SALMOS 1
1
SHUCNIQUI PARTE
(Salmos 1—41)
Cashcata ruhuacmantapish,juchata ruhuacmantapish
1Millaita ruhuaccuna
cunashcatapish mana uyac,
juchata ruhuaccunapac ñantapish
mana catic, Dios-huan
burlaccunahuan mana tandaric
runaca maimi cushicunmi.
2Chaipac randica Mandac Dios
mandashcata pactachishpami
cushicun.
Pai mandashcapimi tutapish,
punzhapish yuyaricunlla.
3Yacu patapi huiñashca yura
pangacunapish mana urmashpa
pucuna punzhapi pucuc
shinami canga.
Tucui imata ruhuashcapish
allimi canga.
4Ashtahuanpish millaita ruhuaccunaca
huaira apana ucsha shinami can.
5Chaimantami millaita ruhuaccunaca
taripana punzhapica,
mana jataringacuna.
Cashcata ruhuaccunapac
tandanacuipipish mana chayaringacuna.
6Cashcata ruhuaccunapac causaitaca
Mandac Diosmi ricucun.
Ashtahuanpish millaita
ruhuaccunapac causaica
chingarinallami.
Currently Selected:
SALMOS 1: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.