Izikiẹl 18
18
Erhi Ro Ru Umwemwu Ko Ghwu
1Ota rẹ Ọrovwohwo da rhoma bru vwe rhe. 2Die wo vwo dje itẹ nana ekpekpe kpahe otọ rẹ Izrẹl, Esẹ na rare otiẹ ekianke, ako ke ghẹghẹ emọ na? 3Kirobo re me vwọ herọ na, eriyin Ọrovwohwo Ọghẹnẹ tare, e gbi che kpe itẹ nana ọfa vwẹ Izrẹl na-a. 4Nighe, erhi ejobi eme, erhi ro ru umwemwu ko ghwu.
5Ọ da dianẹ ọvwata ru obo re wan urhi vẹ obo ri shephihọ– 6ọ da dianẹ ọ rha re emu vwẹ enu rẹ ugbenu-u eyẹ ọ rha kpare opharo kpenu vwo ni ema rẹ uwevwi rẹ Izrẹl na-a, o rhe gbe aye rẹ ọrivẹ rọye ẹgua-a eyẹ o rhe bi kẹre aye rọ hẹ ọke rọye-e, 7o shenyẹ ohwo ọvuovo-o, o da hwa osa rọ rere vwẹ ọke ro bruru, o cho uji-i, ọ vwẹ emu kẹ ohwo rẹ owẹvwe hwe, ọ me vwẹ ewun kẹ ohwo rọ ban phihọ, 8o momo igho kẹ ohwo o de suo-o, eyẹ ọ vwẹ igho obuebu vwọ kpahọ-ọ, rọ siobọ rọye nẹ imwemwu, ro de brorhiẹ rẹ ọsoso vwẹ uvwre rẹ ihwo ivẹ, 9rọ da yan vwẹ evun rẹ iji mẹ, ọ da vwẹ oma kpotọ serọ rẹ irhi mẹ–yẹ ọvwuta oruẹ, kọ sa rhọ, eriyin Ọrovwohwo Ọghẹnẹ tare.
10Ọ da dianẹ o vwiẹ ọmọ ro cho uji, ro de sun ọbara, 11ro ruẹ eravwọ nana-a, ẹkẹvuọvo ọ ria emu vwẹ enu rẹ igbenu, o mi gbe aye rẹ ọrivẹ rọye ẹgua, 12o mi shenyẹ ọrivẹ rọye rẹ akpọ bẹn, ọ gborho ihwo, o siobọ nẹ emu re vwo vien ewu-an, ọ kparẹ ẹrọ rọye kpenu vwọ nẹ ema, o gbe ẹgua, 13o momo o mi suo, ọ me vwẹ igho buebu kpahọ, kọ sa rhọ? O sa rhọ-ọ. O ru emu rẹ ẹgua nana ejobi, ko ghwu dẹn, ọbara rọye kọ dia enu rọye.
14Ẹkẹvuọvo ọ da dianẹ ohwo nana vwiẹ ọmọ rọ mrẹ imwemwu nana ejobi rẹ ọsẹ rọye ruru na, oshọ de muo, o gbi rhe ru ọtiọye-e, 15rọ re emu vwẹ enu rẹ igbenu-u eyẹ kpare ẹro kpenu vwo ni ema rẹ uwevwi rẹ Izrẹl na-a, o gbe aye rẹ ọrivẹ rọye ẹgua-a, 16o gbe ohwo ọvuọvo ku-u, ọ reyọ emu rẹ ijọpha-a, o gborho ohwo-o, ẹkẹvuọvo ọ da vwẹ emu kẹ ohwo rẹ owevwe hwe re, ọ da vwẹ amwa rhuo ohwo rọ banphihọ, 17o siobọ rọye nẹ umwemwu, o suẹn igho-o o ji brẹba-a, ọ sẹro rẹ irhi mẹ, ọ da yan nene iji mẹ, o se ghwu fiki rẹ orukuruku rẹ ọsẹ rọye-e, ọ sa rhọ dẹn. 18Vwọ kẹ ọsẹ rọye, fikiridie o yono obo ra ghwa ihwo ria, o cho oniọvo rọye, ọ de ru obo ri je yovwo vwẹ ohri rẹ ihwo rọye, nighe, o che ghwu phihọ orukuruku rọye.
