MATEO 9
9
Jesús paralisis ungüi japishca runata alliyachishcamanta
(Mr 2.1-12; Lc 5.17-26)
1Chai quipami Jesusca canoapi tiyarishpa, jatun yacu cuchata pasashpa, pai causana puebloman chayarca. 2Chaipimi paralisis ungüi japishca runata chacanapi apamurca. Jambirinata crishpa paicuna shamushcata Jesús ricushpami, chai ungushca runataca:
—Huahua, sinchiyailla. Cambac juchacunataca perdonanimi— nirca.
3Chaita maijan mandashcacunata yachachiccuna uyashpaca:
—Caica Dios tucushpami, Diosta piñachicun— nishpa, yuyacurca.
4Jesús paicunapac yuyaita yachashpami, paicunataca:
—¿Ima nishpatac cancunaca mana allita yuyacunguichic? 5¿Imata ninatac ashtahuan jahualla: “Juchacunataca perdonanimi” nina, mana cashpaca “jatarishpa, rilla” nina? 6Runa Tucungapac shamushca ñucaca cai pachapi juchacunata perdonaclla cashcata cancuna yachachunmi, cai runataca: “Jatari, canta huandumushca chacanata apashpa, huasiman rilla” nini— nirca.
7Chashna nicpica, chai runaca jatarishpa, paipac huasiman rircallami. 8Chaita tucui gentecuna ricushpaca, runacunaman poderta cushcamantami mancharinacushpa, Diostaca “allimari cangui” nircacuna.
Jesús Mateota cayashcamanta
(Mr 2.13-17; Lc 5.27-32)
9Chaimanta Jesús rishpaca, Mateotami Roma llactaman mizapi impuestota japishpa, tiyacucta ricurca. Chaimantami paitaca:
—Ñucata cati— nirca.
Chashna nicpimi, Mateoca jatarishpa catishpa rirca.
10Chaimantaca Jesusca Mateopac huasipimi paipac yachacuccunahuan micucurca. Shinallatac impuestota japic runacunapish, juchayuc cashcamanta chicanyachishca runacunapish chaipimi Jesus-huan mizapi micucurca. 11Chaimantami fariseocunaca:
—¿Ima nishpatac cancunapac yachachicca impuestota japiccunahuanpish, juchayuc cashcamanta chicanyachishca runacunahuanpish micucunyari?— nishpa, yachacuccunaman tapurca.
12Chaita Jesús uyashpaca:
—Mana ungushcacunaca jambictaca mana mashcanchu, ashtahuanpish ungushcacunallami jambictaca mashcan. 13Diosca: “Animalcunata ñucaman cushpa rupachinapac randica, shungumanta llaquiccuna cachunmi munani” ninmi. Ñucaca cashcata ruhuaccunataca mana cayac shamurcanichu, ashtahuanpish juchayuccunatami llaquirishpa Diosman cuti richun cayac shamurcani— nirca.
Jesús yachachishcaca mushuc cashcamanta
(Mr 2.18-22; Lc 5.33-39)
14Bautizac Juanpac yachacuccuna shamushpaca:
—Ñucanchicpish, fariseocunapish tauca cutinmi ayunanchic. ¿Ima nishpatac cambac yachacuccunaca mana ayunancuna?— nishpa tapurca.
15Chashna tapucpimi Jesusca:
—¿Bodapi caccunaca, Novio paicunahuan cacpica, llaquillachu canga? Ashtahuanpish Novio illaclla cana punzhacunami chayamucun. Chai punzhapimi ayunanga. 16Pipish mauca churanataca, mushuc pañohuanca mana remendanchu. Chashna ruhuacpica, mushuc pañoca uchillayashpa, mauca churanataca ashtahuanmi lliquinman. 17Chai shinallatac pipish cunanlla ruhuashca vinotaca, mauca capachupica mana churanchu. Chashna churacpica, capachuca lliquiringami. Chashna lliquiricpica, vinopish, capachupish tucuringami. Chaimantami cunanlla ruhuashca vinotaca, mushuc capachupi churana. Chashna ishcaitac mushuc cashpaca, imapish mana tucungachu— nirca.
