1 TESALONICENSES 2
2
Tesalónica pueblopi Pablo imallata ruhuashcamanta
1Cuyashca criccuna, ñucanchic cancunapacman rishcaca, mana yanga cashcataca cancunallatac yachanguichicmi. 2Filipos pueblopi ñucanchic camishca, llaquichishca cashcatapish yachanguichicmi. Chashna llaquihuan cacpipish, alli huillaita huillachun Diosllatac sinchiyachishcatapish yachanguichicmi. 3Alli huillaita huillashpaca mana pandatachu, mana pita umangaraicuchu huillarcanchic. 4Ashtahuanpish Diosllatacmi alli nishpa, alli huillaita huillachun ñucanchicman mingarca. Chai shina huillashpaca, mana gentecunatachu cushichishun ninchic, ashtahuanpish ñucanchic shungu imata yuyacushcata yachac Diostamari cushichishun ninchic. 5Chaica ñucanchic huillashpaca, mishqui shimicunahuan mana huillashcanchicchu. Mana jatun tucungaraicu, mana cullquita japingaraicu huillashcanchicchu. Chaitaca cancunapish yachanguichicmi, Diospish yachanmi. 6Cancunapac, shuccunapac pipac ñaupapipish mana alli nishca gentecuna shina ricurishun nircanchicchu.
7Ñucanchic Jesuspac apostolcuna cashcamantaca, cancunata mandanchicmanmi carcanchic. Shina cashpapish cuyac shunguhuanmi cancunahuanca carcanchic. Shuc mama huahuacunata cuidashpa charic shinami cancunataca yallita cuyanchic. 8Cancunataca yallitami cuyanchic. Chaimantami quishpirinamanta alli huillaita huillashpapish mana cushicunchic, ñucanchic causaita cuna cacpipish cunchicmanmi.
9Ñucanchic micungapacca yallita shaicushpami trabajarcanchic. Alli huillaita huillacushpaca, cancunamanta imata mañashpa mana llaquichingapacmi tutapish, punzhapish trabajarcanchic. Chaitaca cancunallatac yachanguichicmi 10Ñucanchicca cancunahuan cashpaca, jucha illac, cashcata ruhuac, pipish mana juchanchipacmi carcanchic. Chaitaca cancunapish yachanguichicmi, shinallatac Diospish yachanmi. 11Shuc taita huahuacunata yachachic shinami, ñucanchicca cancunataca caishucta chaishucta cunarcanchic, cushichircanchic. Chaitaca cancunallatac yachanguichicmi. 12Shinallatac Diospac huahuacuna shina causachunmi yachachircanchic. Cancunataca Diosllatacmi paihuan mandachun, alli nishca cachun acllarca.
13Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic. 14Cancuna Jesusta criccunaca Judea llacta Jesusta cric Diospaclla tandanacushca criccuna shinallatacmi quiquin llacta gentecuna llaquichishca canguichic. 15Diosmanta ñaupa huillaccunatapish, Apunchic Jesustapish, israelcunaca huañuchircacunami. Cutin ñucanchictaca piñashpami llucchishpa cacharca. Chashnaca Diostapish piñancunami. 16Mana israelcuna quishpirichun, ñucanchic huillashun nicpipish mana saquinchu. Chashnami ashtahuan juchayuc tucuncuna. Chaimantami Diosca yallita piñarishpa llaquichinga.
Tesalónica criccunata Pablo cutin ricugrisha nishcamanta
17Cuyashca criccuna, cancunamanta asha punzhacunata caruyashpapish, cancuna yuyailla cashpami, cancunata ricugrina yuyailla carcanchic. 18Ricuc shamushun nishpapish mana pudircanchicchu. Ñucaca tauca cutinmi ricuc shamusha nircani. Shina cacpipish Satanasca jarcarcami. 19Apunchic Jesús cutimui punzhapi, paipac ñaupapica, ¿pimantatac cushicushun? ¿Pimantatac alli nishca cashun? Shinallatac ¿pimantatac cushicushpa shuyacushcata japishun? Chaitaca cancunamantami japishun. 20Ari, cancunamantami ñucanchicca cushicushun, shinallatac alli nishca cashun.
Currently Selected:
1 TESALONICENSES 2: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.
1 TESALONICENSES 2
2
Tesalónica pueblopi Pablo imallata ruhuashcamanta
1Cuyashca criccuna, ñucanchic cancunapacman rishcaca, mana yanga cashcataca cancunallatac yachanguichicmi. 2Filipos pueblopi ñucanchic camishca, llaquichishca cashcatapish yachanguichicmi. Chashna llaquihuan cacpipish, alli huillaita huillachun Diosllatac sinchiyachishcatapish yachanguichicmi. 3Alli huillaita huillashpaca mana pandatachu, mana pita umangaraicuchu huillarcanchic. 4Ashtahuanpish Diosllatacmi alli nishpa, alli huillaita huillachun ñucanchicman mingarca. Chai shina huillashpaca, mana gentecunatachu cushichishun ninchic, ashtahuanpish ñucanchic shungu imata yuyacushcata yachac Diostamari cushichishun ninchic. 5Chaica ñucanchic huillashpaca, mishqui shimicunahuan mana huillashcanchicchu. Mana jatun tucungaraicu, mana cullquita japingaraicu huillashcanchicchu. Chaitaca cancunapish yachanguichicmi, Diospish yachanmi. 6Cancunapac, shuccunapac pipac ñaupapipish mana alli nishca gentecuna shina ricurishun nircanchicchu.
7Ñucanchic Jesuspac apostolcuna cashcamantaca, cancunata mandanchicmanmi carcanchic. Shina cashpapish cuyac shunguhuanmi cancunahuanca carcanchic. Shuc mama huahuacunata cuidashpa charic shinami cancunataca yallita cuyanchic. 8Cancunataca yallitami cuyanchic. Chaimantami quishpirinamanta alli huillaita huillashpapish mana cushicunchic, ñucanchic causaita cuna cacpipish cunchicmanmi.
9Ñucanchic micungapacca yallita shaicushpami trabajarcanchic. Alli huillaita huillacushpaca, cancunamanta imata mañashpa mana llaquichingapacmi tutapish, punzhapish trabajarcanchic. Chaitaca cancunallatac yachanguichicmi 10Ñucanchicca cancunahuan cashpaca, jucha illac, cashcata ruhuac, pipish mana juchanchipacmi carcanchic. Chaitaca cancunapish yachanguichicmi, shinallatac Diospish yachanmi. 11Shuc taita huahuacunata yachachic shinami, ñucanchicca cancunataca caishucta chaishucta cunarcanchic, cushichircanchic. Chaitaca cancunallatac yachanguichicmi. 12Shinallatac Diospac huahuacuna shina causachunmi yachachircanchic. Cancunataca Diosllatacmi paihuan mandachun, alli nishca cachun acllarca.
13Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic. 14Cancuna Jesusta criccunaca Judea llacta Jesusta cric Diospaclla tandanacushca criccuna shinallatacmi quiquin llacta gentecuna llaquichishca canguichic. 15Diosmanta ñaupa huillaccunatapish, Apunchic Jesustapish, israelcunaca huañuchircacunami. Cutin ñucanchictaca piñashpami llucchishpa cacharca. Chashnaca Diostapish piñancunami. 16Mana israelcuna quishpirichun, ñucanchic huillashun nicpipish mana saquinchu. Chashnami ashtahuan juchayuc tucuncuna. Chaimantami Diosca yallita piñarishpa llaquichinga.
Tesalónica criccunata Pablo cutin ricugrisha nishcamanta
17Cuyashca criccuna, cancunamanta asha punzhacunata caruyashpapish, cancuna yuyailla cashpami, cancunata ricugrina yuyailla carcanchic. 18Ricuc shamushun nishpapish mana pudircanchicchu. Ñucaca tauca cutinmi ricuc shamusha nircani. Shina cacpipish Satanasca jarcarcami. 19Apunchic Jesús cutimui punzhapi, paipac ñaupapica, ¿pimantatac cushicushun? ¿Pimantatac alli nishca cashun? Shinallatac ¿pimantatac cushicushpa shuyacushcata japishun? Chaitaca cancunamantami japishun. 20Ari, cancunamantami ñucanchicca cushicushun, shinallatac alli nishca cashun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.