19Ye wọ tanẹ, Die ọmọ vwo je oja rẹ orukuruku rẹ ọsẹ ẹriọ? Ọke rẹ ọmọ na de ru emu rẹ urhi vẹ obo ri shephihọ, ọ da vwẹ ẹro te otọ sẹro rẹ iji me, kọ sa rhọ dẹn. 20Erhi
ro ru imwemwu ko ghwu Ọmọ sa re oja rẹ orukuruku rẹ ọsẹ-ẹ, eyẹ ọsẹ re ọja rẹ orukuruku rẹ ọmọ-ọ, ọvwata rẹ ọvwata ruru oma rọye ọ dia, umwemwu rẹ ohwo umwemwu ruru oma rọye ọ dia.
Idjerhe rẹ Ọghẹnẹ Hẹ Ọsoso
(Izikiẹl 33.10-20)
21Ẹkẹvuọvo ọ da dianẹ ohwo umwemwu kurhẹriẹ nẹ imwemwu rọye ejobi ro ruru, rọ da yọnrọn iji mẹ ro de ru obo re wan urhi vẹ obo ri shephihọ, kọ sa rhọ dẹn, ọ gbi ghwu-u 22A gbe sa karohọ ogbeku rọye ọvuọvo ro ruru-u, kidie fiki rẹ ọvwata rọ ruru na kọ rhọ. 23Mi vwo omavwerhovwẹ vwẹ ughwu rẹ oruimwemwu-u eriyin Ọrovwohwo Ọghẹnẹ nọre, ọ dianẹ rọ kurherie nẹ idjerhe rọye rere ọ rhọ? 24Ẹkẹvuọvo ọke rẹ ọvwata de kurhẹriẹ nẹ ọvwata rọye ro de ru orukuruku ro de ru emu ẹgua rẹ ohwo umwemwu ruẹ, kọ rhọ vwọ? A gbe karophihọ ọvuọvo rẹ iruo rẹ ọvwata ruru jovwo na-a; fiki rẹ ogbigbiru rọ re abe rọye na kugbe umwemwu ro ruru na, ko ghwu.
25Ye wọ tanẹ, Idjerhe rẹ Ọrovwohwo na dia ọsoso-o. Gbe nyo asakiephana, E uwevwi rẹ Izrẹl Idjerhe mẹ dia ọsoso? O dia idjerhe wẹn ri je ọsoso ẹdia? 26Ọke rẹ ọvwata de kurhẹriẹ nẹ ọvwata rọye ro de ru orukuruku, ko ghwu fiki rọye, fiki rẹ orukuruku ro ruru na ko ghwu. 27Ọfa, ọke rẹ ohwo umwemwu de kurhẹriẹ nẹ idjerhe umwemwu ro ruẹ jovwo ro de ru obo re wan urhi vẹ obo ri shephihọ, ko sivwi arhọ rọye. 28Fikiridie o niro mu o de kurhẹriẹ nẹ ogbigbiru rọye ejobi rọ ruru, ko rhọ dẹn, ọ gbi rhe ghwu-u. 29Yẹ uwevwi rẹ Izrẹl ra ta, Idjerhe rẹ Ọrovwohwo dia ọsoso-o. E uwevwi rẹ Izrẹl, idjerhe mẹ dia ọsoso? Ọ dia idjerhe wẹn ri jẹ ọsoso ẹ dia?
30Fiki rẹ ọtiọye na ke me cha vwẹ o wẹ gu ẹdjọ, E uwevwi rẹ Izrẹl, ohwo ọvuọvo kirobo rẹ idjerhe rọye epha, eriyin Ọrovwohwo Ọghẹnẹ tare. Kurhẹriẹ rere wo siobọ nẹ ogbigbiru wẹn ejobi, ọ dia ọtiọye-e orukuruku wẹn de rhi si ughwu hwe we. 31Siobọ nẹ ogbigbiru wẹn ejobi ru wo ru kpahe ovwẹ, wọ reyọ udu ọkpokpọ kẹ oma wẹn kugbe erhi ọkpokpọ! Die wọ di vwo ghwu, E uwevwi rẹ Izrẹl? 32Kidie mi vwo omavwerhovwẹ vwẹ oma rẹ ughwu rẹ ohwo ọvuọvo-o, eriyin Ọrovwohwo Ọghẹnẹ tare ọtiọye na gbe kurhẹriẹ rere wọ rhọ.
Currently Selected:
Izikiẹl 18: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 18
18
Erhi Ro Ru Umwemwu Ko Ghwu
1Ota rẹ Ọrovwohwo da rhoma bru vwe rhe. 2Die wo vwo dje itẹ nana ekpekpe kpahe otọ rẹ Izrẹl, Esẹ na rare otiẹ ekianke, ako ke ghẹghẹ emọ na? 3Kirobo re me vwọ herọ na, eriyin Ọrovwohwo Ọghẹnẹ tare, e gbi che kpe itẹ nana ọfa vwẹ Izrẹl na-a. 4Nighe, erhi ejobi eme, erhi ro ru umwemwu ko ghwu.
5Ọ da dianẹ ọvwata ru obo re wan urhi vẹ obo ri shephihọ– 6ọ da dianẹ ọ rha re emu vwẹ enu rẹ ugbenu-u eyẹ ọ rha kpare opharo kpenu vwo ni ema rẹ uwevwi rẹ Izrẹl na-a, o rhe gbe aye rẹ ọrivẹ rọye ẹgua-a eyẹ o rhe bi kẹre aye rọ hẹ ọke rọye-e, 7o shenyẹ ohwo ọvuovo-o, o da hwa osa rọ rere vwẹ ọke ro bruru, o cho uji-i, ọ vwẹ emu kẹ ohwo rẹ owẹvwe hwe, ọ me vwẹ ewun kẹ ohwo rọ ban phihọ, 8o momo igho kẹ ohwo o de suo-o, eyẹ ọ vwẹ igho obuebu vwọ kpahọ-ọ, rọ siobọ rọye nẹ imwemwu, ro de brorhiẹ rẹ ọsoso vwẹ uvwre rẹ ihwo ivẹ, 9rọ da yan vwẹ evun rẹ iji mẹ, ọ da vwẹ oma kpotọ serọ rẹ irhi mẹ–yẹ ọvwuta oruẹ, kọ sa rhọ, eriyin Ọrovwohwo Ọghẹnẹ tare.
10Ọ da dianẹ o vwiẹ ọmọ ro cho uji, ro de sun ọbara, 11ro ruẹ eravwọ nana-a, ẹkẹvuọvo ọ ria emu vwẹ enu rẹ igbenu, o mi gbe aye rẹ ọrivẹ rọye ẹgua, 12o mi shenyẹ ọrivẹ rọye rẹ akpọ bẹn, ọ gborho ihwo, o siobọ nẹ emu re vwo vien ewu-an, ọ kparẹ ẹrọ rọye kpenu vwọ nẹ ema, o gbe ẹgua, 13o momo o mi suo, ọ me vwẹ igho buebu kpahọ, kọ sa rhọ? O sa rhọ-ọ. O ru emu rẹ ẹgua nana ejobi, ko ghwu dẹn, ọbara rọye kọ dia enu rọye.
14Ẹkẹvuọvo ọ da dianẹ ohwo nana vwiẹ ọmọ rọ mrẹ imwemwu nana ejobi rẹ ọsẹ rọye ruru na, oshọ de muo, o gbi rhe ru ọtiọye-e, 15rọ re emu vwẹ enu rẹ igbenu-u eyẹ kpare ẹro kpenu vwo ni ema rẹ uwevwi rẹ Izrẹl na-a, o gbe aye rẹ ọrivẹ rọye ẹgua-a, 16o gbe ohwo ọvuọvo ku-u, ọ reyọ emu rẹ ijọpha-a, o gborho ohwo-o, ẹkẹvuọvo ọ da vwẹ emu kẹ ohwo rẹ owevwe hwe re, ọ da vwẹ amwa rhuo ohwo rọ banphihọ, 17o siobọ rọye nẹ umwemwu, o suẹn igho-o o ji brẹba-a, ọ sẹro rẹ irhi mẹ, ọ da yan nene iji mẹ, o se ghwu fiki rẹ orukuruku rẹ ọsẹ rọye-e, ọ sa rhọ dẹn. 18Vwọ kẹ ọsẹ rọye, fikiridie o yono obo ra ghwa ihwo ria, o cho oniọvo rọye, ọ de ru obo ri je yovwo vwẹ ohri rẹ ihwo rọye, nighe, o che ghwu phihọ orukuruku rọye.
19Ye wọ tanẹ, Die ọmọ vwo je oja rẹ orukuruku rẹ ọsẹ ẹriọ? Ọke rẹ ọmọ na de ru emu rẹ urhi vẹ obo ri shephihọ, ọ da vwẹ ẹro te otọ sẹro rẹ iji me, kọ sa rhọ dẹn. 20Erhi
ro ru imwemwu ko ghwu Ọmọ sa re oja rẹ orukuruku rẹ ọsẹ-ẹ, eyẹ ọsẹ re ọja rẹ orukuruku rẹ ọmọ-ọ, ọvwata rẹ ọvwata ruru oma rọye ọ dia, umwemwu rẹ ohwo umwemwu ruru oma rọye ọ dia.
Idjerhe rẹ Ọghẹnẹ Hẹ Ọsoso
(Izikiẹl 33.10-20)
21Ẹkẹvuọvo ọ da dianẹ ohwo umwemwu kurhẹriẹ nẹ imwemwu rọye ejobi ro ruru, rọ da yọnrọn iji mẹ ro de ru obo re wan urhi vẹ obo ri shephihọ, kọ sa rhọ dẹn, ọ gbi ghwu-u 22A gbe sa karohọ ogbeku rọye ọvuọvo ro ruru-u, kidie fiki rẹ ọvwata rọ ruru na kọ rhọ. 23Mi vwo omavwerhovwẹ vwẹ ughwu rẹ oruimwemwu-u eriyin Ọrovwohwo Ọghẹnẹ nọre, ọ dianẹ rọ kurherie nẹ idjerhe rọye rere ọ rhọ? 24Ẹkẹvuọvo ọke rẹ ọvwata de kurhẹriẹ nẹ ọvwata rọye ro de ru orukuruku ro de ru emu ẹgua rẹ ohwo umwemwu ruẹ, kọ rhọ vwọ? A gbe karophihọ ọvuọvo rẹ iruo rẹ ọvwata ruru jovwo na-a; fiki rẹ ogbigbiru rọ re abe rọye na kugbe umwemwu ro ruru na, ko ghwu.
25Ye wọ tanẹ, Idjerhe rẹ Ọrovwohwo na dia ọsoso-o. Gbe nyo asakiephana, E uwevwi rẹ Izrẹl Idjerhe mẹ dia ọsoso? O dia idjerhe wẹn ri je ọsoso ẹdia? 26Ọke rẹ ọvwata de kurhẹriẹ nẹ ọvwata rọye ro de ru orukuruku, ko ghwu fiki rọye, fiki rẹ orukuruku ro ruru na ko ghwu. 27Ọfa, ọke rẹ ohwo umwemwu de kurhẹriẹ nẹ idjerhe umwemwu ro ruẹ jovwo ro de ru obo re wan urhi vẹ obo ri shephihọ, ko sivwi arhọ rọye. 28Fikiridie o niro mu o de kurhẹriẹ nẹ ogbigbiru rọye ejobi rọ ruru, ko rhọ dẹn, ọ gbi rhe ghwu-u. 29Yẹ uwevwi rẹ Izrẹl ra ta, Idjerhe rẹ Ọrovwohwo dia ọsoso-o. E uwevwi rẹ Izrẹl, idjerhe mẹ dia ọsoso? Ọ dia idjerhe wẹn ri jẹ ọsoso ẹ dia?
30Fiki rẹ ọtiọye na ke me cha vwẹ o wẹ gu ẹdjọ, E uwevwi rẹ Izrẹl, ohwo ọvuọvo kirobo rẹ idjerhe rọye epha, eriyin Ọrovwohwo Ọghẹnẹ tare. Kurhẹriẹ rere wo siobọ nẹ ogbigbiru wẹn ejobi, ọ dia ọtiọye-e orukuruku wẹn de rhi si ughwu hwe we. 31Siobọ nẹ ogbigbiru wẹn ejobi ru wo ru kpahe ovwẹ, wọ reyọ udu ọkpokpọ kẹ oma wẹn kugbe erhi ọkpokpọ! Die wọ di vwo ghwu, E uwevwi rẹ Izrẹl? 32Kidie mi vwo omavwerhovwẹ vwẹ oma rẹ ughwu rẹ ohwo ọvuọvo-o, eriyin Ọrovwohwo Ọghẹnẹ tare ọtiọye na gbe kurhẹriẹ rere wọ rhọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.