Jairopac ushimantapish, Jesuspac churanapituparic huarmimantapish
(Mr 5.21-43; Lc 8.40-56)
18Jesús chashna nicucpimi, israelcunata mandac chayashpa, cungurishpaca:
—Ñuca ushimi ñacalla huañun. Shina huañushca cacpipish, can paipac umapi maquita churacpica, causaringallami— nirca.
19Chashna nicpimi Jesusca jatarishpa, paipac yachacuccunahuan, runahuan rirca. 20Chashna ricucpimi, chunga ishcai huatata yahuar cacharirishpa ungushca huarmi, Jesuspac huashata rishpa, churana tuparirca. 21Paipac shungupica: “Jesuspac churanapi tuparishpaca alliyashallami” yuyashpami, chashnaca tuparirca. 22Chaimanta Jesús tigrarishpa, huarmita ricushpaca:
—Huahua, sinchiyailla. Can crishcamantaca ñami alli tucungui— nirca.
Chai ratollatacmi huarmica alli tucurca.
23Mandacpac huasiman Jesús chayashpa, enterrangapac flautapi tocacuctapish, gentecuna caparishpa huacacuctapish 24ricushpaca:
—Caimanta llucshichic. Huambraca mana huañushcachu, sueñucunllami— nirca.
Gentecuna chaita uyashpaca Jesusta burlarcami.
25Gentecunata llucchishca quipami, Jesusca ucuman yaicushpa, huambrapac maquipi japirirca. Chashna maquipi japiricpica jatarircallami. 26Jesús chashna ruhuashcaca, tucui chai llactacunapimi yacharirca.
Jesús ishcai ungushca runacunata alliyachishcamanta
27Jesús chaimanta ricucpimi, ñahui mana ricuc ishcai runacuna catishpa rishpaca:
—Mandac Davidpac churi Apunchic Jesús, ¡ñucanchictaca llaquiyari!— nirca.
28Jesús huasiman yaicucpi, ñahui mana ricuc chai ishcai runacuna paipacman shamucpimi Jesusca:
—¿Cancunaca ñuca alliyachinataca cringuichicchu?— nirca.
Shina nicpimi, chai runacunaca:
—Apunchic Jesús, crinchicmi— nircacuna.
29Chaimanta Jesús ñahuipi tuparishpaca:
—Alliyanata crishcamantaca, cancuna crishca shinallatac alliyaichic— nirca.
30Paicunapac ñahuica pascarircami. Chaimantami Jesusca:
—Pacta cancuna alli tucushcata piman huillanguichicman— nirca.
31Ashtahuanpish chai paicuna chaimanta rishpaca, tucui llactacunapimi Jesús imata ruhuashcataca huillarca.
Mana rimaric runata Jesús alliyachishcamanta
32Ñahui alliyashca runacuna llucshirishca quipaca, supai japishca, mana rimac runatami Jesuspacman apamurca. 33Jesús chai runamanta supaita llucchishpa cachacpica, chai runaca rimai callarircallami. Chaipi caccuna chaita ricushpa, mancharishpaca: “Cai Israelpica jaicapi mana ricushcatami ricunchic” ninacurca. 34Ashtahuanpish fariseocunaca: “Cai runaca supaicunata mandac diablohuan cashpami, supaicunataca llucchishpa cachan” nircacuna.
“Grano tandanaca achcami” nishcamanta
35Jesusca tucui pueblocunatapish, llactacunatapish purishpami, israelcuna tandanacuna huasicunapi yachachirca. Dios mandacucmanta alli huillaita huillashpami, tucuilaya ungushcacunatapish alliyachishpa, nanaicunatapish anchuchishpa puricurca. 36Jesusca tauca gentecuna shitashca, michic illaclla ovejacuna shina, caita chaita puricucta ricushpami, yalli llaquirirca. 37Chaimantami paipac yachacuccunataca:
—Granota tandanaca achcami. Tandaccunaca ashallami. 38Chaimanta ashtahuan tandaccunata cachachun, Chagrayucta mañaichic— nirca.
