Izikiẹl 14
14
A vwẹ Egedjọ ri rẹ Duotọ rẹ Emu vwẹ Obọ rẹ Ọmraro Guẹdjọ
1Etiyin evo vwẹ ekpako rẹ Izrẹl na de bru vwe rhe, ayen de tidia vwẹ obaro mẹ. 2Ota rẹ Ọrovwohwo de bru vwe rhe: 3Ọmọ rẹ ohwo, ihwo nana mu ema rayen phihọ udu rayen, ayen de mu uchukurhe umwemwu rẹ orukuruku rayen vwọ rhe obaro rayen, me gbe vwẹ uphẹ kẹ ayen rere ayen vwọ nọ ekpẹ rẹ emu vwẹ obọ mẹ? 4Fiki rẹ ọtiọye na gba ta kẹ ayen nẹ, Enẹ Orọvwhhwọ Ọghẹnẹ tare: Kohwo kohwo vwẹ uwevwi rẹ Izrẹl rọ reyọ ema rọye phihọ udu rọye ro de mu uchukurhe umwemwu rẹ orukuruku vwọ rhe obaro rọye, ro de ji bru ọmraro na ra, Mẹvwẹ rẹ Ọrovwohwo na ọvo kẹ ọye cha kpahe kẹ fiki rẹ ema ibuebu rọye na. 5Mi ru ọnana rere me vwọ yọnrọn udu rẹ uwevwi rẹ Izrẹl na, ri ghwru nẹ oma mẹ fiki rẹ ema rayen.
6Fiki rẹ ọtiọye na gba ta kẹ uwevwi rẹ Izrẹl na, Enẹ Ọrovwohwo Ọghẹnẹ tare Kurhẹriẹ ru wo chuko ku ema wẹn na, rere wo si opharo wẹn nẹ emu rẹ ẹgua wẹn ejobi. 7Kidie kohwo kohwo vwẹ uwevwi rẹ Izrẹl na, eyẹ erhorha re kua rhe Izrẹl, re hẹriẹ oma rayen nẹ uvwe, ro mu ema rọye gbere udu rọye o de rhe phi uchukurhe umwemwu rẹ orukuruku rọye phihọ opharo rọye, ọ da je yan bru ọmraro ọvo rhe ri duotọ rẹ oma rọye vwẹ obọ mẹ, mẹvwẹ rọ Ọrovwohwo ọvo cha kpahe kẹ. 8Me cha rhẹriẹ opharo mẹ kuo ohwo yena, ki mi vwo ru oka vẹ ehwẹjẹ, ki mi bro nẹ uherevie rẹ ihwo mẹ, ku wọ cha riẹn nẹ Mẹvwẹ hẹ Ọrovwohwo na. 9Ọ da dianẹ a phiẹn ọmraro na rọ da ta ota, mẹvwẹ rẹ Ọrovwohwo na, re phiẹn ọmraro yena, ke me riẹn obọ mẹ kpahọ, ke me guọghọ nẹ uherevie rẹ ihwo mẹ Izrẹl. 10Ayen ke cha ghwa oghwa rẹ ojaẹriọ rayen–ehwe rẹ ọmraro na kugbe ehwe re otu ri re duotọ rẹ emu vwe obọ rayen ke abavo ọ cha dia– 11rere uwevwi rẹ Izrẹl vwo jẹ yan ghwro nẹ oma mẹ, eyẹ ayen vwo je oma rayen ẹgua egbe ọfa fiki rẹ ogbeku rayen, ẹkẹvuọvo rere ayen vwọ sa dia ihwo mẹ rere me je vwọ dia Ọghẹnẹ rayen, eriyin Ọrovwohwo Ọghẹnẹ tare.
