Притчы 31
31
1Крали́скирэ-Лемуилоскирэ лава́. Упхэныбэ́н, савэ́са лэ́скири дай сыклякирдя́ лэс: 2Со, мро чха́ва? Со чха́ва, саво́ сан мирэ́ лочовя́тыр? Со чхаво́, мирэ́ совлахатыр? 3На отдэ́ сарэ́са тыри́ зор джувленгэ, ци на отдэ́ пэс одолэ́скэ, со хасякирдя́ кралье́н. 4Дава́ исын на ваш кральенгэ, о Лемуило, дава́ исын на ваш кральенгэ тэ пьен мол, ци тхэмэ́скирэ барыдырэ́нгэ тэ пхучэ́н: “Кай исын зорало́ пибэ́н?”: 5соб (кай) ёнэ тэ на матён, и соб (кай) ёнэ тэ на бистрэн пал зако́но, и соб (кай) ёнэ тэ на рискирэ́н чачипэ́н одолэ́ндыр, савэ́н притасавэ́на. 6Дэ зорало́ пибэ́н кодолэ́скэ, кон исын хасибны́тко, и мол кодолэ́скэ, савэ́скэ исын кирко пэ ило́: 7мэк ёв тэ пьел, и тэ бистрэл пал пэ́скиро чорорипэн, мэк ёв тэ на рипирэл буты́р пал пэ́скири бари би́да. 8Ра́кир пал манушэ́ндэ, савэ́ на ракирэ́на, и пал рэ́ндо одолэнгиро, савэ́н мэкнэ́. 9Ра́кир пал одолэ́ндэ, савэ́н притасавэ́на, и пал богэ́ндэ; сэндякир лэн пир чачипэ́н и рисёв кэ лэ́нгиро чачипэ́н.
Лачхи́ Джувлы́
10Кон латхэ́ла бидошэнгирья (лачхэ́-илыткона) джувля́? Ла́киро кучипэ́н исын дрогэдыр рубинэндыр. 11Ла́кирэ-ромэскиро ило́ явэ́ла тэ патял дрэ ла́тэ би дара́киро; и лэ́стэ на явэ́ла наухтылыбэн (на́доси) ни дро со. 12Ёй кэрэ́ла лачхипэ́н лэ́скэ, а на биба́хт, дрэ ла́кирэ джиибна́скирэ сарэ́ дывэса́. 13Ёй родэ́ла [дорэсэ́ла-р.с.] пошом (шэрсь) и ґандладо (лёно), и ёй кэрэ́ла буты́ илэ́стыр пэ́скирэ вастэ́нца. 14Ёй исын сы́рбы тылгарискирэ па́рмы (корабли): ёй янэ́ла пэ́скиро хабэ́н дурипнастыр. 15И ёй уштэ́ла, ке́ли ишчо (инкэ́) рат исын, и ёй дэ́ла тэ хан пэ́скирэ кхэратунэнгэ, и дывэсы́тко буты́ пэ́скирэ дынарицэнгэ. 16Ёй думинэ́ла пал фэ́лда и кинэла ла; ёй меркинэла тэ кинэл винагра́днико пал ко́фо, со яндлэ́ ла́кирэ васта́. 17Ла́тэ исын бари зор, и ёй пхарэ́с кэрэ́ла буты́ вастэ́нца. 18Ёй ґалёла анги́л, со ла́киро рэ́ндо исын лачхо́, и со ла́киро момолы́тко на мурдёла раты́. 19Ёй протырдэла васта́ кэ прялка (катлы́), и ла́кирэ васта́ рикирэ́на кхувитко рота. 20Ёй подэла пэ́скиро васт чорорэнгэ, и ёй тырдэла пэ́скирэ васта́ кэ бо́ги. 21Ёй на дарэ́ла ивэстыр пал пэ́скири сэмя (ири), пал-дова́ со сари́ ла́кири сэмя уриды дрэ таты и́дя. 22Ёй кэрэ́ла пэ́скэ цэрги пэ чхуибэ́н; ёй урьелапэ дро куч тхан (матер΄яло) и дро пурпуро. 23Ла́кирэ ромэс джинэ́на пашы́л форитко по́рта, ке́ли ёв исын бэшто́ машки́р годэпхурэндэ пэ доя́ пхув. 24Ёй кэрэ́ла цэрги (покрывалы) и бикнэла лэн, и ёй дорэсэ́ла барэ́ кустыка тылгарьенгэ (купцэнгэ) Финикиякирэнгэ. 25Ёй сы́рбы исын уриды дро зоралыпэ́н и паты́в; ёй радынэ́лапэ дывэсэ́стыр, со явэ́ла анги́л. 26Ёй ракирэ́ла годэс, и ла́кири чиб дэ́ла лачхо́ годыпэ́н. 27Ёй дыкхэ́ла пал пэ́скири сэмя (ири), и ёй на ха́ла маро́, со ёй на закэрдя. 28Ла́кирэ чхавэ́ шарэна и бахталякирэна ла; адя́кэ-паць и ла́киро ром, кон шарэла ла. 29Бут джувля́ кэрэ́на адя́кэ, нэ ту сан фэды́р сарэ́ндыр. 30Гожыма хохавэла и шукарипэ́н исын пэ мэнта (минута), нэ джувля́, сави́ дарэ́ла Ра́стыр-Дэвлэ́стыр, явэ́на тэ шарэ́н. 31Дэн ла́кэ дова́, со ёй исын мол пал ла́кирэ васта́; и мэк ла́кирэ бутя́ тэ шарэ́н ла пашы́л по́рта (вра́ты)!
