Псалм 74
74
[73-р.с.] 1Асафоскиро Сыклякирибэ́н.
Со́скэ, Дэ́вла, Ту сарэ́са ги́ян криг амэ́ндыр? Со́скэ Тыри́ холы́ сыр тхув ґаздэ́лапэ пэ бакрэндэ Тырэ́ чаритконэ фэлдатыр? 2Ри́пир Тыро́ скэдыибэ́н, со Ту дорэсцян ґарэдыр, саво́ исын сы́рбы до́ля Тырэ́ миштыпна́стыр. Ри́пир бэ́рга Сио́но, пэ сави́ Ту дживэса. 3Ѓаздэ Пэ́скирэ пирэ́ (сто́пы) пэ штэ́ты, со исын пхарадэ пэ вечныма: вэ́рго хасякирдя́ саро́ пэ Свэ́нто Штэ́то. 4Тырэ́ намала рыкинэна машки́р Тырэ́ Свэ́нта Штэ́ты: ёнэ чхудэ́ пэ́скирэ знаме́нии (ґертыка́). 5Пэ лэ́ндэ исын сыкадо ману́ш, саво́ вучэ́с ґаздэ́ла товэра машки́р ґэнсто вэш; 6и какана́ ёнэ пхагирэна шука́р вычхиныбэн товэрэса и чоканэ́нца (млоткэнца). 7Ёнэ захачкирдэ Тыро́ Свэ́нто Штэ́то; ёнэ магирдэ́ штэ́то кэ пхув, кай мануша́ скэдэ́напэ тэ дэн паты́в Ту́кэ. 8Ёнэ пхэндлэ́ дро пэ́скиро ило́: “Явэ́н, хасякираса саро́ кхэтанэ́”: ёнэ захачкирдэ сарэ́ штэ́ты пэ пхув, кай мануша́ скэдэ́напэ ваш Дэвлэ́скэ. 9Амэ на дыкхаса амарэ́ знаме́нии (ґертыка́), нанэ буты́р проро́ко, и ние́кх машки́р амэ́ндэ на джинэ́ла, кицы́ адя́кэ явэ́ла? 10О, Дэ́вла, кицы́ вэ́рго явэ́ла тэ ракирэ́л чорипэ́н? Ци ўса́ды (сак) явэ́ла вэ́рго тэ калякирэл Тыро́ лав? 11Со́скэ Ту обрикирэса Тыро́ васт и аж Тыро́ чачо́ васт? Тырдэ яври́ лэс Тырэ́ брэкатыр тэ хасёл ёв. 12Нэ Ту, Дэ́вла, сан миро Рай самонэ англыпна́стыр, Саво́ зракхэ́ла манушэ́н пэ пхув. 13Ту роскэрдян пэ паша́ мо́рё (дэрья́в) Тырэ́ зорья́са, Ту роспхарадян шэрэ́ морёскирэ (дэрьявэ́скирэ) рупучэ́нгэ (чудовишчэнгэ) дрэ паня́. 14Ту пхарадян шэрэ́ Левиафаноскэ (рупучэ́скэ), и Ту дыя́н лэн тэ хан манушэ́нгэ, савэ́ дживэ́на пэ чхучи́ пхув. 15Ту зачхудян тэ тхадэн фолахара (фонтаны) и барэ́ панинга́. Ту шутькирдян барэ́ рэ́ки (лэня́). 16Дывэ́с исын Тыро́, рат исын адя́кэ-паць Тыри́: Ту чхудя́н чхон и кхам. 17Ту учхудян сарэ́ кустыка (границы) пэ пхув, Ту кэрдя́н лынай и ивант (зима). 18Ри́пир дава́: вэ́рго калякирдя Тут, Рас-Дэвлэ́с, и дылынэ́ мануша́ чхудэ́ дрэ бипатыв Тыро́ лав. 19Сыка́в паты́в Тырэ́ Законоскэ, пал-дова́ со пэ цямлэ штэ́ты пэ пхув исын пхэрдо́ кхэра́ нахратонэ манушэ́нца. 20На дэ рискирибна́скирэ мурдалэ́нгэ (зверенгэ) ди, а Тырэ́ манушэ́нгиро, Саво́ исын сы́рбы голумбица! На бистыр ние́кхвар джиибэ́н Тырэ́ притасадэ манушэ́нгиро. 21На домэк, соб (кай) притасадэ мануша́ тэ рисён палэ пэ ладжаипэ́н. Мэк чорорэ́ и мануша́, савэ́ исын дрэ трэ́бима, тэ шарэ́н Тут. 22Ушты́, о Дэ́вла, тэрдёв пал Тыро́ чачипэ́н: ри́пир, сыр дылынэ́ мануша́ обракирэна Тут со дывэ́с. 23На бистыр зан Тырэ́-вэргэнгири: Тырэ́-намалэнгиро шумо ґаздэ́лапэ кажнонэ́ молостыр, савэ́ исын бунтярья.