Ehwe rẹ Ọghẹnẹ Hwe Jerusalẹm na Ọ rẹ Ọsoso
12Ota rẹ Ọrovwohwo de bru vwe rhe: 13Ọmọ rẹ ohwo, ọke rẹ ihwo rẹ otọ na de ru umwemwu
kpahe ovwẹ vwẹ ijesegbuyota raycn, re me da riẹn obọ me kpahọ, ri mi de vwirhi ọkpọ rẹ ikara rọye re me da vwẹ owẹvwe rhe otọ na, ri mi de hwe ohwo vẹ eranvwe kufia no, 14ọ da tobọ dianẹ ihwo nana erha na herọ, Noa, Daniẹl, kugbe Job, oma rayen ọvo ọye ayen se sivwi fiki rẹ ọvwata rayen, eriyin Ọrovwohwo Ọghẹnẹ tare. 15Mi de ji eranvwe re djoma rhe re wan otọ na vrẹn, re ayen da zaghọ, rọ da kua fiotọ, rẹ ohwo de jẹ wan fiki rẹ eranvwe na, 16ọ da tobọ dianẹ ihwo nana erha na hẹ evun rọye, kirobo re me herọ na, eriyin Ọrovwohwo Ọghẹnẹ tare, ayen che se sivwi emeshare eyẹ emetẹ-ẹ, ayen ọvo esivwi, ẹkẹvuọvo jẹ a kua otọ na fiotọ. 17Eyẹ Me da ghwẹ ọlọkọ kpahe otọ yena, tanẹ, Jẹn ọlọkọ wan otọ na vrẹn, ri mi de bru ohwo eyẹ eranvwe nẹ otọ na, 18owene ihwo nana erha na dia evun rọye, kirobo ri mi herọ na, eriyin Ọrovwohwo Ọghẹnẹ tare, ayen se sivwi emeshare eyẹ emetẹ-ẹ, ẹkẹvuọvo ayen ọvo e che sivwi. 19Eyẹ mi de ji emiavwe kpo evun rẹ otọ na, ri mi de ku ophu Me kuo vẹ ọbara, rere e vwo bru ohwo vẹ eranvwe nọ, 20owene Noa, Daniẹl, kugbe Job hẹ evun rọye, kirobo re me herọ na, eriyin Ọrovwohwo Ọghẹnẹ tare, ayen se sivwi ọmọshare eyẹ ọmọtẹ-ẹ, ayen se sivwi oma rayen ọvo fiki rẹ ọvwata rayen.
21Kidie enẹ Ọrovwohwo Ọghẹnẹ tare: Komavọ ọ dia vwẹ ọke me da vwẹ oghẹre rẹ ẹdjeguo ẹne mẹ vwọ rhe Jerusalẹm, ọlọkọ, owevwe, eranvwe ebrabra vẹ emiavwe, rere o bru ohwo kugbe eranvwe no! 22Dede na, ọ da tobọ dianẹ imihwo ghwu chekọ vwọ ri se sun emeshare ve emetẹ phia, vwẹ ọkẹ rẹ ayen de bru we cha, ru wọ da mrẹ idjerhe rayen vẹ uruemu rayen, udu we ko te otọ fiki rẹ umiovwo re me ghwa rhe Jerusalẹm na, kidie eyena ejobi na mẹvwẹ re ghwarọ rhe. 23Ayen ki bru we uche, vwẹ ọke wọ da mrẹ idjerhe rayen kugbe uruemu rayen, ko wọ riẹn nẹ mi ruro ghevweghe-e, eriyin Ọrovwohwo Ọghẹnẹ na tare.
Currently Selected:
Izikiẹl 14: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Izikiẹl 14
14
A vwẹ Egedjọ ri rẹ Duotọ rẹ Emu vwẹ Obọ rẹ Ọmraro Guẹdjọ
1Etiyin evo vwẹ ekpako rẹ Izrẹl na de bru vwe rhe, ayen de tidia vwẹ obaro mẹ. 2Ota rẹ Ọrovwohwo de bru vwe rhe: 3Ọmọ rẹ ohwo, ihwo nana mu ema rayen phihọ udu rayen, ayen de mu uchukurhe umwemwu rẹ orukuruku rayen vwọ rhe obaro rayen, me gbe vwẹ uphẹ kẹ ayen rere ayen vwọ nọ ekpẹ rẹ emu vwẹ obọ mẹ? 4Fiki rẹ ọtiọye na gba ta kẹ ayen nẹ, Enẹ Orọvwhhwọ Ọghẹnẹ tare: Kohwo kohwo vwẹ uwevwi rẹ Izrẹl rọ reyọ ema rọye phihọ udu rọye ro de mu uchukurhe umwemwu rẹ orukuruku vwọ rhe obaro rọye, ro de ji bru ọmraro na ra, Mẹvwẹ rẹ Ọrovwohwo na ọvo kẹ ọye cha kpahe kẹ fiki rẹ ema ibuebu rọye na. 5Mi ru ọnana rere me vwọ yọnrọn udu rẹ uwevwi rẹ Izrẹl na, ri ghwru nẹ oma mẹ fiki rẹ ema rayen.
6Fiki rẹ ọtiọye na gba ta kẹ uwevwi rẹ Izrẹl na, Enẹ Ọrovwohwo Ọghẹnẹ tare Kurhẹriẹ ru wo chuko ku ema wẹn na, rere wo si opharo wẹn nẹ emu rẹ ẹgua wẹn ejobi. 7Kidie kohwo kohwo vwẹ uwevwi rẹ Izrẹl na, eyẹ erhorha re kua rhe Izrẹl, re hẹriẹ oma rayen nẹ uvwe, ro mu ema rọye gbere udu rọye o de rhe phi uchukurhe umwemwu rẹ orukuruku rọye phihọ opharo rọye, ọ da je yan bru ọmraro ọvo rhe ri duotọ rẹ oma rọye vwẹ obọ mẹ, mẹvwẹ rọ Ọrovwohwo ọvo cha kpahe kẹ. 8Me cha rhẹriẹ opharo mẹ kuo ohwo yena, ki mi vwo ru oka vẹ ehwẹjẹ, ki mi bro nẹ uherevie rẹ ihwo mẹ, ku wọ cha riẹn nẹ Mẹvwẹ hẹ Ọrovwohwo na. 9Ọ da dianẹ a phiẹn ọmraro na rọ da ta ota, mẹvwẹ rẹ Ọrovwohwo na, re phiẹn ọmraro yena, ke me riẹn obọ mẹ kpahọ, ke me guọghọ nẹ uherevie rẹ ihwo mẹ Izrẹl. 10Ayen ke cha ghwa oghwa rẹ ojaẹriọ rayen–ehwe rẹ ọmraro na kugbe ehwe re otu ri re duotọ rẹ emu vwe obọ rayen ke abavo ọ cha dia– 11rere uwevwi rẹ Izrẹl vwo jẹ yan ghwro nẹ oma mẹ, eyẹ ayen vwo je oma rayen ẹgua egbe ọfa fiki rẹ ogbeku rayen, ẹkẹvuọvo rere ayen vwọ sa dia ihwo mẹ rere me je vwọ dia Ọghẹnẹ rayen, eriyin Ọrovwohwo Ọghẹnẹ tare.
Ehwe rẹ Ọghẹnẹ Hwe Jerusalẹm na Ọ rẹ Ọsoso
12Ota rẹ Ọrovwohwo de bru vwe rhe: 13Ọmọ rẹ ohwo, ọke rẹ ihwo rẹ otọ na de ru umwemwu
kpahe ovwẹ vwẹ ijesegbuyota raycn, re me da riẹn obọ me kpahọ, ri mi de vwirhi ọkpọ rẹ ikara rọye re me da vwẹ owẹvwe rhe otọ na, ri mi de hwe ohwo vẹ eranvwe kufia no, 14ọ da tobọ dianẹ ihwo nana erha na herọ, Noa, Daniẹl, kugbe Job, oma rayen ọvo ọye ayen se sivwi fiki rẹ ọvwata rayen, eriyin Ọrovwohwo Ọghẹnẹ tare. 15Mi de ji eranvwe re djoma rhe re wan otọ na vrẹn, re ayen da zaghọ, rọ da kua fiotọ, rẹ ohwo de jẹ wan fiki rẹ eranvwe na, 16ọ da tobọ dianẹ ihwo nana erha na hẹ evun rọye, kirobo re me herọ na, eriyin Ọrovwohwo Ọghẹnẹ tare, ayen che se sivwi emeshare eyẹ emetẹ-ẹ, ayen ọvo esivwi, ẹkẹvuọvo jẹ a kua otọ na fiotọ. 17Eyẹ Me da ghwẹ ọlọkọ kpahe otọ yena, tanẹ, Jẹn ọlọkọ wan otọ na vrẹn, ri mi de bru ohwo eyẹ eranvwe nẹ otọ na, 18owene ihwo nana erha na dia evun rọye, kirobo ri mi herọ na, eriyin Ọrovwohwo Ọghẹnẹ tare, ayen se sivwi emeshare eyẹ emetẹ-ẹ, ẹkẹvuọvo ayen ọvo e che sivwi. 19Eyẹ mi de ji emiavwe kpo evun rẹ otọ na, ri mi de ku ophu Me kuo vẹ ọbara, rere e vwo bru ohwo vẹ eranvwe nọ, 20owene Noa, Daniẹl, kugbe Job hẹ evun rọye, kirobo re me herọ na, eriyin Ọrovwohwo Ọghẹnẹ tare, ayen se sivwi ọmọshare eyẹ ọmọtẹ-ẹ, ayen se sivwi oma rayen ọvo fiki rẹ ọvwata rayen.
21Kidie enẹ Ọrovwohwo Ọghẹnẹ tare: Komavọ ọ dia vwẹ ọke me da vwẹ oghẹre rẹ ẹdjeguo ẹne mẹ vwọ rhe Jerusalẹm, ọlọkọ, owevwe, eranvwe ebrabra vẹ emiavwe, rere o bru ohwo kugbe eranvwe no! 22Dede na, ọ da tobọ dianẹ imihwo ghwu chekọ vwọ ri se sun emeshare ve emetẹ phia, vwẹ ọkẹ rẹ ayen de bru we cha, ru wọ da mrẹ idjerhe rayen vẹ uruemu rayen, udu we ko te otọ fiki rẹ umiovwo re me ghwa rhe Jerusalẹm na, kidie eyena ejobi na mẹvwẹ re ghwarọ rhe. 23Ayen ki bru we uche, vwẹ ọke wọ da mrẹ idjerhe rayen kugbe uruemu rayen, ko wọ riẹn nẹ mi ruro ghevweghe-e, eriyin Ọrovwohwo Ọghẹnẹ na tare.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.