Currently Selected:
MATEO 9: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.
MATEO 9
9
Jesús paralisis ungüi japishca runata alliyachishcamanta
(Mr 2.1-12; Lc 5.17-26)
1Chai quipami Jesusca canoapi tiyarishpa, jatun yacu cuchata pasashpa, pai causana puebloman chayarca. 2Chaipimi paralisis ungüi japishca runata chacanapi apamurca. Jambirinata crishpa paicuna shamushcata Jesús ricushpami, chai ungushca runataca:
—Huahua, sinchiyailla. Cambac juchacunataca perdonanimi— nirca.
3Chaita maijan mandashcacunata yachachiccuna uyashpaca:
—Caica Dios tucushpami, Diosta piñachicun— nishpa, yuyacurca.
4Jesús paicunapac yuyaita yachashpami, paicunataca:
—¿Ima nishpatac cancunaca mana allita yuyacunguichic? 5¿Imata ninatac ashtahuan jahualla: “Juchacunataca perdonanimi” nina, mana cashpaca “jatarishpa, rilla” nina? 6Runa Tucungapac shamushca ñucaca cai pachapi juchacunata perdonaclla cashcata cancuna yachachunmi, cai runataca: “Jatari, canta huandumushca chacanata apashpa, huasiman rilla” nini— nirca.
7Chashna nicpica, chai runaca jatarishpa, paipac huasiman rircallami. 8Chaita tucui gentecuna ricushpaca, runacunaman poderta cushcamantami mancharinacushpa, Diostaca “allimari cangui” nircacuna.
Jesús Mateota cayashcamanta
(Mr 2.13-17; Lc 5.27-32)
9Chaimanta Jesús rishpaca, Mateotami Roma llactaman mizapi impuestota japishpa, tiyacucta ricurca. Chaimantami paitaca:
—Ñucata cati— nirca.
Chashna nicpimi, Mateoca jatarishpa catishpa rirca.
10Chaimantaca Jesusca Mateopac huasipimi paipac yachacuccunahuan micucurca. Shinallatac impuestota japic runacunapish, juchayuc cashcamanta chicanyachishca runacunapish chaipimi Jesus-huan mizapi micucurca. 11Chaimantami fariseocunaca:
—¿Ima nishpatac cancunapac yachachicca impuestota japiccunahuanpish, juchayuc cashcamanta chicanyachishca runacunahuanpish micucunyari?— nishpa, yachacuccunaman tapurca.
12Chaita Jesús uyashpaca:
—Mana ungushcacunaca jambictaca mana mashcanchu, ashtahuanpish ungushcacunallami jambictaca mashcan. 13Diosca: “Animalcunata ñucaman cushpa rupachinapac randica, shungumanta llaquiccuna cachunmi munani” ninmi. Ñucaca cashcata ruhuaccunataca mana cayac shamurcanichu, ashtahuanpish juchayuccunatami llaquirishpa Diosman cuti richun cayac shamurcani— nirca.
Jesús yachachishcaca mushuc cashcamanta
(Mr 2.18-22; Lc 5.33-39)
14Bautizac Juanpac yachacuccuna shamushpaca:
—Ñucanchicpish, fariseocunapish tauca cutinmi ayunanchic. ¿Ima nishpatac cambac yachacuccunaca mana ayunancuna?— nishpa tapurca.
15Chashna tapucpimi Jesusca:
—¿Bodapi caccunaca, Novio paicunahuan cacpica, llaquillachu canga? Ashtahuanpish Novio illaclla cana punzhacunami chayamucun. Chai punzhapimi ayunanga. 16Pipish mauca churanataca, mushuc pañohuanca mana remendanchu. Chashna ruhuacpica, mushuc pañoca uchillayashpa, mauca churanataca ashtahuanmi lliquinman. 17Chai shinallatac pipish cunanlla ruhuashca vinotaca, mauca capachupica mana churanchu. Chashna churacpica, capachuca lliquiringami. Chashna lliquiricpica, vinopish, capachupish tucuringami. Chaimantami cunanlla ruhuashca vinotaca, mushuc capachupi churana. Chashna ishcaitac mushuc cashpaca, imapish mana tucungachu— nirca.