Currently Selected:
Псалм 74: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
Псалм 74
74
[73-р.с.] 1Асафоскиро Сыклякирибэ́н.
Со́скэ, Дэ́вла, Ту сарэ́са ги́ян криг амэ́ндыр? Со́скэ Тыри́ холы́ сыр тхув ґаздэ́лапэ пэ бакрэндэ Тырэ́ чаритконэ фэлдатыр? 2Ри́пир Тыро́ скэдыибэ́н, со Ту дорэсцян ґарэдыр, саво́ исын сы́рбы до́ля Тырэ́ миштыпна́стыр. Ри́пир бэ́рга Сио́но, пэ сави́ Ту дживэса. 3Ѓаздэ Пэ́скирэ пирэ́ (сто́пы) пэ штэ́ты, со исын пхарадэ пэ вечныма: вэ́рго хасякирдя́ саро́ пэ Свэ́нто Штэ́то. 4Тырэ́ намала рыкинэна машки́р Тырэ́ Свэ́нта Штэ́ты: ёнэ чхудэ́ пэ́скирэ знаме́нии (ґертыка́). 5Пэ лэ́ндэ исын сыкадо ману́ш, саво́ вучэ́с ґаздэ́ла товэра машки́р ґэнсто вэш; 6и какана́ ёнэ пхагирэна шука́р вычхиныбэн товэрэса и чоканэ́нца (млоткэнца). 7Ёнэ захачкирдэ Тыро́ Свэ́нто Штэ́то; ёнэ магирдэ́ штэ́то кэ пхув, кай мануша́ скэдэ́напэ тэ дэн паты́в Ту́кэ. 8Ёнэ пхэндлэ́ дро пэ́скиро ило́: “Явэ́н, хасякираса саро́ кхэтанэ́”: ёнэ захачкирдэ сарэ́ штэ́ты пэ пхув, кай мануша́ скэдэ́напэ ваш Дэвлэ́скэ. 9Амэ на дыкхаса амарэ́ знаме́нии (ґертыка́), нанэ буты́р проро́ко, и ние́кх машки́р амэ́ндэ на джинэ́ла, кицы́ адя́кэ явэ́ла? 10О, Дэ́вла, кицы́ вэ́рго явэ́ла тэ ракирэ́л чорипэ́н? Ци ўса́ды (сак) явэ́ла вэ́рго тэ калякирэл Тыро́ лав? 11Со́скэ Ту обрикирэса Тыро́ васт и аж Тыро́ чачо́ васт? Тырдэ яври́ лэс Тырэ́ брэкатыр тэ хасёл ёв. 12Нэ Ту, Дэ́вла, сан миро Рай самонэ англыпна́стыр, Саво́ зракхэ́ла манушэ́н пэ пхув. 13Ту роскэрдян пэ паша́ мо́рё (дэрья́в) Тырэ́ зорья́са, Ту роспхарадян шэрэ́ морёскирэ (дэрьявэ́скирэ) рупучэ́нгэ (чудовишчэнгэ) дрэ паня́. 14Ту пхарадян шэрэ́ Левиафаноскэ (рупучэ́скэ), и Ту дыя́н лэн тэ хан манушэ́нгэ, савэ́ дживэ́на пэ чхучи́ пхув. 15Ту зачхудян тэ тхадэн фолахара (фонтаны) и барэ́ панинга́. Ту шутькирдян барэ́ рэ́ки (лэня́). 16Дывэ́с исын Тыро́, рат исын адя́кэ-паць Тыри́: Ту чхудя́н чхон и кхам. 17Ту учхудян сарэ́ кустыка (границы) пэ пхув, Ту кэрдя́н лынай и ивант (зима). 18Ри́пир дава́: вэ́рго калякирдя Тут, Рас-Дэвлэ́с, и дылынэ́ мануша́ чхудэ́ дрэ бипатыв Тыро́ лав. 19Сыка́в паты́в Тырэ́ Законоскэ, пал-дова́ со пэ цямлэ штэ́ты пэ пхув исын пхэрдо́ кхэра́ нахратонэ манушэ́нца. 20На дэ рискирибна́скирэ мурдалэ́нгэ (зверенгэ) ди, а Тырэ́ манушэ́нгиро, Саво́ исын сы́рбы голумбица! На бистыр ние́кхвар джиибэ́н Тырэ́ притасадэ манушэ́нгиро. 21На домэк, соб (кай) притасадэ мануша́ тэ рисён палэ пэ ладжаипэ́н. Мэк чорорэ́ и мануша́, савэ́ исын дрэ трэ́бима, тэ шарэ́н Тут. 22Ушты́, о Дэ́вла, тэрдёв пал Тыро́ чачипэ́н: ри́пир, сыр дылынэ́ мануша́ обракирэна Тут со дывэ́с. 23На бистыр зан Тырэ́-вэргэнгири: Тырэ́-намалэнгиро шумо ґаздэ́лапэ кажнонэ́ молостыр, савэ́ исын бунтярья.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission