1 CORINTIOS 13
13
Cuyaimanta
1Gentecunapac rimaitapish, angelcunapac rimaitapish ñuca rimashpapish, cuyaita mana charishpaca, chilin nic fierro, chilin nic platillo shinallami uyarini. 2Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, cuyaita mana charishpaca, ima mana canichu. 3Shinallatac ñuca tucui ima charishcata huacchacunaman cushpapish, ñuca cuerpota rupachichun cushpapish cuyaita mana charishpaca, ima mana canichu.
4Maijanpish cuyaita charicca,
llaquichicpipish mana piñaric,
alli shunguyucmi.
Shuccuna ama charichun
nishpa mana munacchu,
shinallatac “allimi cani”
nishpa mana jatun
tucushcachu.
5Shinallatac imapish
pingaipacta mana ruhuacchu,
jahualla mana piñaricchu,
quiquinlla charinata
mana munacchu,
unaicaman mana piñaricchu,
6mana allita ruhuashcata
ricushpa mana cushicuc,
ashtahuanpish alli cacta
ricushpa cushicucmi.
7Shinallatac ima llaquitapish
apacmi, crishpa caticmi,
cushicushpa shuyac,
imamantapish mana piñarishpa
jarcaricmi.
8Dios ima nishcata huillanapish tucuringami. Jaicapi mana uyashca rimaicunata rimanapish, ña mana tiyangachu. Ima yachanacunapish tucuringami. Shina cacpipish, cuyaica jaicapi mana tucuringachu. 9Ima yachanacunatapish, mana tucui yachanchicchu. Dios ima nishcamantapish, yachashcallatami huillanchic. 10Ima shina cashcatatac yachana chayamucpica, chai ashalla yachashcaca chingaringallami.
11Huahuarac cashpaca, huahua shinami yuyaric carcani, rimac carcani. Shinallatac huahua shinami imatapish ruhuasha nic carcani. Ña juizhuyashpaca, huahua shina ruhuanataca saquircanimi. 12Cunanca espejopi amsa amsallata ricucushca shinami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca chaitaca mana yachanichu. Shina cashpapish, ima shinami Dios ñucata ricsin, shinallatacmi shamuc punzhaca ricsisha.
13Caicunamanta nishpaca, crinapish, imata shuyana cashcata shuyanapish, cuyaita charinapish tiyashpa catingallami. Ashtahuanpish cai quimsacunamanta yallica cuyaimi.
Currently Selected:
1 CORINTIOS 13: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.
1 CORINTIOS 13
13
Cuyaimanta
1Gentecunapac rimaitapish, angelcunapac rimaitapish ñuca rimashpapish, cuyaita mana charishpaca, chilin nic fierro, chilin nic platillo shinallami uyarini. 2Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, cuyaita mana charishpaca, ima mana canichu. 3Shinallatac ñuca tucui ima charishcata huacchacunaman cushpapish, ñuca cuerpota rupachichun cushpapish cuyaita mana charishpaca, ima mana canichu.
4Maijanpish cuyaita charicca,
llaquichicpipish mana piñaric,
alli shunguyucmi.
Shuccuna ama charichun
nishpa mana munacchu,
shinallatac “allimi cani”
nishpa mana jatun
tucushcachu.
5Shinallatac imapish
pingaipacta mana ruhuacchu,
jahualla mana piñaricchu,
quiquinlla charinata
mana munacchu,
unaicaman mana piñaricchu,
6mana allita ruhuashcata
ricushpa mana cushicuc,
ashtahuanpish alli cacta
ricushpa cushicucmi.
7Shinallatac ima llaquitapish
apacmi, crishpa caticmi,
cushicushpa shuyac,
imamantapish mana piñarishpa
jarcaricmi.
8Dios ima nishcata huillanapish tucuringami. Jaicapi mana uyashca rimaicunata rimanapish, ña mana tiyangachu. Ima yachanacunapish tucuringami. Shina cacpipish, cuyaica jaicapi mana tucuringachu. 9Ima yachanacunatapish, mana tucui yachanchicchu. Dios ima nishcamantapish, yachashcallatami huillanchic. 10Ima shina cashcatatac yachana chayamucpica, chai ashalla yachashcaca chingaringallami.
11Huahuarac cashpaca, huahua shinami yuyaric carcani, rimac carcani. Shinallatac huahua shinami imatapish ruhuasha nic carcani. Ña juizhuyashpaca, huahua shina ruhuanataca saquircanimi. 12Cunanca espejopi amsa amsallata ricucushca shinami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca chaitaca mana yachanichu. Shina cashpapish, ima shinami Dios ñucata ricsin, shinallatacmi shamuc punzhaca ricsisha.
13Caicunamanta nishpaca, crinapish, imata shuyana cashcata shuyanapish, cuyaita charinapish tiyashpa catingallami. Ashtahuanpish cai quimsacunamanta yallica cuyaimi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.