Jairopac ushimantapish, Jesuspac churanapituparic huarmimantapish
(Mr 5.21-43; Lc 8.40-56)
18Jesús chashna nicucpimi, israelcunata mandac chayashpa, cungurishpaca:
—Ñuca ushimi ñacalla huañun. Shina huañushca cacpipish, can paipac umapi maquita churacpica, causaringallami— nirca.
19Chashna nicpimi Jesusca jatarishpa, paipac yachacuccunahuan, runahuan rirca. 20Chashna ricucpimi, chunga ishcai huatata yahuar cacharirishpa ungushca huarmi, Jesuspac huashata rishpa, churana tuparirca. 21Paipac shungupica: “Jesuspac churanapi tuparishpaca alliyashallami” yuyashpami, chashnaca tuparirca. 22Chaimanta Jesús tigrarishpa, huarmita ricushpaca:
—Huahua, sinchiyailla. Can crishcamantaca ñami alli tucungui— nirca.
Chai ratollatacmi huarmica alli tucurca.
23Mandacpac huasiman Jesús chayashpa, enterrangapac flautapi tocacuctapish, gentecuna caparishpa huacacuctapish 24ricushpaca:
—Caimanta llucshichic. Huambraca mana huañushcachu, sueñucunllami— nirca.
Gentecuna chaita uyashpaca Jesusta burlarcami.
25Gentecunata llucchishca quipami, Jesusca ucuman yaicushpa, huambrapac maquipi japirirca. Chashna maquipi japiricpica jatarircallami. 26Jesús chashna ruhuashcaca, tucui chai llactacunapimi yacharirca.
Jesús ishcai ungushca runacunata alliyachishcamanta
27Jesús chaimanta ricucpimi, ñahui mana ricuc ishcai runacuna catishpa rishpaca:
—Mandac Davidpac churi Apunchic Jesús, ¡ñucanchictaca llaquiyari!— nirca.
28Jesús huasiman yaicucpi, ñahui mana ricuc chai ishcai runacuna paipacman shamucpimi Jesusca:
—¿Cancunaca ñuca alliyachinataca cringuichicchu?— nirca.
Shina nicpimi, chai runacunaca:
—Apunchic Jesús, crinchicmi— nircacuna.
29Chaimanta Jesús ñahuipi tuparishpaca:
—Alliyanata crishcamantaca, cancuna crishca shinallatac alliyaichic— nirca.
30Paicunapac ñahuica pascarircami. Chaimantami Jesusca:
—Pacta cancuna alli tucushcata piman huillanguichicman— nirca.
31Ashtahuanpish chai paicuna chaimanta rishpaca, tucui llactacunapimi Jesús imata ruhuashcataca huillarca.
Mana rimaric runata Jesús alliyachishcamanta
32Ñahui alliyashca runacuna llucshirishca quipaca, supai japishca, mana rimac runatami Jesuspacman apamurca. 33Jesús chai runamanta supaita llucchishpa cachacpica, chai runaca rimai callarircallami. Chaipi caccuna chaita ricushpa, mancharishpaca: “Cai Israelpica jaicapi mana ricushcatami ricunchic” ninacurca. 34Ashtahuanpish fariseocunaca: “Cai runaca supaicunata mandac diablohuan cashpami, supaicunataca llucchishpa cachan” nircacuna.
“Grano tandanaca achcami” nishcamanta
35Jesusca tucui pueblocunatapish, llactacunatapish purishpami, israelcuna tandanacuna huasicunapi yachachirca. Dios mandacucmanta alli huillaita huillashpami, tucuilaya ungushcacunatapish alliyachishpa, nanaicunatapish anchuchishpa puricurca. 36Jesusca tauca gentecuna shitashca, michic illaclla ovejacuna shina, caita chaita puricucta ricushpami, yalli llaquirirca. 37Chaimantami paipac yachacuccunataca:
—Granota tandanaca achcami. Tandaccunaca ashallami. 38Chaimanta ashtahuan tandaccunata cachachun, Chagrayucta mañaichic— nirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.