebo, ra vwọ vwẹ ikurusu vi igbẹhẹ rẹ anurhoro na, ayen da ghwẹ ẹkoekpẹn vwo vi, rere ọ vwọ bọn uwevwi rẹ ohẹrhẹ. 23Ẹkẹvuọvo vwọ kẹ ayen ko họhọ epha ẹbọ rẹ efian, ayen mroma duvwu iyori nure, ẹkẹvuọvo ọ da rhe karohọ abe rayen nẹ, e che mu ayen.
24Ọtiọye na enẹ Ọrovwohwo Ọghẹnẹ tare: Fikiridie wọ nẹrhẹ a karohọ abe wẹn, ogbeku wẹn rhie phihọ re, ọtiọye na vwẹ uruemu wẹn ejobi imwemwu da vwẹ oma phia–fikiridie a rhe karohọ owẹ re, e che mu we vwẹ evun rẹ ayen. 25Wẹ rhe, E ọ ro jẹfuọn, ohwo umwemwu na, ovie rẹ Izrẹl, ọ rẹ ẹdẹ rọye gba nure na, ọke rẹ ehwe wẹn rẹ oba gbare, 26e nẹ Ọrovwohwo Ọghẹnẹ tare: kpare erhu nẹ uyovwi, si erhu rẹ ovie wẹn na nu; ayen gbe cha dia obo rẹ ayen epha jovwo-o, kpare obo ri kpotọ kpenu, ọ ro kpenu vwo kpotọ. 27Eghwọrọ, eghwọrọ, eghwọrọ, mi che ruo; omogẹngẹn rọye che chekọ-ọ bẹsiẹ re ọ ro vwo asan na cha vwọ rhe, ọye me cha vwọ kẹ.
Ẹdjọ re Gu Kpahe Ihwo rẹ Ammọn
28Wẹ, ọmọ rẹ ohwo, mraro, re wọ ta, E nẹ Ọrovwohwo Ọghẹnẹ ta kpahe ihwo rẹ Ammọn, vwọ kpahe ehwẹjẹ rayen, ta, Ọlọkọ, e yoro ọlọkọ vwọ kẹ ihwehwe, e riere ko lo wrowro, kọ nyavwarọ kerẹ enu– 29rẹ ayen vwọ mrẹ emramrẹ rẹ efian kẹ wẹ, rẹ ayen vwọ bọ epha rẹ efian kẹ wẹ–rere a vwọ ya ohọre rẹ ọ ro jẹfuọn ohwo umwemwu na, rẹ ẹdẹ rọye gba nure na, ọke rẹ ehwe rẹ obo oba rọye te re. 30Rhivwi ro ako wẹn. Vwẹ evun rẹ asan ra da ma wẹ, vwẹ otọ ru wọ da mama rhe, ke me vwẹ owẹ gu ẹdjọ. 31Ke me kpare ophu mẹ ku we, ki mi phopho erhanre rẹ ophu mẹ ku we; ki mi phi we phihọ obọ rẹ ihwo ri siaro, re riẹn ona rẹ ẹghwọrọ. 32Ka vwẹ owẹ roro irhe vwo mu erhanre; ọbara wẹn kọ cha dia uherevie rẹ otọ na, a gbe karohọ owẹ ọfa-a, kidie mẹvwẹ Ọrovwohwo tarọ nure.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.