Currently Selected:
Притчы 31: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
Притчы 31
31
1Крали́скирэ-Лемуилоскирэ лава́. Упхэныбэ́н, савэ́са лэ́скири дай сыклякирдя́ лэс: 2Со, мро чха́ва? Со чха́ва, саво́ сан мирэ́ лочовя́тыр? Со чхаво́, мирэ́ совлахатыр? 3На отдэ́ сарэ́са тыри́ зор джувленгэ, ци на отдэ́ пэс одолэ́скэ, со хасякирдя́ кралье́н. 4Дава́ исын на ваш кральенгэ, о Лемуило, дава́ исын на ваш кральенгэ тэ пьен мол, ци тхэмэ́скирэ барыдырэ́нгэ тэ пхучэ́н: “Кай исын зорало́ пибэ́н?”: 5соб (кай) ёнэ тэ на матён, и соб (кай) ёнэ тэ на бистрэн пал зако́но, и соб (кай) ёнэ тэ на рискирэ́н чачипэ́н одолэ́ндыр, савэ́н притасавэ́на. 6Дэ зорало́ пибэ́н кодолэ́скэ, кон исын хасибны́тко, и мол кодолэ́скэ, савэ́скэ исын кирко пэ ило́: 7мэк ёв тэ пьел, и тэ бистрэл пал пэ́скиро чорорипэн, мэк ёв тэ на рипирэл буты́р пал пэ́скири бари би́да. 8Ра́кир пал манушэ́ндэ, савэ́ на ракирэ́на, и пал рэ́ндо одолэнгиро, савэ́н мэкнэ́. 9Ра́кир пал одолэ́ндэ, савэ́н притасавэ́на, и пал богэ́ндэ; сэндякир лэн пир чачипэ́н и рисёв кэ лэ́нгиро чачипэ́н.
Лачхи́ Джувлы́
10Кон латхэ́ла бидошэнгирья (лачхэ́-илыткона) джувля́? Ла́киро кучипэ́н исын дрогэдыр рубинэндыр. 11Ла́кирэ-ромэскиро ило́ явэ́ла тэ патял дрэ ла́тэ би дара́киро; и лэ́стэ на явэ́ла наухтылыбэн (на́доси) ни дро со. 12Ёй кэрэ́ла лачхипэ́н лэ́скэ, а на биба́хт, дрэ ла́кирэ джиибна́скирэ сарэ́ дывэса́. 13Ёй родэ́ла [дорэсэ́ла-р.с.] пошом (шэрсь) и ґандладо (лёно), и ёй кэрэ́ла буты́ илэ́стыр пэ́скирэ вастэ́нца. 14Ёй исын сы́рбы тылгарискирэ па́рмы (корабли): ёй янэ́ла пэ́скиро хабэ́н дурипнастыр. 15И ёй уштэ́ла, ке́ли ишчо (инкэ́) рат исын, и ёй дэ́ла тэ хан пэ́скирэ кхэратунэнгэ, и дывэсы́тко буты́ пэ́скирэ дынарицэнгэ. 16Ёй думинэ́ла пал фэ́лда и кинэла ла; ёй меркинэла тэ кинэл винагра́днико пал ко́фо, со яндлэ́ ла́кирэ васта́. 17Ла́тэ исын бари зор, и ёй пхарэ́с кэрэ́ла буты́ вастэ́нца. 18Ёй ґалёла анги́л, со ла́киро рэ́ндо исын лачхо́, и со ла́киро момолы́тко на мурдёла раты́. 19Ёй протырдэла васта́ кэ прялка (катлы́), и ла́кирэ васта́ рикирэ́на кхувитко рота. 20Ёй подэла пэ́скиро васт чорорэнгэ, и ёй тырдэла пэ́скирэ васта́ кэ бо́ги. 21Ёй на дарэ́ла ивэстыр пал пэ́скири сэмя (ири), пал-дова́ со сари́ ла́кири сэмя уриды дрэ таты и́дя. 22Ёй кэрэ́ла пэ́скэ цэрги пэ чхуибэ́н; ёй урьелапэ дро куч тхан (матер΄яло) и дро пурпуро. 23Ла́кирэ ромэс джинэ́на пашы́л форитко по́рта, ке́ли ёв исын бэшто́ машки́р годэпхурэндэ пэ доя́ пхув. 24Ёй кэрэ́ла цэрги (покрывалы) и бикнэла лэн, и ёй дорэсэ́ла барэ́ кустыка тылгарьенгэ (купцэнгэ) Финикиякирэнгэ. 25Ёй сы́рбы исын уриды дро зоралыпэ́н и паты́в; ёй радынэ́лапэ дывэсэ́стыр, со явэ́ла анги́л. 26Ёй ракирэ́ла годэс, и ла́кири чиб дэ́ла лачхо́ годыпэ́н. 27Ёй дыкхэ́ла пал пэ́скири сэмя (ири), и ёй на ха́ла маро́, со ёй на закэрдя. 28Ла́кирэ чхавэ́ шарэна и бахталякирэна ла; адя́кэ-паць и ла́киро ром, кон шарэла ла. 29Бут джувля́ кэрэ́на адя́кэ, нэ ту сан фэды́р сарэ́ндыр. 30Гожыма хохавэла и шукарипэ́н исын пэ мэнта (минута), нэ джувля́, сави́ дарэ́ла Ра́стыр-Дэвлэ́стыр, явэ́на тэ шарэ́н. 31Дэн ла́кэ дова́, со ёй исын мол пал ла́кирэ васта́; и мэк ла́кирэ бутя́ тэ шарэ́н ла пашы́л по́рта (вра́ты)!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission